1. 2013ko URRIAREN 1ko AGIRIA
Gizarte Ongizatearen Bilboko Udal Kontseilua
Gaur, urriak 1, Adineko Pertsonen Nazioarteko eguna da. Nazio Batuen
Batzar Orokorrak aldarrikatu zuen egun hori 1990ean, "Adin guztietarako
gizarterantz" leloaren pean.
Adinekook egun honek ematen digun aukera baliatu nahi dugu, gaur egungo
gizar- tean dugun eginkizuna aldarrikatzeko eta egin dezakegun guztia
ezagutarazteko. Objektu pasibotzat hartzen gaituzte, gizarteko laguntza-
sarearen zati handi bati modu aktiboan eusten diogunean (adingabekoen,
dependentzia dutenen, langa- bezian dauden familiakoen zaintzaile gara
... ), ilusioa, ezagutza, balioak eta etorkizun-sena ere baditugula
ahaztu gabe.
2011tik ahalegintzen ari gara Bilbo hiri atsegina izan dadin adineko
pertsonekin. Gure adinerako ezaugarriak dituzten gune atseginak behar
ditugu, baina, batez ere, gurekiko jarrera atseginak behar ditugu.
Zahartze aktiboa bultzatzen duen hiria, adineko pertsonen bizi-kalitatea
hobetzen duena, hirietako bizimoduan eragina duten alderdiak integratzen
dituena nahi dugu, alegia, alderdi sozialak, ekonomikoak, urbanistikoak,
irisgarritasunekoak, garraioa, aire zabaleko espazioak, segurtasuna,
berdintasuna, lana, komunikazioa, errespe- tua eta gizarteratzea eta
informazioa eskuratu ahal izatea, horiek denak biltzen dituen hiria da
nahi duguna. Horretarako, guk, adinekook, protagonista izan behar dugu
eginkizun horretan modu aktiboan, inguruan egin behar diren aldaketetan
eragina duten erabakietan parte hartu behar dugu. Eskaintzen dizkiguten
foroetan nabarmendu, gure premiak adierazi eta aldarrikatu eta horietan
rnodu aktiboan parte hartzen ahalegindu behar dugu. Ez daukagu egonean
egoterik, erakundeek zer erabakiko zain
Era berean, gure esku dago ondorengo belaunaldiei erakustea adineko
pertsonen artean, gizartean legez, era guztietako pertsonak daudela, gure
aurrekoetatik bestelakoak garela, nork bere itxaropenak dituela, nork
bere aisia gozatzeko era duela, eta gure esku dago adieraztea ikasten eta
ekarpenak egiten jarraitu nahi dugula mundua hobetzeko. Azken batean,
eskubide osoko herritarraren tratua jaso nahi dugula, adina oztopo izan
gabe. lido horretan, gure eginkizuna eskutik joango da hurbileko
inguruarekin, auzo-elkarteekin, auzoarekin, ikastetxeekin, irabazi
asmorik gabeko erakundeekin, barrutietako zentroekin ...
Gogoratu gu ere krisiaren ondorioak jasaten ari garela, eta ez dela
kontuan hartzen adinagatik talderik ahulenetakoa garela. Kalte handia
egin digute pentsioetan, osasunaren arloan eta botiken gastuetan egin
diren murrizketek.
Eta jakitun gara adineko pertsonen artean badirela batzuk, beharrizan
ekonomikoez gain, bestelako arazoak ere badituztenak: bakardadea,
isolamendua, mugitzeko arazoak, harreman sozialik eza, laguntza beharra.
Horri aurre egiteko, arreta eta konpromisoa behar dira, bizi-kalitatea
hobetzeko gizarte-baliabideak, eta zerbitzuak jasotzeko eta gizartean
bete-betean parte hartzeko aukera gehiago ematea.
Ospatu dezagun gure eguna, eta gogoratu 364 egun ditugula aurretik gure
asmoak egia bihurtzeko. Ondo-ondo pasatu.