2. Índice
● 1: Portada.
● 2: -Índice.
● 3: -Elementos fundamentais.
● 4: -Hardware.
● 5:- Procesador.
● 6: - Memoria.
● 7: -Tipos de memoria.
● 8: -Buses,portos e ranuras de expansión.
● 9: -Tipos de portos.
● 10: -Periféricos.
● 11: -Tipos de periféricos 1.
●
12: -Tipos de periféricos 2.
3. Elementos fundamentais
● Hardware: É o conxunto de compoñentes físicas do ordenador (informalmente
trátase de todas as partes do ordenador que poden ser tocadas coas mans:
procesador, memoria, periféricos, placas, buses, circuítos, etc).
● Software: É o conxunto de compoñentes lóxicos do ordenador.Son os
programas que utiliza o ordenador para tratar a información. Isto inclúe dende os
programas de control e o Sistema Operativo ata os programas de aplicacións
máis sofisticadas, como xogos, procesadores de texto, programas de cálculo,
programas de tratamento de imaxes, etc.
● Usuario: Un sistema informático necesita da nosa intervención para a
organización e planificación das tarefas. Polo tanto nos tamén somos unha
compoñente dos sistemas informáticos.
4. Hardware
O hardware é a parte física do ordenador.
Clasificaremos os elementos que compoñen o
hardware en catro categorías que iremos
describindo pouco a pouco:
- Procesador.
-Memoria.
-Buses, portos e ranuras de expansión.
-Periféricos.
5. Procesador
Tamén chamado Unidade Central de Procesos ou CPU. É o corazón do ordenador. No
procesador realízanse todas e cada unha das tarefas que os programas ordenan cumprir.
2 Partes:-unidade aritmético-lóxica (que realiza tódolos procesos).
-unidade de control que se encarga de seleccionar as instrucións que se deben
executar,proporcionar os datos axeitados á unidade aritmético-lóxica, e enviar sinais de control a
tódolos dispositivos que interveñan no proceso para que este se realice axeitadamente.
A potencia dun procesador mídese pola cantidade de instruccións por segundo que poda
executar.Mídese en:Hertzios(Hz),MegaHertzio(MHz) e XigaHertzio(GHz).
6. Memoria
● Encargada de almacenar as instrucións do programa que vai executar o
procesador, os datos que necesita dito programa e os resultados que
obteña o programa.
● 2 tipos: -Memoria principal: trátase dunha memoria interna, normalmente
formada por silicio e integrada na placa principal do ordenador.
-Memorias secundarias: trátase de dispositivos externos (aínda que
algúns poidan estar incluídos dentro da torre do ordenador ). A súa misión
é almacenar de xeito permanente programas e datos en soportes de gran
capacidade.
7. Tipos de Memoria
● Memoria principal: -Memoria R.A.M. (Random Acces Memory) ou
memoria de acceso aleatorio. Contén os programas que o usuario estea
executando no ordenador así como os datos necesarios para que estes
programas funcionen. - Memoria R.O.M. (Read Only Memory) ou
memoria de so lectura. Contén os programas necesarios para que o
ordenador poida arrancar e detectar os dispositivos imprescindibles para
o seu funcionamento.
● Memorias secundarias: A capacidade das memorias secundarias está en
continuo aumento. -
-Soportes magnéticos: cintas magnéticas, discos flexibles (antigos
disquetes ou floppies), discos duros e unidades zip.
-Soportes ópticos: CD-ROM, DVD e BluRay.
-Soportes flash: Memorias USB, tarxetas SD ou microSD.
8. BUSES, PORTOS E RANURAS DE
EXPANSIÓN
O procesador e a memoria son os compoñentes principais do ordenador e están instalados nun soporte
denominado placa principal, placa base ou placa madre.As canles de comunicación entre o procesador e
a memoria constitúen o bus principal e as canles de comunicación entre os elementos e o resto dos
dispositivos constitúen os buses secundarios.
●
Portos: Son conexións que enlazan a placa principal con distintos tipos de periféricos.
● Ranuras de expansión: Permiten conectar á placa principal dispositivos periféricos que se situarán dentro
da caixa do ordenador. Os dispositivos habituais que se conectan por este procedemento son tarxetas
gráficas, tarxetas de son, tarxetas de vídeo e TV, modems internos, tarxetas de rede, etc. Nestes casos,
cada tarxeta que se conecte a unha ranura de expansión sole incorporar os seus propios portos, que
poden ser moi variados en función da misión que teñan que cumprir.
9. Tipos de portos
● Portos serie ou portos COM: tradicionalmente serven para conectar
teclados, ratos, modems, etc. Están actualmente en desuso.
● Portos paralelo: Usados para a conexión de impresoras e scaners.
Está sendo substituído polo USB.
● Portos PS2: usados para a conexión de ratos e teclados nos
ordenadores, antes de que se fixera xeneralizado o uso do USB.
● Portos USB: Tradicionais nos ordenadores Apple, o seu uso foise
estendendo nos PC, hoxe en día a gran maioría dos periféricos usan
este tipo de portos.
10. Periféricos
● Periférico é todo dispositivo que se poida utilizar para introducir
información, obter información ou ámbalas dúas cousas dun ordenador.
Segundo isto os periféricos poden clasificarse en:
● Dispositivos de entrada: -Permiten introducir información no ordenador.
● Dispositivos de saída: -Serven para que o usuario reciba a información
elaborada polo ordenador.
● Dispositivos de entrada/saída: -Estes dispositivos cumpren as dúas
funcións especificadas nos apartados anteriores.
11. Tipos de periféricos 1
Dispositivos de entrada:
● Teclado: Serve para introducir información de carácter alfa-numérico, teclado numérico,
teclado de edición e teclado de función.
● Rato: serve para introducir información de forma gráfica,seleccionando obxectos que
se representan na pantalla ou en resposta a botóns ou enlaces.
● Escáner: Serve para introducir información gráfica no ordenadorDependendo do
software do que se dispoña tamén pode servir para introducir texto
● Micrófono: Permite a introdución de información sonora ó ordenador, para o seu
almacenamento ou edición.
● WebCam: usualmente utilizada para a videoconferencia, a súa función misión é a de
introducir imaxes de vídeo na computadora.
12. Tipos de periféricos 2
●
Dispositivos de saída:
-Monitor: ou pantalla a través da cal se visualiza a información.O tamaño midese en
polgadas.
-Tarxeta gráfica: nos ordenadores actuais o monitor non se conecta directamente a ningún
porto da placa principal, senón que se conecta a un dispositivo intermedio denominado
tarxeta gráfica. Estas tarxetas introdúcense nunha ranura de expansión e conteñen un
procesador adicional e memoria que liberan ó procesador principal de moito traballo cando se
trata de manipular grandes cantidades de información de tipo gráfico, en especial cando esa
información inclúe movemento 3D.
-Impresora: Este dispositivo permite obter información alfanumérica e información gráfica en
soporte de papel.
● Dispositivos de entrada/saída:
-Tarxetas de son: permiten reproducir sons a través de altofalantes ou auriculares.
-Tarxetas de vídeo e TV: similares as anteriores pero permitindo manipular imaxes en
movemento.
