1. Ang Pasko !
Pagdiriwang ng Kapanganakan ni Jesus -Anak ni Maria ?
“ Ang Pasko ay sumapit, tayong lahat ay magsiawit ng magagandang hinig …” Ano
Pasko na naman ? Ano ang Pasko sa Karamihan, sa mga bata ito’y bagong damit, si
Santa Claus, laruan, pagkain at pera. Sa mga magulang, ito’y paggugol ng salapi
para sa kasiyahan ng pamilya at gayon din sa mga ninong at ninang. Sa mga dukha,
ito’y kalungkutan at nagiging sanhi ng paninibugho dahil kapos sa mga
pangangailangan sa araw ng pagdiriwang. Sa mga pulubi, ito’y maraming limos na
matatanggap. Sa mga mangangalakal, malaking kita o pera. Bakit maraming
nagdiriwang sa araw ng Kapaskuhan, ang mga bansang hindi Cristiano katulad ng
bansang Japon ay nagdiriwang din, Tsina at marami pang iba ? Negosyo ang dahilan,
isang mabisang okasyon upang tangkilikin ang mga produkto. Maraming larawan ang
tagpo sa araw ng Paskong ito na ipinagdiriwang. Sa mga relihiyosong tao, ang pasko
ay pag-iibigan o pagmamahalan, dahil anya ang diwa ng Pasko ay ibinigay ng Dios
ang kanyang natatanging anak na si Jesu-cristo. Ito anya ang pagdiriwang ng kanyang
kapanganakan. Kailan siya ipinanganak ? Ang tanyag na kaalaman ay ika-25 ng
Disyembre.1 Ang salaysay ng mga sumulat ng Evangelio ukol sa tagpo ng
kapanganakan ay magkakaiba ang laman at detalye. Sinabi ni Rev. John Spong ang
kapanganakang ito ni Jesus -Anak ni Maria ay : “ Only the Christmas cadr industry
can blend these two accounts adequately, they do so by falsifying what they do
understand and ignoring what they do not understand.”2 Narito ang paghahambing
ng dalawang kuwento ukol kay Jesus.
Lucas ( 2:1-52) Mateo (2:1-23)
Mga angel at pastol ng tupa Walang binanggit (hindi alam )
Walang binanggit ( hindi alam) Bituin at mga mago ( Pantas)
Si Jesus ay isinilang sa sabsaban Si Jesus ay isinilang sa bahay
Si Jose ay bumisita sa Bethlehem Silay may tahanan o taga- Bethlehem
Si Jose at Maria ay nakatira sa Nazareth sa Si Jose at Maria ay nanirahan sa Nazareth
Galilea at naglakbay sa Bethlehem pagkatapos nilang umalis sa Egipto
Sa ikawalong araw ng kapanganakan ni Sila’y tumakas papuntang Egipto,
Jesus, siya ay dinala sa templo upang tuliin, pagkatapos na dumalaw ang mga Mago sa
pagkatapos ng ika-40 ayon sa patakaran ng tankang papatayin ang batang si Jesus ni
batas ni Moises at paghandog sa Templo, Herodes. Sila’y bumalik sa Nazareth
sila’y bumalik sa Jerusalem.. pagkatapos ng kamatayan ni Herodes.
Ang Di-Kapanipaniwalang Kuwento ni Lucas at Mateo
Ang manunulat ng Aklat na Mateo ay binagtas ang kapanganakan ni Jesus -
Anak ni Maria, na sinasabing siya ay ipinanganak sa Bethlehem ayon sa pagkakahula
ni Micah ( 5:2). Ito ang binasa kay Herodes ng mga guro ng Kautusan ( Mateo 2:6). Si
Micah, ay nanghula noong taong 721-701 BC sa Judea ukol sa pagsilang ng isang
Mandirigma na gagapi sa Asiryano sa pamamagitan ng tabak. Alam ng karamihan at
maaaring si Mateo ay gayon din na si Jesus -Anak ni Maria ay hindi nakipagdigma sa
1
Ito’y kaarawan ng paganong dios na sina Mithra at Bacchus, tignan ang Babylon Mystery Religion,
1981, Ralph Woodrow at The Two Babalon, 1916 ni Rev. Alexander Hislop.
2
Rescuing the Bible from Fundamentalism.

2. mga Asiryano at hindi niya kailan man sila nagapi. Napakahirap isipin kung bakit
kinuha ng sumulat ng Mateo ang talatang ito. Ang iba naman ay nagsasabi na ang
hulang ito ay sa muling pagbabalik ni Jesus -Anak ni Maria, ngunit napakahirap pa
ring isipin, na ang mga Israelita ngayon ay hindi kinikilala si Jesus -Anak ni Maria,
ang pagbabalik niya ayon sa paniniwala ng karamihan ay sa huling araw, sino pa ang
gagapiin ni Jesus sa Hula ni Micah.
