1. 30 Nëntor, 2015
Përkushtimi i Ylldises për fuqizimin ekonomik e shtresave të paprivilegjuara të
shoqërisë
• Nëntor 30, 2015
• Jeta Llalloshi Gazetar
Woman of the week

2. Ylldise Brahimi ka lindur dhe është rritur në qytetin bregdetar Vlorë, në një familje qytetare vlonjate. Fëmijëria e saj nuk ka qenë e
vështirë por as e lehtë, pasi në moshën 1 vjeçare ka humbur babain dhe është rritur me të ëmën, e cila e vetme rriste 4 fëmijë. Fëmija
më i vogël i familjes, e rrethuar nga ngrohtësia e familjes dhe me përkushtimin e dyfishtë të nënës së saj që të mos ndjejë mungesën e
babait.
“Nëna ka një meritë të jashtëzakonshme në jetën si dhe në zhvillimin e karakterit tim, duke më bërë kjo që jam sot. Ajo jo vetëm që më
rriti me vështirësitë ekonomike që ne kishim në atë kohë, por na edukoi, arsimoi dhe më promovoi të gjitha ëndrrat dhe talentin që
unë kisha si fëmijë. Më rrënjosi dashurinë që duhet të kisha për njerëzit, sidomos për shtresat e pa privilegjuara siç janë gratë, vajzat
dhe njerëzit në nevojë. Ajo ishte një shtyrëse për talentin që unë kisha si fëmijë, për muzikë si dhe veglat muzikore”.

3. Ylldisja, krahas përfundimit të Gjimnazit ka marrë pjesë edhe në shumë festivale muzikore. Ka përfunduar arsimin e lartë në Ekonomi
agrare në Tirane, ka diplomuar në master për “Administrim dhe Menaxhim Biznesi“ në Bolonja të Italisë, ka diplomuar për 2 vite si
konsulenete për” Zhvillim të ndërmarjeve të vogla e të mesme” në ILO Torino të Italise dhe po ashtu ka diplomuar si këshilltare
“Lidershipi e grave ” nga USAID.
“Fakti që kam filluar të punoj në moshë të re, nga punët më të thjeshta, më ka bërë që të investoj shumë për karrierën. Kam punuar
me njerëzit gjatë gjithë eksperiencës time, por puna që unë bëj më ka përballuar që të njohë dhe të punoj me njerëz nga nivelet më të
ulëta deri tek ato akademike, nga bizneset e vogla dhe fermerët e deri tek bizneset e mëdha dhe kjo më ka bërë që jetën ta shikoj nga
një kënd vështrim tjetër dhe ta dashuroj punën që e bëj”.
Ekspertiza e Ylldises është shumë e gjatë dhe filloi në vitin 1993, mbi 20 vite në pozitë ekzekutive në nivel lokal dhe kombëtar.

4. Ajo drejton organizatën, Fondacioni Agjensia Rajonale e Zhvillimit, i cili është themeluar në vitin 1993 me mbështetjen e KE
“PHARE “programit. Ajo është organizata e parë e pavarur në Shqipëri në mbështetje të sektorit privat dhe zhvillimin rajonal social
ekonomik. Pasi ajo dhe stafi që ajo drejtonte mësoi ABC-në e Biznesit për ekonominë e tregut filluan që t’ia mësojnë edhe bizneseve
të reja.
Si drejtoreshë ekzekutive, që prej 1993 dhe deri sot, është kualifikuar në shumë vende të botës si; USA, Angli, Irland, Hungari, Itali,
Greqi, Poloni, etj.
Ylldisja është ekzekutive e nënkontraktuar me mbi 20 vite eksperiencë si konsulente për zhvillimin e NVM dhe trainere për çështjet
social- ekonomike. Ajo ofron shërbime konsulence dhe trajnuese për sektorin privat dhe menaxhimin e projekteve për zhvillim social
në rajon. Është eksperte për zhvillimin ekonomik dhe eksperte dhe trajnere lokale dhe rajonale në lidershipin e grave. Ylldisja po
ashtu është eksperte e pavarur për “ Zhvillimin e Sektorit Privat /Inovacionit dhe Tregtisë pranë zyrave të EU në Shqipëri prej vitit
(2014-2018).
Që nga viti 1993 dhe në vazhdim është e angazhuar për shoqërinë civile sidomos në organizatat për fuqizimin ekonomik të grave dhe
të rinjve.
Ylldisja ka marrë pjesë në shumë koferenca rajonale dhe ndërkombëtare si në USA, Malt, Turqi, Kroaci, Mali i Zi e edhe në Kosovë.
Në Kosovë ka marrë pjesë në Konferencën Ndërkombëtare për Investimet në Kosovë 2004, si dhe së fundmi në Konferencën
Ndërkombëtare të Grave në Mitrovicë.

