2. Mga Layunin:
• Naipaliliwanag ang pagkakaiba ng pangangailangan at
kagustuhan;
• Nasusuri ang mga teorya ng pangangailangan;
• Nailalahad ang kasalukuyang gawi ng mag-anak na Pilipino
ukol sa mga gastusing inilalaan para sa mga pangangailangan
at;
• Nabibigyang halaga ang pagsasagawa ng matalinong
pagpapasya ukol sa mga pangangailangan at kagustuhan
4. Ano ang pagdedesisyon?
Ayon kay ginoong Sean Ocier,
Ang paggawa ng desisyon ay nagsasalamin sa totoong karakter
ng isang tao. Ito ay batay sa kanyang pag-uugali, personalidad at
mga pinahahalagahang paniniwala.
Kapag ang isang tao ay nagdedesisyon, madalas ito ay
nahihirapan sa pagpili kung ano ang nararapat. Kung ang isang
tao ay nagdesisyon nang sobrang bilis, karaniwan ay sa
katagalan, hindi ito mabuti dahil minadali lamang. Kailangan ang
pagdedesisyon ay iniisip nang mabuti bago isakatuparan. Sa
kabilang banda, kung sobrang bagal naman ang paggawa ng
desisyon, maaari namang lumipas ang isang oportunidad.
Kaya dapat ay balanse ang iyong pagdedesisyon, kailangang
mag-isip nang mabuti pero hindi nag-aaksaya ng panahon.
5. Pagdedesisyon sa pang- Ekonomiyang
perspektibo
• Dahil sa kakapusan ng
salapi at pinagkukunang
yaman ng tao, lahat ay
nararapat na maging
matalino sa pagpili ng mga
kalakal na bibilhin at
tatangkilikin maging sa mga
serbisyong kukunin.
• Bilang mamimili, ano ang
iyong magiging batayan sa
pagpili ng mga nais mong
bilhin?
7. Pangangailangan ( Needs)
• Ang tao ay may mga kailangan na ang mga ito ay para
sa kanyang ikabubuhay.
• Gaya halimbawa ng damit, pagkain, tirahan, tubig at
iba pa.
8. Kagustuhan (Wants)
• Ito ay ang paghahangad ng
mga bagay na higit pa sa
batayang pangangailangan.
• Ito ay hinahangad ng tao
dahil sa ang mga ito ay
nagbibigay kasiyahan,
kaginhawahan, kaunlaran at
karangalan.
• Gaya halimbawa ng
telebisyon, oven,
refrigerator, washing
machine, cellphone at iba pa.
9. • Ngunit ayon sa mga
eksperto sa ekonomiya at
mga iskolar sa gawi ng tao,
maituturing pa rin na
bahagi ng kagustuhan ang
paghahangad ng tao sa
isang bagay sapagkat higit
itong mahusay kung
ihahambing sa dati niyang
ginagamit.
• Gaya halimbawa ng Instant
Coffee.
10. Teorya ng Pangangailangan ni Maslow
• Si Abraham Harold
Maslow (1908-1970) ay
isang amerikanong
psychologist na
nagpanukala ng
hirarkiya ng mga
pangangailangan.
11. Teorya ng Pangangailangan
• Ayon kay Maslow, habang
nagpapatuloy na
napupunan ng tao ang
kanayang batayang
pangangailangan, siya ay
naghahanap ng mas mataas
na pangangailangan (higher
needs) ayon sa
pagkakasunod sunod sa
isang hirarkiya.
12. Physiological needs (pisyolohikal) – ang pinakamababang bahagi ng
piramide, kabilang dito ang mga bayolohikal na pangangailangan sa
pagkain, tubig, hangin, at tulog.
Safety needs (pangkaligtasan) – ito ay nauukol sa mga
pangangailangan para sa kaligtasan at katiyakan sa buhay, kabilang dito
ang katiyakan sa hanapbuhay at kaligtasan.
Love/Belonging needs (Pangangilangang makisalamuha, makisapi
at magmhal) – ito ay nauukol sa pangangailangang panlipunan tulad ng
pakikipagkaibigan at pagkakaroon ng pamilya dahil sa kailangan ng tao
ang pagmamahal at pagtanggap ng ibang tao.
Esteem needs ( pangangailangang mabigyan ng pagpapahalaga ng
iba)– nauukol sa pagkakamit ng respeto sa sarili at respeto ng ibang tao.
Actualization (pangangailangang maipatupad ang kaganapang
pagkato) – ang pinakamataas na antas sa hirarkiya. Dito ang tao ay may
kamalayan hindi lamang sa kanyang sariling potensyal, ngunit higit sa
lahat sa kabuuang potensyal ng tao.
13. Teorya ng Pangangailangan ayon kay McClelland
• David McClelland, isang
Amerikanong
psychologist, ayon sa
kanya, may mga
pangangailangan ang tao
na natatamo sa matagal
na panahon at
hinuhubog ng mga
karanasan
14. Teorya ni McClelland
• Ang mga
pangangailangang ito ay
inuuri sa tatlo:
• Ang nagawa
(achievement)
• Kapangyarihan (power)
• Pagsapi (affiliation)
15. Nagawa (achievement)
• Nagawa (achievement) – inilarawan ni McClelland
ang katangian at saloobinng taong may mataas na
pangangailangan sa nagawa
• Ang nagawa ay higit na mahalaga kaysa mga
gantimpalang material at salapi.
• Ang makamit ang layunin ay nagbibigay ng personal
na kasiyahang higit sa makatanggap ng papuri at
pagkilala.
• Mahalaga ang feedback upang masubaybayan ang pag-
unald na nakamit.
16. Kapangyarihan(Power)
• Kapangyarihan(Power) – ito ay may dalawang uri –
personal at institusyonal
• Personal – ito ay kadalasang hindi maganda dahil sa
pagnanais na magtuos sa iba
• Institusyonal – ito ay nakatuon sa mga pagsisikap
upang maging maayos ang layunin ng samahan
17. Pagsapi (affiliation)
• Pagsapi (affiliation) – ang pagsapi ay nagnanais ng
maayos na pakikisalamuha sa ibang tao at kailangang
makadama na sila rin ay tinatanggap ng ibang tao.
• Ang walang hanggang pangangailangan at
kagustuhan ng tao ang itinuturing na pinakaugat ng
suliraning may kaugnayan sa kakapusan. Kaya
nararapat na maging matalino sa pagpapasya ukol sa
paggamit ng may kakapusang pinagkukunang-yaman.
Kinakailangang bigyang-tuon ang mga bagay na
makapagbibigay sa tao ng higit na kapakinabangan at
kasiyahan.
20. Sarbey ng NSO at FIES
• Sa pagdaan ng panahon, sinasabing bumababa ang gastusin ng
pamilyang pilipino sa pagkain habang patuloy na tumataas ang
kanilang gastusin sa ibang bagay.
• Sa srabey na ginawa ng NSO (National Statistics Office) at FIES
(Family Income and Expenditure Survey) ipinakita na sa bawat
Php.100 na ginagastos ng bawat pamilyang pilipino na kabilang sa
30% ng pangkat na may pinakamababang kita noong 2006, Php.59
ay napupunta sa pagkain kumpara sa Php.60 noong 2003.
• Bumaba rin ang paggasta sa iba pang mga bagay tulad ng tabako
(2% patungong 1.7%), pananamit at sapin sa paa (2.5% patungong
2%) at pagkukumpuni ng tahanan (5% patungong 2.%)