1. CHARLA SOBRE “A CADEIRA VERMELLA” DE ENTRECULTURAS
Crónica de Antonio González López (4º ESO)
De novo, mantendo firme o noso compromiso solidario e a colaboración con
diferentes ONGD, recibimos a Sandra e Xosé Luís, da ONG Entreculturas, coa que
traballamos desde o noso centro dende os comezos de Monferosolidario e da longa
labor solidaria que desenvolvemos ata hoxe e que mantemos vixente. Foi unha grata
visita de presentación. Pese á pouca preparación pola nosa parte, foron contentos, xa
que nos informaron sobre o encontro da rede de xoves de Entreculturas, que tiña lugar
este sábado 10 de novembro e cuxa crónica achegan as asistentes. Informáronnos,
asemade, da grande labor deste inicio de curso: “La silla roja”, ou “A cadeira
vermella”, que trata de aborda-lo problema da non escolarización dos 61.000.000
(sesenta e un millóns) de nenos e nenas que neste ano académico non teñen acceso ás
aulas nin á educación, e que deberán sufrilas consecuencias do futuro que lles espera
coa carencia dos coñecementos básicos que todos nós temos. Naturalmente, o noso
centro participará nesta actividade.
Selamos, deste xeito, as nosas relacións un ano máis con esta organización.
Destacaban Sandra e Xosé Luís que xa tiñan unha boa relación de amizade coas nosas
profesoras, o que mellora a labor de Monferosolidario e o noso grao de implicación. A
visita foi o pasado mércores 31 de outubro.
REVISTA XESTEIRA 2012/13
Antonio González – 11/11/12