1. RESUMO TEMA 7 SOCIAIS – SEXTO NETEX
A historia encárgase de estudar o pasado, grazas ás fontes históricas: conxunto de
materiais (documentos, testemuñas, obxectos...) que permiten coñecer feitos do
pasado. Poden ser:
-Fontes escritas: desde a aparición da escritura, estas son fundamentais. Van
desde as antigas táboas de arxila, pasando polos papiros e pergamiños, ata chegar
ao papel.
-Fontes non escritas: son a base do estudo da prehistoria. Poden ser materiais
(obxectos e restos arqueolóxicos, pinturas, armas...) ou orais (información
transmitida de xeito falado, lendas, tradicións...)
Para coñecer a historia é necesario datar os feitos, saber agrupar feitos-obxectos
da mesma época (simultaneidade) e ordenar feitos-obxectos no tempo (sucesión).
Para mediar as distintas eras tómanse como referencia feitos históricos
destacados: aparción da escrita, nacementos de Xesucristo (a.C. ou d.C.).
Medida dos séculos: agás que o ano remate en 00 (que entón non se lle suma 1).
Para o estudo das etapas da historia valémonos da cronoloxía (ciencia que
ordena temporalmente os feitos históricos).
Podemos dividir a historia da humanidade en Prehistoria (antes da escritura +-
3500 a.C.) e a Historia (despois da escritura).
A Prehistoria é un amplo período que se inicia coa aparición dos primeiros seres
humanos e remata coa aparición da escritura (2,5 millóns de anos - 3500 a.C.). As
fontes empregadas son restos materiais: ferramentas, armas, utensilios,
pinturas...Podemos dividir a prehistoria en
PALEOLÍTICO (2,5 m.a. a 8000 a.C.): eran nómades; vivían da caza e recolección.
*Paleolítico Inferior: fabricaban os seus propios utensilios, aínda que eran moi
pesados e difíciles de manexar. Tamén aprenderon a utilizar o lume.
*Paleolítico Medio: os utensilios e ferramentas foron mellorados.
*Paleolítico Superior: aparece o ser humano propiamente; primeiras pinturas.
NEOLÍTICO (8000 – 4000 A.c.): pedra nova (ou puída). Aparece agricultura,
gandaría e cerámica. Forman poboados estables, non nómades.
IDADE DOS METAIS (4000 – 3500 A.c.): traballan o cobre, o bronce e o ferro.
A Historia comeza co descubrimento da escritura cara ao ana 3.500 a.C. Para
estudala dividímola en...
Idade antiga.- desde os primeiros escritos ata a caída do Imperio Romano (476
d.C.) Temos as civilizacións en Mesopotamia, Exipto, Grecia e Roma.
Idade Media.- desde 0 476 d.C. ata o 1492 d.C. (descubrimento de América).
Dáse o feudalismo, un sistema de vasalaxe e servidume.
Idade Moderna.- desde o 1492 d.C. ata o 1789 d.C. (Revolución Francesa). Danse
grandes descubrimentos, aparece a imprenta e teñen lugar guerras relixiosas.
Idade Contemporánea.- desde o 1789 d.C. ata os nosos días. Comeza coa
Revolución Francesa, que estenderá as formas democráticas. Gran desenrolo da
industria e da tecnoloxía.