Memoria experiencia didáctica webquest O ENtroido en Galiza.

1.
MEMORIA XUSTIFICATIVA
EXPERIENCIA DIDÁCTICA
O ENTROIDO EN GALIZA
UNHA WEBQUEST
COOPERATIVA
CENTRO: C.E.I.P. GONZALO TORRENTE BALLESTER (Sigrás – Cambre – A Coruña)
AUTORA: ELENA BAULUZ
DATA REALIZACIÓN: FEBREIRO 2010

2. MEMORIA XUSTIFICATIVA EXPERIENCIA DIDÁCTICA “O ENTROIDO EN GALIZA”
ÍNDICE
PÁXINA
1. ÍNDICE…………………………………………………………………………………………….. 2
2. DESCRICIÓN………………………………………………………………………………….. 3
3. OBXECTIVOS………………………………………………………………………………….. 4
4. CONTIDOS………………………………………………………………………………………. 4
5. ACTIVIDADES……………………………………………………………………………….. 5
6. METODOLOXÍA………………………………………………………………………………. 5
7. AVALIACIÓN………………………………………………………………………………….. 6
8. CRITERIOS DE AVALIACIÓN……………………………………………………. 7
9. PROPOSTAS DE MELLORA…………………………………………………………… 7
10. BIBLIOGRAFÍA E PÁXINAS WEB……………………………………………. 8
[Elena Bauluz] Páxina 2

3. MEMORIA XUSTIFICATIVA EXPERIENCIA DIDÁCTICA “O ENTROIDO EN GALIZA”
1. DESCRICIÓN:
Segundo Schrock,[1998], WebQuest é o medio adecuado para aqueles
profesores que buscan formas de incorporar Internet na aula. E
segundo March,[1999], WebQuest usa o mundo real, e tarefas
auténticas para motivar aos alumnos; a súa estrutura é construtivista e,
polo tanto, forza aos alumnos a transformar a información e entendela;
as súas estratexias de aprendizaxe cooperativo axudan aos alumnos a
desenvolver habilidades e contribuír ao produto final do grupo.1
Partindo de ámbalas dúas ideas o Equipo de Normalización Lingüística
do C.E.I.P. Gonzalo Torrente Balllester (Sigrás – Cambre - A Coruña)
propuxo plantexar unha WebQuest sobre “O Entroido en Galiza”2 para
que os alumnos e alumnas do centro coñeceran a importancia cultural que
ten dita festa na nosa Comunidade Autónoma.
Tras decidir que era o que querían as mestras que os nenos
aprenderan, elaborei a WebQuest: as preguntas, as páxinas para atopar
a información, a redacción, as imaxes e videos utilizados para ilustrala…
O traballo para resolvela realizouse na Área de Coñecemento do Medio
aproveitando a hora de Informática Aplicada que temos no noso centro.
Propúxose para o 2º ciclo de E.Primaria (8-10 anos) cunha duración de
5 sesións de 50 minutos cada unha.
A organización para traballar decidiuse que fora de dous nenos por
ordenador. E cada parella respondería a unha pregunta, de xeito que con
todas as respostas formaran un traballo cooperativo sobre o Entroido
en Galiza.
Con esta experiencia didáctica preténdese poñer en valor as
Tecnoloxías da Información e a Comunicación como medio para a
ensinanza de contidos curriculares e transversais na aula.
1
http://platea.pntic.mec.es/~erodri1/PRESENTACION.htm
2
http://phpwebquest.org/wq25/webquest/soporte_tabbed_w.php?id_actividad=88452&id_pagina=1
[Elena Bauluz] Páxina 3

