40 aniversario do cpi virxe da cela alba rodríguez
1. O día 16 de xuño de 2016 foi un día moi especial para a comunidade educativa
do noso centro, posto que celebramos o 40 aniversario do CPI Virxe da Cela, o noso
colexio.
A celebración empezou no salón de actos, que contaba cunha pancarta
homenaxeadora e unha mesa que presidía a sala, na que se sentaron todas as
autoridades convidadadas. A primeira intervención foi a da nosa directora, Mª del
Camino Pereira. Ela foi a encargada de presentar a todas as autoridades e deulle a
palabra ao primeiro director do centro, que estivo encantado de participar neste
homenaxe. Seguidamente interviñeron o representante do Concello de Monfero, o
Xefe Territorial de Educación, e por último, o Presidente da APA do CPI Virxe da
Cela.
Rematada esta primeira parte, na mesa sentáronse: o representate dos
alumnos do colexio, Sergio García; unha antiga profesora, Mercedes Cachaza; e dous
exalumnos, Antonio e Catuxa. O representante dos alumnos presentou aos
convidados, dos cales comezou a falar en primeiro lugar, Mercedes Cachaza, que
lembrou como era o antigo colexio e deixou algunha que outra anécdota. De seguido
falou Catuxa, unha exalumna que exerce a abogacía, que lembrou a súa etapa escolar
moi emocionada. Finalmente Antonio González, un exalumno que estuda Historia,
ensinou un traballo sobre o cole e fixo mostra da súa sabedoría nomeando tres citas
en latín.
Como última parte deste homenaxe no salón de actos, vimos uns vídeos con
fotos de recordo destes 40 anos de historia. Posteriormente todos os convidados,
alumnos e profesores desfrutaron de pinchos no patio cuberto, falaron largo e tendido
e realizaron moitas fotos. Por suposto este día non podía quedar sen as tradicionais
fotos de recordo; e para iso todos posamos para o profesor Manuel, o encargado de
realizalas.
A guinda do pastel, como se dí comunmente, protagonizáronna os alumnos e
alumnas de 3º da ESO, entre as que me encontro, os/as cales convidaron a bailar a
todos ao son da canción “Trip the Light”. Con este baile, deuse por rematado este día
festivo no noso centro.
UN DIA QUE QUEDARA PARA A HISTORIA
Para min foi moi especial vivir este homenaxe, xa que non se cumpren 40 anos
de historia todos os días. Pareceronme moi interesantes as palabras de emoción
dalgúns convidados, que recordaban con cariño ao colexio, aos profesores e aos
alumnos e alumnas. Foi moi bonito ver a antigos profesores, como Carolina (infantil)
ou o profesor Carlos (inglés primaria). Esperemos que dentro de dez anos, o colexio
celebre as súas vodas de ouro e volva festexar cos seus antigos alumnos e
profesores ese día.
Espero que todos desfrutárades do día, moitas grazas a todos (sobretodo por
acompañarnos no baile…).
Alba Rodríguez Purriños (3º ESO)