PAU 2013

Proba de Acceso ás Ensinanzas
Universitarias oficiais de Grao 2013
 PARTICIPACIÓN NA PROBA
• Alumnos que estean en posición do Título de
Bacharelato LOE ou título equivalente.
• Realización da proba na universidade á que
estea adscrito o centro de educación
secundaria no que obtivera o Título de
Bacharelato.
• Os que obtivesen o Título de Bacharelato ou
equivalentes en convocatorias anteriores
poderán realizala na universidade á cal estea
adscrito o centro de educación secundaria máis
próximo ao seu lugar de residencia.
• Anulación das probas realizadas nun mesmo
curso en máis dunha universidade.

 ESTRUTURA DA PROBA DE ACCESO
• FASE XERAL
• FASE ESPECÍFICA
o Dúas convocatorias anuais: Ordinaria e Extraordinaria.
o Os estudantes poderán presentarse en sucesivas
convocatorias para mellorar a cualificación da fase xeral ou
de calquera das materias da fase específica. Tomarase en
consideración a cualificación obtida na nova convocatoria,
sempre que esta sexa superior á anterior.
o A superación da fase xeral terá validez indefinida.
o A cualificación das materias da Fase Específica terá validez
para o acceso á universidade durante dous cursos
académicos seguintes á súa superación.

 EXERCIOS
• O estudante realizará os exercicios da PAU
nos lugares que determine a CiUG.
• Poderase empregar, a súa elección, calquera
das linguas oficiais da CA de Galicia. Non
obstante, os exercicios correspondentes a
Lingua castelá e L., Lingua galega e L. e
Lingua estranxeira deberán realizarse nos
seus respectivos idiomas.

 FASE XERAL. Exercicios
Lingua Castelá e literatura
Lingua Galega e Literatura
Lingua Estranxeira (Alemán, Francés, Inglés, Italiano ou Portugués)
Historia de España ou Historia da Filosofía
Materia de modalidade do 2º curso de bacharelato
• En cada exercicio se entregarán dúas opcións diferentes entre
as que o estudante deberá elixir unha.
• A duración máxima de cada exercicio será de unha hora e
media
• O intervalo mínimo entre a finalización dun exercicio e o
comezo do seguinte será de 45 minutos.


 FASE XERAL. Exención Lingua Galega e L.
• Estará exento da realización deste exercicio o
alumnado con exención da materia de Lingua galega e
literatura nalgún dos cursos de bacharelato, así como
o alumnado que non realizase ningún dos dous cursos
de bacharelato en Galicia.
• A exención na PAAU do exercicio de lingua galega e
literatura deberá ser solicitada polo alumno no impreso
de matrícula da proba de acceso.

 FASE XERAL. Cualificacións
 Cada exercicio se cualificará de 0 a 10 puntos, con dúas
cifras decimais.
 A cualificación da Fase Xeral será a media aritmética das
cinco cualificacións, expresada en forma numérica de 0 a 10
puntos, con tres cifras decimais, arredondada á milésima
máis próxima e no caso de equidistancia á superior.
Necesario acadar unha cualificación ≥ 4 puntos.
 Cualificación de acceso: 60% Nota Media do Bacharelato +
40% Cualificación Fase Xeral.
 Cualificación de acceso: é necesario acadar os cinco puntos
(60%NMB +40%CFX ≥ 5)
 Nota Media do Bacharelato: con dous decimais,
arredondeando á centésima máis próxima e en caso de
equidistancia á superior.

 FASE ESPECÍFICA. Exercicios
Materias de modalidade do 2º de bacharelato
 A fase específica será de carácter voluntario.
 Cada estudante poderá examinarse dun máximo de
catro materias de entre as de modalidade do segundo
curso de bacharelato que deberán ser distintas da
materia de modalidade elixida para a Fase Xeral,
sempre que o estudante se examine da fase xeral e da
fase específica na mesma convocatoria.
 Os exercicios presentarán dúas opcións diferente entre
as que o estudante deberá elixir unha.


 FASE ESPECÍFICA. Exercicios
Materias de modalidade do 2º de bacharelato
 A duración de cada exercicio será dunha hora e
media.
 Deberá establecerse un intervalo mínimo de 45
minutos entre o final dun exercicio e o comezo do
seguinte.
 O estudante indicará na solicitude de matrícula
para a proba de acceso, as materias de
modalidade das que se examinará na fase
específica e que, en todo caso, non poderán coincidir
coa materia de modalidade escollida para a fase xeral.


 FASE ESPECÍFICA. Cualificacións
• Cada unha das materias das que se examine o
estudante na fase específica será cualificada de 0
a 10 puntos, con dúas cifras decimais.
• Considerarase superada a materia cando se
obteña unha cualificación igual ou superior a
cinco puntos.

 NOTA DE ADMISIÓN.
Para ás ensinanzas oficiais de Grao con máis solicitudes que prazas
 Para a admisión ás ensinanzas universitarias oficiais de
Grao nas que se produza un procedemento de
concurrencia competitiva é dicir, nas que o número de
solicitudes sexa superior ao número de prazas
ofertadas, as universidades públicas empregarán para a
adxudicación das prazas a nota de admisión que
corresponda, que se calculará coa seguinte fórmula e se
expresará con tres cifras decimais, arredondada á
milésima máis próxima e no caso de equidistancia á
superior.


