2. 1
Yunit 1: NAIIBA AKO!
INTRODUKSIYON
MGA KATUYUHAN
Pagkatapos kan pag-aadal sa Yunit 1 gamit an
modyul na ini, pinaglalauman na magigibo mo an
minasunod:
1. Maipapabisto mo an saimong sadiri
2. Maiintindihan mo an konsepto kan
pagpapadagos asin pagbabago
3. Maikukumpara mo an istorya kan saimong
buhay sa istorya kan buhay nin saimong kaklase
4. Matatawan nin importansiya asin maipag-
uurgulyo mo an saimong sadiri
4. 3
Leksiyon 1.1. An Sakuyang Sadiri
Isipon:
Ano-ano an mga aram mo manungod sa
saimong sadiri?
Gibuhon 1
Magkarawat nguna kita.
Magdangog sa instruksiyon kan paratukdo. Magrupo-
grupo kamo kan saindong mga kaklase base sa
kategoryang sasabihon kan saindong paratukdo. Sa
kawat na ini, piglalauman na masasabi mo an saimong
pangaran, kumpleanyo, edad asin istaran.
Magtao nin mga sitwasyon na nangangaipo na
sasabihon mo an saimong pangaran, kumpleanyo, edad
asin istaran?
Tano ta importante na aram mo an saimong pangaran,
kumpleanyo, edad asin istaran?
Tano ta importante na aram mo an saimong pangaran,
kumpleanyo, edad asin istaran
5. 4
Gibuhon 2
Magbilog kamo nin grupo na may apat na
miyembro. Magdangog nin marhay sa sitwasyon na
babasahon kan saindong paratukdo. Ipahiling sa
paagi nin dula-dulaan kun pano mo sasabihon an
mga impormasyon manungod sa saimong sadiri.
Tatawanan kamo nin tamang oras para maghanda
asin mag-ensayo.
Ipahiling sa klase an ihinandang dula-dulaan.
Ano an namatian mo matapos ipahiling sa kaklase
an ihinanda nindong dula-dulaan?
Kamo, naeksperyensiya na man nindo an sitwasyon
na saindong ipinahiling sa dula-dulaan?
6. 5
Gibuhon 3
Isulat ed gulis so kekerewen ya impormasyon.
Ipinangaki
ako kan
___________
___.
Kansuarin ka
ipinangaki?
Bago ka digdi?
Ano an
pangaran mo?
__________ an
pangaran ko.
7. 6
Pirang taon
ka na?
___________
na taon na
ako.
Nawawara
ka? Sain ka
nakaistar?
Nakaistar
ako sa
____________
____________
____________
________.
8. 7
Gibuhon 4
Tanganing lalo mong mamidbid an saimong sadiri,
aramon an pinagkuanan kan saimong pangaran.
Maghapot sa saimong magurang o tagapag-
ataman kun tano ta iyan an itinao nindang
pangaran saimo.
Isurat sa laog kan bituon an saimong inot na
pangaran. Halimbawa, Jose. Isurat man sa laog kan
bilog an rason kun tano ini an itinao saimong inot na
pangaran. Halimbawa, pareho an aldaw kan
kapangakian mi ni Jose Rizal, sarong matibay na
Pilipino.
Tano po ta
Jose an
ipinangaran
nindo
sakuya?
Nin huli ta
magkapareho an
aldalw nin
kumpleanyo nindo
ni Jose Rizal, sarong
matibay asin
maipag-uurgulyo.
9. 8
Maghagad nin tabang sa saindong paratukdo para
maisurat an saimong inot na pangaran. Ipahiling ini
sa klase asin sabihon kun tano ini an itinao saimong
pangaran.
Pareho an aldaw
kan samong
pagkamundag ni
Jose Rizal, sarong
matibay na
Pilipino.
JOSE
_______________________
_______________________
_______________________
_______________________
_______________________
_______________________
10. 9
Gibuhon 5
Ano-ano pa an ibang pangaran an inaapod saimo
kan saimong mga magurang o kabarkada puwera
sa saimong inot na pangaran? Sa mga pangarang
inaapod saimo, arin sa mga ini an pinakagusto mo
na iapod saimo? Tano?
Sa sarong malinig na papel, maggibo nin name tag
na nakasurat an pinakagusto mong pangaran.
Kuluran ini kan saimong paboritong kulor.
Magpatabang sa paratukdo sa paglaag nin lubid.
Isulot ini sa oras kan klase.
Tandaan
Importante na maaraman mo na an mga
importanteng impormasyon manungod sa saimong
sadiri arog kan saimong pangaran, kumpleanyo,
edad asin istaran.
Magagamit mo an mga impormasyon na ini sa
pagpapamidbid kan saimong sadiri sa mga
bagong kabarkada, kaklase asin kakawat.
JOSE
11. 10
Leksiyon 1.2. Naiiba Ako!
Isipon:
Pano mo ilaladawan an saimong sadiri?
Arin sa saimong panluwas na itsura an
naiiba sa mga tawo sa saimong palibot?
Gibuhon 1
Sa sarong malinig na papel, idrowing an sadiri.
Pagkatapos mong idrowing an sadiri, isurat sa
parteng ibaba an saimong pangaran. Ipahiling sa
klase an saimong ginibo.
12. 11
Kaibahan kan saimong mga kaklase, idukot an mga
naidrowing sa sarong parte kan saindong klasrum.
Ano an saimong namatian mantang –
a) idinodrowing mo an saimong sadiri?
b) ipinapahiling mo sa klase an saimong
drowing?
c) nagdadangog sa paghiras kan saimong
mga kaklase manungod sa saindang
drowing?
Ano an naobserbaran mo sa saimong drowing?
Iladawan mo ini?
Ano-ano an mga naobserbaran mo sa mga ritratong
saindong naidrowing?
Tano ta dai magkakapareho an saindong mga
naidrowing?
Ano ta naiiba an saimong drowing sa mga drowing
kan saimong kaklase?
13. 12
Gibuhon 2
Naobserbaran mo na an saimong mga muro sa
kamot?
Hilingon nin marhay an mga kurit sa saimong
dakulang muro o tindarakul na muro.
Gabos kita may kanya-kanyang linya sa tindarakul
na muro o “thumb print” kapareho kan pinag-
aadalan kan imbestigador sa ritrato. Ikumpara mo
an saimong ‘thumb mark” sa saimong mga kaklase.
Ano an nariparo mo?
Magbilog nin sarong grupo na may limang (5)
miyembro. Magkua nin malinig na papel asin
maghanap nin puwedeng ipangkulor sa saimong
tindarakul. Pagkatapos kuluran an saimong
tindarakul, iduon nindo ini sa papel pareho kan nasa
ritrato.
14. 13
Pag-adalan nin marhay an mga kurit hali sa
saindong tindarakul? Ano an nadiskubre mo?
Magkapareho daw an “thumb mark” nindo kan
saimong mga kaklase?
Puwera sa “thumb mark”, may iba ka pa daw sa
saimong panluwas na itsura an naiiba sa saimong
mga kaklase?
May naiisip ka na?
Tandaan
Igwa ka sa saimong mga panluwas
na itsura na naiiba sa saimong mga kaklase
arog kan thumb print, sukol o kadakulaan kan
lawas, korte kan lalawgon, langkaw kan
dungo, korte asin kulor kan mata, asin an kulor
asin porma kan buhok. Dapat mong ipag-
urgulyo an saimong sadiring itsura.
Naiiba an lambang saro sa saimong kaklase.
