1. O neno do pixama a raias
O neno do pixama a raias é unha obra narrativa escrita polo irlandés John Boyne e
publicada en 2006. Boyne naceu o 30 de abril de 1971 en Dublín. Estudou no colexio
dos Carmelitas Terenuere College e posteriormente estudou no Trinity College de
Dublín e na Universidade inglesa de East Anglia. Podemos ver que a John Boyne
gústalle moito mirar ao pasado, trasladouse a Rusia na época dos Zares coa obra A
casa do propósito especial e adentrase co O neno na cima da montaña na Segunda
Guerra Mundial.
Deuse a coñecer coa obra O neno do pixama a raias, a cal desenrola a súa trama na II
Guerra Mundial, na Alemaña nazi, concretamente en 1942. Durante esta época, os
alemáns decidiron levar a cabo o xenocidio de miles de xudeus por ser considerados
como a orixe de todos os males (antisemitismo). Fronte á raza xudía, o pobo xermánico
colocábase como a Raza Aria.
Bruno ten 9 anos e é fillo dun xeneral militar alemán nazi, Ralph. Un día o Fura (Adolf
Hitler) foi cear e ascendeu ao seu pai a comandante, como consecuencia toda a familia
tivo que se trasladar a unha casa en Ouvichs. A ninguén gústalle a casa, e menos a
Bruno quen non pode explorar ao ter tan só 3 pisos (a casa de Berlín tiña 5 pisos e
moitas cousas para explorar) e bota de menos aos seus avós e amigos (Karl, Daniel e
Martín). Un día Bruno decide saír a explorar é coñece a Shmuel, un neno xudeu da
mesma idade (incluso naceron o mesmo día), que está noutro lado da aramada, no
campo de concentración, e co que compartirá un ano de charlas e a súa última
exploración.
Este libro gustoume moito e léese moi rápido. Dende unha perspectiva dun neno
inocente podemos ver todo o que acontece dende o bando dunha familia nazi. Conta
unha historia moi dura onde vemos como os nenos só
queren xogar e falar, dálles igual se un é xudeu e outro
non, e onde o problema realmente está nos maiores.
Recoméndolle esta historia a todo o mundo, pois
recolle un tema moi duro e asegúrovos que non vos
vai decepcionar.
Sofía Losada García 1ºBAC B
