1. Por unha pensión digna,
NON Á XUBILACIÓN
AOS 67 ANOS
Nos últimos tres anos, a economía mundial atravesou por unha recesión económica, produto da crise fi-
nanceira internacional que comezou en 2007 e que se foi trasladando á economía real coa chegada de ci-
fras negativas de produción.
A economía española pasa por unha situación moi delicada, marcada sobre todo pola elevada taxa de
desemprego (20% da poboación activa). Todo isto no marco dun tecido produtivo insuficiente, incapaz
de crear emprego e que manterá un saldo negativo na balanza de bens e servizos co exterior (2,2% do
PIB). Neste contexto, CCOO e UGT consideramos imprescindible un pacto global das forzas sociais e polí-
ticas para facer fronte aos retos que ten diante a economía española, con dous asuntos urxentes para tra-
tar: as pensións e a negociación colectiva.
A intención do Goberno de vincular o futuro do sistema público de pensións á saída da crise supón, ao
noso xuízo, un erro de vulto porque precipita e improvisa un debate e unhas solucións, non ao abeiro dos
verdadeiros retos que teñen as pensións públicas, senón en resposta á chantaxe dos mercados financei-
ros.
PeChes e AsemBleAs eN defeNsA de PeNsIóNs
dIGNAs
A intención do Goberno de atrasar ata os 67 anos a idade
legal de xubilación contou sempre coa radical oposición
dos sindicatos. A xuízo de UGT e CCOO, a prolongación
da idade de xubilación é unha medida inxusta e innece-
saria, que pon en risco o consenso social e político que
desde hai máis de quince anos viña acompañando as
sucesivas reformas do sistema público de pensións.
Os sindicatos somos os máis interesados en preservar
a viabilidade futura do sistema público de pensións.
son os traballadores e traballadoras os principais be-
neficiarios dunhas prestacións das que, coas súas
cotizacións durante toda a vida laboral, son mere-
centes. e son eles os que máis deben velar por man-
ter e mellorar os niveis de protección social no
futuro, ante os retos demográficos e financeiros
que se lle presentan ao sistema.
2. Por iso, tanto CCOO como UGT están dispostos a buscar alternativas e propostas que non pasen por
reducir ou eliminar dereitos actuais nin expectativas de dereitos das traballadoras e traballadores. Con este
fin, teiman en que, fronte á obsesión do Goberno por actuar única e exclusivamente sobre o gasto das
pensións, recortando substancialmente as prestacións, cómpre avanzar en tres escenarios alternativos que,
para o noso entender, axudarán a racionalizar o debate sobre as pensións e a garantir a súa viabilidade
futura:
•desvincular a reforma do sistema público de pensións da orixe e desenvolvemento da crise finan-
ceira e económica.
•Cómpre unha reforma equilibrada que preserve as características básicas do sistema, de repartición,
contributivo, redistributivo entre territorios e niveis de renda e, fundamentalmente, solidario. hai
que incrementar os ingresos, aumentando as bases de cotización máximas e mínimas, vinculadas
estas últimas ao crecemento do smI; incrementando as achegas públicas ao sistema e mellorando as
bases de cotización nos réximes especiais.
•mellorar as pensións implica actuar sobre o mercado de traballo e a creación de emprego, de mellor
calidade, con maior taxa de actividade feminina e menor taxa de desemprego xuvenil.
UGT e CCOO están dispostos a buscar alternativas e propostas que non dependan dun recorte inxustificado
dos dereitos e expectativas dos actuais e futuros pensionistas. Traballarán con decisión e firmeza para
sacar adiante as súas propostas na mesa de negociación.
Non o facer suporía o risco da debilitación e da insuficiencia da nosa protección social, e camiñar cara a
un sistema con maior peso dos sistemas de capitalización individual.
defenderemos con todas as nosas forzas a subsistencia e desenvolvemento do noso sistema público de
pensións fronte ao excesivo reforzo dos sistemas de capitalización individual, que deben limitarse a un
papel complementario.
Para defenderen estas iniciativas e trataren de reconducir as propostas do Goberno en materia de pensións,
como a do atraso obrigatorio e xeneralizado da idade de xubilación, o día 19 de xaneiro, delegados e de-
legadas de CCOO e UGT pecharanse nas sedes provinciais e comarcais do INss de todo o país, ademais
de celebraren asembleas nos centros de traballo.
A MOBILIZACIÓN
CONTINÚA
• CONTRA O ATRAsO dA IdAde de XUBIlACIóN AOs 67 ANOs!
• fAN fAlTA medIdAs PARA INCRemeNTAR Os INGResOs dO sIsTemA!
• POlA ReCUPeRACIóN dO POdeR AdQUIsITIVO dAs PeNsIóNs CONXelAdAs eN 2011!
• POR UNhA RefORmA PACTAdA dAs PeNsIóNs!