Dapat mo man igalang asin tawanan nin
importansiya an saindang sadiring itsura.
16. 15
Magkawat kita. Magbilog nin duwang grupo sa klase
na igwa nin magkaparehong bilang kan miyembro.
Kada grupo magibo nin sarong bilog. Arugon an
nasa ritrato.
May iba-ibang sitwasyon na babasahon an
saindong paratukdo. Matapos mabasa an sarong
sitwasyon, mabilang siya abot sa sampulo mantang
an duwang grupo nag-iikot. An nasa laog na mga
aki pawala an mga nasa luwas na mga aki patuo.
Utruhon ini sa mga masunod pang sitwasyon na
babasahon kan paratukdo.
Ano an namatian nindo mantang kamo
nagkakawat? Magkapareho daw an pagmating
ipinahiling nindo kan saimong kahampang na
kaklase sa iba-ibang sitwasyon na nasambit?
Tano iyo o tano ta dai?
17. 16
Gibuhon 4
May mga lalawgon sa laog kan kahon na
nagpapahiling kan iba-ibang pagmati. Kuluran an
lambang lalawgon kan kulor na puwede mong
ikabit sa iba-ibang pagmati. Magdrowing sa palibot
kan lalawgon sa laog kan kahon nin mga bagay na
nagtatao saimo nin kaugmahan, kamunduan,
pagkabigla asin kaanggutan.
An Sakong Namamatian
Maugma
Anggot/DagitNabigla
Mamundo
Tandaan
Igwa ka nin sadiring pagmati.
Igwa ka man nin sadiring rason kan saimong
kaugmahan, kamunduan, pagkabigla asin
kaanggutan. Arog man saimo an ibang aki
igwa man nin sadiring pagmati na dapat
mong midbidon asin igalang.
18. 17
Leksiyon 1.3. An Sakuyang Mga Pangangaipo
Isipon
Ano-ano an saimong mga pangangaipo
sa aroaldaw?
Gibuhon 1
Hilingon an mga pangyayari sa ritrato. Pagsunod-
sunudon an mga ritrato base sa pangyayari. Arin an
inot asin minasurunod na pangyayari? Isurat an mga
bilang sa blangko na nasa itaas kan mga ritrato.
Tano ta iyan an naisip mong pagkakasunod-sunod
kan mga ritrato?
“Timeline” an apod sa saindong nabilog.
Ipinapahiling satuya kan timeline kun kansuarin
nangyari an mga pangyayari. Tanganing makagibo
nin timeline isipon an tamang pagkakasunod-sunod
kan mga pangyayari.
19. 18
Gibuhon 2
Uni an sarong timeline na nagpapahiling kan mga
pang-aroaldaw mong gibo. Magdrowing nin mga
bagay na puwede mong magamit sa mga
nakalistang gibuhon.
Mga Pang-aroaldaw Mga Bagay na
na Gibuhon
Mga Bagay na
Kaipuhan
Pagmata sa
pagkaaga
Pagkarigos
Pagbulos/pags
anli nin bado
Pagkakan nin
pamahaw
20. 19
Pag-adalan an timeline asin an mga bagay na
saimong idrinowing.
Sa mga bagay na idrinowing, arin sa mga ini an
kaipuhan mo para mabuhay? Arin man sa mga
bagay na idrinowing an puwede kang mabuhay
maski mayo kaidto?
Pumili nin sarong kaklase asin ihiras saiya an saimong
simbag. Ikumpara an saindong mga naging simbag.
Ihiras sa bilog na klase an napag-ulayan nindo kan
saimong kaklase.
Mga Pang-aroaldaw Mga Bagay na
na Gibuhon
Agew-agew a
Gagawaen
Mga Bagay na Kaipuhan
Pagpasiring sa
eskuwelahan
Pagpuli hali sa
eskuwelahan.
Pagkakan nin
pamanggihan
Pagpreparar
bago maturog
sa banggi.
21. 20
Gibuhon 3
Pag-adalan an mga ritrato na nagpapahiling kan
mga bagay na ginagamit mo sa aroaldaw. Bilugan an
mga bagay na kaipuhan mo tanganing pirmi kang
igwa nin makusog asin marhay na salud asin pag-iisip.
Tandaan
Igwa nin iba-ibang panginot na mga
kaipuhan an lambang aki na kapareho mo,
arog kan kakanon, bado, istaran asin mga
gamit sa eskuwelahan.
An kada aki igwa nin magkakaiba-ibang
pangangaipo segun sa lugar o sitwasyon na
kinamumugtakan.
22. 21
Leksiyon 1.4. An Mga Paborito Kong Bagay
Isipon:
Ano-ano an mga paborito mong kakanon?
Bado? Kawatan? Lugar na dinuduman?
Gibuhon sa aroaldaw?
Gibuhon 1
Gamit an mga daan na diyaryo o magazine,
gumunting nin mga ritrato kan mga kakanon, bado,
kawatan, lugar asin mga gibuhon na gustong-gusto
mo asin nagpapamidbid/nagpapabisto saimo.
Darahon ini sa klase.
Sa malinig na papel, pagdurukuton an mga dinarang
ritrato kan mga bagay na gustong-gusto mo asin
nagpapamidbid sa saimo.
23. 22
Aram mo an apod kaini?
Collage (ko-láds) an apod sa mga ritrato na pinag-
iriba na nagpapahiling nin sarong dakulang ideya.
Ipahiling an nabilog na collage sa klase.
Gamit an mga ginunting na ritrato, handa ka na sa
paggibo nin collage? Idukot an mga ritrato sa sarong
malinig na papel. Dai paglingawan na isurat an
saimong pangaran asin an titulo kaini na “Ini an Gusto
Ko”.
Ihiras sa klase an natapos na collage
24. 23
Gibuhon 2
Idrowing an saimong mga paboritong kakanon sa
laog kan bilog. Pagkatapos guntingon an mga ritrato
kaiba kan saimong mga idrinowing asin idukot sa laog
kan plato.
25. 24
An Sakuyang mga Paboritong Kakanon
Kuluran an gibo. Ihiras ini sa klase asin sabihon kun
tano ta ini an idrinowing mong mga paboritong
kakanon.
26. 25
Gibuhon 3
Magdara nin mga paborito mong gamit arog kan
libro, bado asin kawatan.
Ipahiling asin ihiras sa klase an saimong dinarang mga
paboritong gamit.
27. 26
Gibuhon 4
Patu’dan sa saimong mga kaklase kun ano an
saimong paboritong gibuhon sa paagi kan kawat na
charades. An kawat na ini nagpapatuod kan sarong
bagay sa paagi nin paggibo nin aksiyon o paghiro na
dai nagtataram. Oorasan kan paratukdo an
gigibuhon na pagpatuod kan lambang saro.
Pagkatapos kan kawat na charades, hanapon an
mga kaklase na may kapareho mo nin paboritong
gibuhon. Magplano nin sarong presentasyon na
nagpapahiling kan saindong paboritong gibuhon.
Tandaan
An lambang aki igwa nin paboritong
gamit, gibo asin kakanon. An mga ini an
magpapamidbid saimo asin mapahiling kan
pagkakaiba mo sa ibang aki.
28. 27
Gibuhon 5
Sinda Ana asin Mara marhay na magkabarkada.
Pirmi sindang mahihiling na magkaiba. Pirmi man
sindang nagtatabangan. Dakul nin mga bagay an
pareho nindang nagugustuhan arog kan pagkawat
nin piko asin harong-harong.
