1. Os nenos da varíola (María Solar)
Recensión literaria
Lucía Gómez Varela
1º Bach C
2. Os nenos da varíola é unha novela de María Solar, publicada o 1 de febreiro de 2017 pola editorial
Galaxia, ten 208 páxinas. Este libro conseguiu no 2018 o Premio ao mellor libro xuvenil da III Gala
do libro galego, así como o premio Fervenzas Literarias ao mellor libro xuvenil o mesmo ano.
María é unha periodista, presentadora e escritora nada en Santiago de Compostela o 25 de decembro
de 1970. Estudou Bioloxía pero acabou traballando de moitas outras cousas, entre elas actriz de
dobraxe, periodista e, no que nos imos centrar hoxe, escritora. María Solar escribiu varios libros,
entre eles Boa sorte (o seu primeiro libro), As meigas de Lupa, O meu pesadelo favorito e este
mesmo que vou analizar.
A intención da autora con este libro é recoñecer e facer homenaxe aos 22 nenos que viviron esta
xornada así como aos adultos detrás da mesma, sendo este o motivo polo que moitos dos nomes non
foron cambiados.
Esta novela é considerada unha das máis logradas da autora. O libro narra parte da historia real que
se viviu no século XIX. Durante este tempo a varíola era unha realidade coa que convivía a
sociedade día a día, aínda que non todo o mundo era consciente disto.
Estes nenos, que partiron na ano 1803, levaron no seu corpo a vacina da varíola ata América coa
intención de poder terminar coa influencia da enfermidade. Eles non sabían o cambio que ían crear
aínda que, hoxe en día, vese que foron parte dun dos logros médicos máis importantes da historia.
O libro céntrase sobre todo nos preparativos anteriores á viaxe, non narrando tanto a viaxe en si
mais deixando clara a dificultade da xornada.
O libro narra toda esta parte da xornada dende os ollos de Ezequiel, un
home que, como todos os nenos do hospicio, pasaba fame e tiña
problemas económicos. É a través deste personaxe e das súas amigas
que se narra a vida dentro daquel lugar. Nárranse os motivos detrás dos
abandonos, xa que, na maioría dos casos, os pais esperaban que os
nenos atoparan unha mellor vida alí.
Outro personaxe importante é o doutor Posse. El trata os nenos do
hospicio e está convencido da efectividade das vacinas, a pesar de que
na época pouca xente pensaba deste modo. O doutor, tras contactar cun
compañeiro consegue autorización do rei para comezar a coñecida
viaxe. Este doutor, xunto coa reitora, Dona Isabel, selecciona 22 nenos
fortes e sans para emprender a viaxe.
Este libro pareceume moi interesante, sobre todo pola idea principal do
mesmo xa que nunca antes de ler este libro oíra falar desta historia. Creo que o libro fai un incrible
traballo ao eliminar parte do anonimato detrás desta fazaña, así como de facer que o lector
comprenda a historia de forma entretida.
É unha novela que recomendaría á xente que estivera interesada en momentos como este da historia,
xa que é unha gran forma de aprender do tema. Por outro lado, non estou segura de que ler este libro
sen ter interese no tema sexa algo recomendable xa que, aínda que a idea é clara, pode facerse
aburrido se non queres saber da historia real detrás do mesmo.
Figura 1: Estatua dedicada a
Isabel Zendal, a única muller
da expedición, na Coruña.