Tanyag sa kaalaman na si Jesus ay isinilang sa Bethlehem ngunit sa aklat
naman ni Juan ay binanggit na si Jesus -Anak ni Maria ay isinilang sa Nazareth,
“ Nasumpungan namin yaong isinulat ni Moises sa kautusan, at gayon din ng mga
propeta, si Jesus na taga-Nazareth3 ang anak ni Jose. At sinabi sa kniya ni Nathaniel,
Mangyayari bagang lumitaw ang anomang magaling na bagay sa Nazareth.4 …
datapwat sinasabi ng ilan, ano, sa Galilea baga manggagaling ang Cristo ?…”5 Si
Mateo, dahil sa maaaring alam niya na si Jesus -Anak ni Maria ay tinatawag na
Nazareno, na isang kataga ayon sa pagkakaunawa ay lugar na kaniyang sinilangan, ay
bumatay sa hulang hindi niya alam kung sino ang may-sabi upang mapagtagpi niya
ang kinatha niyang kuwento : “ At siya’y dumating at tumahan sa isang bayang
tinatawag na Nazareth; upang maganap ang mga sinalita ng mga propeta, na siya’y
tatawaging Nazareno.”6 Ang buong Lumang Tipan ay walang ganitong binabanggit
na hula. Nakita na ninyo ang malaking kasinungalingan ? Si N.A. Wilson, isang
British journalist at biographer sa kanyang aklat na Jesus: A life7 ay nagpanukala na
ang sumulat ng Evangelio ay hinalungkat ang mga tradisyonal na hula ukol sa
paglitaw ng Messias at mula dito ay gumuhit siya ng makulay na kuwento ukol kay
Jesus -Anak ni Maria, Bingo ! Christmass story na ! at ikinapit niya ang mga hula
sa kuwentong kanyang obra maestra. Ano ang mga katibayan na ito ay dagdag sa
kasaysayan o kaya’y kathang kuwento na iniugnay sa tradisyonal na hula?
1. Si Flavius Josephus at ang kanyang mga ka-panahong mananalaysay ay
nagsasabing si Jesus -Anak ni Maria nga ay nanirahan sa Nazareth, na ang
pagpapatala nila sa Bethlehem na ipinag-utos ni Augustos ( 7-6BC)8 ay hindi
tugma sa tunay na nangyari. Ang kautusang ito, ay hindi kinakailangang
pumunta ka pa sa lugar ng iyong mga ninuno mahigit libo-libong taon na ang
nakaraan upang magpatala. Walang ganitong kautusan sa lahat ng
nasasakupan ng Roma. Kaya nga, hindi nila kailangang maglakbay sa
Betlehem.
2. Ang pagpapatala na inutos ni Augustos ay sa emperyo lamang ng Roma, (KJV
at RSV ay whole world or all the world ), upang masuri ang pagbabayad ng
buwis, ngunit ang Romano lamang ang inatasan nito hindi mga Judio na taga-
Nazareth. Kaya nga mali ang paglalahad na si Maria at Jose ay kailangang
maglakbay pa. Si Mateo ay walang ganitong istorya. Si Lucas ay nagsabi na si
Maria at Jose ay nakatira sa Nazareth, ipagpalagay na ang pagpapatala ay
sakop ang Galilea, at silay magbabayad ng buwis. Ang makabagong paraan ng
pagbabayad ng buwis ay batay sa Romanong sistema. Ang pamamaraang ito’y
kinopya rin sa Pilipinas, magbabayad ka ng iyong buwis kung saan ka
3
Kaugalian ng mga Hebreo o Judio na ikapit sa pangalan ang lugar ng kung saan ipinanganak upang
paghiwalayin ang bawat isa na magkakapangalan. ( ihambing Josue ( Jesus KJV Gawa 7:45; Hebreo
4:11; Col. 4:11;
4
Juan 1:45-46
5
Juan 7:41
6
Mateo 2:23
7
O Little Town of Nazareth, Guiller de Guszman, Dec. 25,1993; Jan. 1, 1994 Phil. Free Press
8
Lucas2:1-5

3. nakatira, naghahanap-buhay at may ari-arian. Hindi kung saan ka isinilang at
walang ari-arian. Kung may ari-arian sila sa Bethlehem, bakit pa sila nakitulog
sa sabsaban ng ibang bahay.
3. Si Haring Herodes na nabanggit ni Mateo ay namuno sa loob ng 30 taon ( 37-4
BC ) sa Palestina. Si Lucas naman ay sinabing si Quirinius ay governador ng
Syria nang si Jesus -Anak ni Maria ay ipinanganak. Malaking pagkakamali- si
Herodes at Quirinius ay hindi magkapanahon. Si Herodes ay matagal nang
patay nang ang pagpapatala ay iniatas ni Quirinius.
4. Ang talaan ng ninuno ni Jesus -Anak ni Maria na nakatala sa Mateo ( Kapitulo
1 ) at Lucas (3) ay hindi magkatugma. Sila’y magkasalungat sa maraming
detalye. Si Lucas ay sinasabing may 50+ na ninuno mula kay Jose hanggang
Abraham, si Mateo ay 42 ninuno mula kay Jose hanggang kay Abraham. Ano
ang dahilan kung bakit may ganitong pagkakasalungatan ? Popular sa mga
Judio ang usap-usapan na ang Mesesias ay ipanganganak sa Bethlehem, ang
bayan ni David. Ito ang kilalang bayan na pagsisilangan ng Messias. Si Lucas
ay inamin niya na ang kanyang pagsulat ay batay sa kanyang pagsusuri para sa
isang Gentil na may mataas na Katungkulan, si Teofilo. Ang layunin ni Lucas
ay upang ipakita kay Teofilo na ang mga Cristiano, mahigit nang 40 taon ang
nakalilipas sa panahon ni Jesus -Anak ni Maria, ay hindi malaking banta para
sa mga Romano. Kaya nga pinasimulan niya ito sa pamamagitan na si Jose at
Maria ay masunuring mamamayan sa pamamahala ng Romano. Alam ng
sumulat ng evangelio na sina Maria at Jose ay mga mamamayan ng Nazareth,
datapwat ang mga Judio ay naniniwala na ng Mesias ay magmumula sa bayan
ni David. Bakit kailangan pang dalhin ni Jose si Maria na manganganak na,
dahilan lamang sa pagbubuwis ? Sa katotohanan, sa balangkas natin sa unahan
ay hindi ito kailan man nangyari sapagkat may-pagsisinungaling at salungatan.