Sinda Jun, Anton asin Paco marhay na
magkakabarkada. Pirmi sindang mahihiling na
maugmang nagraralapagan, nagkakawat nin sipa
asin nagtataraguan. Pirmi nindang ihinihiras sa
lambang saro an saindang mga kawatan.
29. 28
Ika, siirisay an saimong mga kabarkada? Tano ta
naging kabarkada mo sinda? Ano-anong mga ugali
an nagustuhan mo sainda?
Sa korteng nakadrowing sa ibaba kan papel,
magsurat nin sarong pag-uugali kan saimong
kabarkada. Pagkatapos magsurat, guntingon ini asin
idukot sa nakapaskil na ritrato sa laog kan klasrum na
inihanda kan saindong paratukdo.
Pagkatapos kan gibo, kantahon an kantang “Ako
Espesyal” sa tono kan kantang “Are You Sleeping?”
Ako espesyal
Ako espesyal
Ika man!
Ika man!
Iriba kita sa pagkawat
Iriba kita sa pagkawat
Aroaldaw, aroaldaw
30. 29
Gibuhon 6
Hilingon asin pag-adalan an ritrato ni Jose.
Mahihiling mo sa ritrato na may nakasurat sa kupya ni
Jose. Maririparo mo na nakasurat digdi an mga
naglaladawan saiya. Ini an inaapod na graphic
organizer. Saro ining paagi nin paghiras asin
pagpapakaray nin mga ideya sa sarong maray-rahay
na paagi.
31. 30
Tanganing lalo mong mamidbid an saimong sadiri,
isipon mo giraray an mga paborito mong bagay.
Ipahiling ini sa paagi nin graphic organizer na kamot.
Idrowing an mga ini sa ritrato kan sarong kamot arog
kan mga paborito mong gibo, kakanon asin marhay
na kabarkada. Isurat mo man digdi an saimong
pangaran asin edad.
An Sakuyang mga Paboritong Bagay asin Ugos na
Kabarkada
32. 31
Adalan an graphic organizer.
Pagkatapos gibuhon an graphic organizer, magbilog
nin grupo na may sampulong (10) miyembro. Aramon
kun igwa sa saindong mga kagrupo an may
eksaktong kapareho na ginibong graphic organizer.
Tano ta mayo saindo nin eksaktong magkapareho na
kasimbagan?
Tandaan
Ika naiiba. May mga pag-uugali ka
asin gibo na lain sa saimong mga kaklase. An
mga pag-uugaling ini iyo an nagpapamidbid
sa saimo. Dapat mo ining ipag-urgulyo.
34. 33
Leksiyon 2.1: Sa Sakuyang Pagdakula
Isipon
Ano-ano an mga bagay na
nagbabago?
Gibuhon 1
Timeline kan pagbabago na nagpapahiling kan
pagtalubo kan sarong agila.
Ano an naobserbaran mo sa agila?
Igwa ka nin aram na iba pang hayop o insekto na
nag-aagi sa mga siring na pagbabago?
Pano mo maikukumpara sa tawo an mga
pagbabagong pinag-agihan kan mga hayop o
insekto na napag-adalan sa klase?
An Pagdakola asin Pagbabago kan Sarong Agila
35. 34
Gibuhon 2
Pag-adalan an duwang timeline.
Iladawan an mga timeline kan pagbabago sa buhay
ninda Mimi asin Buboy
Ano-ano an mga pagbabagong nariparo mo sa
ipinahiling na duwang timeline?
Pagbabago sa Buhay ni Mimi
Pagbabago sa Buhay ni Buboy
36. 35
Ano an mga naobserbaran mong pagbabago sa
itsura ninda Mimi asin Buboy?
Sa anong edad nagpuon an timeline? Sain ini
nagtapos? Sinda Mimi asin Buboy pa kaya an
ipinapahiling sa huring ritrato sa timelines? Tano kaya
ta nagbago an saindang itsura?
Sa paghuna mo daw gabos na tawo
makakaeksperyensiya nin mga pagbabago? Tano iyo
o tano ta dai?
Pag-adalan an mga ritrato. Guntingon asin idukot ini
sa kahon base sa tamang pagkakasunod-sunod kan
mga pagbabagong nangyayari sa buhay kan sarong
tawo.
38. 37
Gibuhon 2
Magdangog sa ihihiras kan paratukdo manungod sa
mga pagbabagong nangyari asin naeksperyensiya
niya sa saiyang buhay. Pagmasdan an timeline kan
buhay kan saimong paratukdo.
Sabihon an mga pagbabagong nangyari sa saiyang
buhay.
TANDAAN
An lambang sarong tawo
makakaagi nin pagbabago sa saiyang lawas
o hawak asin sa saiyang mga kayang
gibuhon.
39. 38
Leksiyon 2.2. Mga Pagbabago sa Sakuyang
Sadiri
Isipon
Ano-anong mga pagbabago sa saimong
sadiri an nariparo mo puon kan ika
ipangaki sagkod sa ngunyan?
Gibuhon 1
Ipaistorya ed saray ateng mo o siopa man a
nampabaleg ed sika no antora so angumanan mo
nanlapo nen ugaw ka ni anggad say natan.
Magdara nin mga gamit mo kan ika sadit pa arog kan
bado, kawatan asin tsinelas o sapatos. Ikumpara an
mga ini sa mga gamit mo ngunyan.
Ano-ano
po an nag
bago sa
koya?
Ay, aki ko!
Dakol an
pag
babago
saimo poon
nin
maipangaki
ka sagkud
ngonyan.
40. 39
Gumibo nin timeline base sa mga impormasyong
naaraman mo manungod sa mga pagbabago sa
sadiri. Punan ini kan ika sarong taon pa sana sagkod
sa ngunyan. Idrowing ini sa film strip na mahihiling sa
sunod na pahina.
An mga Importanteng Pangyayari sa Sakong Buhay
Ipahiling sa klase an nagibong timeline. Iistorya an
mga pagbabagong nangyayari sa sadiri.
41. 40
Gibuhon 2
Ipahiling mo sa bilog na klase an mga dinarang
personal na gamit o ipadangog an istoryang
naaraman sa magurang o tagapag-ataman
manungod sa saimomg sadiri. Iugnay man an
nagibong timeline sa Gibuhon 1.
42. 41
Gibuhon 3
Ano-ano an mga pagbabago sa saimo puon kan ika
omboy pa sagkod sa ngunyan.
Igwa daw nin mga bagay saimo na dai nagbago
maski naglihis na an mga taon?
Isurat an saimong simbag sa laog kan kahon.
An mga Bagay na Nagdanay asin Nagbago sa
Sakuyang Buhay
Mga bagay na
nagdanay
Mga bagay na
nagbago
Tandaan
An lambang aki nag-aagi sa mga
pagbabago sa saiyang lawas o panluwas na
itsura asin mga gibo.
Sa likod kan mga pagbabagong ini, igwa man
nin mga bagay na nagdanay/dai nagbago
arog kan pangaran asin petsa kan
pagkamundag.
44. 43
Leksiyon 3.1. An mga Pangangataman Ko sa
Sakong Lawas/Hawak
Isipon
Pano mo pigtatawan nin importansiya an
saimong lawas/hawak?
Gibuhon 1
Hilingon an mga ritrato sa laog kan kahon. Laganan
nin tsek () an ritratong nagpapahiling nin tamang
pag-ataman sa lawas/hawak asin laganan man nin
ekis (x) an nagpapahiling kan bako-tamang gawi.
