1. DOCUMENTO QUE A PLATAFORMA POLA DEFENSA E MELLORA DA
SANIDADE DE OURENSE FAI ENTREGA AO SR. PRESIDENTE DA
DEPUTACIÓN DE OURENSE COAS PROPOSTAS QUE, EN MATERIA
SANITARIA, CONSIDERAMOS DE CAPITAL IMPORTANCIA PARA A PROVINCIA :
A ninguén se lle escapa que nesta provincia a crise económica ten
características
semellantes ao que acontece noutras zonas de Galicia pero tamén é certo que aquí
danse unha serie de problemas que, nos son moi propios e que levan camiño de
cronificarse afectando, de xeito negativo, a toda a cidadanía, sen distinción de
ideoloxías, idades ou crenzas relixiosas.
A necesaria salvagarda do dereito básico de atención a saúde e dereito a unhas
prestacións sanitarias dignas é unha cuestión tan transversal que non hai
estamento
social que non se vexa afectado por estes temas e polo tanto, partindo desta
premisa,
xurde a necesidade de trasladarlle aos nosos representantes políticos estas
preocupacións para que as Institucións Provinciais fagan traslado delas aos
diferentes
orgaos das Administracións tanto Central como Autonómica para que busquen e dean
as
respostas que esta provincia en xustiza e equidade se merece.
Por todo elo facemos traslado a Presidencia da Deputación de Ourense de tres
temas, de
máxima urxencia, co desexo que se lle fagan chegar aos máximos responsables do
Goberno de Galicia:
.
TERREOS DE ANTIGUO HOSPITAL DE REHABILITACIÓN DE SAÚDE MENTAL DE
TOÉN
.
A provincia de Ourense ten unha situación demográfica de altisimo
envellecemento. A tendencia para os vindeiros decenios non vai a
modificarse. Precísanse infraestruturas sociosanitarias públicas. Precísanse
camas de media e longa estancia ademais doutros dispositivos de apoio. Os
terreos que ocupaba o antigo hospital de Toén ( preto dos 400.000 metros
cadrados) están en risco de perderse para o patrimonio público.
Consideramos que esta provincia non pode permitirse “o luxo“ de perder un
espazo que aínda que hoxendía non teña un destino planeado non é menos
certo que pode ser moi necesario nos próximos anos para cubrir moitas das
necesidades que en materia tanto sanitaria como sociosanitaria podan
xurdir na provincia. O custe da súa custodia non debe ser un argumento de
peso para que volvan a reverter nos seus antigos propietarios.
.
INFRAESTRUCTURAS SANITARIAS:
.
A realidade que vivimos a cidadanía de Ourense é a dunha falla dunhas
infraestruturas sanitarias dignas para a hospitalización de pacientes. O seu
deterioro é moi importante. Van varias lexislaturas que diferentes
presidentes da Xunta se comprometeron, con solucionar este problema. O
actual Presidente Sr. Feijoo propuxo un proxecto denominado Hospital 2050
que ten unha parte de financiamento con fondos europeos FEDER que non
virán para Ourense se denantes de Decembro non se licitan e inician as
obras.
2. .
A posibilidade de perder os fondos europeos pódese converter nunha triste
realidade e como vostede ben sabe non é o mesmo ter unha infraestrutura
sanitaria cunha boa dotación e con tecnoloxía punteira que non tela. Son
cuestións que inflúen tanto na calidade da asistencia como en que o
Hospital Universitario de Ourense sexa un lugar onde os profesionais tamén
traballen mellor e sexa un centro de referencia.
•
A esta infraestrutura temos que engadirlle os evidentes atrasos que levan as
licitacións e construcións de tres importantes centros de saúde como son o
do Couto, o do Vinteún e o de Valenzá/Barbadás.
•
Neste tema da construción e licitación de obras tamén miramos con
preocupación, polo tipo de ofertas que se fan, que as empresas de
Ourense, polo seu tamaño, teñan moi difícil o poder presentarse a estes
concursos. A obra pública polo seu volume e orzamentos tamén debería
verse como algo moi importante para revitalizar o tecido empresarial
dunha provincia como a nosa onde a debilidade e precariedade do mesmo é
evidente.
•
ORGANIZACIÓN DA ATENCIÓN A URXENCIA NA CIRURXÍA PEDIÁTRICA:
•
Estas semanas pasadas os veciños e veciñas de Ourense están vendo con
moitisima preocupación a solución que se lle ten dado por parte da
Xerencia de Xestión Integrada o Área de Ourense ao problema de falta de
cirurxiáns pediátricos no Hospital de Ourense.
•
As xentes que aquí vivimos preguntámonos: ¿porque non se actuou coa
suficiente previsión na necesidade de profesionais?, ¿porque se desmantela
un servizo que tiña uns ratios de eficacia e eficiencia contrastados e moito
mellores que outros da nosa Comunidade, en tempos de espera, resolución
de problemas, altas pos-cirúrxicas, etc e agora hai que trasladar nenos a un
Hospital que ten listas de espera?, ¿ porque se lle suprimen a Ourense zonas
de atención como Chantada e Monforte e se lle engaden a Vigo os nenos de
Ourense se no Hospital de Vigo están con demoras na atención?
•
Sabemos que a Deputación de xeito plenario tense pronunciado en contra
do que consideramos un desmantelamento dun Servizo Sanitario en Ourense
pero non só queremos que haxa pronunciamentos pedimos actuacións,
solicitamos a implicación activa dos responsables da Administración
Provincial na reversión dunha decisión, que consideramos moi errada para
os nenos e nenas desta provincia, para os pais e nais dos mesmos e para un
Hospital que perde unha parte importante do seu patrimonio profesional e
de servizos.
Asdo
PLATAFORMA POLA DEFENSA E MELLORA DA SANIDADE PÚBLICA DE OURENSE
En Ourense a 10 de Decembro do 2012.