BIBLIOTECA
CEIP. VALLE – INCLÁN
DIA MUNDIAL POLA PAZ, 29 de xaneiro de 2010.
ALGUNHAS SUXESTIÓNS PARA TRABALLAR CON LIBROS DA
NOSA BIBLIOTECA
E. INFANTIL E 1º CICLO
- A guerra dos números. Juan Darién. OQO Editora.
- Dinosaurio Belisario. Pepe Cáccamo / Carles Arbat. Kalandraka.
- 10 soldados. Gilles Rapaport. Edelvives.
- El príncipe de los enredos. Roberto Aliaga / Roger Olmos.
Edelvives.
2º CICLO
- El enemigo. Davide Cali / Serge Bloch. SM
- El oso con la espada. Davide Cali / Gianluca Foli. Barbara Fiore
Editora.
- Pimpín e dona Gata. Fina Casalderrey / Manuel Uhía.
- Los elefantes nunca olvidan. Anuska Ravishankar / Ch. Pieper.
Thule.
- A galiña azul. Carlos Casares. Galaxia.
- Paco y Ávaro se pelean. René Escudié / Ulises Wensel.
Edelvives.
3º CICLO
- Números pares, impares e idiotas. Juanjo Millás / Forges. SM.

BIBLIOTECA
CEIP. VALLE – INCLÁN
ALGUNHAS SUXESTIÓNS PARA TRABALLAR COS LIBROS
Estes libros permanecerán na biblioteca nos caixóns vermellos sinalados co letreiro libros
reservados para actividades. Os nenos/as non os poden levar en préstamo, son para traballar con
eles nas aulas. Os profesores/as que os utilicen deben reintegralos áos caixóns despois da sesión.
A GUERRA DOS NÚMEROS
Juan Darién. OQO Editora.
Resumo: O tema deste libro é a guerra, e os protagonistas son os números. A orixe da guerra é a
envexa que sente o número 1 porque é moi pequeno. Axudado polo signo – (O rei Menos), invade o
país e, restando, restando, converte en ceros a todos os números. Cando só quedan ceros, estes son
convertidos en esclavos e obrigados a traballar para o Rei Menos. Un día un cero rebelouse, pero non o
puideron castigar porque xa era o número máis pequeno e o signo menos non lle podía facer ningún
mal. Entón todos os ceros rebeláronse, e destruiron as armas; decidiron que querían vivir en paz e
expulsaron o Rei Menos daquelas terras. A paz retornou ó país e os números volveron medrar en paz.
Un día, un 1 e un 0 enamoráronse, e da súa unión naceu un número novo e maior que os outros : O
DEZ.
Recomendacións de lectura: Este libro pode lerse en todos os ciclos. Ten posibilidade de distintos
niveis de lectura. Unha mellor comprensión pódese acadar con aqueles nenos e nenas que xa coñecen o
mecanismo da resta e que saben o que significa o signo menos. Cos alumnos/as dos niveis superiores
pódese presentar como unha fábula sobre o tema da guerra.
A reflexión que se pode facer é : ¿Atopamos algunha similitude entre os números e os seres humanos?
¿Que sentemento é o que desencadea a guerra?
¿Quen se aproveita da envexa que senten os uns?
¿Cal é o resultado da guerra para todos os números? ¿Que lles ocorre nesa situación?
¿Quen se beneficia dos resultados da guerra?
¿Cal é a función dos uns? ¿Parécenos xusto?
¿Como se resolve a situación de inxustiza?
¿Que consecuencias trae a paz para os que antes foran inimigos?
Proposta de actividade: Os números viven en paz.. Dotar de “personalidade” aos números,
debuxándoos do 0 ao 9 con algúns trazos que lles dean apariencia antropomórfica : ollos, pelo, boca,
brazos e pernas, algún adorno (ver a páxina final do libro). Facer “parellas” como a que figura nesta
páxina. (Para os máis pequenos pódense dar o números xa feitos e que eles lles engadan os trazos para
humanizalos)

