1. CELEBRACIÓN DA SAME 2016
Un ano máis o CPI Virxe da Cela quixo sumarse á proposta da SAME (Semana de Acción
Mundial pola Educación), que nesta ocasión ten o lema "A educación protéxenos". Despois
dun traballo de reflexión nas aulas para concienciar ao alumnado de todos aqueles elementos
que a educación nos facilita e aporta, fixemos unha acción conxunta (venres 29 de abril de
2016) na que participou todo o centro. Todos os nenos e nenas da nosa escola tiveron á súa
disposición unha pequena tarxeta co lema da SAME e un espazo para cumprimentar cun
debuxo, frase, idea, etc. Un pequeno xesto que quedou pendurado baixo un ceo de paraugas,
para simbolizar esa protección que a educación nos ofrece. Esperamos que as nosas accións,
sumadas ás de milleiros de escolares do mundo enteiro, axuden a ir creando un sistema que
garanta unha educación universal e de calidade a todos os nenos e nenas do mundo.