TANDAAN
Importanteng pangatamanan ta
an satuyang lawas/hawak.
Igwa nin iba-ibang paagi na puwede mong
gibuhon tanganing mapadanay na maray
an salud.
45. 44
Leksiyon 3.2. An Pagpapauswag Ko sa Sadiring
Kakayahan
Isipon
Pano mo pinapauswag an saimong
sadiring kakayahan?
Gibuhon 1
Midbid mo an aki na nasa ritrato?
Magdangog sa istorya
kan saiyang buhay.
Ano an namatian mo
pagkatapos mong
maaraman an istorya
kan buhay ni Roselle?
Ano-ano an nakua
niyang tagumpay?
Ano an ginibo niya para
maging matibay na
estudyante?
Anong pag-uugali niya an puwede mong arugon?
46. 45
Gibuhon 2
Baluon mong panuon nin simbag an mga blangkong
linya.
Ako si
______________________________________.
Kaya kong
_________________________________.
Tanganing maging mas matibay, ako ma…
__________________________________________.
TANDAAN
Importanting pauswagon mo an
saimong sadiring kakayahan. May iba-iba
pang paagi na puwede mong gibuhon
tanganing pauswagon an sadiring kakayahan.
47. 46
Leksiyon 3.3. An Sakong mga Pangarap
Isipon
Ano-ano daw an mga muya mong
magibo, makua, o matupad saimong
buhay.
Gibuhon 1
Hilingon mo an mga tawo na nasa ritrato sa ibaba.
Sinda kaidto mga aki man na kapareho nindo.
Sa saindang paghinguwa, natupad ninda an
saindang mga pangarap. An mga pangarap iyo an
mga bagay na gusto mong magibo, makua o
maabot sa saimong buhay.
Ano-ano an saimong mga pangarap?
Haja Amina
Appi
Lea Salonga Soccoro
Ramos
Kenneth
Cobonpue
Manny
Pacquiao
Tony Tan
Caktiong
Jose Rizal
Josette Biyo
48. 47
Gibuhon 2
Ipirong mo an saimong mga mata.
Paganahon an saimong imahinasyon.
Ano an nahihiling mong ginigibo mo beynteng (20)
taon puon ngunyan?
Idrowing sa laog kan bula/subo an saimong sadiri
makalihis an beynteng (20) taon puon ngunyan.
49. 48
Gibuhon 3
Hilingon an mga bituon. Isurat sa dakulang bituon an
saimong pangaran. Sa palibot kaini idrowing an mga
bagay na nagpapahiling kan saimong pangarap. Sa
duwang saradit na bituon, idrowing an mga dapat
mong gibuhon tanganing maabot mo an saimong
mga pangarap. Hilingon an halimbawa sa ibaba.
Luhuan/labutan an saradit asin darakulang bituon
arog kan nasa ritrato. Laganan an mga ini nin gakod
asin pagkabiton. Magpatabang sa paratukdo sa
pagkabit kaini sa bintana o kisame kan klasrum.
na ateng
ko.
LINA
50. 49
An Sakong mga Pangarap
Para saimo importante man an magkaigwa nin
pangarap? Tano ta dapat magkaigwa nin pangarap
an sarong tawo?
Tandaan
Lambang aki may sadiring
pangarap. May mga kaipuhan kang gibuhon
tanganing maabot mo an saimong
pangarap.
51. 50
An Sakong mga Nagibo asin Nanudan
Direksiyon. Laganan nin tsek () an tamang kahon
kan saimong simbag.
Nagamit ko an mga kaaraman na ini:
Eskuwela Paratukdo
1. Nasunod ko an mga direksiyon .
2. Nagamit ko an sakong mga
kaaraman sa art .
3. Naghiras ako kan sakong istorya
sa mga kaklase .
4. Nagdangog ako sa istorya kan
sakong paratukdo .
5. Naikumparar ko an iba-ibang
mga bagay .
6. Nasabi ko an mga bagay na
gusto ko .
7. Naeksplikar ko an mga bagay
na may kinaaraman sa sakong
sadiri .
8. Natawanan ko nin importansiya
an sakong sadiri .
52. 51
Nagibo ko an mga bagay na ini:
Eskuwela Paratukdo
1. Nasabi ko an mga impormasyon
manungod sa sakong sadiri.
2. Nasabi ko an mga bagay na
gusto ko .
3. Naikumparar ko an sakong
panluwas na itsura asin
eksperyensiya sa sakuyang mga
kaklase .
4. Naipag-urgulyo an mga sadiri
kong katangian .
5. Nakagibo ako nin collage.
6. Nakabilog ako nin timeline.
7. Nakagibo ako nin graphic
organizer .
8. Napakaray ko an mga ritrato
base sa tamang pagkakasunod-
sunod kan mga ini .
53. 52
Nanudan ko an mga ini:
Eskuwela Paratukdo
Komentaryo kan saimong paratukdo:
_____________________________________________________
_____________________________________________________
_____________________________________________________
_____________________________________________________
_____________________________________________________
_____________________________________________________
_____________________________________________________
_____________________________________________________
____.
1. Nanudan ko na naiiba ako sa
ibang aki.
2. Nanudan ko na may mga
bagay na nagdanay asin
nagbago sa sakong sadiri.
3. Nanudan kong ipag-urgulyo
asin tawan importansiya an
sakong sadiri .
4. Nanudan kong irespeto an mga
panluwas na itsura asin
eksperyensiya kan sakong mga
kaklase.
55. 54
MGA KATUYUHAN
Matapos an pag-aadal sa Yunit 2 gamit an modyul na
ini, piglalauman na magigibo mo an minasunod:
5. Naiintindihan na an lambang pamilya may
pagkakaiba-ibang katangian
6. Nakasunod sa mga pagbuot kan pamilya
9. Natatawanan nin importansiya an pakikisumaro
sa sadiring pamilya saka sa ibang pamilya.
1. Natatawan nin kahulugan an tataramon na
pamilya
2. Namimidbidan an mga miyembro kan pamilya
3. Naiintindihan an papel kan lambang miyembro
kan pamilya
4. Naiintindihan an konsepto kan pagbabago asin
pagpadagos base sa istorya kan pamilya
7. Naipag-uurgulyo an sadiring pamilya
8. Natatawanan nin importansiya an marhay na
pakikiiba sa ibang pamilya
56. 55
Leksiyon 1 Pagmidbid sa mga Miyembro kan
Pamilya
Introduksiyon
Lolo Lola
Inay Itay
Manay
Ate
Manoy Bunso
57. 56
Leksiyon 1.1. An Sakong Pamilya
Isipon:
Siirisay an mga miyembro kan saimong
pamilya?
Gibuhon 1
Idrowing an saimong pamilya sa laog kan harong na
mahihiling sa ibaba.
58. 57
Gibuhon 2
Panuan an mga blangko.
Ako si ________________________________.
(Ano an pangaran mo?)
___________________________ an miyembro kan
(Pira an miyembro kan pamilya mo?)
pamilya ko.
Si __________________________ an sakong ama.
(Ano an pangaran kan saimong ama?)
Si ____________________________ an sakong ina.
(Ano an pangaran kan saimong ina?)
Si/ Sinda ____________________________________
(Kun igwa ka nin tugang o mga tugang,
ano o ano-ano an saindang mga pangaran?)
an sakuyang tugang/ mga tugang.
59. 58
Gibuhon 3
Haputon an mga miyembro kan saimong pamilya
tanganing mapanuan nin simbag an mga blangko.