BIBLIOTECA
CEIP. VALLE – INCLÁN
O NACEMENTO DO DRAGÓN
Wang Fei / Marie Sellier / Catherine Louis. Faktoría K de Libros.
Resumo: A historia sitúase na antiga China e conta o nacemento do dragón como símbolo da paz,
unindo na súa figura a todos os animais que veneraban as distintas tribos: a serpe, o cabalo, o peixe, o
búfalo e o paxaro.
Trátase dunha fábula que explica por que en Asia o dragón simboliza a cultura chinesa e tamén a paz e
a convivencia entre os pobos.
O texto é bilingüe: galego-chinés mandarín.
Recomendacións de lectura: A partir dos cinco anos, este libro pode ser de interese para todas as
idades xa que admite distintos niveis de lectura. A súa brevidade permite que sexa lido e comentado nunha
única sesión.
Sixestións para traballar con este libro.
- Antes da lectura pódese falar do dragón e tamén do que é unha lenda (tratar de explicar a orixe de algo
por medio dun conto): Existen realmente os dragóns? Onde aparecen os dragóns? Son bos os malos?
Coñecedes algún conto ou historia que fale de dragóns? Como é un dragón? Parécese a algún animal
que coñecemos? O dragón ten escamas e por iso parécese a...................... O dragón ten cornos e por iso
parécese a ........................... O dragón pode voar e por iso parécese a ...............
- Sabedes o que son os espiritos protectores?
- Despois da lectura: Alguén viu algunha vez (na tele ou no cine) a celebración do Aninovo chinés.?
Alguén viu un gran dragón nestas celebraciones?
Recordamos os espíritus protectores das distintas tribos. Por que cada un dos pobos elixíu
precisamente ese espíritu protector? Que fixeron os nenos chineses para facerlle a guerra á guerra? En
que se parece o dragón a cada un dos animais protectores?
Para acadar a paz e a boa convivencia as tribos da antiga china procuraron poñerse de acordo e
buscar algo que os representase a todos, a isto chámamoslle “negociar”. Podemos negociar tamén entre
nós cando temos algún problema? En que consiste negociar? Podemos poñer algún exemplo? Por que
pensades que quedaron contentas as distintas tribos chinesas? Cando existe un conflicto, como pensades
que se pode chegar a un acordo? Tiveron que renunciar a algo as tribos chinesas? Poderiamos nós facer
igual, “negociar”, cando xorde un conflicto (na casa, no colexio, cos amigos/as...?
Suxestión de traballo: Debuxar un dragón mesturando as características dos animais que o
inspiraron: o corpo de serpe, a cabeza do cabalo, as escamas do peixe, os cornos do búfalo, as patas do
paxaro.

BIBLIOTECA
CEIP. VALLE – INCLÁN
Pensar entre todos/as unha situación na que dúas ou máis persoas teñan un conflicto de intereses.
Debatir cal podería ser o acordo ó que poderían chegar de maneira que todos se sentisen ben
tratados e ninguén o tomase como unha imposición. Escribir sobre isto un pequeno relato inspirado
no conto que acabamos de ler.

