1. PROXECTO DE FERREIRA
Antes de comenzar mencionar que son Mestre especialista de educación física e na miña aula (o
pavillón) non dispoño de ordenadores, nin pantallas dixitais, polo que o traballo dun blog veríase
centrado nun traballo nas aulas do colexio ou nas súas casas.
O outro gran inconveniente é que tan so dispoño de dúas sesións semanais con cada grupo.
De tódolos xeitos son consciente do gran poder dos medios de comunicación na miña área aínda
que exista unha sobresaturación mediática con todo o que atañe ao fútbol.
O traballo actual cos medios impresos é un taboeiro de corcho no pavillón polideportivo onde imos
expoñendo noticias, fotos, regulamentos, etc sobre a unidade didáctica que estamos a traballar
(badminton, baloncesto, etc).
O proxecto que eu querría crear mediante o blog iría dirixido a 5º e 6º curso e sería o de creación
de unidades didácticas feitas polos propios alumnos mediante a aportación de exercicios, vídeos,
presentacións, apuntes regulamentos,etc que nos levase a unha secuenciación predefinida e pactada
de antemán (quencementos, partes principais, relaxacións, estirmanetos,etc).
Con isto pretendo que cada un poida ser partícipe da súa propia experiencia de aprendizaxe e
aprenda á vez das aportacións dos demáis.
Tamén aproveitaríamos os xornais para recaber información sobre o deporte, predeporte ou xogo no
que nos estemos centrando, sobre os distintos deportistas máis ou menos famosos que os practiquen
e máis en concreto sobre a nosa zona ou comarca.