5. “ Prej 1998 jam përkushtuar tërësisht politikave të zhvillimit social ekonomik rajonal dhe lokal, të cilat përfshijnë shumë fusha të
sektorit privat dhe shkencave ekonomike. Kam kryer mbi 100 kërkime në terren, studime, punime në fushën e sektorit privat dhe social
dhe programe për zhvillim ekonomik lokal dhe kombëtar”.
Pos gjithë këtij angazhimi, Ylldisja po ashtu ka gjetur kohën që të shkruajë mbi 30 artikuj të botuar në organe të shtypit të shkruar por
edhe Revista ndërkombëtare si në Irlandë ,UK, Itali. Një pjesë e tyre i janë dedikuar të drejtave të grave sipërmarrëse, të drejtave të
grave në vendimmarrje, ekonomisë dhe sfidave sociale, rritjes dhe zhvillimit të sektorit të SME-ve në rajon, menaxhimit të
ndërmarrjeve, etj.

6. Në saje të përkushtimit dhe investimit që ajo ka bërë në drejtim të karrierës, vështirësitë për arritjet e saj janë minimizuar, por ka pasur
disa pengesa te vogla.
“Duke qenë grua kam pasur paragjykime nga gjinia tjetër që unë duhet të isha një grua e përkushtuar në mirëmbajtjen e shtëpisë e jo
në karrierë”.
Suksesi më i madh i Ylldises është kontributi i saj për vendin dhe shtresat e paprivilegjuara të shoqërisë, siç janë gratë e papuna dhe të
rinjtë.

7. “Kam arritur të konsultoj dhe trajnoj shumë gjatë 10 viteve të fundit mbi 5.000 biznese të vogla dhe të mesme (SME) si dhe të ndihmoj
me projekte zhvillimi gratë dhe vajzat e papuna, gratë rome, të braktisura nga familja dhe të pa shkolluara me qëllim punësimi dhe
vetëpunësimi nëpërmjet programeve të zhvillimit”.
Sukses tjetër i saj është se ka arritur të ndihmojë shumë të rinj duke përfshirë vajza në programe intershipi, punësimi dhe vetëpunësimi
me mikrokredi dhe grante në saje të të cilave shumë prej tyre kanë filluar një biznes.
Ylldisja është anëtare e shumë bordeve evropiane, rajonale dhe kombëtare si: anëtare e aleancës botërore për pjesëmarrjen
qytetare CIVICUS, anëtare e “Rrjetit Evropian të Ndërmarrjeve për Shqipëri (EEN)”, anëtare e “Rrjetit Ballkanik të grave
sipërmarrëse”, anëtare e bordit dhe themeluese e “Union Kursim Kredi”, anëtare e “Rrjetit Kombëtar për Lidership të Grave “,
anëtare bordi e “Shoqatës Kombëtare për Promovimin e Gruas”, themeluese e “Shoqatës Kombëtare të Grave Prodhuese dhe
Krijuese”, anëtare e “Koalicionit Kombëtarë të Grave në Politikë dhe Vendimmarrje” dhe presidente e “Shoqatës për Nxitjen e
Biznesit të Grave”.
Kohëve të fundit Ylldisja është e angazhuar në një program të BERZH/BAS për t`i mbështetur 2 kompani prodhuese në Shqipëri me
asistencë teknike. Gratë sipërmarrëse do të mbështeten me kredite të buta nga fondet e BE dhe BERZH.
Ajo gjithashtu synon të hapë një qendër për krijimin e shërbimeve social ekonomike për gratë dhe të rinjtë në nevojë, në qytetin e
Vlorës.
‘Punën e dua shumë, ajo më jep kënaqësi sepse më bën më shumë kreative dhe më jep mundësi të zhvilloj dhe të zbatoj projekte
zhvillimi, e dua mbase puna me njerëzit më inspiron më lejon të eksploroj në jetët e tyre dhe kjo më ka shoqëruar gjatë gjithë
karrierës për të mbështetur dhe ndihmuar sadopak në lehtësimin e vështirësive të bizneseve dhe veçanërisht të grave në biznes. Kjo
punë më bën çdo ditë më kreative në gjenerimin e ideve për të kontribuar për vendin tim në zhvillimin social-ekonomik“.
E pyetur se cili është ndryshimi që ajo synon ta arrij me angazhimin e saj, Ylldisja u përgjigj:
-“Në këtë kontekst mjedisor të vështirë për sipërmarrjen dhe vetëpunësimi femëror, ne kemi bashkëpunuar në partneritet me organet e
qeverisjes qendrore e vendore, agjencitë për zhvillim për programe donatore të cilat si çështje të rëndësishme kanë:
Kapërcimin e pengesat e brendshme dhe ato shoqërore që i pengojnë gratë për të hyrë në treg