BIBLIOTECA
CEIP. VALLE – INCLÁN
EL ENEMIGO
Davide Cali / Serge Bloch. Edit. SM Lectura recomendada para 2º e 3º Ciclos.
Comentario: Trátase dun alegato contra a guerra. O libro consta dun breve texto apoiado en
expresivas e sinxelas ilustracións sobre fondo branco. Antes de empezar a historia sitúasenos no contexto:
“É a guerra, vese algo; podería ser un deserto no que hai dous buratos, e en cada burato, un soldado, son
inimigos”.
A historia está narrada por un destes soldados, só no seu burato, vixiando día e noite ó inimigo e
protexéndose del. Na súa soidade reflexiona sobre o inimigo, nas cousas que sabe que teñen en común: a
fame e a soidade , e nas outras moitas cousas que os diferencian. El non coñece ao inimigo, pero ten un
manual onde di que se trata dunha besta salvaxe, sen piedade, capaz das maiores atrocidades. A vida é moi
dura no seu burato e chega a pensar que todos se teñen esquecido del, desexa rematar dunha vez,
abandonar a guerra, pero non se atreve por medo a que o inimigo o mate. Unha noite de chuvia decide saír
do burato o primeiro día que non haxa lúa. Esa noite, ponse o seu traxe de camuflaxe e sae do burato, vai
arrastrándose cara a onde está o inimigo e non ve nada, unicamente un león que marcha sen facerlle caso
(É interesante analizar a ilustración que representa este león para descubrir de que se trata realmente).
Cando chega ao outro burato atopa que alí non hai ninguén, só están as cousas persoais do inimigo, as
mesmas cousas que ten el no seu burato, mesmo hai fotos da súa familia e ningún sinal do monstro que lle
dixeron que era. O que máis lle sorprende é atopar un manual idéntico ao seu no que se di que el é a besta
desalmada. Entón comprende que todo o que di o manual é unha mentira. Cando sae o sol, o inimigo
aínda non volveu, e o soldado comprende que debe estar no seu burato sorprendéndose tamén el das cousas
que atopa. Agora os dous soldados saben un do outro, saben o cansados que están e os desexos que teñen
de que remate a guerra. O soldado espera que o inimigo tome a iniciativa pero, finalmente, canso de
esperar, decide lanzarlle unha mensaxe de paz metida dentro dunha botella. A última páxina do libro ten
dobre lectura, textual e de imaxe: por un lado lemos a frase do soldado: “Oxalá a botella chegue ata o seu
burato”, e por outro, vemos a ilustración na que dúas botellas, unha saíndo de cada burato, se cruzan na
súa traxectoria.
Comentario: Como vemos, a tese do libro é que os que se benefician da guerra tentan sementar
o odio entre os que combaten. E este odio baséase no descoñecemento, na mentira de presentar ao outro
como o inimigo, un ser cheo de maldade e moi diferente.
A proposta para traballar con este libro consiste, precisamente, en falar deste tema despois
de ler a historia. Por exemplo: ¿Quen son os interesados en manter a guerra? ¿Onde están? ¿Qué saben os
inimigos un do outro? ¿De onde proceden esas ideas? ¿Quen as difundiu e con que finalidade? ¿De que se
sorprende o soldado cando chega ó burato do inimigo? ¿Onde está o inimigo e que estará facendo?, ¿Cómo
remata a historia?

BIBLIOTECA
CEIP. VALLE – INCLÁN
Suxestión de actividade: Pensar entre todos e narrar a continuación da historia.

BIBLIOTECA
CEIP. VALLE – INCLÁN
EL OSO CON LA ESPADA
Davide Cali / Gianluca Foli.Barbara Fioare Editora.
Lectura recomendada para 1º e 2º Ciclos.
Resumen: Esta é a historia dun oso que andaba buscando inimigos para loitar con eles, pero
estaba moi equivocado.
Trátase dunha historia que presenta a típica estrutura repetitiva e acumulativa: Uns feitos
van sumándose a outros, producíndose no texto unha ladaíña cada vez máis longa.
Nesta ocasión o oso busca quen foi o culpable da destrución do seu fortín para partilo en
dous coa súa espada. Vai indagando duns animais a outros, e eles decláranse inocentes, culpando a
outros do incidente: Os castores acusan ao babirusa (cocho salvaxe parecido ao xabaril), o babirusa
ao raposo, o raposo aos paxaros, e os paxaros a alguén que se dedicou a talar as árbores do bosque
… Isto é verdade e o oso comprende que non pode partir en dous a ninguén porque el mesmo foi
quen tallou as árbores para comprobar o poder da súa espada. Entón comprende o seu erro e trata
de reparalo portándose ben cos animais aos que prexudicou.
Suxestións: Sobre o conto: Falamos da historia: ¿Para que quería o oso unha espada? ¿Qué
fai con ela? ¿Por qué se enfada tanto? ¿Por qué acusa aos castores? ¿Son culpables os castores?
¿Por qué fuxiron os castores? ¿Sería xusto castigar aos castores? ¿É culpable o babirusa?, ¿Sería
xusto castigar ao babirusa?, etc… Finalmente, ¿quen era o culpable? ¿Sería xusto castigar ao oso?,
¿Qué fai o oso para reparar o seu mal comportamento?
Sobre nós mesmos: Cando acusamos os outros estamos sendo agresivos con eles, como o
oso coa súa espada. Pero o oso comprendeu o seu error porque escoitou as razóns que uns e outros
lle deron. Case sempre as persoas teñen as súas razóns e é necesario escoitalas. ¿Pasounos algo
parecido algunha vez? ¿No colexio? ¿Na casa? ¿Algunha vez algún compañeiro/a ou amigo/a, ou
mesmo unha persoa maior, enfadouse con nós sen ter razón? ¿ Que pasou? ¿Cales eran as nosas
razóns? Se algunha vez somos inxustos con alguén, ¿Qué podemos facer para reparar o mal
comportamento?
Suxestión de actividades: Facer unha representación teatral da historia.

