2. 2
Leksiyon 1: Naiiba Ako
Kumusta? Ano an pangaran mo?
Ano-ano an mga hilig mo?
Kaya mong gibuhon an mga piggigibo kan mga
aki sa ritrato?
3. 3
Aramo
Ini an mga aking sinda Aya asin Buboy.
Maugmang nagkakanta asin nagkakawat si Aya.
Matibay magdrowing asin magsayaw si Buboy.
Mainugmang mga aki sinda Aya asin Buboy.
Padaba sinda kan saindang mga magurang.
4. 4
Simbagan an mga hapot.
1. Ano an hilig ni Aya?
2. Ano an paboritong gibuhon ni Buboy?
3. Nata sinda padaba kan saindang pamilya?
Ika, ano man, an hilig mo?
Kuluran mo an mga ritrato na nagpapahiling kan mga
hilig mo.
5. 5
Aramon
Kada aki may mga hilig na gibuhon.
Kada aki may mga kayang gibuhon.
Aring ritrato an nagpapahiling na gusto ninda an
saindang piggigibo? Bilugan an simbag.
Masdan an mga ritrato.
Maugma kaya an mga aking ini?
Ika, ano man an hilig mong gibuhon?
Ano an kaya mong gibuhon?
Maugma ka man kun piggigibo mo ini?
Pano mo kaya mapapatibay pa an hilig mong ini?
Pano kun bako mong hilig an saimong piggigibo?
6. 6
Aring ritrato naman an nagpapahiling kan saimong
namamatian?
Nata kaya arog kaini an namamatian mo?
a. Nin huli ta nadidipisilan ka?
b. Nin huli ta dai mo aram kun pano gibuhon ini?
Madali sana iyan.
a. Maghapot ka sa iba.
b. Magpatukdo ka sainda.
Gibuhun
Kaya mo daw gibuhun an
mga minasunod?
7. 7
Gibuhon
Kaya mo daw gibuhon an minasunod?
Gibuhon 1: Mari na Magpamidbid Ka!
Bangaon an klase sa nagkapirang grupo.
Magtukaw nin pabilog.
Ipamidbid an sadiri.
Sabihon an simbag sa minasunod na hapot.
1. Ano an pangaran mo?
2. Pirang taon ka na?
3. Ano-ano an mga hilig mong gibuhon?
8. 8
Gibuhon 2: Magkarawat Kita
Hilingon an mga ritrato.
Haputon an kaklase kun arin digdi an hilig niya.
Ipasurat an pangaran niya sa ritratong pinili.
Maglibot asin haputon an iba pang mga kaklase.
Mag-irinutan na makapano nin pirma sa mga ritrato.
9. 9
Gibuhon 3
Ano kaya an mamamatian mo sa mga sitwasyong ini?
Idrowing mo an saimong pandok sa laog kan bilog.
1. Nagbali ka sa pakontes asin nanggana ka.
2. Madali ka nang apudon tanganing magtula.
3. Dai ka nanggana sa pagkanta.
4. Uminabot an saimong mga pinsan.
Pinirit ka kan saimong ina na magkanta.
Paghururunan an mga simbag.
Nata arog kaini an saimong namamatian?
10. 10
Gibuhon 4
An sabi ta, kun dai mo aram, matatabangan ka kan iba.
Arin sa minasunod an makakatabang saimo tanganing
mapatibay an saimong naaraman?
Dangugon an babasahon kan paratukdo. Kaganan nin
tsek () an saimong simbag.
_____ 1. Naghahapot ako sa sakuyang ina kun dai ko
nasasabutan an leksiyon.
_____2. Nagtatago ako sa kuwarto kun paghuna ko sala
an sakuyang piggigibo.
_____3. Pigtatandaan ko an mga pangadal kan
sakuyang ama.
_____4. Nagpapatabang ako ki ate o kuya.
_____5. Naghihibi ako kun igwa akong dai kayang
gibuhon.
11. 11
Isapuso
Aram mo na ngunyan.
Saro kang kakaibang aki.
Aramon mo kun ano an kaya mong gibuhon.
Pauswagon mo pa an saimong naaaraman.
Kun igwa kang gustong gibuhon, na paghuna
mo dai mo kaya,
maghapot ka,
magpatabang ka.
Sa paagi kaini, makakaukod ka.
Tandaan
Naiiba an lambang aki.
Igwang kakayahan an lambang aki
na arog saimo.
Pauswagon mo an saimong sadiri.
12. 12
Isabuhay
Midbid mo na an saimong sadiri?
Aram mo na an mga kaya mong gibuhon?
Idrowing sa ibaba an mga hilig mong gibuhon?
Ngunyan, idrowing mo naman an mga hilig na gusto mo
pang maukdan.
Pano mo mauukdan an mga gibuhon na gusto mo pang
manudan?
