2. 1. Saria
EZINEAN IHESEAN JOANAK
Gazteak kanpora egin behar
Ze motibazio? Ze helburu?
esku hutsik, atzerrira ihesean.
Amaieran argirik ikusten ez baduzu.
Alemania, Txile edo Norvegia
Familia hautsiak, agian betiko
berdin du norabidea.
proiektu berriak etxetik urrun
Hemen falta den zerbaiten bila
momentu latzak ditugu biziko
ahora eramateko zerbaiten bila
begirada galduak aurpegiak zurrun.
eskubide duinen bila
hau da errealitate zurbila.
Gerra garaian bezala
usoekin batera iparraldera
Inteligentzia galbidera, “fuga de cerebros “delakoa
Hau da hau panorama penagarria
nora ez dakizun hori.
Garai gogorrak
Ez dugu zer eginik
esperantza urriak
Su bizia bihotzean
Egunen baten kontatzeko
orain arte biziak.
Idazlea: Ibon Goikoetxea
BATX. 2 B
3. 2. Saria
Oraina, iragana eta geroa
Gaur egungo egoera
zaila da benetan
kanpokoa okertuz gero
kalera joan behar esketan
Espainiar gobernua
luzaro ibili da tranpetan
orain krisian gaude
dirua? Suitzako bankuetan,
lotsagabe horiek
egon behar lukete
euskaldun aunitz dagoen espetxeetan.
Etorkizuneko gazteek dute
benetan egoera zaila
kanpora joan nahi ezean
hemen eman beharko dute maila.
Politikarien erruz
hizkuntzetan eman behar kaña
aurrerantzean ere
izango dute
disfrutatzeko garaia
baina betirako iraungo die
politikarien kalaña.
Kanpora joateko ere
daude arazo pila
diruduna ez bazara
jainkoak benedika nadila
erasmusik gabe
bertan gera dadila
zaharrek ikasi gutxi
baina behintzat lanean abilak.
Langabezian daude
hamarka, ehunka, mila
etorkizunean suertea izan
baina ez ahaztu herrimina
kanpo diruak soilik
hobetuko duelako
daukagun egoera gordina.
Idazlea: Aitor Hernandez
BATX 2 A
4. 3. Saria
AMORE EMATEA EZ DA AUKERA
Egunero noraezean goazenak
egindakoaren arrazoia bilatzean
topo egiten dugu errealitatearekin.
Ez dakit zure urtebetetzera agertuko naizen
ezta besteen azken agurrera.
Faltan botako ditut Euskal Herriko koloreak
portutik ikusten dugun itsaso urdina
azoketan dastatutako zaporeak
negu egunetan hezurretaraino sartzen zaigun hotza
gauza asko dira faltan botako ditudanak.
Ene burua hemen usten dudala sentitzen dut
hau delako nire babeslekua.
Libre izateko nahia daukagu
dependentziaren besoetatik ihesi goaz.
Esperoan egotea da geure aukera
preso egotea gustuko badaukagu.
Dena aurrera doa, gu ezik.
Gizartea artalde bezala doa
aurrez esandako bidetik.
Gure ahotsa indartsua da hau gelditzeko
desobedientziaren bidetik joateko
gure herrian egotea eskubidea aldarritzeko
baliogarriak izateko euskaldun bezala
bizi garen lekuan gure sustraiak hazteko
amore ematea ez delako gure aukera.
Idazlea: Olatz Ruiz
BATX 2 D