BIBLIOTECA
CEIP. VALLE – INCLÁN
LOS CONEJOS
John Marsden / Shaun Tan. Barbara Fiore Editora.
Lectura recomendada para o 3º Ciclo.
Resumen e comentario: Trátase dun cómic no que se representa unha fábula moral,
protagonizada por dúas especies animais: os coellos e os armadillos. Pretende ser un alegato
contra a colonización. Concretamente, refírese á colonización de Australia por parte dos
ingleses, pero pode ser aplicable a calquera outra historia de colonización.
Está narrada en primeira persoa por un dos indíxenas, un armadillo, que conta como chegaron os
primeiros coellos (os colonizadores) e como, pouco a pouco, foron impoñendo as súas normas,
os seus costumes, a súa lei, impoñendo a súa superioridade… E como foron destruíndo o estilo
de vida anterior e votando fóra, mesmo violentamente, aos primeiros poboadores.
As imaxes, moi suxestivas e simbólicas, son obra do ilustrador Shaun Tan, de quen temos outros
libros na biblioteca como “Emigrantes” e “La cosa perdida”.
Suxestións: Este libro é un excelente punto de arranque para falar cos nenos/as do que é a
colonización, como unha das grandes violencias históricas duns pobos contra outros. ¿Qué
países foron colonizadores? ¿Qué países foron colonizados? O libro “Los conejos” refírese á
colonización de Australia.¿Sabedes quen vivía en Australia antes de que chegaran os europeos?
Segundo se nos conta no libro, ¿Qué supuxo para os pobos aboríxenes a chegada dos
colonizadores? ¿Por qué non se defenderon?
Suxestión de actividade: Buscar en Internet datos sobre a colonización dalgún país,
concretamente podería facerse sobre Haití que está tristemente de actualidade.
Outra posibilidade: No libro dise: “Nos robaron a nuestros hijos”. Podería investigarse que hai
de certo nesta frase (O actual goberno australiano recoñece e pide publicamente perdón por ter
roubado nenos aboríxenes que foron violentamente separados das súas familias)