Simbagan ini nin pataram.
Si ___________________________________an ama ko.
Siya ________________________________ na taon na.
Hilig niya na mag____________________________________.
Si_____________________________________ an ina ko.
Siya ________________________________ na taon na.
Hilig niya na mag ___________________________________.
Si ____________________________________an tugang ko.
Siya ________________________________na taon na.
Hilig niya na mag___________________________________.
Gibuhon 4
60. 59
Pag-adalan an ritrato sa ibaba na nagpapahiling kan
mga lugar na pinasyaran kan pamilya ni Bing. Ini
sarong halimbawa kan “bar graph”. Ipinapahiling kaini
an bilang kan oras na ipinirmi kan pamilya ni Bing sa
kada lugar na saindang pinasyaran. An bar graph
sarong klase nin graph na naggagamit nin mga bar
para maipahiling an bilang kan mga bagay.
Simbaan Parke Bakalan Harong
ni lola
Mga Lugar na Pinapasyaran
Oras
Bilang kan Oras na Nagamit kan Pamilya ni
Bing sa mga Lugar na Saindang Pinasyaran
61. 60
Sa paggamit nin bar graph, importanting hilingon ta
nguna an titulo kaini tanganing maaraman kun ano
an gusto kaining ipahiling. An titulo kan bar mahihiling
sa itaas na iyo an “Bilang Kan Oras na Nagamit kan
Pamilya ni Bing sa Lambang Lugar na Saindang
Pinasyaran”. Sa pinakaibabang parte kan graph
mahihiling an mga lugar na pinasyaran kan pamilya ni
Bing. An gilid naman kaini an nagsasabi kun pirang
oras an nagamit kan pamilya sa kada lugar na
pinasyaran. Itukdo kan saimong muro an bar para sa
CWC. Naabot sana ini sa ikaduwang bilang. An buot
sabihon kaini na duwang (2) oras an nagamit kan
pamilya ni Bing sa pagpasyar sa CWC. Pirang oras
man kaya an nagamit ninda sa pagpasyar sa Kawa-
Kawa? Embarcadero? Lingnon Hill?
62. 61
Gibuhon 5
Kaibahan kan saimong mga kaklase, baluon nindong
maggibo nin graph na nagpapahiling kun pira an
miyembro kan saindong pamilya. Maggibo nin korteng
halabanon sa malinig na papel.
Ini an gagamiton nindong bar sa gigibuhon na graph
para maipahiling kun pira an mga miyembro kan
saindong pamilya.
Ang mga Miyembro kan Pamilya
Pangaran din Mag-aadal
Miko Bea
1
2
3
4
Rina
Lina Paolo Tina
5
Ben6
9
8
7
10
Bilangkanmiyembroninpamilya
Ned
Lito
Aris
Nena
Pat Bert
Ron
Susan Mila
NatoMong
Rosa
Mark
Maki
Malaya
Dan
Edna
Abbi
63. 62
Isurat sa kada bar an pangaran kan mga miyembro
kan saindong pamilya asin idukot ini sa graph na
ilalaag kan saindong paratukdo sa sarong parte kan
klasrum.
TANDAAN
Ika parte kan sarong pamilya.
May iba-ibang miyembro an nagbibilog sa
saimong pamilya.
May pamilyang may dakul na miyembro.
Igwa man nin pamilya na may dikit
sanang miyembro.
64. 63
Leksiyon 1.2. Mga Parteng Dapat Gibuhon kan
mga Miyembro kan Pamilya
Isipon
Ano-ano an mga parteng dapat gibuhon
kan kada miyembro kan pamilya?
Gibuhon 1
Isurat sa ibabaw kan duwang kamot an apod mo sa
saimong ama asin ina o tagapag-ataman.
Isurat o idrowing sa laog kan lambang muro an mga
ginigibo kan saimong mga magurang o tagapag-
ataman sa laog kan saindong harong.
65. 64
Gagawaen 2
Basahon an tula na may titulong, An Samong
Pamilya” na nakua hali sa internet
http://www.takdang aralin.com/Filipino/mga-tulang-
pambata/mga-tula-tungkol-sa-pamilya/)
An Samong Pamilya
Maugma pirmi an samong pamilya
Si Manoy, si Manay pirming magkairiba.
Padangat kami ni ama saka ina
Kamo, igwa man nin siring na pamilya?
Maski sa trabaho, pagal an lawas,
Tabang ni Tatay pirming nakaantabay.
Problema ni Manay nareresulberan,
Sa priming nakatagamang tabang ni Nanay.
.
66. 65
Sa nadangog na tula, pira an miyembro kan
pamilya?
Siirisay an mga miyembro kan pamilya?
Ano an namatian kan pamilya?
Panon mon nibaga?
Tano mo ini nasabi?
Ano-ano an ginigibo ninda sa lambang saro? Sa
saimong paghuna, tama kaya ini? Tano o tano ta
bako?
67. 66
Gibuhon 3
Magbilog nin grupo na may limang miyembro.
Gamit an mga saradit na bola, desenyuhan ini na
magpapahiling kan iba-ibang miyembro kan
saindong pamilya. An saindong nabilog sarong
halimbawa kan puppet.
Gamit an nagibong puppet, iistorya nindo an pang-
aroaldaw na gibo kan lambang miyembro kan
saimong pamilya.
Ipahiling man kun pano nagtatarabangan an
lambang miyembro kan saimong pamilya.
68. 67
Gibuhon 4
Sarabay na kantahon an kantang“Maugma kun
Iribanan.”
Maugma kun iribanan,
Iribanan, iribanan.
Maugma kun iribanan
Asin nagtatarabangan.
An buhay marayrahay
Kun nagkakaminuutan
Maugma kun iribanan,
An satong pamilya
Tandaan
Importante an lambang miyembro
kan pamilya.
Lambang miyembro kan pamilya igwang
mga bagay na dapat gibuhon.
69. 68
Leksiyon 1.3. An Mga Obligasyon Ko sa
Sakuyang Pamilya
Isipon
Ano-ano an mga obligasyon mo sa
saimong pamilya?
Gibuhon 1
Hilingon an mga ritrato na nagpapahiling kan sarong
aldaw na mga gibuhon sa pamilya ni Ben.
Pag-adalan asin aramon kun ano an ginigibo ni Ben
sa lambang ritrato?
70. 69
Ano an mga narisa mo na ginigibo ni Ben asin kan
saiyang mga tugang? Sa paghuna mo, tama daw an
ginibo ninda? Tano? Ano kaya an namamatian kan
mga magurang ni Ben sa mga ginigibo nindang
magturugang?
Arin sa mga ginigibo ni Ben an ginigibo mo man sa
saindong harong?
An mga ritrato nagpapahiling kan mga dapat
gibuhon kan lambang aki sa saindong harong. Ini an
inaapod na mga obligasyon. An obligasyon iyo an
mga bagay na dapat mong gibuhon tanganing
magkaigwa nin karahayan, katuninungan asin
maugmang pag-iriba-iba an sarong pamilya.
May naisip ka pang mga obligasyon na dapat mong
gibuhon sa saindong harong?
Ano-ano an mga ini?
71. 70
Gibuhon 2
Pag-adalan an mga ritrato na mahihiling sa tsart.
Sabihon kun arin sa mga ini an nagpapahiling nin
pagsunod sa mga obligasyon sa saindong harong.
Idrowing an maugmang lalawgon sa mga ritratong
nagpapahiling nin pagsunod sa obligasyon asin
mamundong lalawgon naman sa dai
nagpapahiling nin pagsunod sa obligasyon.
