1. / МА-н хөлөгт наадам /
Зорилго: Хүүхдийн хөлөг дээр өөрийн хүүг нүүж сургана.
Өөрийн болон нөхрийнхөө амжилтанд баярлах хамтач хүмүүжилтэй
болгоно.
Оюун ухааныг хөгжүүлнэ.
Дүрмийн дагуу тоглоно. Оновчтой нүүдэл хийж сургана.
Оролцогч: 2хүүхэд тоглоно.
Хөлөг : 6 буудалт
Хэрэглэгдхүүн: 2 хар , 2 цагаан хүү
Тоглох аргачлал:
2 хар,2 цагаан бухыг 2 талын өнцөг дээр хос хосоор өрнө.
Нүүхдээ шулууны дагуу зэргэлдээ буудалд бууна.Бух идэлцэх ѐсгүй.
Эсрэг тоглогчийг нүүдэлгүй болгохын тулд өөрийн хоѐр бухаар
хашаанд хожигдол хүлээлгэхийг эрмэлзэнэ.

2. / МА-н хөлөгт наадам /
Зорилго: Хүүхдийн харааны хүртэхүй,анхаарал, ой тогтоолт, гүйх
ухааныг хөгжүүлнэ. Гарын хөдөлгөөний эвсэлийг сайжруулна.
Оролцогч: 2 хүүхэд тоглоно.
Хөлөг: 13 буудалтай
Хэрэглэгдхүүн: 3 хар, 3 цагаан хүү
Тоглох аргачлал: Тоглогчын нэг нь 3 цагаан хүүгээр тоглоно.3 цагаан
хүүг 3 хар хүүгийн байранд, 3 хар хүүг з цагаан хүүгийн байранд
байрлуулахийг зорино. Өөр өөрийн хүүг шулуун зураасны дагуу
зэргэлдээ сул буудалд / хаашаа ч / нүүх ба шулуун зураасны дагууд,
зэрэгцэн байгаа аль чталын хүүгийн цаад буудалд хоосон байвал
түүний дээгүүр давж цаад хажуугийн буудалд буух зэргээр нүүдэл
хожин ээлж дараагаараа уралдаж нүүнэ.

3. / МА-н хөлөгт наадам /
Зорилго: Ардын хөлөгт наадмаар наадах чадварыг бататгана.
Хүүхдийн авхаалж сажбаа, сэтгэн бодох чадварыг хөгжүүлнэ.
Оролцогч: 2 хүүхэд тоглоно.
Хөлөг: 7 буудалтай
Хэрэглэгдхүүн: 3 хар, 3 цагаан хүү
Тоглох аргачлал: Зургаадайг наадахдаа эсрэг наадагчийн хүүг
нүүдэлгүй болгож хаах, даваад цаад сул зайд бууж идэх, эсвэл нэг
шулууны гурван буудлыг эзлэн бусад их, бага гурвалжин дээр жиргэж
хожилцох болно.

4. / МА-н хөлөгт наадам /
Зорилго: хүүхдийг хөлөг дээр өөрийн хүүг нүүж сургана. Өөрийн болон
нөхрийнхөө амжилтанд баярлах хамтач хүмүүжилтэй болгоно.
Хүүхдийн харааны хүртэхүй , анхаарал, ой тогтоолт, гүйх ухааныг
хөгжүүлнэ. Гарын хөдөлгөөний эвслийг сайжруулна. Тоглохдоо эргэж
буцаж нүүх,булхайцахгүй байхад сургана.
Оролцогч: 2 хүүхэд тоглоно.
Хөлөг: 9 буудалтай
Хэрэглэгдхүүн: 4 хөх ишиг, 4 цагаан хурга
Тоглох аргачлал: Нэг нь 4 цагаан хурга, нөгөө нь 4 хөх ишиг барьж
тоглоно. Хурга авсан хүүхэд нь эхлэнэ. Хөлгийн сул буудлаар
хурга,ишгээ ээлжлэн тавина. Ингэснээр шулуун зураасны дагуух
зэргэлдээ буудлыг түрүүлж эзэлсэн нь буюу нүүх нүүдэлгүй болгон
хаасан нь хожино.

