1. PRESENTACIÓN
Somos unha asociación de pais e nais do C.P.I. de Vedra, que formamos parte
da comunidade educativa, expoñendo os nosos puntos de vista e
colaborando co noso colexio para que os intereses educativos dos nosos
fillos/as poidan mellorar. O nome da asociación é “ ANPA A BOCA C.P.I DE
VEDRA” e está formada por unha xunta directiva que, de acordo cos
Estatutos, debe contar cun representante por cada unha das parroquias que
achegan nenos ao Colexio. Tratamos de facer un traballo solidario e
comprometido coa comunidade educativa, no que todos debemos participar.
Por iso, dámosche a benvida a este novo curso que comeza, e te animamos a
PARTICIPAR NA ANPA.
Fai moitos anos xa que a ANPA está a facer cousas polo colexio e creemos
que ano a ano se vai mellorando,contando coa implicación da Dirección e do
profesorado do Centro e o traballo de todos dentro do Consello Escolar.
Dende a ANPA, facemos o seguinte:
- Nas etapas de final de curso, colaboramos e organizamos os festivais que
se celebran, onde lles facemos entrega das orlas gratuítas aos de 4º da ESO,
sempre que se haxan feito socios/as.
- Durante o curso, ofrecemos varias actividades extraescolares para todos os
nenos/as. Os socios/as teñen un importante desconto nos prezos desas
actividades.
- Neste curso, que xa está rematando, fixemos un seguro escolar de
accidentes para todo o alumnado. Trátase dun seguro especialmente
interesante para os ciclos de infantil, primaria e 1º e 2º da ESO xa que a Lei
establece que, en caso de accidente, só estarían cubertos pola Tarxeta
Sanitaria dos pais/nais. Creemos que se fixo por un prezo moi axeitado para
os socios/as da ANPA, aínda que esperamos mellorar nas condicións sempre
que atopemos un apoio máis grande entre o conxunto de pais e nais.
No vindeiro curso implementaremos novos proxectos que incidan na
calidade educativa do Centro. Así que, invitámosvos a todos, e moi
especialmente aos que vos incorporades este ano ao Colexio, a que
participes e colaboredes connosco.
Calquera dúbida que vos poida xurdir estaremos encantados de atendela no
653748039, ou ben a través do noso correo electrónico:
anpacpivedra@gmail.com. Tamén dispomos dun blog, onde poderás
consultar todo aquilo relacionado coa ANPA e a nosa comunidade educativa:
anpacpivedra.blogspot.com
Máis nada, esperamos a vosa participación para facer que o noso colexio
continúe mellorando.
A DIRECTIVA DA ANPA A BOCA DO C.P.I DE VEDRA ENVÍAVOS UN CORDIAL
SAÚDO DE BENVIDA