2. I. Paniniwala sa Banal na
Pagkilos ng panginoon
– Ang teologo ay naniniwalang ang pinagmulan ng wika ay matatagpuan sa Banal
na Aklat.9Genesis 2:20 “At pinangalanan ng lalaki ang lahat ng mga hayop, ang
mga ibon s himpapawid, at ang bawat ganid sa parang”.
– Genesis 11:1-9 Ang Bagong Magandang Balita Bibliya (ang Tore ng Babel)
– Nagkaroon ng panahon kungsaan ang wika ay iisa lamang. Napag-isipang
magtayo ng isang tore upang hindi na magkawatak-watak at nang mahigitan
ang Panginoon. Nang malaman ito ng Panginoon, bumababa Siya at sinira ng
tore.Nang nawasak na ang tore, nagkawatak-watak na ang tao dahil iba-iba
na ang wikang kanilang binibigkas kaya nagkanya-kanya na sila at kumalat sa
mundo.
3. II. Ebolusyon
– Ayon sa mga antropologo, masasabi raw na pagdaan ng panahon
ang mga tao ay nagkaroon ng mas sopistikadong pag-iisip.
Umuunlad ang kakayahan ng taong tumuklas ng mga bagay na
kakailanganin nila upang mabuhay kaya sila ay nakadiskubre ng
mga wikang kanilang ginamit sa pakikipagtalastasan. Sa huling
bahagi ng ikalabindalawang siglo, ang mga iskolar ay nagsimulang
mag-usisa kung paanong ang tao ay nagkaroon ng mga wika.
Nagsulputan ang sumusunod na mga teoryang nagtatatangkang
ipaliwanag ang pinagmulan ng wika.
4. a. Teoryang Ding Dong
– Nagmula raw ang wika sa panggagaya ng mga sinaunang tao sa
mga tunog ng kalikasan. Ito marahil ang dahilan kung bakit boom
ay palaging naikakabit sa pagsabog, splash sa paghampas ng tubig
sa isang bagay, at whoosh sa pag-ihip ng hangin. Sinasabing ang
paggaya sa mga tunog ng kalikasan ay bunga ng kawalan ng
kaalaman sa mga salita ng mga sinaunang tao. Ipinakikita ng
teoryang ito na ang lahat ng bagay ay may sariling tunog na
maaring gamitin upang pangalanan ang bagay na iyon. Malaking
tulong ang paggaya ng mga tunog sa paglikha nila ng sariling wika.
5. b. Teoryang Bow-Wow
– Katulad ng Teoryang Ding-Dong, ang wika raw ay nagmula sa
panggagaya ng mga sinauang tao sa mga tunog na nilikha ng mga
hayop, katulad ng bow-wow para sa aso, ngiyaw para sa pusa,
kwak-kwak para sa pato, at moo para sa baka. Sinasabi pang
kagaya ng mga sanggol na nag-uumpisang magsalita, ginagaya ng
mga ito ang mga tunog na kanilang naririnig. Hindi rin
nakapagtataka kung bakit tinawag na “tuko” ang tuko. Ngunit
marami ang hindi sang-ayon sa teoryang ito sapagkat sa bawat
bansa ay naiiba ang tawag sa mga tunog na nilikha ng mga hayop
gayong pare-pareho naman ang mga ito.
6. c. Teoryang Pooh-Pooh
– Isinasaad ng teoryang ito na nagmula raw ang wika sa
mga salitang namutawi sa mga bibig ng sinaunang tao
nang nakaramdam sila ng masisidhing damdamin tulad
ng tuwa, galit, sakit, sarap, kalungkutan, at pagkabigla.
Ang patalim ay tinatawag na ai ai sa Basque sa
kadahilanang ai ai ang winiwika kaag nasasaktan. Ag ibig
sabihin ng ai ai sa Basque ay “aray”
7. d. Teoryang Ta-Ta
– Batay sa teoryang ito, may koneksyon ang kumpas o galaw ng
kamay ng tao sa paggalaw ng dila. Ito raw ay naging sanhi ng
pagkatuto ng taong lumikha ng tunog at matutong magsalita. Ayon
sa mga nag-aaral ng ebolusyon ng tao, ang salita raw ay mula sa
mga galaw at kumpas na humantong sa pagkilala ng wika.
– Ang teoryang ta-ta ay nangangahulugang paalam o goodbye
sapagkat kapag ang isang tao’y nagpapaalam ay kumakampay
ang kamay nang pababa at pataas katulad ng pagbaba at
pagtaas na galaw ng dila kapag binibigkas ang salitang ta-ta.
8. e. Teoryang yo-he-ho
– Ayon sa teoryang ito, ang wika ay nabuo mula sa pagsasama-sama. Lalo
na kapag nagtatrabaho nang magkakasama. Ang mga tunong o himig na
namumutawi sa mga bibig ng tao kapag sila ay nagtatrabaho nang sama-
sama ay sinasabing pinagmula ng wika.
– Sa sanaysay na isinulat ni Jean-Jacques Rosseau, ang paglikha ng wika ay
hindi nagmula sa pangangailangan nito ngunit nanggaling sa silakbo ng
damdamin. Ang pangangailangan ay maaaring makapaghati-hati sa mga
tao sa kanilang kanya-kanya, ngunit ang silakbo ng damdamin ang
ngatulak na mamutawi sa bibig ng mga tao ang iyak, halakhak, sigaw,
galit na maaring pinagmulan ng sinaunang wika.
9. f. Teoryang Ta-Ra-Ra-Boom-De-Ay
– Ayon sa teoryang ito, ang wika raw ng tao ay nag-ugat
sa mga tunog na kanilang nililikha sa mga ritwal na
ito na kalauna’y nagpapabagu-bago at nilapatan ng
iba’t ibang kahulugan.
– Sila ay may mga ritwal sa halos lahat ng gawain tulad
ng sa pagtatanim, pag-aani, pangingisda, pagkakasal,
panggagamot, maging sa paliligo at pagluluto.
10. Sangguninan
– Dayag, Alma et.al. Pinagyamang Pluma : Komunikasyon at Pananaliksik sa Wika
at Kulturang Filipino, 2016 :76-78