Work done at O&M Action

1. Ape Xtra- Nukkad Natak
Ram walks in with a replica of keys of the Xtra Ape in hand singing- Pehla pehla pyar hai, pehli pehli baar
hai, jaan ke bhi anjaana, kaisa mera yaar hai?
His friend Shyam walks in and calls- Ram, Ram kahan jaa rahe ho?
Ram- Ghar jaa raha hoon yaar, biwi intezaar kar rahi hogi aur aangan main baithi ga rahi hogi- Suhani
sham dhal chuki, naa jaane tum kab aaoge.
Shyam- Tuh bada kismet wala hai yaar joh tujhe aisi biwi mili.
Ram- Haan yaar, lekin tere ko kya hua hai, yeh kali kali aankhen, murjhaya hua sa chehra, dhili dhali
chaal, aisa lagta hai kahin se pit kar aaya hai.
Shyam- Wohi rooz ki kahaani hai yaar, gaadi main kutch na kutch lafda laga rehta hai, party se jhak jhak,
kum trip, upper se ghar jaao to khit pit. Main toh pareshaan hoh gaya hoon. Sochta hoon sab kutch chod
ke kahin bhag jaaon.
Ram- Issi liye mere dost kehta hoon naya zamana hai, nayi sooch hai, nayi technology hai aur nayi Ape
Xtra hai. Gaadi ekdum mast hai. Khareed le saari chintayen duur hoh jayegi, phir tuh aur teri biwi bhi
hamari tarah khush ho kar gaane gaana.
Shyam- Chod yaar koi bhi gaadi le loh, wohi ghisi piti body. Kabhi idhar se leak toh kabhi udhar dent pad
jaaye. Rooz thik karao, main kya kamaon saara munafa toh repair main nikal jaata hai.
Ram- Tabhi toh keh raha hoon Ape Xtra le-le. Usme extra strong body ka platform hai joh uski majbooti
ko badata hai aur uski body jyaada din tak bani rehti hai.phir teri kamayi badh jaayegi aur rooj rooj
repair nahin karwana padega. Gaadi ki body dekh kar din bhar biwi ki yaad taaza rahegi.
Shyam- Zyada romantic mat ban, yeh gaadiyan mileage itna kum deti hain ki joh bhada milta hai usme
munafa barabar nahin hota, toh kya kamao kya khaon.
Ram- Tujhe patah nahin Ape Xtra apne jaisi har gaadi se jyada mileage deti hai. Isse la aur barabar
munafa kama. Aur rooz raat ko ghar jaate waqt baacho ke liye chocolate aur biwi ke liye gajra le jaya
karna.
Shyam- Tuh bhi naa yaar aur kutch nahin toh kabhi kabhi gear box ka lafda laga rehta hai.
Ram- Mere dost Ape Xtra main bahut damdaar gear box laga hua hai. Isse extra power milta hai aur
gaadi mast makkhan ki tarah chalti hai. Jaise biwi ke chikne gaal hoon.
Shyam- Aacha aur clutch plate ka kya?
Ram- Kya yaar kab samjhega tuh, badiya gaadi hai toh clutch plate bhi aacha aur lambe samay tak chalne
wala hoga naa. Zyaada chalega toh maintenance ka kharcha kum hoga naa. Kharcha kum hoga toh kabhi
kabhi biwi ke liye nayi sari khareedega ki nahin, batah?

2. Shyam- yeh kya biwi ke peeche lattu ho rakha hai, usne kaala jaadu kar diya kya tere upar. Engine oil
kitna mehenga hai pata hai naa?
Ram- Iss liye Ape ne special ‘Ape Life’ oil banaya hai. Dus hazaar km tak aaram se chalega toh tera
maintenance cost aadha ho jaayega. Toh huyi na bachat. Chal biwi ko chod issi bahane hamen party
sharty deh dena.