13. 13
Baluon
Magdangog sa babasahon kan mga
paratukdo.
Ano kaya an gigibuhon mo kun ika an aking pigtutukoy?
Bilugan an letra na nagpapahayag kan saimong
gigibuhon.
1. Mahilig kang magkanta. Gusto mong ipadangog
ini sa saimong lolo asin lola.
Ano an gigibuhon mo?
a. Dai ako makanta. Nasusupog ako.
b. Kakantahan ko sinda.
2. Malisto ka sa kawat na daralaganan.
Minsan, nadasmag ka sa pagdalagan.
Ano an gigibuhon mo?
a. Mahibi ako asin mauli na.
b. Pipiriton kong magtindog. Kun may lugad ako,
mahagad ako ki tabang.
3. Gusto mong maggibo ki buradol.
Pero dai mo aram kun pano.
Ano an gigibuhon mo?
a. Magpapatukdo ako.
b. Dai na sana ako maggibo ki buradol.
14. 14
Leksiyon 2: Pinapangatamanan ko an Sakuyang
Sadiri
Hilinga an ritrato kan magtugang na sinda Mila asin Sam.
Pareho sindang matali.
Pareho sindang igwang kakayahan.
Pero, igwang bagay na pinagkaiba sainda?
Maukod mo kaya kun ano an naiiba?
Simbagan mo ini.
1. _______________ si Sam.
2. _______________ si Mila.
Kun arog sinda kaini,
magiging matibay kaya si Sam?
magiging matibay kaya si Mila?
Nata?
Aram mo na?
15. 15
Importante na pangatamanan an sadiri.
Maski dakul kang aram, maski dakul kang
talento, kun hirilangon ka man, pano mo
maipapahiling ini?
Hilingon mo an magtugang na
Aya asin Buboy.
Padaba ninda an saindang
sadiri.
Kaya pirmi sindang
malinig.
Nagkakaon sinda nin
tamang pagkaon.
Dai sinda naghihilang.
Pinapangatamanan
ninda an saindang salud.
16. 16
Hilingon ta an piggigibo ninda pagkaaga pagkamata.
Aga na.
Amay na pinukaw kan ina sinda Aya asin Buboy.
Mata na, Aya.
Mata na, Buboy.
Mata na, Aya. Mata na,
Buboy.
18. 18
Igwang laog sa eskuwela.
Maeskuwela na sinda Aya asin Buboy.
Nagpaaram na sinda.
Simbagan an mga hapot.
1. Sirisay an maeskuwela?
2. Pano sinda naghanda sa paglaog sa eskuwela?
3. Ano-ano an ginibo ninda pagkamata?
Naghahanda ka man paglaog sa eskuwela?
Iistorya an saimong mga ginibo sa harong bago
maglaog sa klase.
Maduman na
po kami!
19. 19
Marhay an ginibo ninda Attila asin Athena para sa
saindang salud.
Ginibo ninda ini nganing maging malinig.
Dai naghihilang an mga aking malinig.
Pag may hilang an sarong aki,
nagigibo niya kaya an mga bagay na gusto niyang
gibuhon?
20. 20
O, ika na man.
Arin sa minasunod na ritrato an nagpapahiling kan
saimong piggigibo tanganing maging malinig an
saimong lawas?
Kuluran an saimong simbag.
21. 21
Isaisip
Nata kaipuhan ta maging malinig?
Naisip mo na?
An aking malinig harayo sa hilang.
Pag dai kang hilang,magigibo mo an mga bagay na hilig
mo.
22. 22
Gibuhon
May mga bagay kitang piggagamit tanganing
managi kitang malinig.
Hanapon an mga bagay na ini asin kuluran.
23. 23
Gibuhon 2
Kaipuhan ta an tamang pagkaon tanganing magkaigwa
nin marhay na salud.
Tandaan mo na an aking may marhay na salud,
makusog.
Kaya, kaipuhan mong magkakan nin mga tamang
pagkaon.
Arin kaya sa mga pagkaon na ini an magpapakusog
saimo?
Bilugan ini.
24. 24
Gibuhon 3
May mga piggigibo na marhay sa satuyang lawas.
Igwa man na maraot para sa satuyang salud.
Hilingon an mga ritrato.
Kagan ki tsek () an mga piggigibo na marhay para sa
satuyang lawas asin ekis () an mga piggigibo mo na
maraot para sa saimong lawas.
25. 25
Isapuso
Simbagan an minasunod.
Bilugan an tamang simbag sa laog kan panaklong.
1. Ano an marhay na dulot kan pagiging malinig?
Magiging (maniwang, makusog) ako.
2. Ano an marhay na dulot kan pagiging makusog?
Magiging (malisto, maluya) ako.
