1. Dragal I: A Herdanza do Dragón
Elena Gallego Abad
Elena Gallego Abad ( Teruel, 1969) é unha xornalista e escritora galega.
Pertence ao Colexio Oficial de Xornalistas de Galicia e á Federación
Internacional de Periodistas.
Escribiu obras como a novela Sete Caveiras (2014) e a saga Dragal nos
anos comprendidos entre o 2010 e 2014.
Gañou o premio de Xornalismo Xosé Aurelio Carracedo da Deputación de
Ourense, no apartado de Medios Audiovisuais no 1998 pola produción e
realización do programa A Fiestra, emitido en Onda Cero (Ourense).
Ademais, no 2009 foi finalista do Premio Caixa Galicia por Dragal, A
Herdanza do Dragón,obra que tamén obtivo o premio Frei Martín
Sarmiento.
Esta saga está traducida a varios idiomas como o catalán, o castelán e o
inglés.
Dragal pronto será levada ao ámbito audiovisual da man de Ficción
2. Producciones.
Dragal é unha novela que mestura a fantasía e a vida cotiá, no que
Hadrián, un rapaz aventureiro de dezasete anos, muda de vila despois da
estraña morte do seu pai.
Nun día no que súa nai mais el estaban rematando de instalarse no seu
novo fogar, a nai atopou un medallón que pertencera ao seu marido, e
dállo ao seu fillo. O medallón é bastante curioso: presenta dúas caras que
teñen un dragón en distinta posición en cada unha delas. Iso a Hadrián
dálle a impresión…de que??. Estes feitos levan o rapaz a investigar acerca
de quen era o seu pai, coa axuda da súa compañeira Mónica, á que se lle
chama a “chapona da clase”, e o cura do lugar, don Xurxo: un home sabio
que os axuda co misterio do dragón.
O libro está dividido en tres partes: a primeira, a presentación dos
distintos personaxes; na segunda, o nó, no que os dous rapaces investigan
sobre os dragóns e, á vez, lidian con Brais, un matón; e por último, a
terceira parte, o desenlace, no que os dous amigos emprenden unha
viaxe.
Nesta novela emprégase a descrición dos lugares e das paisaxes, ambos
reais. A novela está ambientada en Teruel e en Galicia. O narrador está en
terceira persoa e é omnisciente, é dicir sabe o que os personaxes pensan
e o que vai ocorrer.
A historia sitúase na actualidade, nunha vila anteriormente coñecida
grazas á Orde de Dragal: un grupo de cabaleiros que mataban dragóns. A
acción transcorre ao longo de varios meses. A obra é lineal.
En xeral, o libro é moi fácil de ler xa que está escrito na súa maioría con
palabras sinxelas.
A miña puntuación para este libro é dun 7 sobre 10, porque me gustou
moito a forma de escribir que ten a autora. Dende o meu punto de vista
pareceume un libro “orixinal”, pois na fantasía, en moitos casos, pódese
deducir facilmente o que vai ocorrer, pero neste caso non é así. Por outra
banda, escribir unha novela de fantasía, non é o que se di moi sinxelo.
NIEVES CASTRO 2ºESO B