1. MANIFESTO: QUE NOS PEDIRÍA UN
NENO OU UNHA NENA CON AUTISMO?
1- Penso en imaxes, as palabras poden ser como aire para min.
2- Sabedes que? Que me custa un montón manter a atención! Pero se vos poñedes á
miña altura e me dades un pouco de tempo seguro que vos fago caso.
3- Se me organizades o mundo e me dicides o que vai pasar antes de que pase estarei
máis tranquilo. Podedes facerme un horario con imaxes para axudarme.
4- Non vos poñades nerviosos comigo porque eu tamén me poño nervioso. Respetade o
meu ritmo.
5- Non me faledes demasiado, nin demasiado rápido. Se queredes que faga moitas
cousas decídemo pouco a pouco, por pasos, ao final conseguireino, xa o veredes!
6- Ás veces necesito que me escribades as normas, tamén podedes usar imaxes.
7- Como a todos os nenos e aos maiores, a min tamén me gusta facer as cousas ben,
aínda que ás veces non o consiga. Faime saber cando o fago ben, dame unha recompensa:
pode ser un bico, un abrazo, un caramelo, unha pegatina….
8- Sabes que? Cando teño demasiados fallos sucédeme o que a ti: enfádome e termino
por non querer facelo. Non me gusta non saber facer as cousas.
9- Temos que negociar os meus rituais para convivir. Por exemplo, ás veces, gústame dicir
frases sen sentido, balancearme na silla, rirme…. E como cando ti trabas nas uñas, ten
paciencia, non podo controlalo.
10- Entendo as cousas tal e como son, non entendo as bromas nen as pillerías, explícamas
de forma sinxela para que as vaia entendendo.
11- Ás veces gústame dicir frases que aprendo dos debuxos animados ou dos contos
porque iso axúdame a que me entendas. Pouco a pouco, se me ensinades, aprenderei a
cambiar estas frases por outras.
12- Ainda que non fale, non permitades que me aburra e esté sen facer nada, tratade de
darme cousas que teñan sentido para min, podo ter moito que dicir.
13- Cústame entender o que sinto e o que sintes, poñerme no lugar dos demais, axúdame
a entendelo.
14- As emocións (estar triste, contento, enfadado, aburrido…) son moi complicadas para
min. A min gústame facer amigos pero non sei como facelos. Axudádeme ao principio,
achegádevos, non me teñades medo!
2. 15- Tamén me gusta xogar, pero ás veces os meus xogos poden ser aburridos porque
sempre estou repetindo a mesma cousa, axudádeme a cambialos pouco a pouco.
16- Se algún día me enfado, non é contra ti. Se me enfado moito e tiro cousas, berro… ao
mellor é porque me é difícil atender ou facer algo do que me pides, non estou tratando de
facerche mal. Recordades que teño un problema de intencións? Non me atribúades as malas!
17- Ás veces fago cousas que vos parecen “raras” pero é a miña especial maneira de ver o
mundo.
18- Ainda que me gusta facer sempre máis ou menos o mesmo non fai falta que me pidas
sempre as mesmas cousas, Podedes e debedes ir introducindo cambios. O que teño autismo
son eu, non vos!
19- Gústame estar con vos e divertirme! Quérolle moito ao meu papá, á miña mamá, á
miña profe… como calquera outro neno.
20- Ninguén ten a culpa do que me pasa, teño unha forma de ser un pouco diferente pero
non peor. Por favor, aceptádeme e querédeme tal como son porque podo cambiar algo pero o
autismo, de momento, non ten cura. Recordade que é máis o compartimos que o que nos
separa.