Gawain o
Gibuhon 3
72. 71
Hilingon an tsart kan mga obligasyon o dapat mong
gibuhon sa saimong pamilya. Laganan nin tsek() an
mga gibuhon na nagibo mo sa aroaldaw.
Mga Obligasyon na
dapat gibuhon sa
pamilya
Lunes Martes Miyer-
kules
Huwe-
bes
Biyernes
73. 72
Mga Obligasyon na
dapat gibuhon sa
pamilya
Lunes Martes Miyer-
kules
Huwe-
bes
Biyer
nes
Tandaan
Igwa ka nin mga dapat gibuhon o
obligasyon sa saimong pamilya.
Importante na sunudon mo an mga ini
tanganing mapadanay an karahayan,
katuninungan asin maugmang pag-iribanan
kan saindong pamilya.
75. 74
Leksiyon 2.1. Mga Importanteng Pangyayari sa Buhay
kan Sakong Pamilya
Isipon
Ano-ano an mga importanteng
pangyayari sa buhay kan saimong
pamilya?
Gibuhon 1
Mag-isip nin limang (5) importanteng nangyari saimo
kan suodma. Idrowing an mga ini sa kahon base sa
pagkakasunod-sunod.
Ang Tulong Bagay na Sakuya Kasohapon
Kahapon
76. 75
Gibuhon 2
Magdangog sa istorya kan paratukdo manungod sa
importanteng pangyayari sa buhay kan saiyang
pamilya.
An
Mahalagang
Pangyayari
sa Buhay kan
Maestro.
77. 76
Gibuhon 3
Hilingon nin marhay asin pag-adalan an ritrato na
nasa ibaba.
Ano an nahiling mo sa ritrato?
Siirisay an mahihiling sa ritrato?
Anong pangyayari an mahihiling sa ritrato?
Ano kaya an namamatian kan mga tawo na nasa
ritrato? Tano?
Importante kaya an pangyayaring ini sa pamilyang
mahihiling sa ritrato? Tano ta nasabi mo ini?
Ano-ano an iba pang pangyayari sa buhay kan
pamilya an masasabi mo na importante?
Gibuhon 4
78. 77
Pumili nin limang (5) importanteng pangyayari
manungod sa buhay kan saimong pamilya. Idrowing
sa laog kan harong an lambang pangyayari base sa
tamang pagkakasunod-sunod.
79. 78
Gibuhon 5
Ihiras sa klase an nagibong timeline manungod sa
mga importanteng pangyayari sa buhay kan saimong
pamilya.
Ano an namatian mo mantang pighihiras mo an
istorya kan buhay kan saimong pamilya?
Tandaan
May mga importanteng pangyayari sa
buhay kan saimong pamilya. Parte an mga ini kan
saimong buhay asin makakatabang ini sa
pagpakarhay kan saimong sadiri.
80. 79
Leksiyon 2.2. Mga Bagay na Nagbago asin
Nagpadagos sa Sakuyang Pamilya
Isipon
Ano-ano an mga bagay o pangyayari
an nagbabago o nagpapadagos sa
buhay kan saimong pamilya?
Gibuhon 1
Ini an pamilya ni Laya kan siya mamundag asin kan
naging anom na taon na siya. Pilion asin kuluran nin
berde an mga nagbago sa duwang ritrato.
Ritrato.
Ladawan 1: Kan ipangaki si Laya
A B
81. 80
Ladawan 2: Kaitong anom na taong gulang si Laya.
Dakol daw ang nakulayan mo sa Ladawa 1 asin
Ladawan 2?
C D
82. 81
Gibuhon 2
Ihiras sa saimong mga kaklase an mga naobserbaran
mo sa mga ritrato. Riparuhon mo kun ano an mga
nabago, nagpadagos na nagbabago asin dai
nagbago.
Ano an naobserbaran mo sa bilang kan mga
miyembro kan pamilya? May nabago kaya sa inot
asin ikaduwang ritrato?
Ikumpara an itsura ni Laya asin kan mga miyembro
kan pamilya na nasa inot asin ikaduwang ritrato.
Ano an masasabi mo sa saindang harong asin an
kapalibutan kaini? Ikumpara an inot asin ikaduwang
ritrato?
83. 82
Gibuhon 3
Gumibo nin sarong timeline. Mag-isip nin tulong
importanteng pangyayari sa saindong pamilya puon
kan ika namundag sagkod ngunyan. Idrowing ini sa
laog kan kahon. Obserbaran an tamang
pagkakasunod-sunod kan mga pangyayari.
Mga Importanteng Pangyayari sa
Buhay kan Sakong Pamilya
84. 83
Gibuhon 4
Pag-adalan an ginibong timeline. Aramon kun ano an
mga bagay na nagbago asin nagpadagos o dai
nagbago sa buhay kan saimong pamilya. Idrowing o
isurat an mga ini sa laog kan kahon.
Sa paghuna mo, tano ta may mga bagay o mga
pangyayari an nagbabago, nagpapadagos o dai
nagbabago.
May mga naiisip ka pang mga bagay sa buhay kan
saimong pamilya na nagbago asin mga bagay na
nagpadagos o dai nagbago?
Leksiyon 2.3. Pagkukumpara kan Istorya kan
An Buhay kan
Sakong Pamilya
Ano an
nagbago?
Ano an dai
nagbago?
Miyembro
Istaran
Bagay na dapat
gibuhon
Tandaan
May mga bagay na nagbabago asin
nagpapadagos o dai nagbabago sa buhay kan
lambang pamilya.
An mga desisyon kan mga miyembro kan lambang
pamilya an nagtatao nin mga pagbabago o
pagpadagos .
85. 84
Sakong Pamilya asin Pamilya
kan Sakong mga Kaklase
Isipon
Anto ra so pandumaan tan
pamparehoan na pamilya nen Pamela
tan pamilya na kaaralan mo?
Gibuhon 1
Sa laog kan kahon idrowing an saimong pamilya asin
kuluran ini.
Ipahiling sa klase an nagibong drowing.
86. 85
An Sakong Pamilya
Ako kabilang sa pamilyang ___________________.
(apelyido)
An sakong pamilya igwa nin ________ miyembro.
(bilang kan miyembro)
Nakaistar kami sa ____________________________.
(lugar kan istaran)
An ama ko sarong ____________________________.
(trabaho o hanapbuhay)
An ina ko sarong ___ ___________________________.
(trabaho o hanapbuhay)
An mga paborito ming gibuhon na magkairiba iyo
an____________________________________________.
(paboritong gibuhon kan pamilya)
An samong pamilya _________________________.
(pinakagustong pag-uugali kan pamilya)
87. 86
Gibuhon 2
Magbilog nin grupo na may limang (5) miyembro.
Ihiras an istorya kan saimong pamilya.
Base sa saindong mga hiniras, panuan nin
impormasyon an tsart na mahihiling sa ibaba.
Pangaran
kan mga
miyembro
kan grupo
Apelyido Bilang kan
miyembro
kan
pamilya
Istaran Trabaho
o hanap-
buhay
kan ama
Trabaho
o hanap-
buhay
kan ama
Paboritong
ginigibo kan
pamilya
May naoobserbaran ka na pagkakapareho asin
pagkakaiba kan saimong pamilya asin pamilya kan
saimong mga kaklase.
May iba ka pang impormasyon manungod sa
saimong pamilya na gusto mong ihiras sa saimong
mga kaklase?