3. Ano an mangyayari kun pirmi kang malisto?
a. Makakapag-adal ako nin (marhay, bakong
marhay).
26. 26
b. (Maghihilang, dai maghihilang) ako.
c. (Makakakawat, dai makakakawat) ako.
d. (Magigibo ko, dai ko magigibo) an sakuyang hilig
asin paboritong gibuhon.
Tandaan:
Atamanon an sadiri.
Maging malinig.
Magkakan nin tama.
Dai pagpabayaan an sadiri.
27. 27
Isabuhay
Magdangog nin marhay.
Sabihon kun tama o sala an piggigibo kan aki sa istorya
kan paratukdo.
Kun sala, sabihon kun nata sala an mga piggigibong ini.
1. Mahilig si Elsa magkakan nin popcorn asin dulsing
tsokolate. Aroaldaw nagpapabakal siya kan mga
ini sa saiyang ina.
2. Ugali ni Danilo na maghugas kan kamot bago
magkakan.
3. Naghilang minsan si Eric. Kaipuhan niyang mag-
inom ki bulong. Kaya lang, takot si Eric mag-inom
kaini. Nagparahibi siya kan tinawanan siya ki
bulong kan saiyang ina.
4. Nagsisipilyo kan ngipon an magtugang na Mark
asin Brigette bago magkaturog.
5. Maugmahon sinda Denden asin Rico.
Nagparakawat sinda sa bahang tubig sa tinampo.
28. 28
Baluon
O, aram mo na daw kun pano mo
pangatamanan an saimong sadiri?
A. Pagpadison an mga ritrato asin mga parti kan
lawas na piglilinig kaini.
29. 29
B. Isurat an T kun marhay para sa satuyang salud an
pigsasabi sa lambang tataramon. Isurat man an S,
kun sala ini.
_____1. Magkakan nin gulay.
_____2. Magsipilyo kan ngipon pagkatapos
magkakan.
_____3. Magkawat maski mainiton an sildang
kan aldaw.
_____4. Mag-ehersisyo puro-pirmi.
_____5. Magkawat maghapon.
_____6. Magkaturog nin atab.
_____7. Magkawat sa tubig-baha.
_____8. Ugalion an pirming paghugas kan kamot.
_____9. Mag-inom nin kape pagkaaga.
____10. Magsanli nin bado kun nadaplusan.
30. 30
C. Bilugon an mga tataramon. Bilugan an tamang
simbag.
1. An kalinigan giya sa ____________________.
(kagayunan, salud)
2. Magkaon nin gulay tanganing maghalawig pa an
satuyang ___________________.
(kamot, buhay)
3. An marhay na salud ______________ kan satuyang
kakayahan.
(makakapatalubo, makakaraot)
4. Sa pagpapahiling kan satuyang kakayahan, kita
nagiging ______________.
(maugma, mamundo)
31. 31
Leksiyon 3: Namumutan Ko an Sakuyang
Pamilya
Hilingon an mga ritrato.
Ini an pamilya ni Tata Edwin.
Nagpasyar sinda.
Maugmahon an mga aking sinda Aya asin Buboy.
Pati na man an saindang mga magurang na sinda
Nana Nene asin Tata Edwin.
32. 32
Nagbisikleta si Aya sa parke.
Nagpalayog man nin buradol si Buboy.
Maugmahon sinda.
Aram mo daw kun nata sinda maugma?
Pano pirmi sindang magkairiba.
Iribahan sindang namamarasyar.
Nagtatarabangan sinda sa paggibo kan mga trabaho sa
harong.
33. 33
Sarabay sindang nagkakarakan pagkatapos gibuhon an
mga trabaho sa harong.
Hilinga,maugmahon sinda!
Simbagan an mga hapot.
1. Pano nagtatabang sinda Aya asin Buboy sa
pamilya?
2. Ano an ginibo kan pamilya pagkatapos
magtrabaho sa harong?
34. 34
Aramon
Kun daing kakayahan sinda Aya asin Buboy,
makakatabang kaya sinda sa saindang pamilya?
Aram mo, pag nagtatabang sinda, maugmahon an
saindang ina asin ama.
Minsan man, nagbisita sinda kina lolo asin lola.
Nagkanta si Aya.
Ini an saiyang kanta.
Igwa ako nin lobo
naglayog sa langit
dai ko na nahiling
nagputok na palan.
Sayang kan kuwarta ko
binakal ki lobo
kun pagkaon kuta
nabasog pa ako.
Maugmahon sinda lolo asin lola.
Kinugos ninda si Aya.
35. 35
“Lola, masayaw man po ako,” an
sabi ni Buboy.
Nagsayaw si Buboy.
Maugmahon an pamilya.
Maugmahon sinda.
Simbagan an mga hapot.