5. Ang Dakilang si Herodes , ay matagal nang patay nang si Jesus -Anak ni
Maria ay ipanganak, walang naganap na pagpatay sa mga batang walang
malay at kung gayon hindi sila nagtungo sa Ehipto.
6. Si Josephus ay nagsabi na si Herodes ay ipinapatay ang 45 Judio sa Jerusalem,
ngunit walang binanggit sa tala ng kasaysayan ang pagpatay sa mga bata sa
Bethlehem, sapagkat si Josephus na taga-tala ng kasaysayan ay kapanahon ni
Herodes.
7. Ang isa pa sa pagkakamali ng sumulat ng Mateo ay ang pagsipi sa Jeremiah
31:15 “ Isang tinig ay narinig sa Rama, panaghoy, at kalagimlagim na iyak,
iniiyakan ni Rachel ang kaniyang mga anak; siya’y tumatangging maaliw
dahil sa kaniyang mga anak, sapagkat sila’y wala na.” Ang talatang ito ay
ikinapit ni Mateo sa mga batang pinatay ni Herodes, ngunit marami tayong
bagay na mapapansin kung ano ang nasa paligid ng talatang ito na hindi tugma
sa pang-unawa ni Mateo. Una, Si Rachel ay ikalawang asawa ni Jacob,
namatay siya sa panganganak kay Benjamin.9 Siya ay inilibing malapit
Bethlehem. Sa panahon ni Jeremias, ginamit niya si Rachel bilang simbolo ng
bayang Israel na dinalang bihag ng mga kaaway sa Babilonia. Siya’y umiiyak
dahil sa kalagimlagim na nangyayari sa bayang Israel, ngunit ang Panginoon
ay inaliw si Rachel (Israel) at pinangakuan na muling ibabalik sa sariling
bayan. Ang pag-iyak na tinutukoy sa paksa ay iyak ng mga Israelita dahil
pinarusahan sila ng Panginoon at dahil sa kanilang pagsisisi. ( Jeremias 31:15-
9
Genesis 35:16-20

4. 20). Ngunit si Mateo ay iba ang pag-unawa, hula sa mga pinatay na walang
malay na bata.( Mateo 2:16-18)
8. Ang Paglikas sa Ehipto ? Dahil , patay na si Herodes nang ipinanganak si
Jesus -Anak ni Maria, wala ding pagpatay sa mga walang malay na bata at
walang paglikas sa Ehipto, maaaring si Jesus -Anak ni Maria ay dinala sa
templo upang ganapin ang ayon sa Kautusan ni Moises ayon sa balangkas ni
Lucas. Ang iba ay nagsasabi na si Lucas at Mateo ay gumagamit ng simbolo at
paralismo ( Symbols & Parallels) upang ipahayag ang kapanganakan ni Jesus
-Anak ni Maria. Sa bagay na ito, wala tayong ibang panukala sa kasalukuyan,
ngunit para sabihing hula at kakatha ng kuwento para ikapit ito ay isang
malaking kasinungalingan.
9. Mayroon bang bituin at mga Pantas ( Mago) ? Sinasabi na ang mga Pantas na
ito ay maaaring sugo ( envoys) mula sa Parthia10 na nagtungo sa Jerusalem
upang makipagdiwang sa itinayong Templo ni Haring Herodes. Ang mga
Astronomiyo ay nagtala na noong 12 BC ( Halle’y Comet) ay nakakita ng
napakaliwanag na Cometa ( Tala) at ito ay nakita sa Roma. Ito ay noong
Taglagas ( autumn ), sa panahon na ang Dakilang Romanong Kumandante na
si Marcus Agrippa ay namatay. Sa Tsina, ang Astronomiyo ay may naitala na
noong unang siglo ay may pangyayaring ganito at umaayon din sa Halle’y
Comet. Datapwat, si Mateo ay nagsabi sa atin na ang bituin ay naaalis sa
kanyang kinalalagyan. Ang bituin ay hindi kumikilos o natitinag man sa
kanyang kinalalagyan at ang Cometa ay hindi bituin. Ang pagkakasunod-
sunod ay malayo.
10. Kailan ipinanganak si Jesus -Anak ni Maria ? Kay Lucas, sinabi na si Jesus -
Anak ni Maria ay ipinanganak sa panahon na nagkaroon ng pagpapatala ng
mga Romano sa Judea, sa tala ng kasaysayan ito’y naganap noong ika-6 AD.
Paanong nangyari ito, si Jesus -Anak ni Maria ay ipinanganak na may anim na
taon na. Ang B.C. ( Before Christ ) at A.D. (Anno Domini / In the Year of the
Lord ) ay pamamaraan na inibento ng isang Monghe na si Dionysus noong
ika-6 na siglo, ito’y unang ginamit noong 533 AD upang bigyan ng tanda ang
kapanganakan ni Jesus -Anak ni Maria at kapanahunan ng Cristiano. Dahil
dito, ay maraming bagay ang pagkakamali. Dahil sa pagtaas ng karunungan,
ang Dakilang Herodes ay natuklasang noong ika 4 BC namatay. Hindi talaga
alam, kung kailan ipinanganak si Jesus -Anak ni Maria batay sa mga
dalubhasa, at may iba na ipinapalagay na ito ay noong 6 o 5 BC upang
maikapit sa tala ni Mateo.