88. 87
Gibuhon 3
Magdara nin krayola, gunting, pasta asin mga
makukulor na papel o daan na diyaryo o magazine o
alang na dahon.
Gamit an mga makukulor na papel o diyaryo o
magazine o alang na dahon, gumibo nin sarong
kahoy asin idukot ini sa sarong malinig na papel.
Idrowing sa laog kan kahon an lalawgon kan
lambang miyembro kan saimong pamilya. Gupiton an
mga kahon asin idukot ini sa ginibong kahoy.
89. 88
Family Tree an apod sa natapos na gibuhon.
Ipinapahiling kan family tree an relasyon asin mga
miyembro kan pamilya.
90. 89
Gibuhon 4
Ihiras sa klase an ginibong family tree. Idukot sa pisara
o sa sarong parte kan klasrum an mga natapos na
family tree.
Pag-adalan an family tree. Ano an masasabi mo sa
nabilog mong family tree? Tano daw ta magkakaiba
an mga nabilog na family tree?
TANDAAN
May mga pagkakaiba asin
pagkakapareho an lambang pamilya. Sa mga
pagkakaibang ini mahihiling an mga kakaibang
pag-uugali kan lambang pamilya.
Kaipuhan na igalang ta an mga pagkakaiba-iba
kan lambang pamilya.
91. 90
Leksiyon 3. An mga Dapat Sunudon sa
Samuyang Pamilya
INTRODUKSIYON
92. 91
Leksiyon 3.1. Mga Pagbuot na Dapat Sunudon
sa Sakong Pamilya
Isipon
Ano-ano an mga pagbuot na
pigpapasunod sa saindong pamilya?
Gibuhon 1
Pag-adalan an minasunod na ritrato.
Arin sa mga ini an ginigibo mo sa saindong harong?
Kuluran an mga ritrato na nagpapahiling kan saimong
mga ginigibo sa harong.
Tano ta ginigibo mo an mga nasa ritratong saimong
kinukuluran? An mga ugali o gawi na ipinapasunod
kan saindong mga magurang o nakakamatuang
miyembro kan pamilya an inaapod na pagbuot o
alituntunin.
Ano-ano pa an mga pagbuot o alituntunin na
ipinapasunod sa saimong pamilya? Ano-ano an mga
ini?
93. 92
Gibuhon 2
Basahon an mga nakalistang pagbuot na nasa
ibaba. Laganan nin tsek () kun arin sa mga ini an
ipinapasunod asin ginigibo sa saindong
harong/pamilya.
A. D.
B. E.
C. F.
.
Magkakan nin mga
masustansiyang kakanon
Isaray an pinagturugan
Ubuson an mga hinandang
kakanon.
Magpuli sa harong sa
tamang oras.
Dai magdalan nin telebisyon
mantang nagkakakan.
Pakarhayon asin isaray
an mga kinakanan
94. 93
G.
H.
I.
Maaari po
ba akong
sumama? Maggamit nin “po”
asin “iyo po” sa
pakikipag-ulay sa
mga matua
Mag-adal nguna nin
leksiyon bago
magkawat.
Ibalik sa tamang
lalagan an mga
kawatan.
pagkatapos
magkawat
95. 94
Gibuhon 3
Sabihon kun sain kabali an mga pagbuot na
sinimbagan mo sa Gibuhon 2. Isurat an letra kaini sa
ikaduwang linya kan tsart na mahihiling mo sa ibaba.
Mga Klase nin Pagbuot
Pagbuot sa Eskuwela
Pagbuot sa Oras nin Pagturog
Pagbuot sa Tamang Paggamit
nin mga Bagay
Pagbuot sa Paggalang sa
Matua o Gurang na
96. 95
Gibuhon 4
Magpili nin sarong kaklase. Ihiras nindo sa lambang
saro an mga dapat sunudon na pagbuot o alituntunin
sa saindong pamilya. Pag-adalan an pagkakapareho
asin pagkakaiba kan mga pagbuot na ini
Tandaan
May iba-ibang pagbuot o alituntunin na
ipinapasunod sa lambang pamilya.
Dapat igalang an mga pagbuot o alituntunin na
ipinapasunod bako sana sa saindong pamilya
kundi magin sa ibang mga pamilya.
97. 96
Leksiyon 3.2. An Importansiya kan Pagsunod sa
mga Pagbuot o Alituntunin kan
Sakong Pamilya
Isipon
Tano ta importanteng sunudon an mga
pagbuot o alituntunin kan saimong
pamilya?
Gibuhon 1
Magdangog sa istorya na babasahon kan paratukdo
na may titulong “An Aking Layog-Layog”.
Ano an sinabi ni Nanay sa aking layog-layog?
Ano an ginibo kan aking layog-layog?
Tano ta dai sinunod kan aking layog-layog an sinabi
kan saiyang ina?
Ano an nangyari sa aking layog-layog?
Kun ika an aking layog-layog, gigibuhon mo man daw
an saiyang ginibo? Tano o Tano ta dai?
98. 97
Gibuhon 2
Kuluran an mga ritrato na nagpapahiling nin
pagsunod sa mga pagbuot o alituntunin sa pamilya.
100. 99
Ano an namatian mo mantang nagkakawat nin
“Snakes and Ladders”?
Ano an mangyayari kun naibugtak an saimong
pamato sa ritrato na nagpapahiling nin pagsunod sa
alituntunin?
Ano man an mangyayari kun naibugtak an saimong
pamato sa ritrato na nagpapahiling kan dai
pagsunod sa pagbuot o alituntunin?
Ano an nanudan mo sa kawat?
101. 100
Gibuhon 4
Panuan an blangko sa surat na nagsasabi kan
saimong panuga sa saimong magurang o tagapag-
ataman.
Namumutan ko na _____________________,
Puon ngunyan ____________________ minatuga ako na
(Isurat an petsa ngunyan)
susunudon ko an minasunod na pagbuot o alituntunin
sa satong pamilya:
1. _________________________________________
2. _________________________________________
3. _________________________________________
_________________________________________
(Isurat an bilog na pangaran)
_________________________________________
(Papirmahan sa magurang o tagapag-ataman)
Tandaan
Importante an mga pagbuot o alituntunin.
Magkakaigwa nin karahayan asin katuninungan an
pamilya kun sinusunod o ginigibo kan lambang
miyembro an mga ini.
102. 101
Leksiyon 4. Pagtaong Importansiya sa Pamilya
INTRODUKSIYON
Leksiyon 4.1. Ipig-uurgulyo Ko an Sakong
Pamilya
103. 102
Isipon
Ano an maipag-uurgulyo mo manungod
sa saimong pamilya?
Gibuhon 1
Magbilog nin grupo na may limang (5) miyembro.
Ipahiling sa klase sa paagi nin dula-dulaan an mga
kaugalian kan lambang pamilya.
Grupo 1 – Nagkakaminuutan na Pamilya
Grupo 2 - Pamilyang sarabay na nagpapangadyi
Grupo 3 - Pamilyang nagtatabang sa kapwa
Grupo 4 – Pamilyang nagtatarabangan sa gibo sa
harong
Grupo 5 – Pamilyang nagpapahiling nin pagtaong
importansiya sa edukasyon
104. 103
Gibuhon 2
Arin sa mga ipinapahiling na dula-dulaan kan mga
marhay na ugali kan sarong pamilya an
naoobserbaran man nindo sa saimong pamilya?
Laganan nin tsek () an ritrato.