Shyam- Kya keh raha hai yaar, majak mat kar, main pehle se hi bahut pareshaan hoon. Ape Xtra main itni
saari khubiyan hain, sach main?
Ram- Haan mere dost, Ape Xtra ke jyada mileage, jyada load lene ki shamta aur kum maintenance cost ki
wajah se munafa bahut zyada hhota hai. Zyada maal ek baar main leh jaao toh party khush, extra power
se gaadi aaram se tez chalti hai aur hum zyada trip maar sakte hain. Zyada trip toh extra income, ab
zyada income toh biwi bachhe khush, sab khush toh hum bhi khush. Kyon hai na fayeda ka sauda. Xtra
chalao, Xtra kamao. Aur mere dost extra chaudi seat hai, dil kare toh biwi ko bhi saath main gode main
baitha kar chalao. Samjhe mere dost, toh der kis baat ki hai, turant Ape dealer ke paas jao aur kist main
naya, apne man pasand ke colour ka, Ape Xtra laao. Xtra chalao, Xtra kamao.
Ape Xtra Main Program Emcee Script
Emcee Introduction- Bhaiyo aur behno aapko _____ ka pyar bhara namaskar. Main taheh dil se aap
sabka is shivir main swagat karta hoon. Duniya ki behtarin gaadiya banane wali ek Company Piaggio ki
commercial gaadiyo ki range Ape khas aapke liye laayen hai Ape Xtra. Xtra lao, Xtra chalao, Xtra kamao.
Lekin usske bare main vistaar se batane ke pehle aap mujhe batayen ki yahan kitne log shaadi shuda
hain aur kitne log kunware hain. Acchha toh aap kunware hain, bhai hum kunware hain toh kya hua hum
dilwale hain. Chalo (haste hue) ab hamare dukhi bhaiyo yaani shadi shuda aur sabhi ke liye aaj hum
aapko khush rahne ka upay batate hain. Lekin uske pehle aapke manoranjan ke liye pesh hai ek shandar
natak. Tab tak jo log Ape Xtra test drive karna chahte hain who apna naam likhwayen aur bari bari se
test drive karen. Aur baki sab deken natak.
After the skit- Wah-wah kya badiya natak pesh kiya hai. Bhai Ram aur Shyam ke liye zara taaliyan toh
bajayiye. Toh dekha na aapne Ape Xtra chalane se aapki saari pareshaaniyan kaise duur ho jayengi, aur
aapki tarrakki din doguni raat choguni badh jayegi. Chaliye program ko aage badate hain. Aap log ek
game khelna chahenge. Jo jitega use ek shaandar prize bhi milega. Pehle aapko iske niyam bata deten
hain… Jinka test drive ka number aa gaya who kripya test drive ke liye jayen.
After BCT- Dekha naa bhaiyo aur beheno ki agar aapki goti Ape ke box main aati hai toh aapko aagey
badney ke liye ek aur chance milta hai. Thik aise hi life main aagey badne ke liye Xtra lao, Xtra chalao,
Xtra kamao. Aapka inaam thodi der main aapko milega. Lekin use pehle _____ aapko Ape Xtra gaadiyo
ke bare main vistaar se batayenge. Uske baad hum aap se sawal jawab karenge. Jo sahi jawab dega usko
ek shandaar inam milega. Jinka test drive ka number aa gaya who kripya test drive ke liye jayen.

3. After the Gyan- Dhanyavad ______. Toh chaliye janab ab hamare kutch prashno ka utar de kar inam
jeetne ke liye taiyaar hain aap. Quiz ( details provided seperately). Jinka test drive ka number aa gaya
who kripya test drive ke liye jayen.
After the Quiz- Ab aap logon ko agar kissi baat ki safai ya jaankari chahyiye toh aap bindaas humse puch
sakte hai. Uske baad aapko aapka inam milega. Jinka test drive ka number aa gaya who kripya test drive
ke liye jayen.