11. May isa pang paraan upang mabagtas natin kung kailan maaring ipinanganak
si Jesus -Anak ni Maria. Sinabi sa Lucas na ang salita ng Dios ay dumating
kay Juan Bautista noong ika 15th taon ng Panunungkulan ni Tiberius11. Siya
ay Emperor ng Roma noong 14 -37 AD; na ang kanyang ika 15
panunungkulan ay noong 29 AD. Alam natin na si Juan Bautista at Jesus-
Anak ni Maria ay magpinsan at halos magkasing-gulang. Sinabi ni Lucas, na
tinuligsa ni Juan si Herodes Antipas dahil pinakasalan nito ang balong asawa
ng kanyang kapatid na si Filipe ( 4BC-34 AD). Dahil dito si Juan Bautista ay
ipinakulong at ipinapatay noong 34 AD. Sa taong ding ito nagpasimulang
mangaral si Jesus-anak ni Maria. Sinabi rin na si Jesus -Anak ni Maria ay may
30 taon gulang na nang nagpasimulang mangaral at si Juan ay nakakulong.
10
Pangalan ng isang matandang bansa SW Asia sa NE ng makabagong Iran ( Persia )
11
Lucas 3:1, Anatomy of the New Testament, R.A. Spivey, M. Smith ( Time –Chart of the New
Testament )

5. Dito ay ipinagpapalagay na si Jesus -Anak ni Maria ay maaaring
nagpasimulang mangaral noong 33 AD 12At kung idadagdag pa natin ang
tagal na kanyang pangangaral ay umaabot ng Tatlong (3) Paskua13
(Passover) na ang pinahuli nito ay noong March 29 AD, 36 AD, siya ay
hinatulan ng kamatayan. Ang maraming dalubhasa ay inilalagay ang kanyang
gulang sa 33 taon. Ngunit kung susundin natin sinabi ni Lucas na si Jesus -
Anak ni Maria ay mag-30 taon at ang 3 taon na kanyang pangangaral ay
lalabas na si Jesus-anak ni Maria ay 33 taon. At kung ibabalik natin kung
kailan siya ipinanganak ay noong 3 AD. Hindi pa rin tama, sapagkat tatlong
taon na siya nang ipinanganak . Kung tatanggapin natin ang panukala ng
Simbahan na si Jesus -Anak ni Maria ay hinatulan ng kamatayan noong 33
AD, upang tumugma sa 1 AD ang kanyang kapanganakan, ngunit magiging
salungat ito kay Lucas na ipinanganak si Jesus -Anak ni Maria sa panahon ng
pagpapatala noong 6 AD sa panahon ni Quirinius at si Mateo naman ay sa
panahon Haring Herodes ( o Herod the Great ) noong 37-4 BC.
12. Nakita na n’yo ang dahilan kung bakit walang tiyak na panganakan at may
iba’t-ibang panuka. Dahil may pagdaragdag at maling bagay na inihalo sa mga
istorya ng Biblia. Walang Pagpapatala para sa mga Judio, walang batang
isinilang sa sabsaban, walang tatlong hari ( daw), walang pagtungo sa Ehipto,
at ang larawang ng Christmass ay walang katiyakan. Ipinagdiriwang mo ba
ang Pasko na walang katiyakan at salungat sa Kasaysayn. Huwag nawa !
Sino ang Ipinanganak at Ipinagdiriwang
na Cristo sa Buwan ng Disyembre 25
Maraming Cristo ang lumitaw, hindi lamang si Jesus-anak ni Maria. Ang
Lumang Tipan at Pananampalatayang Paganismo ay maraming Cristo ang binanggit.
Kapag binabanggit ang salitang Cristo ay unang nasa isip kaagad ng mga tao ay si
Jesus. Siya ay inilalarawan sa tuwing darating ang Disyembre 25 na isang sanggol na
nakahiga sa sabsaban kasama ang kanyang ina na si Maria at ama-amahan na si Jose,
na sa kapaligiran nito ay may angel, mga pastol, tatlong Pantas (Mago) sa kamelyo at
nag-aalay ng mga kaloob, bituin at marami pa. Ang mga bagay na ito ay may
kaagapay din na mga awitin : “ Silent Night, Holy Night,: “ Hark the Herald Angels
Sings,” “ We Three Kings of Orient Are” at marami pang iba na katulad nito.
Sa paglipas ng panahon, maraming sekta ng Cristiano ang hindi umaayon sa
pagdiriwang na ito, na minana ng mga Pilipino sa Romanong Simbahan at iba pang
grupo ng Protestante. Ang mga Saksi ni Jehovah, Iglesia ni Cristo at maraming
pinuno ng Simbahang Romano at Protestante ang hindi sang-ayon sa pagdiriwang na
ito. Maraming dahilan kung bakit ? Sapagkat anya ang diwa at ugat ng pag-diriwang
na ito ay mula pa sa sinaunang pagano, bago pa isinilang si Jesus-Anak ni Maria ay
mayroon nang Pasko. Ang pinaka-halimbawa nito ay ang relihiyon sa Greece, si
Bacchus o Dionysius- isang bugtong na anak ni Jupiter, ipinanganak ng isang Birhen
na si Demeter noong ika-25 ng Disyembre. Siya ay kinikilalang bilang Manunubos at
Tagapagligtas ng Buong Sanlibutan. Tinatawag siyang Alpha at Omega. Ang mga
deboto ni Bacchus ay nagdiriwang ng Pagsilang ( Pasko), Kamatayan, at Pagkabuhay
na maguli. Si Mithra na isang dios-araw sa Persia ay ipinanganak din ng isang
12
sa panahong ding ito ay kasalukuyan si Juan Bautista ay nakakulong.