Mag-isip nin iba pang marhay na kaugalian kan
saimong pamilya?
105. 104
Gibuhon 3
Ano-ano an mga gibong nagtatao nin kaugmahan
sa saimong pamilya?
Idrowing an duwa sa mga bagay na ini sa laog kan
kahon na mahihiling sa ibaba.
Puwedeng magdara nin ritrato kan maugmang gibo
kan saimong pamilya arog kan iribahan sa
pamamasyar, pagpiknik, pagsimba asin iba pa.
Mag-istorya sa klase manungod sa maugma asin dai
malilingawan na istorya kan saimong pamilya.
Puwede man idrowing o magdara nin mga ritrato kan
mga maugmang eksperyensiya kan saimong pamilya.
106. 105
Gibuhon 4
Maggibo nin surat pagpapasalamat para sa saimong
pamilya. Panuan an blangko na nasa laog kan
kahon.
Tandaan
An lambang pamilya igwa nin mga
mararahay na kaugalian.
Dapat ipag-urgulyo mo an pamilyang saimong
kinakabalihan.
Sa sakong namumutan na ___________________,
(pangaran kan mga miyembro kan pamilya)
Salamat sa
__________________________________________________
__________________________________________________
__________________________________________________
_________________________________.
(Ano-ano an nagibo o naipamati saimo kan mga miyembro kan saimong pamilya
na dapat mong pasalamatan)
Inuurgulyo ko an sakong pamilya!
Namumuot,
___________________________
(Isurat an saimong pangaran)
107. 106
Leksiyon 4.2. An Marhay na Pakikiiba kan
Sakong Pamilya sa Ibang Pamilya
Isipon
Tano ta importante na padanayon an
marhay na pakikiiba kan saimong
pamilya sa iba pang pamilya?
Gibuhon 1
Gamit an malinig na papel, idrowing digdi an ritrato
kan saimong pamilya. Pag-iribanon an mga ritratong
naidrowing kan saindong bilog na klase. Gamit an
mga ritrato magbilog nin letrang P, an inot na letra sa
tataramon na pamilya. Idukot ini sa sarong parte sa
laog kan klasrum.
An saindong ginibo sarong klase nin arte na inaapod
na mosaic. An mosaic an pinagdukot-dukot na mga
ritrato o bagay para makabilog nin sarong korte o
pattern.
108. 107
Gibuhon 2
Magdangog sa istorya na babasahon kan paratukdo
na may titulong “An Pamilyang Ismid” na isinurat ni
Rene O. Villanueva.
Pira an miyembro kan pamilyang Ismid?
Ano an paboritong gibuhon kan pamilyang Ismid?
Ano an problema sa lugar na pinag-iistaran kan
pamilyang Ismid?
Tano daw ta dai nakikisumaro sa ibang pamilya an
pamilyang Ismid?
Ano an nangyari sa saindang pamilya sarong banggi
mantang sinda nagtuturog?
Siisay an nagtabang sa pamilyang Ismid?
Kun ika miyembro kan pamilyang Ismid, ano kaya an
mamamatian mo sa ginibo saindo kan saindong
kataid? Tano?
Anong adal/leksiyon an napurot mo hali sa istoryang
nadangog?
109. 108
Gibuhon 3
Magkawat kita nin “Paint Me a Picture”. An “Paint Me
a Picture sarong kawat kun sain nagbibilog nin ritrato
nin sarong pangyayari o bagay gamit mismo an
hawak kan mga tawong kabali sa kawat.
Handa ka nang magkawat?
Magbilog nin grupo na may walong (8) miyembro. Sa
paagi nin “Paint Me A Picture” magbilog nin ritrato na
nagpapahiling nin maray na naitatao kan marhay na
pakikisumaro kan sarong pamilya sa ibang pamilya.
Pag sinabi kan paratukdo an bilang na “1, 2, 3, Paint
Me a Picture” ipahiling an napili nindong ritrato asin
magpundo sa paghiro hanggang sa sabihon kan
paratukdo na puwede na kamong humiro. Patuudan
sa mga kaklase kun ano an ipinapahiling na patuod.
110. 109
Gibuhon 4
Hilingon asin pag-adalan an ritratong nasa ibaba.
Ano an ipinapahiling sa ritrato?
Tano daw ta maugma an mga tawo na nasa ritrato?
Tano daw ta importanteng may pagkasinarabutan o
pagkairintindihan asin nagtatarabangan an lambang
pamilya?
Tandaan
Importante na padanayon an marhay
na pakikiiba kan pamilya sa iba pang pamilya.
Sa paagi kaini, mamamantinir an maugma asin
tuninong na komunidad o lugar na saindong
iniistaran. An mga pamilya dapat man
magtarabangan sa oras nin pangangaipo.
111. 110
An Sakong mga Nagibo asin Nanudan
Direksiyon: Laganan nin tsek () an kahon kan
saimong tamang simbag.
Nagagamit ko an mga nanudan na ini:
1. Nakasunod ako sa mga
direksiyon na dapat gibuhon.
2. Nagamit ko an sakong nanudan
sa art.
3. Nagdangog akong marhay sa
istorya kan sakong paratukdo.
4. Napag-adalan ko an iba-ibang
mga ritrato.
5. Naikumparar ko an iba-ibang
mga bagay
6. Nabisto ko an mga bagay na
nagbago, nagpadagos asin dai
nagbago sa sakong pamilya.
7. Natawanan ko nin importansiya
an mga pagkakapareho asin
pagkakaiba kan mga pamilya.
8. Naeksplikar ko an iba-ibang
bagay manungod sa sakong
pamilya.
Eskwela Paratukdo
112. 111
Nagibo ko an mga Bagay na ini:
1. Nasabi ko an mga importanteng
impormasyon manungod sa
sakong pamilya .
2. Nakadrowing ako nin iba-ibang
ritrato.
3. Nakagibo ako nin stick puppet.
4. Naipahiling ko sa paagi nin dula-
dulaan an mga marhay na pag-
uugali kan pamilya .
5. Naikumpara ko an istorya kan
sakong pamilya sa istorya kan
pamilya kan sakong mga kaklase.
6. Naipag-uurgulyo ko an sakong
pamilya .
7. Nakagibo ako nin bar graph.
8. Nakagibo ako nin timeline .
9. Nakagibo ako nin graphic
organizer.
10. Nakagibo ako nin mosaic .
11. Nakasurat ako nin surat
pasasalamat sa sakong mga
magurang .
12. Nakagibo ako nin family tree .
13. Nakasabi ako nin sarong tula.
14. Nakakanta ako nin sarong kanta .
113. 112
Nanudan ko an mga ini:
1. Nanudan ko na an pamilya igwa
nin iba-ibang miyembro.
2. Nanudan ko na lambang
miyembro kan pamilya igwa nin
parting ginigibo sa pamilya.
3. Nanudan ko na may mga bagay
na nababago asin dai
nagbabago sa sarong pamilya.
4. Nanudan ko na may iba-ibang
pagbuot o alituntunin na
ipinapasunod sa lambang
pamilya.
5. Nanudan ko na importante an
pagkakaigwa nin marhay na
pakikiiba sa lambang pamilya sa
sarong komunidad.
6. Nanudan kong ipag-urgulyo asin
tawan nin importansiya an sakong
sadiring pamilya.
7. Nanudan kong igalang an mga
kaugalian asin pagtubod kan
ibang pamilya.
Komentaryo kan paratukdo:
____________________________________________________
____________________________________________________
____________________________________________________
____________________________________________________
_________________.
