2. Намар Энэ ууланд гарах дуртай болоод байгаа. Өгсөхөд эгц өндөргүй.Налуухан явж байгаад орой дээр нь гарчихдаг юм. Бас аялагч хүн цөөхөн байдаг нь таалагддаг. Ертөнц эхэлж буй мэт дорнын улаан намар.

3. Та бүхэндээ айлчлан ирж буй шинэ оны мэнд дэвшүүлж хамгийн сайн сайхан, амжилт бүхнийг хүсэн ерөөе. Монгол эх орон минь улам мандан бадрах болтугай.

4. Хаврыг их хүлээлээ. Залхтал орсон их цастай хамт өвлийн дүнсгэр өдрүүд бас хайлж байх шиг. Эелдэг урьхан амьсгал ариуханаар үнэртээд Эрт эдүүгээг бодогдуулан, нуугдсан сэтгэлийг сэргээнэ гэж хаврыг байгалийн өнгө хүний сэтгэлтэй хослуулан гоё хэлжээ манай Нацаг. Ирж буй цагийн нар далайнд усанд эрхлэх нь нүд гялбам үзэсгэлэн юмаа.Далайн цэнгэг салхийг цээж дүүрэн залгилж зогсохдоо бараан хэдэн шувуу усны мандалд хөвж явахыг харлаа. Ангир юм уу нугас юм уу мэдэхгүй ээ. Нэг,хоёр,гурав,тав гээд тоолсон чинь арван хоёулаа байсан, тэд. Шувууд ар араасаа жагсаж зөөлхөн намбалагхан хөвсөөр хажуугаар өнгөрч гүүрний тийш холдон одов.