1. Nata ta maugma an pamilya?
2. Ano an ginibo ni Aya ?
3. Ano man an ginibo ni Buboy?
4. Padaba kaya kan ina asin ama an mga aki?
5. Padaba man kaya sinda ni lolo asin lola?
36. 36
Isaisip
Ika, napapaugma mo man an saimong
pamilya?
Pano? Iistorya mo ini.
Arin sa mga ritrato sa ibaba an nagpapahiling nin
maugmang pamilya? Kuluran an simbag.
37. 37
Gibuhon
Gibuhon 1
Mag-istoryahan kita.
Pano mo napapaugma an saimong pamilya?
Magtukaw nin pabilog.
Iistorya an ibang mauugmang agi-agi kan pamilya.
Halimbawa:
1. Kasuarin kamo nagkairibahan?
2. Sisay su mga kaibahan mo?
3. Nagkarantahan kamo?
4. Nagsarayawan kamo?
5. Nagpahiling ka nin kakaibang kakayahan?
6. Napaugma mo kaya sinda?
38. 38
Gibuhun 2
An mga gibuhon kayang ini nagpapahiling nin
maugmang pamilya? Bilugan an iyo po o dai po.
Iyo po Dai po 1. Nagtatabang si Aya sa paglimpiya
kan lamesa.
Iyo po Dai po 2. Pigsusuriyawan ni Ella an saiyang
ate.
Iyo po Dai po 3. Nagkakawat nin bola an papa, kuya
asin ate.
Iyo po Dai po 4. Nagkakaranta an mama asin papa,
kasabay an mga aki.
Iyo po Dai po 5. Pirming nag-iiriwal an mga aki.
Pumili nin kapadis asin paghurunan an iba pa nindang
piggibo tanganing mapaugma an pamilya.
39. 39
Gibuhun 3
Namumutan mo man an saimong pamilya?
Pano mo ipapahiling na namumutan mo sinda?
Maggibo nin kard na nagpapahiling na padaba mo an
saimong ina asin ama.
1. Kumua nin sarong malinig na papel( coupon bond).
2. Magdrowing nin puso.
3. Kuluran ini.
4. Isurat mo an pangaran kan saimong ina o ama.
5. Isurat mo man an saimong pangaran.
Ngunyan, itao mo an kard sa saimong mga magurang.
40. 40
Isapuso
Naugma man si Mama asin Papa sa ginibo
mong kard?
Naisip mo?
Nin huli sa saimong kakayahan, napaugma mo an iba?
Siguro, dakul ka pang magigibo para mapaugma sinda.
Mag-isip.
Pano mo pa sinda mapapaugma?
Pano mo maipapahiling na padabaon mo sinda?
Idrowing an simbag.
41. 41
Tandaan
Kamutan ta an satuyang pamilya.
Paugmahon ta sinda.
Gamiton ta an satuyang mga kakayahan
tanganing mapaugma ta sinda.
Isabuhay
Sabihon kun tama o sala an piggibo kan mga aki sa
istoryang babasahon kan paratukdo. Magdangog nin
marhay.
Kun sala, sabihon kun nata sala an piggigibo niya.
1. Kumpleanyo kan ina ni Nita. Atab siyang nagmata.
Hinadukan niya asin binati an saiyang ina.
2. Maugmang mag-istorya si Dan. Iyan an saiyang
ugali. Pag-uli niya hali sa pag-eskuwela, ugali na
niyang mag-istorya sa saiyang lola kan saiyang mga
ginibo sa eskuwelahan.
3. May piggigibo an ama ni Nilo sa likod kan harong.
Inapod niya si Nilo. Ipigpaabot niya an sigid, kagkag
asin pala. Nagbungog-bungugan sana si Nilo. Dai
siya naghiro.
42. 42
4. Mantang naglalaba an ina, pigbabantayan man ni
Rica an saiyang nguhod na tugang. Pigkakantahan
niya ini tanganing mangaturog.
Arog kaini an kanta niya,
“Mimi na, baby,
Turog na baby.
Mimi na padaba kong baby.”
5. Matibay magdrowing si Lando. Minsan, nagdrowing
siya nin sarong parol. Kinuluran niya asin itinao sa
saiyang tiya, sarong paagi nin pagbati sa aldaw nin
Pasko.
Baluon
Ngunyan, aram mo na kun ano-ano an
magiginibo mo tanganing mapaugma an saimong
pamilya?
Mag-isip nin sarong okasyon kun sain magkakairiba kamo
kan saimong pamilya? Pano mo sinda papaugmahon?
Pano mo ipapahiling na padaba mo an saimong mga
kapamilya?
43. 43
Idrowing sa laog kan kahon an saimong simbag.
Kuluran mo ini.
Ipahiling mo sa saimong paratukdo an saimong
idrinowing. Iistorya mo saiya an ritratong ginibo mo.
