2. Mga Likas na Yaman ng Asya
Ang likas na yaman ay tumutukoy sa mahahalagang kayamanan ng mga anyong lupa at
anyong tubig. Ang mga ito ay binubuo ng mga hilaw na materyales na nagmumula sa likas na
kapaligiran ng isang bansa. Kadalasan, ang likas na yamang ito ang nagtatakda ng kalagayan ng
isang bansa sa pandaigdigang ekonomiya.
Mayroong mga bansa o rehiyong sagana sa likas na yaman ngunit mayroon din naming salat sa
mga ito.
Marami man o kakaunti ang likas na yaman, kinakailangan ang masinop at responsableng
pagpapaunlad nito upang maitaguyod ng isang bansa ang kabuhayan ng mga mamamayan
nito pati na ang kalagayang pang-ekonomiya nito.
3. Ang Likas na Yaman ng Timog Asya
Sa Timog Asya, India lamang ang biniyayaan ng humigit kumulang na 54% ng lupa na maaring
bungkalin. Kaya’t lupa ang itinuturing na na pinakamalagang likas na yaman nito. Ang kapatagan
ng ganges ay isa sa mga pinakamatabang rehiyon sa India dahil sa alluvial soil. Ang alluvial soil ay
mataba at pinong lupa na diniposito o tinambak sa lambak at bukana ng ilog matapos ang
pagbaha o pag-apaw ng ilog. Samantalang maliit lamang ang matabang lupa sa Afghanistan,
Bangladesh, Maldives, Nepal, Pakistan, at Sri Lanka na tanging 30% lamang ng pangkalahatang
lupa ang binubungkal.
Sa matatabang lupa nagtatanim ng barley, mais, palay, trigo, oilseed, jute, kape, patatas, kamote,
bulak, kasuy, at ibang sangkap na pampalasa tulad ng chili, cinnamon, pepper, at cloves. Samantala,
tanyag ang Afghanistan sa pagtatanim ng opyo bagamat ipinagbabawal ng pamahalaan. Ang
alagang hayop ng Afghanistan ay tupang karakul at sa Bangladesh ay baka. Nahuhuli mula sa
Indian Ocean ang palos , tuna, dilis, at hipon. Ang mga dagat ay nagtataglay ng iba’t ibang uri ng
shellfish at isda tulad ng mackerel at salmon.
4. Ang Likas na Yaman ng Silangang Asya
Ang yamang lupa ng Silangang Asya ay matatagpuan sa mga talampas, kapatagan, bundok,
lupaing praire sa Mongolia, mga lambak tulad ng daluyan ng Yangtze River, Mongolian steppe,
at iba pang mga lupang binubungkal. Sakop ng China ang 7% ng lupa sa buong mundo na
maaaring bungkalin. Ang pinakamahalagang pananim nito ay palay. Nangunguna ang China sa
buong daigdig sa produksyon ng palay. Ang mga ibang pananim ay trigo, mais, oats, at
kaoliang, isang uri ng sorghum at millet. Ang kaoliang ay ginagamit sa pagkain ng mga alagang
hayop at ginagawang alak.
Ilan sa mga pananim ng ibang bansa sa Silangang Asya ay sugar, beets, patatas, repolyo, mais,
soybean, bawang, red beans, at prutas tulad ng ubas, peras, at peach. Ang mga hayop na
katulong sa hanapbuhay ay, kalabaw, kamelyo, kabayo, buriko, at yak. Ang dagat China ay
mayaman sa pagkaing dagat tulad ng flounder, cod, tuna, cuttlefish, sea crab, at prawn. Ang
mga ilog ay hitik sa carp, sturgeon, at hito.
5. Ang Likas na Yaman ng Kanlurang Asya
Malawak ang deposito ng petrolyo at natural gas na matatagpuan sa timog-kanluran at sa
paligid ng Persian Gulf. Ang natural gas ng Iran ang pangalawang pinakamalaking reserba sa
buong daigdig. Tinatayang ang Iran ay may 10% na reserba ng petrolyo sa buong daigdig.
Pinakamalaking tagapagluwas ng petrolyo ay Saudi Arabia.
