1. CRÓNICA DE ANA ELIA (4º E.S.O)
O luns día 30 de novembro, fun invitada pola fundación Entreculturas ó
colexio de Bergondo a presentar o noso proxecto Monfero solidario. Intentei
expoñer aos rapaces e rapazas do centro as cousas que facemos no noso colexio ;
como comezamos co proxecto solidario, que actividades realizamos durante o curso
pasado e as que vamos facer neste.
Creo que aos rapaces de Bergondo lles pareceron ben as actividades aínda
que eles non se vían moi convencidos de poder facelas. A eles parecíalles que a
xente do seu centro non era moi solidaria.Lonxe disto eu creo que é todo o
contrario, sen ir máis lonxe cando no noso centro propuxemos ditas actividades
todo o centro, pais, nais, alumnos e profesores colaboraron na realización das
mesmas e a participación foi espectacular. Só hai que ter ganas e vontade para
facer as cousas.
Tamén comentaban que eran moi poucos para programar as actividades e
levalas a cabo pero a verdade e que no noso colexio ao principio tampouco había
moita xente colaborando, sen embargo agora somos moitísimos máis, practicamente
todo o centro.
Por iso vos animo a que comecedes a traballar, con ilusión e ganas, e veredes
que isto e como unha bola de neve, a medida que vai rodando vaise facendo máis
grande, e como di o noso lema: “Moita xente pequena, en moitos lugares pequenos,
facendo cousas pequenas cambiará a faz da Terra”.
Bueno a experiencia de ir a expoñer as nosas actividades a outro colexio
pareceume moi ben e espero que a miña testemuña lles servira para animalos a que
se unan a Rede de Xóvenes Solidarios e para que sexan solidarios no seu colexio
facendo todo o que poidan. Espero velos en algún encontro de Entreculturas e
poder falar e compartir experiencias con eles.