13
Ang pagkakalibre ng mga panganay na Israelita sa kamatayan sa Ehipto ( Exod. 12:23-27 ), ito’y
ipinagdiriwang ng mga Judio tuwing 14th ng Nisan ( Lumang Kalendaryo ng Hebreo) at pagdiriwang
ng mga Hebreo ukol sa paglikas nila sa Ehipto at pagkakawala sa pagkaalipin.

6. Birhen, ipinanganak noong ika 25 ng Disyembre. Ang Pasko (Christmas) at
Pagkabuhay na Maguli ( Easter Sunday ) ang pinaka-tanyag na pagdiriwang ng
Kapistahang ito. Sila ay may Pitong Sacramento rin na katulad ng sa Romanong
Simbahan. Ilan sa mga ito ay ang Pagbibinyag, Konfirmation at Banal na Hapunan
(Eucharistic Supper ), at ang mga deboto ay nakikibahagi sa Banal na Hapunang ito
sa pamamagitan ng tinapay at alak, bilang simbolo ng kanyang dugo at Katawan.
Ang pagkakapareho ng mga bagay na ito sa mga ipinagdiriwang ng simbahan
at pananampalataya ay malinaw na hindi ito nagkataon lamang kundi, hiniram na
pananampalataya, aral at kaugalian na ang nabago lamang ay ang pangalang Jesus.14
Ang usaping ito ukol sa kapanganakan ni Jesus ay hindi nangangahulugan na
laban tayo sa kanya. Ang atin lamang layunin ay ilagay ang mga bagay sa wastong
kinalalagyan at layuan ang mga lalang ni Satanas at ang dalisay na aral ay manatili at
huwag magdaragdag at magbabawas.
Kung ang sinoman ang makapagbibigay ng patotoo na Disyembre 25 nga ang
kapanganakan ni Jesus- anak ni Maria, hindi pa rin sapat na magdiwang tayo nito.
Bakit ? Walang itinuro si Jesus na ipagdiwang ang kanyang kaarawan, kahit na nga
ang mga apostol at ang mga naunang mananampalataya noong una hanggang
ikatlong siglo ay wala tayong makikitang ginanap nila ito. Si Jesus at ang mga aral
niya at lahat ng mga Propeta ang ating huwaran. Sinabi ni Jesus ang Ganito : “
Sapagka’t kayo’y binigyan ko ng halimbawa, upang gawin naman ninyo ayon sa
ginawa ko sa inyo.”15 Kahit na sa buong aklat ng Mga Gawa ay wala tayong
makikita sa ulat na ang mga unang mananampalataya ay ipinagdiwang ang Pasko o
kanyang kapanganakan. Ang mga Ama ng Simbahan noong ika-1hanggang ika- 3
siglo ay hindi binanggit ang mga bagay na ito, na sa kasalukuyan ay isa sa mga tanyag
na Kapistahan ng Cristianismo.
Hindi ipinagkakait na alalahanin natin ang kapanganakan, ngunit nagiging
masama kung ang paraan ng pag-aalang ito ay labag naman sa tunay na diwa ng
pananampalataya. Bakit naging labag sa diwa ng pananampalataya ang Pasko ? Una,
walang ipinag-utos ang Poong Maykapal at mga propeta na ganapin ang
pagdiriwang, ito’y idinagdag lamang ng taong walang karapatan mula sa Dios.
Ikalawa, Wala tayong katiyakan sa tunay kung kailan ipinanganak si Jesus ito ay
inamin ng isang doboto at dalubhasa Cristiano na si Dean Farrar. Sa katotohanan,
ito’y ipinanukala noong 530 AD ni Dionysius Exigus, isang Schythian at Monghe,
Pinuno sa Monasteryo ( Abbot) at Astronomer, ngunit wala siyang paliwanag kung
ano ang kanyang batayan sa panukalang ito. Ikatlo, ang pagdiriwang na ito ay
paganong pagdiriwang. Sinabi ni Richard Gregory, na ang Pasko sa Disyembre 25
ay paganong pagdiriwang na kinuha ng Simbahan upang ipagdiwang ang
kapanganakan ni Jesus noong kalagitnaan ng ika-apat na siglo upang akitin ang mga
pagano; at tuwiran na nang dinala ng mga pagano sa Cristianismo ang kaugalian nila
sa Paganismo. Ikatlo, ang Disyembre 25 ay kaarawan ng kapanganakan ng dios -
araw sa Kalendaryong Julian. Ang dios-araw ng sinaunang panahon ay isinilang sa
buwang ito. Sa sinaunang Britanya at Europa, ang pagsamba sa dios-araw ay
mahalaga, at ito’y may kaagapay na pagpapalamuti ng puno (Christmas tree) Sa loob
ng Biblia, ang kaugaliang ito ay ginagawa ng mga pagano. Sinabi sa Jermeias : “
14
Jesus, na ang kahulugan ay Tagapagligtas. Ang mga Paganong Cristo katulad ni Bacchus at
Mithra ay Tagapagligtas ( alalaon bagay Jesus ) ng buong sanlibutan sa kanilang mga kasalanan. Dahil
dito, maaring ang Jesu-Cristo na tinutukoy ng mga Griego-Judio ay hindi si Jesu-Cristo na anak ni
Maria. Kaya nga, ang Qur’an ay ipinakikilala siyang Jesus- Cristo Anak ni Maria upang matukoy natin
kung sinong Jesus.