4. MEMORIA XUSTIFICATIVA EXPERIENCIA DIDÁCTICA “O ENTROIDO EN GALIZA”
2. OBXECTIVOS:
• Coñecer as festas e tradicións de Galicia.
• Valorar a importancia do Entroido como parte do noso
patrimonio cultural.
• Planificar e organizar a procura de información na internet.
• Observar, analizar e interpretar fotografías e mapas de Galiza.
• Utilizar as novas tecnoloxías como unha ferramenta máis na
súa aprendizaxe.
• Mellorar no seu manexo do ordenador e no uso do procesador
de textos.
• Ser consciente da importancia de contrastar as fontes de
información.
• Participar de xeito responsable na realización de tarefas en
grupo.
3. CONTIDOS:
• O Entroido: festa e tradición.
• Mapa de Galiza: lugares máis importantes na súa celebración.
• Traxes, máscaras e personaxes dos entroidos máis
destacables.
• Gastronomía da época.
• Valoración da diversidade cultural como fonte de
enriquecemento persoal.
• Recompilación de información e utilización dos coñecementos
adquiridos.
• Distinción da información relevante da que non o é.
• Ampliación do vocabulario relativo ao tema.
• Organización das palabras.
• Confrontar as fontes de información.
• Bibliografía e páxinas web utilizadas.
• Utilización do ordenador e da internet para a elaboración do
traballo.
[Elena Bauluz] Páxina 4

5. MEMORIA XUSTIFICATIVA EXPERIENCIA DIDÁCTICA “O ENTROIDO EN GALIZA”
4. ACTIVIDADES:
• Organizar as parellas de traballo.
• Explicar que é unha Webquest e cales son os obxectivos da
actividade (traballo cooperativo)
• Repartir as preguntas, unha por parella.
• Crear a súa carpeta “ENTROIDO” para gardar toda a
información que vaian atopando na rede.
• Crear subcarpetas dentro da anterior: “FOTOS” e “TEXTOS”.
• Crear un documento de Word, co nome da súa pregunta, para ir
pegando a información relevante.
• Elixir imaxes que ilustren o seu texto. (traxes, máscaras,
personaxes, a festa….)
• Organizar a información atopada.
• Reler o texto e distinguir o importante do que non o é.
• Dar formato al documento. Título, subtítulo, corpo de texto.
• Organizar as imaxes co respecto ao texto.
• Elixir entre todos o encabezado, o pe de páxina e a portada.
• Facer o índice coas preguntas.
• Facer a bibliografía das páxinas web utilizadas.
• Presentación do traballo ao resto da comunidade educativa no
taboleiro do Equipo de Normalización Lingüística.
5. METODOLOXÍA:
Segundo a Lexislación da E.Primaria en Galiza3, os tres paradigmas
pedagóxicos que deben fundamentar a intervención educativa serán,
(sempre interrelacionados):
• O globalizador,
• O crítico,
• O construtivista.
O alumnado debe ser o construtor da súa propia aprendizaxe, coa axuda
do profesorado e coa das compañeiras e dos compañeiros.
No apartado da Área de Coñecemento do Medio tamén se fai unha
mención específica á “…utilización das TIC, usadas como fontes
informativas (internet, dicionarios e enciclopedias dixitais, webquest...),
como facilitador do tratamento de datos (programas específicos), como
3
Decreto 130/2007, do 28 de xuño, polo que se establece o currículo da educación primaria na
Comunidade Autónoma de Galicia (DOG do 9 de xullo de 2007)
[Elena Bauluz] Páxina 5

6. MEMORIA XUSTIFICATIVA EXPERIENCIA DIDÁCTICA “O ENTROIDO EN GALIZA”
recurso capaz de amosar modelos (software específico), como medio para a
redacción de informes e para a comunicación de conclusións e informacións
(elaboración de texto e hipertexto, chat, correo electrónico, web...)…..”
Con todo o dito anteriormente case non fai falla dicir que con esta
actividade ponse de manifesto unha aprendizaxe construtiva, cooperativa, e
significativa coa fin de conseguir facer aos alumnos máis competentes para
incorporarse á vida adulta de xeito satisfactorio e ser capaz de desenvolver
unha aprendizaxe permanente ao longo da vida.
6. AVALIACIÓN:
Seguirá os seguintes criterios básicos:
• Global: tendo en conta o punto de partida dos alumnos, a súa
evolución ao longo do proceso, e os resultados obtidos ao final do
mesmo.
• Individualizada: centrándose en cada alumno e na súa situación
inicial e particularidades.
• Integradora: contempla a existencia de diferentes grupos e
situacións.
• Cualitativa: avalíanse de forma equilibrada os diversos niveis de
desenvolvemento do alumno, non só os de carácter cognitivo.
• Orientadora: aporta información precisa para mellorar a súa
aprendizaxe e adquirir estratexias apropiadas.
Algúns dos procedementos e instrumentos existentes para avaliar o proceso
de aprendizaxe:
• Observación sistemática:
- Rexistro anecdótico persoal.
• Análise das producións dos alumnos:
- Textos escritos.
- Producións orais.
• Intercambios orais cos alumnos:
- Diálogo.
- Postas en común.
• Proba específica:
- Resolución da Webquest.
- Elaboración en Word da súa parte do traballo.
• Autoavaliación.
[Elena Bauluz] Páxina 6

