Proceso inicio cambio do nome do centro

1. INICIO DO PROCESO PARA O CAMBIO DE NOME DO CPI “CONDE DE FENOSA”
A Dirección e o equipo de Dinamización Lingüística formarán unha Comisión para levar a cabo o “Proceso do
cambio do nome do centro escolar” destinado actualizar o nome e a imaxe representativa do centro vinculándoa á
realidade sociocultural na que se atopa.
Para iso, convocamos un concurso de ideas coas seguintes BASES:
• O nome deberá identificar ao colexio dun modo fácil, actual e próximo, que presente unha nova imaxe do
centro moderna, ilusionante, inspiradora e acorde á nosa contorna.
• Poderán participar todos os membros da comunidade educativa, a nivel individual ou colectivo.
• Cada participante argumentará o nome elixido, o que ademais permitirá profundizar no devandito nome para
utilizalo como recurso educativo. Terá especial relevancia os nomes de toponimias, ou os relativos a algo
identificativo coa xeografía, historia, cultura, ... de Ares así como a xustificación da proposta.
• Opcionalmente poderase achegar tamén unha imaxe adicional alusiva ao nome suxerido. Aceptaranse un
máximo de 2 participacións por persoa.
• Para participar no concurso será necesario encher o formulario adxunto ás bases, cos datos persoais e de
contacto do participante e o nome xustificado que este propón para o CPI e entregalo por calquera dos
seguintes medios:
• Enviaranse ao correo electrónico: dinamización@cpiares.com
• Introduciranse na caixa atopada na mesa diante da conserxería.
• O concurso ao abeiro desta convocatoria, realizarase de acordo coa vixente normativa ortográfica e
morfolóxica do idioma galego fixada pola Real Academia Galega o 12 de Xullo de 2003, tal e como se
establece na disposición adicional dá Lei 3/1983, do 15 de xuño de normalización lingüística (DOG nº 84, do
14 de xullo). Así mesmo, coidarán o respecto á toponimia.
• O prazo para a presentación das propostas iniciarase o día 15 de febreiro e a participación estará aberta ata o
día 29 de febreiro ambos incluídos.
• A comisión resérvase o dereito a alargar a duración deste prazo si por calquera causa xustificada así fose
necesario.
• A Comisión reunirase o 2 de marzo e seleccionará tres de entre todos os nomes propostos, publicaranse o día
3 de marzo nos taboleiros e na páxina web do centro, os nomes elixidos e os seus autores así como as
instrucións da votación.
• O luns, 14 de marzo, levarase a cabo a votación por parte da comunidade educativa do nome.
• A continuación levarase ao Consello Escolar do centro para ser aprobado, previa certificación por parte do
Concello da conformidade co cambio.
• O resultado do escrutinio, despois de ser aprobado polo Consello Escolar, e unha vez enviado á Xefatura
Territorial e aprobado pola Consellería de Educación; será o novo nome do centro e será publicado na web e
nos taboleiros de anuncios do centro.
• Este novo nome quedará en propiedade exclusiva e permanente do Centro Escolar, que terá total liberdade
para utilizalo ou para modificalo no momento e a forma que considere oportuno.
• A participación no concurso implica a aceptación destas bases
• A partir do nome se procederá á realización dun Concurso aberto a todo o alumnado para obter o LOGOTIPO
do centro contando coa participación da ANPA.