1. mediacion@iesfarodasluas.com
GUÍA BREVE
SERVIZO DE MEDIACIÓN ESCOLAR
IES FARO DAS LÚAS
ETAPAS DA MEDIACIÓN
1. XORDE O CONFLITO.
2. SOLICITUDE DO SERVIZO DE MEDIACIÓN.
3. NOMEAMENTO DO ALUMNADO MEDIADOR ás 24
horas da solicitude do servizo.
4. PREMEDIACIÓN: No seguinte recreo ao nomeamento
do alumnado mediador.
Os mediadores, reúnense en privado con cada unha das
partes. Explicarase brevemente o proceso e confírmase
a voluntariedade dos alumnos mediados.
Os mediadores determinan se o conflito é mediable ou
non.
Se o conflito é mediable, haxa ou non unha conduta
contraria ás normas, continuaremos coa fase de me-
diación.
Se o conflito non é mediable e ademais existe unha
falta de disciplina, o equipo mediador comunicarallo
á xefatura de estudos. Neste caso resolverase polo
procedemento recollido nas NOF.
5. MEDIACIÓN. Realizarase na aula de mediación cos dous
mediadores e preferiblemente nos recreos, aínda que,
se as características do conflito así o requiren, podera-
se utilizar unha ou, excepcionalmente, dúas horas de
titoría dos mediadores.
Fases :
- Presentación e regras do xogo.
- Cóntame.
- Aclarar o problema.
- Propor solucións.
- Chegar a un acordo.
- Seguimento dos acordos.
eu gaño, ti gañas
IES Faro das Lúas
r/Cuxhaven nº7
36620 Vilanova de Arousa
Tlno 986 555711- FAX.: 986 555389
Ies.faro.das.luas@edu.xunta.es
2. INTRODUCIÓN
1. En que consiste o Servizo de Mediación?
É unha ferramenta a disposición do alumnado para
resolver de xeito pacífico os conflitos.
2. Como podo solicitar unha mediación?
Hai varias maneiras:
A. Fala coa Xefatura de Estudos.
B. Comunícallo a un membro do Equipo de Media-
ción (está formado pola Orientadora, un profesor e
dous alumnos mediadores).
C. Mediante unha solicitude que se deixará na caixa
de correo de mediación ( ao lado da aula de tecno-
loxía) ou será enviada ao correo electrónico
mediacion@iesfarodasluas.com.
Os impresos están á túa libre disposición en Con-
serxería e Biblioteca.
3.Onde se realizará a mediación?
A sala de mediación estará na aula
da casa do conserxe.
4. Podo suxerir que mediador
quero que leve o meu caso?
Si, efectivamente. No impreso de solicitude do Servizo
de Mediación están os nomes de todos os mediado-
res do Centro. Marca cun “X” aqueles dous que
desexes. O Equipo de Mediación valorará a túa suxes-
tión.
Tamén é importante recordar unha norma: os media-
dores non poden ser compañeiros de clase de ningún
dos afectados, nin mediar nos casos nos que haxa
amizade estreita con algún deles.
NORMAS DA MEDIACIÓN
A MEDIACIÓN É UN PROCESO VOLUNTARIO.
Ninguén está obrigado a escoller a mediación para resolver
un conflito. Se decides optar por este camiño, tanto ti como
a outra persoa/as implicada/s debedes acudir de xeito vo-
luntario.
É CONFIDENCIAL.
Os mediadores están obrigados a manter a discreción e a
confidencialidade durante e despois do proceso. Esta é unha
das normas básicas de todo mediador “O que se fale na sala
de mediación, alí se queda”.
O MEDIADOR NON DECIDE A SOLUCIÓN DO CONFLITO.
SON OS MEDIADOS OS QUE CHEGAN A UN ACORDO.
O mediador non é un xuíz, non impón o seu criterio sobre
que persoa actuou ben e cal o fixo mal; non se inclinará por
ninguna das dúas partes. Simplemente axudará a que fale-
des, expoñades os vosos sentimentos, e poñades de relevo o
que precisa cada parte para que o conflito se resolva.
É INDISPENSABLE RESPECTAR AS QUENDAS DE PALABRA.
Deberemos falar respectando as quendas de palabra. Todos
seremos escoitados, pero precisamos actuar co máximo
respecto. Non se admitirán, baixo ningún concepto, insultos
ou descualificacións.
EU GAÑO, TI GAÑAS.
O mediador velará para que o ACORDO FINAL sexa XUSTO e
equilibrado para ambas partes.
Posteriormente haberá un seguimento do Equipo de Media-
ción para ver o grao de cumprimento do mesmo.
PREGUNTAS FRECUENTES
Todos os conflitos son mediables?
Depende. Se existe un conflito que leva asociada
unha falta de disciplina, o Equipo de Mediación
informará do conflito previamente á Xefatura de
Estudos que, xunto co Equipo de Mediación,
decidirá se o conflito pode ser derivado a media-
ción.
Cando non hai falta disciplinaria os mediadores
decidirán se é un conflito mediable ou non.
Se o Equipo de Mediación, tras estudar o
caso, decide que un conflito que leva asocia-
da unha falta de disciplina é mediable, póde-
se evitar a sanción?
Se ambas partes, tanto a prexudicada como a que
comete a falta, teñen intención de resolver pacifi-
camente o problema, chegan a un acordo e o cum-
pren, sí se pode evitar a falta de orde.
Que pasaría se no exemplo anterior (conflito
con falta de orde asociada), se chega a un
acordo pero finalmente non se cumpre o
establecido?
Se os acordos non se cumpren e hai unha falta
contraria ás normas de funcionamento, procedera-
se a resolver o conflito mediante o procedemento
recollido nas NOF.
