1. AGHAM PANLIPUNAN SA EKONOMIKS
Antropolohiya- ito ay isang sistematikong pag-aaral ng pinagmulan, ebolusyon at kultura ng Tao. Tulad
ng isang siyentista ang mga antrologo ay nagsisiyasat sa mga pangkalahatang ugnayan sa gawi ng
Tao.Nagiging batayan din ng pag-aaral ang mga materyal at di materyal na bagay tulad ng kasuotan,
tirahan , paniniwala at pagpapahalaga.
Agham Pampulitika- Ito ay isang sistematikong pag-aaral ng buhay pulitikal. Ang mga political
Scientists ay sinisikap sagutin ang mga katanungang tulad ng ano ang dahilan ng pagpapatibay ng aksyon
ng pamahalaan, kaninong kapakanan ang binibigyang pansin ng pamahalaan.
Sosyolohiya- Ito ang pag-aaral ng Tao, pangkat at institusyon na bumubuo sa lipunan. Bibibigyang
pansin din kung paano ang Tao ay bumubuo ng kanyang grupo, ang dahilan ng ibat-ibang anyo ng
lipunang gawi o social behavior, ang papel na ginagampanan ng simbahan, paaralan, at iba pang
institusyon sa lipunan.
Pilosopiya- Ito ay ang pag-aaral na nagnanais maunawaan ang liwanag ng realidad ng buhay. Sinisikap
nitong matuklasan ang katotohanan at karunungan upang mabatid kung ano ang mahalaga sa buhay.
Sinusuri din nito ang ugnayan sa pagitan ng sangkatauhan at ng kalikasan ng Tao at lipunan.
Kasaysayan - mga nakatakang pangyayari na naganap sa nakaraan tungkol sa isang Tao, institusyon o
lugar.
Ang kasaysayan ay nagsisilbing paalala at tulong sa atin upang maging mabuting mamamayan.
Makatutulong din sa bawat Pilipino na maging mabuting bahagi ng kasaysayan ng bansa.
Sikolohiya- Ito ang siyentipikong pag-aaral ng mga prosesong pangkaisipan at gawi. Inoobserbahan at
tinatlang mga sikologo kung paano ang Tao at ang uri ng hayop nakikipag-ugnayan sa isat-isa
Heograpiya- Ito ang pag-aaral ng lokasyon at pamamalagi ng mga nabubuhay na bagay sa daigdig at ang
ugnayan sa iba pang bagay sa daigdig. Sapgkat nais ng heograpo na malaman ang lakas na lumikha at
nagbabago sa lupa at tubig. Bahagi rin ng pananaliksik ng heograpo ang pagkakabuo ng mga lungsod,
lambak, tubig, at iba pang bahagi ng kapuluan at katubigan.
Archeology - Ito ang pag-aaral sa nakaraan sa pamamagitan ng pagkilala at interpretasyon ng kultura ng
Tao. Ang mga nahukay na labi ng mga nakaraang sibilisasyon ay nagbibigay-linaw sa mga
pangkabuhayang kultura ng Tao sa ibat-ibang panahon.
Criminology - Ito ang makaagham na pagaaral sa krimen, criminal, Gawain ng criminal at ang criminal
justice system. Ang criminology ay nakatulong magkaroon ng pang-unawa ng krimen. Ang mga resulta
ng mga criminological researcher ay magiging gabay ng mga pinuno ng pamayanan, mga nangangalaga
ng batas sa pagsugpo ng krimen.
Demography - Ito ay pagaaral ng distribusyon, komposisyon, at pagbabago ng populasyon ng Tao. Ang
pangunahing pinagtutuunan ng pansin ng demographer ay ang birth at death rate, emigration at
immigration patterns at marital patterns.