Ilan sa mga pananim sa rehiyon ay dates, kamatis, sibuyas, melon, trigo, barley, tabako, ubas,
tsaa, mais, hazel nut, at mga prutas. Sa bundok ng Lebanon ang pinakatanyag na puno sa bansa,
ang cedar. Sa Saudi Arabia, ang pinakamalaking lupang binubungkal ay sa oasis sa silangan kung
saan ang itinatanim ay dates. Ang ibang lupain ay ginagamit na pastulan ng tupa, baka, at
kambing.
6. Ang Likas na Yaman ng Timog
SilangangAsya
Malaking bahagi ng Myanmar at Brunei ay kagubatan. Sa 84% na kagubatan ng Brunei naninirahan ang
iba’t ibang uri ng unggoy, ibon, at reptile. Matatagpuan sa kagubatan ng Myanmar ang pinakamaraming
puno ng teak sa buong mundo. Iba pang mahalagang puno ang goma, cinchona, acacia, niyog, at bunga.
Sa kagubatan ng Pilipinas makikita ang pinkamaraming uri ng palm at matigas na kahoy tulad ng apitong,
yakal, lauan, kamagong, ipil, pulang narra, mayapis, at iba pa.
May iba’t ibang pananim ang rehiyon tulad ng palm oil, sesame, bulak, trigo, mani, soybean, niyog, cacao,
kape, abaka, at mga prutas. Ang Pilipinas ay nangunguna sa daigdig sa produksyon ng langis ng niyog at
kopra. Matatagpuan sa Puilipinas ang tamaraw, sagana rin ang bansa sa iba’t ibang uri ng reptilya. Malaki
ang mga depositing natural gas sa Indonesia, karamihan ay nasa silangang baybayin dagat ng Sumatra at
sa Kalimantan. Ang mahigit sa 80% ng langis mula sa Timog Silangang Asya ay nanggagaling sa Indonesia,
ditto rin nanggagaling ang mahigit sa 35% ng liquefied gas buong daigdig. Ito rin ang pangunahing
mineral ng Malaysia habang tanso naman sa Pilipinas.
7. Likas na Yaman ng Hilagang Asya
Sa mga lambak-ilog at mga mababang burol ng mga bundok nagtatanim ang mga Taga-
hilagang Asya ng palay, trigo, bulak, gulay, tabako, sugar beets, sibuyas, ubas, at mansanas.
Ang Uzbekistan ay isa sa pinakamalaking tagaluwas ng cotton seed sa buong daigdig. Ang
produksyon ng pagkaing butyl ay nakatuon sa pagtatanim ng trigo, palay, ay barley. Ang mga
hayop tulad ng baka at tupa ay inaalagaan at pinararami.
8. Ang Ecosystem ng Asya
Ang ecosystem ay tumutukoy sa nagaganap na ugnayan sa pagitan ng mga may buhay at walang
buhay na mga organismo. Ito ay may kinalaman sa ugnayan ng mga katangian pisikal, kemikal,
biyolohikal, mga enerhiyang tulad ng tubig, lupa, at mga organismo.
9. Cross-border na Polusyon
Ang polusyon ay tumutukoy sa pagdumi o kontaminasyon ng hangin, tubig, at lupain bunga ng
labis na paggamit at pagtatapon ng mga bagay na nakalalason sa kapaligiran. Ang polusyon ng
hangin, tubig, at lupain sa Asya ay nangyayarai sa mga rehiyong laganap ang industriyalisasyon at
nagtataglay ng malaking populasyon.
Ang Cross-border na polusyon ay tumutukoy sa kontaminasyong nagmumula sa isang bansa na
nagdudulot ng pinsala sa kapaligiran ng ibang bansa.
10. Climate Change at Global Warming
Sinisira ng global warming ang ozone layer ng daigdig. Ang pagkasira nito ay nauuwi sa
pagpasok ng ultraviolet rays mula sa sinag ng araw sa loob ng daigdig. Ang labis na pagtaas ng
temperatura sa panahon ng tag-init at higit na paghaba o pag-igsi ng panahon ng tag-ulan ay
nagiging sanhi ng pagkakasakit, paglala ng mga sakit, o paglaganap ng mga nakahahawang sakit
sa iba’t ibang bahagi ng kontinente.
11. Sustainable Developement
Ito ay tumutukoy sa matinding pananagutan sa maingat na paggamit ng kapaligiran
upang matugunan ang kasalukuyang pangangailangan nang hindi isinusuko ang
kakayahang matugunan ang pangangailangan ng mga sumusunod pang henerasyon