After the FAQ’s- Toh doston ab main ek ek karke naam announce karoonga aur aap aage aa kar apna
inam le sakte hain. Jinka test drive ka number aa gaya who kripya test drive ke liye jayen.
After Gifts Vote of thanks- Jaane se pehle doston main duniya ki ek behtarin gaadiya banane wali
Company Piaggio aur uski Ape Xtra range ki taraf se aap sabka shukriya ada karta hoon. Aap aayey, apna
kimti samay hamme diya aur hum umeed karte hain ki humne aapka manoranjan kiya aur saath hi saath
aapko sabse jaroori baat, aapko din doguni raat choguni tarrakki ka upay bataya jisse aapko bahut
fayeda hoga. Toh der kis baat ki hai, turant apne Ape Xtra dealer ke paas jaao aur apne man pasand ke
colour ka Ape Xtra lao, Xtra chalao, Xtra kamao.
Ape Xtra Van Announcement Script
O Suno Suno faayede ki baat suno, har koi suno, bade bhi suno, chote bhi suno, mote bhi suno, duble
bhi suno, mard bhi suno, aurat bhi suno, Dubeyji bhi suno, Choubeyji bhi suno, yani har koi suno, main
baat pate ki karta hoon, aapke faayede ki baat karta hoon. Ab bhala kaun apni kamai ko badane ke bare
main nahin sochta hai? Kyun thik kaha naa maine? Agar hum aapko kahen- Xtra lao, Xtra chalao, Xtra
kamao, toh aap puchenge kaise bhai? Agar aap yeh jaanna chahte hai ki kaise aaram aur chain ki zindagi
jiyen, taki aapke biwi, bacche aur pura parivar khush rahe aur aap din doguni raat choguni tarrakki
karen, toh aayiye hamare shivir main _____ baje _____ jageh. Hum aapko tarrakki ke upay batayenge.
Khas aapke liye pesh hai Ape Xtra- Xtra lao, Xtra chalao, Xtra kamao.
ICICI Lombard Sumo Announcement Script
Bhaiyo aur Bhehno iss saal kum baarish hone ki wajah se fasal ko kitna nuksan hua tha. Aur aap yeh bhi
jaante hai ki chahe aachaa beej boiyen, sahi dawai daalen aur khet ki puri tarah se suraksha karneh ke
bawajud, adhik ya kum sardi ya garmi padne se bhi fasal ka nuksan hota hai. Ab aise andekhe, anjaan
haadso se apni fasal ki kamai ko surakshit karna hai toh aayiye hum aapko iska upay batayenge. Taki
mausam ke prakop se aapki mehnat ki kamai par koi fark na pade. Adhik jaankari ke liye _______ baje
_______ par aayen aur ICICI Lombard General Insurance Co. Ltd. Ke Mausam Beema Yojna ka labh
utahyen.

4. ICICI Lombard Main Program Emcee Script
Emcee Introduction- ICICI Lombard General Insurance Co. Ltd. Ki taraf se main aap sabka hardik swagat
karta hoon. Bharat sarkar ke sahyog se humne aapko chhain ki neend sone ki tarkeeb bataane ki liye
yahan bulaaya hai. Din bhar mehnat karne ke baad, aachaa se aachaa beej bone ke baad, badiya se
badiya daawai daalne ke baad aur khet khaliyan ki jaanwaroon se suraksha karne ke baad bhi agar
mausam ki kharabi ki wajah se fasal kharab ho aur humaari kamai puri na hoh toh kaise chalega. Jiss par
apna bas nahi, uss unhoni ghatna se kamai ko bachane ke liye humne khas aapke liye Mausam Beema
yojna banayi hai. Dhire dhire hum aapko iski saari jaankari denge. Aachaa pehle aap humme batayen ki
life main aapne kaun kaun se sahi chunav kiye hain jaise kya aapne sahi motorcycle khareedi hai,kya
aapne sahi vote daala hai ya aapne apni jeevan main sahi biwi ka chunav kiya hai. ( Hasten hueh) Chalo
bhaiyo bahut hoh gayi masti ab kheten hain hamara ek game sahi chun aur dekhte hain aapke sahi
chunne ki kabiliyat sirf ek minute main. Iss game ke dwara hamare vibbhin tarah ke suraksha ke upay
taaza ho jaayenge. Joh bhi sabse pehle aur kum samay main isko pura karega usko ek shandaar inam
milega. Toh aayiye main aapko game khelne ke rules samjha doon.