BIBLIOTECA
CEIP. VALLE – INCLÁN
AVALANCHA EL TERRIBLE
Taï-Marc le Thanh / Élodie Nouhen. Edit. Edelvives.
Lectura recomendada para Infantil e 1º Ciclo.
Resumo e comentario: O asunto que se desenvolve nesta historia é que a amabilidade e as boas
maneiras son moito máis eficaces que a violencia para acadar amigos e respeto.
Avalancha consegue o nome de “Terrible” impoñendo a súa vontade de maneira violenta: empeza
comendo o seu propio cabalo cando non lle obedece á primeira. Por todas partes que va dá mostras da
súa violencia e así consegue a sumisión dos que lle teñen medo. A súa fama acrecéntase e decide
aproveitala asustando a todo o mundo e formando un exercito terrible co que se dedica á conquista de
todos os pobos e cidades polos que va pasando. Ninguén se resiste a Avalancha e o seu feroz exécito.
Ata que chegan a unha cidade amurallada e no alto dunha almea aparece unha moza que é todo o
contrario de Avalancha, delicada e fráxil. A moza empeza a cantar e o corazón dos feroces soldados
énchese de amor. Por primeira vez séntense débiles e vulnerables ante a dozura e a gracia da moza.
Así, todos os soldados deciden abandonar o exército de Avalancha. A Avalancha non lle queda máis
remedio que dar media volta e regresar ó seu país. Polo camiño de regreso séntese moito máis lixeiro, e
pensando no que aprendera da moza decide deixar de ser guerreiro para converterse en cantor e acadar
así o cariño e a amistade de todos que xa non lle chamarán Avalancha o Terrible, senón outras cousas
como Avalancha o Magnífico ou Avalancha o Soñador...
Para falar na clase: Algunhas veces hai nenos /as que se comportan como Avalancha: son abusóns.
¿Coñecemos algún abusón? ¿que fan os abusóns? ¿temos medo dos abusóns? Pero estes abusóns corren
un perigo moi serio... ¿Recordades que lle pasou a Avalancha cos soldados do seu exército? ¿Por que o
deixaron so? ¿Como nos gusta a nós que sexan os nosos amigos? ¿Con que persoas nos sentimos máis
a gusto? Etc. ¿Cal é entón o recurso máis valioso? ¿Que lles pode pasar aos abusóns?
Suxestións de actividades: Podemos debuxar a Avalancha “antes” e “despois”, e poñerlle nomes:
“Avalncha O Terrible”, “Avalancha O...........”

BIBLIOTECA
CEIP. VALLE – INCLÁN
DINOSAURIO BELISARIO
Pepe Cáccamo / Carles Arbat. Edit Kalandraka.
Lectura recomendada para Infantil e Primeiro Ciclo
Resumo e comentarios: O tema deste libro trata sobre como os violentos e abusóns poden asustar
a moita xente pero finalmente acaban sós porque ninguén os quere. Outra idea presente é que hai que
xuntarse par apoder vencer aos poderosos.
É unha historia escrita en forma versificada.
Belisario era grande, usaba uniforme e gustáballe mandar, tiña moi mal carácter e portábase de forma
violenta, sempre estaba guerreando e era o terror de todos. Todo o mundo lle fuxía e ninguén quería xogar
con el a nada. Como non tiña con quen xogar decidíu prohibir todos os xogos. E seguíu facendo todo o mal
que puido.
Ata que os nenos se rebelaron e empezaron a berrar todos xuntos. Como por arte de maxia, Belisario
perdeu o seu uniforme e quedou espido. Entón agochouse nun armario e alí segue, el só sen ter ninguén en
quen mandar.
Para falar na clase: Para que usaba Belisario o uniforme? ¿Que quere dicir que era un mandón?
¿Portábase ben? ¿Con quen andaba á guerra? ¿Cal era o problema que tiña Belisario? ¿Por que ninguén
quería xogar con el? ¿Que fixo entón? Belisario era un abusón e fixo moitos cousas malas, ¿Recordades
que lles fixo aos paxaros?, ¿E aos peixes,? ¿E aos gatos? ................................ ¿Que fixeron entón os
nenos? ¿Por que se xuntaron tantos nenos? ¿Como acabou Belisario? ¿Por que non sae do armario?
Proposta de actividade: Completar e escribir os pareados:
Belisario era o terror E aquel que non obedeza
de todo o mundo ........................ pode perder a ..........................
Pero acabou solitario Pero a esta situación
agochado nun ............................ hai que darlle ........................
Belisario é grande, enorme, Os nenos, máis dun millón,
e sempre leva .............................. van en .....................................
Gústalle moito mandar E mandan a Belisario
e con todos .................................. para dentro dun .......................
Ninguén quere estar con el Alí vive dende entón,
porque é malvado e ...................... por guerreiro e ................................