5. / МА-н хөлөгт наадам /
Зорилго: Үүд , босго, тотго зэрэг үгийн утгыг ойлгож хэл яриандаа
хэрэглэдэг болгоно. Хүүхдийн сэтгэн бодох чадвар, авхаалж
самбаагааг дайчлан, эхэлсэн зүйлээ дууснах хүмүүжил олгоно.
Оролцогч: 2 хүүхэд тоглоно.
Хөлөг: 12 буудалтай
Тоглох аргачлал: Үүд бол 12 буудалтай хөлөгтэй. Үүд бол монгол
гэрийн эсгий үүд юм. Үүд наадахад цагаан эхэлж нүүнэ. Хүүг зөвхөн
шулуун зураасны дагуу зэргэлдээ сул буудалд хаашаа ч нүүж болно.
Наадагчдын зорилт бол нэг нь нөгөөгийнхөө нэг буюу хэсэг хүүг
бусдаас нь таслан авч нүүдэлгүй болгож өөрийн хүүгээр хаахыг
эрмэлзэнэ. Нүүх нүүдэлгүй болсон тал хожигдоно.

6. / МА-н хөлөгт наадам /
Зорилго:Хүүхдийн хөлөг дээр өөрийн хүүг нүүж сургана. Өөрийн болон
нөхрийнхөө амжилтанд баярлах хамтач хүмүүжилтэй болгоно.
Хүүхдийн харааны хүртэхүй, анхаарал, ой тогтоолт, гүйлгээ ухааныг
хөгжүүлнэ. Гарын хөдөлгөөний эвслийг сайжруулна. Тоглохдоо эргэж
буцах, булхайцахгүй байхад сургана.
Оролцогч: 2 хүүхэд тоглоно.
Хөлөг: 9 буудалтай
Хэрэглэгдхүүн: 4 цагаан, 4 хар унага.
Тоглох аргачлал: 4 хар, 4 цагаан унага барьж наадна. Цагаан эхлэнэ.
Наадагчид унагнуудаа ээлжлэн хөлгийн сул буудалд тавьсаар урьтаж
эрмэлзэнэ. Ингэж байрлуулахыг жиргэх гэнэ. Урьдаар жиргэсэн нь
хожино.

7. / МА-н хөлөгт наадам /
Зорилго:Хүүхдийн сэтгэн бодох чадварыг хөгжүүлнэ. Хэд хэдэн
нүүдлийг урьдчилан харж сурах ой тогтоолт анхаарал, харааны
хүртэхүйг хөгжүүлнэ.
Тоглох аргачлал: Монголчууд орныхоо толгойн дэргэд есөн нүдтэй
жижиг шургуулга тавьдаг заншилтай. Энэ наадмын хөлөг 8 буудалтай
наадагчын нэг нь 3 цагаан морьтой хөвч зэвсэглэсэн эртний цагийн
цэрэг эрхийн сийлмэл дүрсийг авч наадна.
Тоглохдоо цагаан эхэлж нүүнэ. Морьтонууд шатрын морины нүүдлээр
нүүнэ. Идэлцэх бол шатрын морины адил идэлцэнэ. Хар нь 2-оос
зургаад нүүвэл цагаан нь 5-аас 6+д бууж иднэ. Хар нь 8 –аас 4-д
нүүвэл цагаан нь 3-аас 4-д бууж иднэ. Түрүүлж нүүсэн тал хожигдоно.

8. / МА-н хөлөгт наадам /
Зорилго:Үндэсний бөхийн тухай хүүхдийн төсөөллийг бататгаж,түүнийг
тоглоомын үйл ажиллагаандаа хэрэглэж сургана. Хүүхдээр тоо тоолох
дасгал хийлгэж, тэдний сэтгэн бодох үйл ажиллагааг хөгжүүлнэ.
Бөхийн барилдаан, засуул, зодог далбаа, бөх, золгох, дэвэх гэх мэт
үгийг идэвхжүүлж хэл яриаг нь хөгжүүлэх
Тоглох аргачлал:Монгол бөхийн барилдааны хөлөг нь монгол
үндэсний бөхийн зодгийн далбааг хагас нугалсан хэлбэртэй байдаг.
Бөхийн барилдааны хөлөг нь 12 буудалтай, наадагчдын нэг нь дөрвөн
цагаан бөхийг тавьж барилдуулах засуулын үүрэг гүйцэтгэнэ. Нөгөө нь
4 хар бөхийг тавьж барилдуулах засуулын үүргийг гүйцэтгэнэ.
Надахдаа 2 хүн шодоод цагаан авсан нь түрүүлж нүүнэ. Бөхийг
нүүхдээ “ 1,2,3 “ гэж 2 буудлыг дамжуулан тоолж бөхөө дэвшүүлэн 3
дахь буудалд буулгана. Ингэж нүүхдээ 3 дахь буудалд өрсөлдөгчийн
бөхтэй золгуулахыг зорино.3 дахь буудалд өрсөлдөгчийн бөхтэй
золговол түрүүлж байр эзэлсэн бөх нь унасан болж шинээр ирж
золгосон бөх давна.