Araling Panlipunan 5 - 4th Quarter Topic 1

1. Sistema ng
Engkomyenda
(Encomienda)
Araling Panlipunan 5 – 4th QuarterTopic 2
Prepared by: Eddie San Z. Peñalosa

2. Nag – umpisa ang pag – aangkin ng mga
Espanyol sa mga lupain na kanilang sakop sa Asya at
Amerika nang maipasa ang katipunan ng mga batas ng
Espanya na tinatawag na Katipunan ng mga Batas ng
mga Kaharian ng Indias o Reconpilacion de Leyes de
Reynos de las Indias noong 1680 sa ilalim ni Haring
Carlos II.

3. Nakasaad dito na ang lahat ng mga pulo sa lupain
ng Pilipinas ay lupain ng kaharian ng Espanya. Ang mga
lupaing ito ay tinatawag a realengas. Bilang pagtalima
sa utos ng Hari ng Espanya at upang mapadali ang
pagsakop at pamamayapa sa kapuluan ng bansa,
ipinamahagi ng hari ang mga lupain nito sa mga
maimpluwensiyang Espanyol at mga opisyal ng
simbahan. Ito ang umpisa ng sistemang engkomyenda.

4. Pinairal ni Legazpi ang sistemang engkomyenda
(encomienda). Ito ay mula sa salitang Espanyol na
encomendar na nangangahulugang “pagkatiwala” o
“paghahabilin.” Ipinagkaloob ng Hari ng Espanya sa
kaniyang mga tagasunod ang engkomyenda o ang
pangangasiwa sa malalaking lupain kasama na ang
kapangyarihang mangolekta ng tributo at
magpatrabaho nang walang bayad sa mga katutubong
naninirahan sa isang pook,

5. kapalit ang tungkuling protektahan ang mga katutubo sa
pook, at palaganapin ang relihiyong Kristiyanismo. Una
itong ipinatupad sa Espanya noong 1503 at sa Pilipinas
noong 1572. Engkomendero (Encomendero) ang tawag
sa opisyal na binigyan ng malawak na lupain bilang
gantimpala sa kanilang paglilingkod sa Hari ng Espanya.

6. Uri ng Encomienda

7.  Encomienda de la Real Corona.
 Encomienda de Particulares.

8. Encomienda de la Real Corona
Ito ay tawag sa lupang ipinagkaloob ng hari sa
kaniyang sarili at sa ilang Gobernador – Heneral.
Madalas na matatagpuan ang lupang ito malapit sa mga
daungan at mayayamang lungsod sa Pilipinas. Hindi
maaaring ipagbili, ipamana, o ipahiram ng encomendero
ang lupaing ito.

9. Encomienda de Particulares
Ito ang pribadong lupain na ibinibigay sa
malalapit sa hari at sa iba pang opisyal. Madalas
nabibigyan ng mga libreng lupa ang ilang Pilipino dahil
tumulong sila sa pananakop ng mga Espanyol sa mga
katutubo. Ito ay hindi permanenteng pag – aari at
ibinabalik din sa hari o sa pamahalaan kapag namatay na
o iniwan ng encomendero o ng kaniyang tagapagmana.

10. Ang bawat encomienda ay kinatatayuan ng
tirahan ng 500 hanggang 20000 katutubo. Nagkakaroon
ng kita ang mga encomendero sa ibinabayad na salapi
ng mga katutubong sakop ng kaniyang encomienda. Ang
salaping ito ay kabayaran ng mga katutubo sa pagtatayo
nila ng tirahan at pagsasaka sa lupaing sakop ng
encomienda.

11. Salamat sa
Pagsubaybay