Televiziya sahəsində çalışmaq istəyən her kəsi Praktiki Hazırlıq Məşğələlərinə dəvət edirik. Təlim zamanı teleaparıcı Samirə Rəhimovanın köməyi ilə bu sahənin incəliklərini öyrənəcək və arzunuzu qısa bir zamanda reallaşdırmaq imkanı əldə edəcəksiniz. Teleaparıcı kimi formalaşmaq istəyənlər ay ərzində müxtəlif çəkilişlərdə iştirak etməklə təcrübə qazanacaqlar. Kamera qarşısında sərbəstlik, nitq mədəniyyəti, müsahibə almağın yolları, improvizasiya, jestikulyasiya, auditoriya ilə işləmək bacarığı, xəbər yazmağın üsulu və istənilən formata uyğun olaraq imicin təyin olunması təlimləri keçiriləcək. Peşəkar aparıcılıq üçün vacib sayılan keyfiyyətlərə yiyələnmək istəyənlər, tədrisə qatıla bilərlər. Ümumi kurs 3 ay ərzində davam edir. Bu müddət ərzində 12 sərbəst mövzu ətrafında xüsusi məşğələlər keçirilir və tədricən çəkilişə hazırlıq prosesləri görülür. Dərslərdə qrupun hər bir üzvünə individual yanaşılır, çəkilişə qismən hazır olan iştirakçı istənilən televiziya formatında sınaq çəkilişinə qatılır. 12 sərbəst mövzular ardıcıl davam etməklə, istənilən həftədən tədrisə qatılma fürsətini yaradır. Qrupun üzvü hər hansı bir dərsdə iştirak edə bilmədiyi halda heç nə itirmir, çünki, 12 həftə sonra eyni mövzu təkrarlanır. Nəticə etibarilə, kursu bitirən şəxs, çəkiliş formasında keçirilən imtahanı verib sertifikatını əldə edə bilər. Lakin, tələbata uyğun olaraq, məşğələlərə mükəmməl nəticələr əldə edənə qədər təlimə davam edə bilər. Təlimdə iştirak edən qonaqlar - televiziya sahəsinin peşəkarları (diktorlar, aparıcılar, jurnalistlər, radio aparıcıları, redaktorlar, rejissorlar, prodüserlər) öz təcrübələri ilə bölüşəcək. Bütün çəkilən materiallar və hazır olan videoçarxlar tədrisdən sonra iştirakçıya təqdim edilir. Qeydiyyat saytda: http://www.tvhost.pro/ Qiyməti: ayda 50 AZN Ətraflı məlumat üçün: (+99412) 408 05 58