15
Juan 13:15

7. Ganito ang sabi ng Panginoon, Huwag kayong matuto ng lakad ng mga bansa16, at
huwag kayong mangalupaypay sa mga tanda ng langit; sapagkat ang mga bansa ay
nangalulupaypay sa mga yaon. Sapagkat ang mga kaugalian ng mga bayan ay
walang kabuluhan: sapagkat may pumuputol ng punong kahoy sa gubat, na siyang
gawa ng mga kamay ng mangagawa sa pamamagitan ng palakol. Kanilang
ginagayakan ng pilak at ng ginto; kanilang ikinakapit ng pako at ng mga pamukpok,
upang huwag makilos.17” Ganito rin ang kaugalian ng mga Canaanita at Asirya sa
kaniyang dios-diosan na si Asherah, na isang puno kahoy ang pinakasimbolo niya na
sinasamba ng mga pagano at tinatawag nila itong ama.18 Sa talababa ng Biblia ay
ganito ang sinabi : “ The Heb. Asherah19, trans. ‘grove’ means also the idol enshrined
there ( Duet. 16:21). This idol seems often to have been a sacred tree, the figure of
which is constantly found on Assyrian monuments. In apostate Israel, however, such
groves were associated with every form of idolatry ( e.g. 2 Kings 17:16,17).” Ang
ugat ng kaugaliang ito, pagpapalamuti ng puno ay mula sa sinaunang kaugalian ng
pagano at bahagi ng kanilang pagsamba. Bagaman sa panahon natin ngayon ang
punong ito ay sinasabi nilang hindi sinasamba, ngunit hindi dapat natin gayahin ang
kaugaliang ito na wala namang kinalaman sa pagsilang ni Jesus. Ano nga ba ang
kinalaman ng punong kahoy sa pagsilang ni Jesus ? Wala, maliban ito’y tanda ng
pagsamba sa maka-paganong pananampalataya. Sinabi sa Biblia ang ganito : “
Huwag kang magtatanim sa iyo ng Asera20 ng anomang kahoy sa siping ng dambana
ng Panginoon mong Dios, na gagawin mo para sa iyo. “21 Hindi dapat nating
gayahin ang kaugalian ng mga pagano, ang Poong Maykapal lamang ang may
karapatan na magbigay sa atin ng tamang kaugalian, at huwag manghihiram sa
hidwang pananampalataya.
Ang iba naman ay nagsasabi na ang pagdiriwang ng kaarawan lalong higit sa
kaarawan ni Jesus ay hindi masama, sapagkat dapat tayong magalak o magsaya sa
buhay na ibinigay ng Poong Maykapal. Ganito ang payo ng isang mangangaral sa
loob ng Biblia : “ Ang mabuting pangalan ay maigi kay sa mahalagang unguento; at
ang kaarawan ng kamatayan kay sa kaarawan ng kapanganakan. Maigi ang pasa
bahay ng tangisan, kay sa bahay ng pistahan: sapagkat siyang wakas ng lahat ng
mga tao; at ilalagak ng may buhay ang kaniyang puso. Kapanglawan ay maigi kay sa
pagtawa: sapagkat sa kapanglawan ng mukha ay sumasaya ang puso. Ang puso ng
ng pantas ay nasa bahay ng tangisan; ngunit ang puso ng mangmang ay nasa bahay
ng kasayahan22 Sa Lumang Tipan, ang pagdiriwang ng kaarawan ay kaugalian na ng
mga pagano, dito’y kaagapay sa pagdiriwang ang malaking piging, at kasiyahan at
pagbibigay ng anomang kaloob. Ang bagay na ito ay ginawa na ni Faraon sa kanyang
nasasakupan.23 Sa Bagong Tipan naman ay may ganito ring naganap, kaagapay dito
ang paglalasing at pagbibigay ng kaloob at isa sa bahagi ng kaloob ay ang ulo ni Juan
Bautista.24
16
Sa KJV ang pagkakasalin ay “heathen” ( pagano )
17
Jeremias 10:2-4
18
Hukom 2:13; 3:7;6:25 Exodu 34:13; Duet. 16:21;Jeremias 2:27;3:9
19
The First Scofield Reference Bible p. 290
20
Sa RSV ang salin ay : “ You shall not plant any tree as an Asherah beside the altar of the LORD
your God which you shall make.” Ganito pa rin ang tala ng Scofield : “ The groves (Heb. Asherim) so
often mentioned in the O.T. were devoted to the worship of Ashereth, the Babylonian goddess Ishtar,
the Aphrodite of the Greek, the Roman Venus.
