1. O currículo
É un documento utilizado para a procura de emprego.
A súa presentación adoita ser requisito indispensábel para solicita-la maioría dos
postos ofertados nos anuncios de traballo.
No currículo fanse consta-los datos persoais, a formación académica e a experiencia
profesional da persoa á que pertence. Incluiranse os apartados de idiomas e coñecementos
informáticos, cando se teñan. Poden incluírse outros apartados como: actividades públicas,
afeccións, premios, etc.
A súa presentación adoita ser requisito indispensábel para solicita-la maioría dos
postos ofertados nos anuncios de traballo.
O currículo é a túa tarxeta de presentación na empresa onde solicitas traballo, por elo
convén elaboralo con moito coidado para que quede o máis presentábel posíbel. Para redactar
ben un currículo é conveniente atender ós seguintes consellos:
• Facer un correcto currículo require tempo e traballo. É mellor telo redactado con
anticipación por se tiveras que envialo nun prazo moi breve. Ademais é mellor preparalo
cando non se está baixo presión de tempo.
• O máis corto é o mellor. O currículo non debe ocupar máis de dúas páxinas A4. Se se trata
do teu primeiro traballo, unha páxina será mellor. Cando xa teñas algúns empregos
relevantes poderás amplialo.
• Unha boa fotografía axuda. Se solicitan fotografía no anuncio non poñas calquera foto
tomada nunha cabina ou fotocopiada doutro documento. Paga a pena gastar un pouco de
diñeiro nunha foto de estudio e resultará unha boa inversión en caso de ser contratado.
• O CV deber ter no primeiro apartado tódolos teus datos persoais e detalles de contacto.
• Cita as empresas onde traballaches, en orde inversa: o traballo máis recente primeiro. En
cada unha é conveniente por unha breve descrición do traballo desenvolvido e o nivel de
responsabilidade.
• O contido debe estar sempre actualizado. Causaría unha mala impresión omitir o derradeiro
emprego porque demostra que non te molestaches en redactar un novo CV dende o teu
contrato anterior.
• O documento debe ter a mellor calidade gráfica posíbel, incluso se o solicitan manuscrito.
Se o redactas no ordenador non uses fontes de diferentes tipos ou cores e non esquezas
utiliza-lo corrector ortográfico antes de imprimir. Presenta sempre o documento orixinal,
non fotocopiado.
• O currículo debe resalta-los puntos fortes da túa formación e da túa experiencia. Se podes
trata de adecualo ó posto de traballo da oferta á cal o vas presentar. No caso de
traballadores novos non está ben considerado presentar no apartado da experiencia
profesional moitas contratacións en distintas empresas, porque transmítese a sensación de
ser unha persoa con dificultades de adaptación. Se estás neste caso convén que evites
mencionar no CV algún dos contratos que tiveches.
2. CURRICULUM VITAE
DATOS PERSONAIS:
Nome: Breixo Senande Trabazo
DNI: 75.300.300
Domicilio: R/ Xoán Carlos 1, 37-2° C
Localidade: Compostela C.P. 15440
Provincia: A Coruña
Teléfono de contacto: 953-74 17 40
Fecha de nacemento: 20 de maio de 1982
Estado civil: Solteiro
DATOS ACADÉMICOS:
• PCPI «Servicios Auxiliares de Oficina» cursado no IES Terra de
Xallas, de Santa Comba (A Coruña), no curso académico
1999/2000. Nota final, notable.
• Destaquei no módulo INICIATIVA PERSOAL E RELACIÓNS
LABORAIS, no que obtiven a cualificación de sobresaliente.
FORMACIÓN COMPLEMENTARIA:
• Coñecemento elemental de inglés falado e escrito.
• Curso de 150 horas de Informática: Procesador de textos, Bases
de datos e Folla de Cálculo.
EXPERIENCIA LABORAL:
• Prácticas en empresas (FCT), durante a realización do PCPI, cun
total de cincuenta xornadas na Secretaría do propio Instituto.
• Principais tarefas realizadas: - Arquivo. - Rexistro de
correspondencia. - Tarefas informáticas elementais. -
Reprografía.
OUTROS DATOS
• Carnet de conducir B-1 e coche propio.
• A miñas principais afeccións: lectura e deporte.
REFERENCIAS:
• Sr. *sds*, responsable administrativo do IES Terra de Xallas,
tfno. 953656565.