7. MEMORIA XUSTIFICATIVA EXPERIENCIA DIDÁCTICA “O ENTROIDO EN GALIZA”
7. CRITERIOS DE AVALIACIÓN:
Os criterios de avaliación serán referente fundamental para valorar
tanto o grao de adquisición das competencias básicas como da consecución
dos obxectivos. Segundo os obxectivos propostos avaliarase:
• Coñece e valora a importancia do Entroido como parte do noso
patrimonio cultural.
• Procura información na internet, planifícaa e organízaa.
• É capaz de observar, analizar e interpretar fotografías e mapas
de Galiza.
• Distingue a información relevante.
• Utiliza as novas tecnoloxías como unha ferramenta máis na súa
aprendizaxe.
• Mellora no seu manexo do ordenador e no procesador de textos.
• Cita as fontes de información.
• Participa activamente no traballo.
• Colabora na realización de tarefas en grupo.
• Valora o seu esforzo e o dos demais para conseguir o obxectivo
común.
8. PROPOSTAS DE MELLORA:
Todo proceso de ensinanza - aprendizaxe ten unha avaliación inicial e
outra final. A primeira, tiña que ver cos seus coñecementos sobre o
Entroido en Galiza, e penso que os alumnos melloraron no seu coñecemento
sobre el, as súas festas e tradicións, a súa gastronomía… Pero na avaliación
final, ademais de todo iso, tamén melloraron en todas as súas competencias:
na comunicación lingüística, no coñecemento e a interacción co mundo físico,
no tratamento da información e competencia dixital, na social e cidadá, na
cultural e artística, no aprender a aprender e na autonomía e iniciativa
persoal.
De cara a un futuro gustaríame plantexar a actividade desde outra
perspectiva: a creación por eles mesmos dunha WebQuest e que fora
resolta por outro grupo de alumnos do centro. Sería unha boa maneira de
involucralos desde o principio na actividade, e tamén serían os artífices da
aprendizaxe doutros.
[Elena Bauluz] Páxina 7

8. MEMORIA XUSTIFICATIVA EXPERIENCIA DIDÁCTICA “O ENTROIDO EN GALIZA”
O resultado de todo este traballo superou con creces as miñas
expectativas. Por iso, considero que a experiencia foi moi enriquecedora.
non só para os rapaces, senón para min como mestra.
Desde aquí dou as grazas ao Equipo de Normalización Lingüística do
meu centro por propoñerme a idea de crear esta WebQuest, ás mestras do
2º ciclo que me axudaron na organización final do traballo e, por suposto,
aos rapaces e rapazas por facer posíbel esta aventura e deixarme coa mel
nos beizos para volver traballar deste xeito nun futuro.
9. BIBLIOGRAFÍA E PÁXINAS WEB:
• LEXISLACIÓN DA E.PRIMARIA EN GALIZA: Decreto 130/2007, do
28 de xuño. (DOG do 9 de xullo de 2007)
• Que é unha WebQuest?: http://platea.pntic.mec.es/~erodri1/PRESENTACION.htm
• PHPWEBQUEST: Aloxado gratuito: http://www.phpwebquest.org/
• BAULUZ, ELENA: WebQuest: “O Entroido en Galiza”:
http://phpwebquest.org/wq25/webquest/soporte_tabbed_w.php?id_actividad=88452&id_pagin
a=1
• BASES CERTAMEN INTERNACIONAL EDUCARED:
http://www.educared.org/c/document_library/get_file?uuid=261b8b87-6ff5-45d7-8c70-
438a07fd7c51&groupId=4520136
• PROXECTO CURRICULAR E PROGRAMACIÓN DE AULA “Medio 4.
Tema 14: Como é Galiza”. Editorial Vicens Vives.
http://www.vicensvives.net/DIDACLIC/descarga_recursos/docs_comuns/docs_cd/es/primaria/d
ata/navegacion.html#
[Elena Bauluz] Páxina 8