After BCT- Toh kyun aapko ab samaj main aaya ki sahi suraksha ka chunav karna kitna jaroori
hai.Humare saath ye pyara sa game khelne ke liye bahut bahut dhanyavad. Aapka inaam thodi der main
aapko milega. Ab aapke manoranjan ke liye pesh hai ek behtarin naatak- Pyarelal aur Nyarelal.
After the skit- Toh doston aapne dekha ki saare intezaam ke bawajud bhi, agar aapne Mausam Beema
Yojna nahin karwaya toh, aapko nuksan uthana pad sakta hai.Toh aayiye ab humare mitra _______
aapko Mausam Beema Yojna ke bare main vistaar se batayenge. Dhyan se sunyiyega, kyunki phir hum iss
yojna ke barre main aapse sawal jawab karenge, aur jo sahi jawab dega ussko inam milega.
After the Gyan- Dhanyavad ______. Toh chaliye janab ab hamare kutch prashno ka utar de kar inam
jeetne ke liye taiyaar hain aap. Quiz ( details to be provided later follows).
After the Quiz- Ab aap logon ko agar kissi baat ki safai ya jaankari chahyiye toh aap bindaas humse puch
sakte hai. Uske baad aapko aapka inam milega.
After the FAQ’s- Toh doston ab main ek ek karke naam announce karoonga aur aap aage aa kar apna
inam le sakte hain.
After Gifts Vote of thanks- Aakhir main doston ICICI Lombard General Insurance Co. Ltd. Ki taraf se main
aap sabka shukragujar hoon ki aapne aapna keemti samay hamme diya. Aasha hai ki aapko hamari yojna
se bahut labh hoga aur ab aapki mehnat bekar nahin jaayegi kyunki Mausam Beema Yojna se aapka
bhavishya surakshit ho jayega. Toh jaldi se jaldi apne ICICI Insurance agent se sampark karen aur apna
aur apne saathiyon ka Mausam Beema Yojna karayen. Dhanyavad.
Ape Xtra Quiz
Q1- Duniya main ek behtarin gaadiya banane wali Company ka naam batayiye?
Answer- Piaggio.
Q2- Hum Piaggio ke kaun se model ki baat kar rahen hain?

5. Answer- Ape Xtra.
Q3- Ape Xtra sirf ek colour main milti hai. Sahi ya galat?
Answer- Galat.
Q4- Ape Xtra ki body bahut majboot hai. Sahi ya galat?
Answer- Sahi.
Q5- Ape Xtra doosri gaadiyo ke muquable zyaada mileage deti hai? Sahi ya galat?
Answer- Sahi.
Q6- Ape Xtra ka gearbox bahut powerful hai? Sahi ya galat?
Answer- Sahi.
Q7- Ape Xtra ka clutch plate bahut zyada chalta hai? Sahi ya galat?
Answer- Sahi.
Q8- Ape Xtra ne kaun sa special engine oil banwaya hai?
Answer-Ape Life.
Q9- Ape xtra ki seat zyada ____ hai?
Answer- Chaudi.
Q10- Xtra lao, Xtra ______, Xtra _____.
Answer- chalao, kamao
Q11- Kaun si gaadi sabse zyada mileage deti hai?
Answer- Ape Xtra.
Q12- Kis gaadi man sabse zyada load bhara jaa sakta hai?
Answer- Ape Xtra.