Para ás ensinanzas oficiais de Grao con máis solicitudes que prazas
• No caso de empate na nota de admisión, para a
adxudicación de prazas, terán opción preferente os
estudantes que na Fase Xeral elixiran unha materia
de modalidade vinculada á rama de coñecemento da
ensinanza á que se solicite acceder.


 Nota de admisión = 0,6*NMB + 0,4*CFX +
a*M1 + b*M2
 NMB = Nota media do Bacharelato.
 CFX = Cualificación da Fase Xeral.
 M1, M2 = As dúas mellores cualificacións das
materias da Fase Específica.
 a, b = Parámetros de ponderación das
materias da Fase Específica.


 A nota de admisión incorporará as
cualificacións das materias
superadas da fase específica, sempre
que estas materias estean adscritas
á rama de coñecemento do título ao
que se queira ser admitido


 CALENDARIO DA PROBA. Horario
o 1º Dia : o 12 de xuño e o 18 de setembro
9:00-10:00 Presentación
10:00-11:30 Lingua Castelá e Literatura
12:15-13:45 Historia de España /
Historia da Filosofía
16:00-17:30 Lingua Galega e Literatura
18:15-19:45 Lingua Estranxeira


o 2º Dia : o 13 de xuño e o 19 de setembro
9:00-10:30 Matemáticas II/ GregoII/Técnicas
Exp.Gráfico-Plástica
11:15-12:45 Ciencias da Terra e
Ambientais/Literatura Universal/ Deseño
13:30-15:00 Química/ Latín/ Debuxo Artístico II
16:30-18:00 Bioloxía /Mecánica/ Historia da Arte
18:45-20:15 Electrotecnia/ Matemáticas aplicadas
ás Ciencias Sociais/Artes Escénicas/Imaxe


o 3º Dia:o 14 de xuño e o 20 de setembro
9:00-10:30 Física/ Xeografía/ Análise
Musical II
11:15-12:45 Tecnoloxía Industrial
II /Economía da Empresa
13:30-15:00 Debuxo Técnico/Historia
da Música e da Danza

Reclamación e/ou Dobre Corrección

 Sobre a cualificación outorgada de cada materia despois
da primeira corrección e no prazo de tres días hábiles
contados a partir da data de publicación das cualificacións,
cada estudante poderá presentar solicitude
de:Reclamación ou Dobre corrección.
 As solicitudes de reclamación e segunda corrección
poderán presentarse no lugar de entrega e recollida de
documentación (LERD) no cal se entregou a solicitude de
matrícula para a PAU.
 Hai que empregar os impresos específicos a tal efecto, ou
a través da aplicación informática NERTA, non sendo
preciso neste caso a entrega das solicitudes nos LERD.
Para iso é necesario o código de acceso dos resgardo de
matrícula para a PAU.

Reclamación
 Poderá presentar unha solicitude de reclamación ante
a Comisión Organizadora das PAU sobre a
cualificación outorgada a cada unha das materias das
que se fixese exame naqueles exercicios nos que se
considere incorrecta a aplicación dos criterios xerais
de avaliación e/ou específicos de corrección.
 Os exercicios sobre os que se solicite reclamación
serán revisados co obxecto de verificar que todas as
cuestións fosen avaliadas cunha correcta aplicación
dos criterios xerais de avaliación e/ou específicos de
corrección, así como a comprobación de que non
existen erros materiais no proceso de cálculo da
cualificación outorgada.

Dobre Corrección
 O alumnado poderá presentar, ante o
presidente do Tribunal, solicitude dunha
segunda corrección [dobre corrección] dos
exercicios nos que se considere incorrecta a
aplicación dos criterios xerais de avaliación
e/ou específicos de corrección.
 Os exercicios sobre os que se presente unha
solicitude de segunda corrección serán
corrixidos por un profesor ou profesora
especialista distinto ao que levou a cabo a
primeira corrección.

Dobre Corrección
 A cualificación resultará da media aritmética das
cualificacións obtidas nas dúas correccións. No suposto
de que existise unha diferenza de 2 ou máis puntos
entre as dúas cualificacións, o tribunal efectuará, de
oficio, unha terceira corrección. A cualificación final será
a media aritmética das tres cualificacións.
 Sobre a cualificación outorgada despois do proceso de
segunda corrección, o estudante poderá presentar
reclamación ante a Comisión Organizadora, no prazo
de tres días hábiles, contados a partir da data de
publicación da resolución da segunda corrección.
 A cualificación definitiva será a que resulte desta
revisión, sempre que sexa superior a outorgada na
segunda corrección.

IES ARCEBISPO XELMÍREZ 1
Departamento de orientación

SORTE A TOD@S
www.xelmirez.com

http://oblogorienta.blogspot.com.es/

PAU 2013

Empfohlen

Empfohlen

Weitere ähnliche Inhalte

Was ist angesagt?

Was ist angesagt? (12)

Andere mochten auch

Andere mochten auch (6)

Ähnlich wie PAU 2013

Ähnlich wie PAU 2013 (20)

PAU 2013