21
Dueteronomio 16:21
22
Ecclesiates 7:1-4
23
Genesis 40:20-21
24
Mateo 14:6; Marcos 6:21

8. Sa panahon natin ngayon, ang mga lumang kaugalian ng pagdiriwang ng
kaarawan ay namana rin sa ngayon. Narito ang pagsasayawan, kantahan, kainan,
regalo at ang pinakatampok sa lahat at hindi nawawala ay ang paglalasing, na isang
ugat o ina ng lahat ng uri ng kasalanan, krimen at imoralidad. Hindi lingid sa lahat na
ang Pasko ay nagaganap ang mga bagay na ito. Ito ba ang tunay na diwa ng Pasko ?
Hindi Disyembre ang Buwan
ng Kapanganakan ni Jesus
Ang mga palamuti sa araw ng Pasko at pati na ang Christmas Card ay
makikita natin ang larawan at kapaligiran na nakaugnay sa Ueropa at Estados Unidos.
Pati na ang Pilipinas ay naglalagay ng ganitong palamuti hango sa mga bansang
Kanluranin. Tulad halimbawa ng “ Snow (niebe), ” “ Santa Claus at mga usa ,”
“ Chritmas tree,” “ Chritmas light.” At marami pang iba na ang diwang ipinapakita ay
buwan ng Disyembre. Ang Griegong Iglesia ( Greek Church ) ay ipinagdiriwang ang
Pasko sa ika-7 ng Enero. Alin sa dalawa ang tama ? Kung atin susuriin ang tagpo na
nakasulat sa Panahon ng kapanganakan ni Jesus, ito ay sa panahon ng tag-init sa
Palestina at Gitnang Silangan na maaaring nagsisimula sa buwan ng Marso-
Septyembre. Sa Palestina, na kung saan ang lugar na kinalalagyan ni Jesus sa buwan
ng Disyembre ay napakalamig at kung minsan ay nagkakaroon ng katamtamang
niebe. Sabagay na ito, mababasa natin sa Biblia na ang mga tupa at pastol ay nasa
labas ng bahay, sa parang o damuhan. Ang tagpong ito ay nagpapakita na ang
panahon ay hindi Disyembre sapagkat, mamamatay ang tupa sa lamig. Ikinukulong ng
mga pastol ang tupa sa panahon ng tag-lamig.25 Ang Qur’an ay nagpahayag nang si
Maria ay lumisan patungo sa malayong lupain at nakaramdam ng uhaw at gutom at
ito’y sa panahon din ng kanyang panganganak. Iniutos ng isang tinig sa kanya na
yugyugin ang puno ng palmera at ang hinog na bunga nito ay malalaglag, ito’y
nagpapakita na ang panahon ng kapanganakan ni Jesus ay hindi Disyembre. Ang
dates o bunga ng Palmera ay namumulaklak at nahihinog mula sa buwan ng Febrero
hanggang Agosto. Sa mga panahong ito maaaring si Jesus ay ipinanganak. Kaya nga
ang tagpong taglamig sa Kaarawan ni Jesus ay mali at walang matibay na batayan.
Ikaw, magdiriwang ka ba ng iyong kaarawan na wala sa panahon kung kailan ka
ipinanganak ?
Mga Tanong na Dapat Sagutin
Tanong :May mga Muslim na nakikisama sa gawaing ng mga Cristiano ukol sa
pagdiriwang ng kanilang Mga Kapistahan katulad ng Pasko, ano ang maipapayo
ninyo sa Kanila ?
Sagot : Ang pakikisalo sa ganitong gawain ng isang Muslim sa mga Cristiano o mga
hindi mananampalataya ay hindi ipinahihintulot. Sa katotohanan, ito’y kinakailangan
iwanasan. Sapagkat, itinuro ng Propeta at nagbigay ng babala na ang makisalo o
makigaya sa ganitong gawain ay ibinibilang siyang kasama ( sa relihiyon)
ito.Nangangahulugan na nawala ang pagka-Muslim ng isang tao. Sa karagdagan pa,
hindi ipinahihintulot sa mga mananampalataya na tumulong o magbigay ng anoman
sa gawaing ito, sapagkat ito’y labag sa katuruan sa Islam. Ito’y sinabi ng Allah sa
Qur’an : “ Kayo’y magtulungan para sa kabutihan, pangkatarungan at kabanalan;
datapwat huwag magtulungan ang bawat isa sa kasalanan at paglabag sa (kautusan).
25
Lucas 2:1-8

9. At matakot sa Allah. Katotohanan, ang Allah ay mahigpit sa kaparusahan.” Kaya nga,
ang pakikisama sa mga hindi mananampalataya ay pakikisama na rin sa kasalanan at
paglabag sa kautusan.26
Tanong : Ano ang Katuruan ng Islam ukol sa mga Muslim na binabati ang Cristiano o
hindi mananampalataya ukol sa kanilang mga Kapistahan, halimbawa nito’y ang
Pasko ?