8. Ndërtimin në sisteme edukimi dhe trajnimi për të nxitur novacionin dhe sjelljen sipërmarrëse tek gratë dhe vajzat
Përshkallëzohen aktivitetet sipërmarrëse të grave
TE ndihmohen ato për të kaluar nga sektori informal i ekonomisë në atë formal”.
Dëshirë e saj është që të eksplorojë në fusha të reja, të diplomohet dhe kualfikohet për të marrë një ekspertizë më të thelluar për të
drejtat e grave dhe vajzave në të gjithë sektorët. Ylldisja po ashtu dëshiron të ndihmojë nëpërmejt punës vullnetare.
“Jam vullnetare për vendet në zhvillim por akoma nuk kam zbatuar ndonjë projekt, mbasi jam duke bashkëpunuar me KFDWB´s
Volunteers që është një institucion ndërkombëtar”.
Ylldisja njeh rëndësinë e rolit të barabartë të gruas në shoqëri duke thënë se statusi dhe pozicioni i grave në një shoqëri të caktuar varet
drejtpërdrejt edhe nga niveli i zhvillimit dhe i demokracisë që ekziston në këtë vend.
“Statusi i gruas shqiptare, në këto 20 vite tranzicioni, është ndikuar e vazhdon të ndikohet nga niveli i zhvillimit ekonomik dhe social i
shoqërisë shqiptare. Si rrjedhojë, të gjitha problemet sociale, me të cilat shoqëria shqiptare është përballur në periudhën e
tranzicionit janë ndier thellësisht edhe nga gratë dhe vajzat. Forcimi i rolit të institucioneve shtetërore dhe organizatave
jofitimprurëse që mbrojnë të drejtat e njeriut në përgjithësi edhe të grave në veçanti do të bëjnë të mundur minimizimin e
diskriminimit në tregun e punës edhe në përgjithësi në shoqërinë shqiptare. Nxitja e iniciativave sipërmarrëse të grave dhe promovimi
i modeleve të suksesshme të tyre, duhet konsideruar si një përqasje proaktive për fuqizimin ekonomik të grave dhe vajzave, jo thjesht
të tyre si sipërmarrëse, por edhe atyre grave edhe vajzave që ato punësojnë”.
Ajo gjithashtu mendon se kur diskutojmë për barazi gjinore edhe shoqëri të mundësive të barabarta, e gjithë çështja në fakt, nuk
qëndron vetëm “se si të shtojmë numrin e grave” nëpër fusha të ndryshme, por si të ri-formatojmë në mënyrë konkrete këto procese
për të krijuar hapësirën e duhur për përfshirjen reale dhe të barabartë të grave dhe burrave.
Ylldisja mendon dhe beson se kjo duhet të jetë ajo çka duhet bërë në familje, në shoqëri, në komunitet, në parti politike, në qeveri dhe
padyshim në Parlament.

9. Puna e saj si eksperte e zhvillimit ekonomik nëpërmjet konsultimeve dhe trajnimeve ka ndikuar sadopak në fuqizimin ekonomik të
grave dhe vajzave i cili është aritur përmes;
Krijimit të mundësive të punësimit nëpërmjet programeve të zhvillimit, ku kanë përfituar kredi të buta dhe grante për të filluar një
biznes të vogël.
Ofrimit të kredive dhe granteve lehtësuese për gratë që duan të hapin një biznes
Nxitjes dhe mbështetjes së grave sipërmarrëse,
Uljes së informalitetit të punës së grave,Si dhe përmirësimit të aftësivë konkurruese të grave sipërmarrëse.
Ylldisja beson se fuqizimi i grave dhe vajzave në jetën sociale ekonomike mund të bëhet vetëm me mbështetjen e të gjithë aktorëve,
shoqëri civile, qeveri, komuniteti i biznesit, institucionet donatore;
“Duke fuqizuar një grua në ekonomi do të thotë- të sjellësh ndryshim dhe barazi në shoqëri , të fuqizosh një grua në ekonomi do të
thotë- të zbukurosh dhe të fuqizosh ekonomikisht një familje, të fuqizosh një grua në ekonomi do të thotë – të parandalosh dhe
minimizosh dhunën e vajzave dhe grave si dhe të parandalosh trafikimin e tyre“.
•
•
•
•
•

10. Kontakti
KosovaLive
Pallati i Shtypit, Media Anex II
10000 Prishtinë, Kosovë Tel: 381 (038) 248 276 Fax: 381 (038) 248 277 info@kosovalive360.com
Të gjitha të drejtat e rezervuara | 2015 Kosovalive Media Group
https://www.kosovalive360.com/perkushtimi-i-ylldises-per-fuqizimin-ekonomik-te-shtresave-te-e-paprivilegjuara-te-shoqerise.html