1. 1
Baitang 6
PAGBIBIGAY NG WASTONG IMPORMASYON
Bata man o matanda ay nararapat na maging ligtas sa kaniyang kapaligiran.
Kinakailangang mapuksa ang mga insektong tagapagdala ng sakit ngunit kailangan ding
pag-ingatan ang paggamit ng mga produktong pumapatay rito.
Sa modyul na ito ay mabibigyan ka ng wastong impormasyon tungkol sa paggamit ng
“insecticide”.
ALAMIN MO

2. 2
Kung ilalagay mo ang iyong sarili sa batang nakalarawan, ano ang iyong mararamdaman.
Hindi ka matutuwa, „di ba?
Basahin mo ang ating tula.
GOODBYE LAMOK
Maliit, mabalasik
Sa tainga‟y sumisiksik
Kumagat ay kay bagsik
Dala-dala nito ay sakit.
Huwag kang pakatiwala
Iyang tubig sa plorera
Gulong, pati na lata
D‟yan sila nagpipiyesta.
Ugong ay nakabubuwisit
Sa tainga‟y paikit-ikit
Ika‟y talagang iirit
Lalo na kung mainit.
Hampas mo rito
Kamot mo pa roon
Pagod ka kahahabol
Talagang “small but terrible”.
Kapag ika‟y nilagnat
Ilang araw walang puknat
Ika‟y mag unat-unat
Baka dengue ang katapat.
Insektong nakayayamot
Ipis, pati na lamok
Mga langaw at langgam
Palayasing lahat iyan.
PAG-ARALAN MO

3. 3
Ano ang tono ng ating tula?
Inis at galit, ano?
Ano ang nais niyang gawin sa mga insektong ito?
Tama, gusto niyang palayasin ang mga ito.
Ikaw, kayo, ano ang ginagamit ninyo upang mapuksa ang mga insekto?
Mabisa ba ito? Ligtas bang gamitin ito?
Naalaala mo ba ang kaso tungkol sa mga matanda at batang namatay nang kumain ng
pitsi-pitsing balinghoy (cassava)?
Paanong nangyari iyon?
Ano ang dapat mong gawin sa mga insecticide? Bakit dapat tayong maging maingat sa
paggamit ng mga ito?
Ano ang dapat mong gawin sa mga pagkain?
Ano ang epekto ng pag-iisprey ng insecticide sa ating kapaligiran?
Ano-ano ito?
Ano ngayon ang dapat mong gawin?
Dapat sundin ang mga wastong impormasyong ibinibigay ng mas nakaaalam sa atin
upang kalusugan ay mapanatili at kapaligiran ay maging ligtas sa anumang sakit.
ISAISIP MO

4. 4
Sipiin ang mga tanong. Sagutan sa iyong kuwaderno.
A. Ilahad mo ang sarili mong palagay. Lagyan ng tsek (√) ang hanay na naglalahad nito.
Hindi Madalang Palagi
1. Nagbabasa ng mga
nilalaman/sangkap ng insecticide
bago bilhin.
2. Nagsasaliksik ng impormasyon ukol
sa tamang paggamit ng insecticide.
3. Naglilinis ng kanal.
4. Itinatago sa ligtas na lugar ang
insecticide.
5. Itinatapon sa basurahang para sa
delikadong bagay ang mga basyo ng
insecticide.
6. Iniiwasan ang paggamit ng
insecticide.
B. Basahin ang mga kalagayan. Sagutan sa iyong kuwaderno ang mga tanong.
1. Matapos gumamit ng insecticide, ang kuya ni Michaela, ibinato na lamang ang
basyo nito sa may bakuran.
Tama ba ang ginawa ng kuya ni Michaela? Bakit mo nasabi? Ano ang dapat
niyang ginawa?
2. Galing sa palengke ang nanay mo. Nang nailagay na niya sa mesa ang mga gulay
at iba pang pagkain ay biglang may dumapong ipis sa mesa. Agad niyang
binomba ng insektisayd ang ipis.
Ano ang maaaring mangyari?
Ano ang dapat gawin?
ISAPUSO MO

5. 5
Ipakita at pag-usapan.
Nakikita mo sa barangay ninyo na maraming bata ang nagkakasakit ng dengue. Pumunta
ka sa Health Center ninyo at magsaliksik kung ano ang pinagmumulan ng dengue at kung paano
ito pupuksain. Magbigay ng impormasyon tungkol dito sa inyong mga kapitbahay.
ISAGAWA MO