2. Entrevista a Ramón Caride Ogando, autor de “Ameaza na Antártida”.
12 de decembro de 2014
Por que elexiches a letra “k” para o logotipo de koprissos , recórdache a alguén?
R: No momento de escoller o nome do antagonista do libro, busquei que tivese unha dobre “s” como “Onassis”, en quen está inspirado o personaxe. Logo vin que a K do logotipo era semellante ao dunha cadea de supermercados que levo tempo sen ver, se cadra desapareceu xa.
Por que te inspiraches a facer o libro no futuro e non no pasado?
R: Porque os problemas dos que fala, coma o cambio climático ou a enerxía atómica e os seus problemas, estánnos afectando xa, e sobre todo afectaranvos no futuro a vós, as lectoras e lectores deste libro.
De onde sacaches a idea das novas tecnoloxias?
3. R: Se vos referides a internet, forma parte das nosas vidas coma outro elemento máis, de feito permíteme ter esta entrevista con vós, outras cousas son proxeccións de novas de actualidade científica.
Existe de verdade un mineral chamado uraninita?
R: Si, tamén se lle chama pechblenda, e a materia prima da que se saca o uranio, isto é tal como se di na novela.
Como elixes os nomes dos personaxes?
R: Depende de cada caso, Said parte dun alumno que tiven hai moito tempo con este nome, Sheila busqueino pola sonoridade para que concordara con Said, Irina tamén coñecín unha nena ucraína chamada así que fora víctima do accidente de Chernobil; pero moitos son puramente inventados, como Yu-Su e Kim- Sam.
Cantos libros fixeches?
4. R: Exactamente teño publicados en galego, 53, o último hai poucos días, sen contar traduccións e libros colectivos. Pero o segredo é que levo publicando libros desde 1986. Vós aínda non nacerades. Tamén teño agora mesmo outros tres rematados sen publicar aínda.
Cal e o libro que máis che gustou, e o que menos?
R: Dos meus? Quérolles a todos, coma os fillos, é o que se di sempre. Creo que os útimos son mellores, porque un aprende cos anos, pero seríame moi difícil escoller. Se cadra os tres primeiros, ata 1991, arestora non os publicaría, e de feito non deixo que se reediten.
Por que se fixo escritor?
R: É o mellor traballo para quen ama os libros, lelos e facelos, como é o meu caso.
Que che soe inspirar para escribir un libro?
R: Tamén depende do libro que sexa, no caso da serie de Said e Sheila quixen tratar os temas
5. de medio ambiente dun xeito distinto e ameno, e gustaron moito; ou sexa que acertei.
Cóstache moito facer un libro e canto soes tardar?
R: Hai libros que tardo moitos anos en facer e outros un mes, no caso de Amenaza na Antártida, foi algo intermedio: estiven un par de anos dándolle voltas, tomando notas e recompilando información e logo, nun mes de verán, redacteino. Moitas grazas pola atención. Encantad@s coa lectura e coas aportacións da entrevista.