Sagot: Ang pagbati sa mga hindi mananampalataya ukol sa Pasko o anomang mga
kapsitahan nila ay ipinagbabawal ng mga dalubhasang Muslim. Ito ay ipinagbabawal
na gawain, sapagkat katulad na rin ito na binabati natin sila kasalanan at pagsamba sa
dios-diosan. Ayon sa mga dalubasa, ang gawain ng pagbati ay higit pang malaking
kasalanan kaysa sa pag-inom ng alalk, pagkitil ng buhay ng tao, pangangalunya at
anomang mga kasalanang katulad nito. Marami sa mga mananampalataya dahil sa
walang respeto o galang sa relihiyon ay bumabagsak sa ganoong uri ng
pakikisalamuha, at hindi nauunawaan kung gaano kapangit ang gawaing ito. Sinoman
ang bumati sa sinomang gumagawa ng kasalana ( ma’siyah), o pagtaliwas sa relihiyon
(bid’ah), o hindi paniniwala sa bagay na ito ( kufr)- ang ganitong uri ng tao ay
pasasailalim sa galit ng Allah. Ang gawain ng pagbati sa okasyon ng mga di-
mananamapalataya ay katumbas na rin ng pag-ayon sa kanilang hidwang
pananampalataya. Sinabi ng Allah : “ Kung ikaw tataliwas sa paniniwala, kung
magkagayon katotohanan hindi ka kailangan ng Alla; Siya ay hindi nasisisyahan sa
taliwas na paniniwala ng Kanyang mga lingkod…”27 At sinabi pa rin ng Allah :” Sa
araw na ito, ay nilubos ko ang relihiyon para sa iyo, at ginawang ganap ang aking
Kabutihang loob sa iyo, at pinili ko sa inyo ang Islam bilang iyong relihiyon.”28 Kaya
nga, ang batiin sila sa okasyong ito ay Haraam ( ipinagbabawal) na ano pa ang
relasyon mo sa kanila..
Tanong : Papaano tayo sasagot sa kanila kung tayo ay binati nila sa maka-Paskong
pagbati ?
Sagot: Kung babatiin nila tayo sa okasyong ito ng kanilang Kapistahan ( mga
ipinagdiriwang na araw ), ay hindi natin kailangang sumagot na katulad ng kanilang
ginagawa. Sapagkat kung gagawin natin ito, katumbas na rin na tayong sumasang-
ayon sa ganitong gawain, na ang gawaing ito ay tiyak na kinasusuklaman ng Allah. Sa
natalakay natin sa itaasan nito, ang pagdiriwang ng Pasko ay hindi kailan man
ginaganap ng mga naunang tagasunod ni Jesus-anak ni Maria at ito’y pa nga’y
pagtaliwas sa kanilang pananampalataya, lalong higit pa nga tayo. Sinabi ng Allah : “
Ang sinomang magnais ng ibang relihiyon, maliban sa Islam ito ay hindi kailoan man
Niya tatanggapin, at sa Kabilang buhay siya ay malulugi.”
Tanong : Maaari bang dumalo sa mga pagdiriwang na kanilang ginaganap sa mga
okasyong ito?
Sagot: Ang sinomang Muslim na tumanggap ng kanilang paanyaya ay
ipinagbabawal, ang sinomang makihalubilo sa gawaing ito ay higit pa ang kaysa sa
batiin sila at sumagot sa kanilang pagbati.
26
Majmoo al-Fatawa ni Sh. Abdul –Aziz Ibn Baaz 2/925
27
al -Qur’an Zumar 39:7
28
Al-Qur’an Al-Maai’dah 5:3

10. Tanong: Maaari bang gayahin na lang natin sila, para hindi na tayo dumalo ?
Sagot: Ipinagbabawal sa lahat ng Muslim ang gayahin sila sa kanilang ginaganap na
okasyon katulad ng party, pagpapalitan ng regalo, pagbibigay ng mga pagkain,
paghahanda ng pagkain at pagtigil sa trabaho dahil sa gawain o okasyong ito na
kanilang ipinagdiriwang. Sinabi ng Propeta : “ Sinomang makitulad sa mga taong ( di
mananampalataya sa kanilang kapistahan), kung magkagayon siya ay kabilang sa
kanila ( na di mananampalataya).” Sinabi ni Sh. Al-Islam Ibn Taymiyyah sa kanyang
aklat “ Pagsunod sa Tuwid na Landas-Pagsalungat sa mga Taong Mapapahamak sa
Apoy na Impierno” : ‘ Ang pakikigaya sa kanila ( di-mananampalataya) tungkol sa
kanilang mga Kapistahan o ipinagdiriwang ay makapagbibigay ng kasiyahan sa
kanilang mga puso tungkol sa mga hidwang kanilang ginaganap; at gayon din ito’y
magkapagbibigay sa kanila ng pag-asa o lalo pa silang magkakaroon ng lakas ng loob
na samantalahin ang ang pagkakataon at ibagsak ang mga mahihinang ( Muslim).”
Tanong: Makasalanan ba ang isang tao kung gagawin nila ang mga ipinagbabawal na
ito na nabanggit sa itaas nang hindi nila sinasadya, o kaya’y ginawa niya ito para sa
pakikisama, o kaya’y nahihiya na tanggihan sapagkat ayaw nilang mapahiya ang nag-
aanyaya o ano pa mang ibang dahilan na katulad nito ?
Sagot: Sinoman na nakisalamuha at nakigaya sa mga pagdiriwang na ito ng di-
mananampalataya ay ibinibilang na kasalanan, kahit na ano pa ang dahilan dahil sa
pakikisama, pangkaibigan, ayaw na mapahiya o ano pa man. Ito ay itinuturing na al
Mudaahanah fi Deeni-llah ( Pagkukunwaring Kabanalan ) at ito ang magiging
dahilan upang palakasin ang espiritu ng mga di mananampalataya at lumakas ang
kanilang kanilang pagmamalaki sa kanilang relihiyon.
Nawa ay dumalangin tayo sa Allah, ang Poong Maykapal na bgyan Niya tayo ng
lakas at tibay ng loob na paglabanan ang tukso na makakahila sa atin palayo sa ating
relihiyon. Katotohanan ang Allah ay Higit na Makapangyarihan at
Mapagkakanlungan.