2. LA PARTIDA
Stomatin quant a som levò su o facc un pensée
Doman l’è fescta em po’ durmii giù
E stasira e ghé na bèla partida da na a vedée
3. La partida la cumincia presct
Scià! Par na volta a tech su anca i pup
El sarà el regal par i fesct
4. E ghè tanta gent,
l’è na fescta e l’è divertent
el stadi l`è pien
I pup in fa na pèl
E la partida la finiss ben
5. La vinciù la squadra del chér
Dolza la vittoria, come el nettare,
come el mér
6. L’è miga sempro isci, capita anca da pèrt
ma fa nigot, un moment de tristezza
E doman em vedrà amò tut vèrt
7. A l’uscida la delusion! Tepisti e puliziot
Em cerca da evitai, va disi l’è un gran casot
A pensi: «i gent iè più bon da divertis
La prosima volta i pup i sta a cà e mi a farò miga el bis»
8. A ghè gent che la frusctrazion
I la mangia a colazion
I la cultiva tutt el dì
La diventa rabbia e a la sira i la scfoga isci
I ruvina tutt el divertiment
E iè pien de risentiment
Gent che a la società i ga nigott da daa
Ma i voo doma ciapaa
9. A tucc i regol iè contrari
E i voo miga nach a dré ai sentee
Con tanta fadiga dai so av preparee
I sentee, se iè miga perfett, sa po’ migliorai
Ma isci sa ga riverà mai
L’è miga vès rabiòs e violent
El giust comportament
10. En de la vita sa po’ sbaiaa
Ma l’eror el ga da fa marudaa
El ga da servii da lezion par miglioraa
O alora, se sa persevera, na vita sensa sens, inutila e veida
El sarà el prezzi da pagaa
11. I leggi de la natura, umana e moral i va rispetee,
sa po’ miga scapaa
O alora la bela favola la finirà maa
La scelta la va facia prima del fischio final
L’è na partida seca; o sa vinc o sa perd
El risultato el dipend dala scelta personal
12. E l’è miga come al gran magazin
Chi sa fa miga scunt, né grand né pinin
L’esisct miga el «sodiscfò o rimborsò»
La vita scprechémla miga, vuna sola i a na regalò
Gil