1. Recensión literaria de Fahrenheit 451:
Fahrenheit 451 é unha novela distópica escrita polo estadounidense Ray Bradbury e publicada no
ano 1953. É considerada unha das súas mellores obras e nela, Bradbury narra os feitos que lle
suceden a un bombeiro nun futuro próximo no que a ignorancia apoderouse da xente e a
liberdade e o saber eran castigados pola lei.
Ray Bradbury foi nado en 1920 en Waukegan, Estados Unidos e morreu en 2012 en California. Foi
un escrito estadounidense que abarcou os xéneros da fantasía, do terror, da ciencia-ficción e do
misterio. As súas obras máis importantes son Crónicas marcianas (1950) e Fahrenheit 451 (1953).
Algúns dos premios que gañou Bradbury foron o Premio Nacional do libro en 2000, a medalla
nacional das artes en 2004, etc.
Falando da historia, este libro sitúanos no século XXIV, nun futuro distópico no que está prohibida
a lectura. Céntrase na vida de Guy Montag, un bombeiro. Nesa época, os bombeiros traballaban
para queimar en vez de para apagar o lume. Por iso a obra chámase Fahrenheit 451, xa que os
libros quéimanse aos 451 graos fahrenheits.
Un día, Montag coñece a súa veciña Clarisse que lle fai replantarse moitas cousas como a queima
dos libros e a súa perigosidade e o que lle estaba a ocorrer á sociedade. Estas reflexións
incrementáronse cando, durante un encargo, Montag e os seus compañeiros tiveron que queimar
viva a unha anciá porque non quería vivir sen os seus libros. Tras ver tal compromiso da anciá,
decidiu coller un libro para léelo na súa casa. Pouco a pouco, Montag comeza a ler o libro e dáse
conta de que nun pasado existía a liberdade de pensamento e que os libros eran unha fonte de
sabedoría. Por esta razón era porque o goberno prohibiu a lectura. Porque se a xente lía, ía ser
máis intelixente e libre, o que poñería en perigo ao réxime.
Movido por estas ideas, Montag contacta co profesor Faber e xuntos idean un plan para acabar cos
bombeiros. Tras intentar pedir axuda a súa muller, esta denúnciao aos bombeiros. Cando estes
intentan queimarlle a casa a Montag, o protagonista mata a Beatty, capitán do corpo de
bombeiros, e a dous sabuxos metálicos. Despois disto, Montag exiliase cun grupo de intelectuais
que teñen como obxectivo memorizar os libros para así salvalos da destrucción. O libro acaba coa
cidade na que vivía Montag destruída por unha bomba e coa saída dos únicos superviventes
(Montag e os intelectuais) dispostos a crear unha sociedade onde exista liberdade de pensamento.
Persoalmente, si que recomendaría este libro, sobre todo as persoas as que lle gusten a ciencia-
ficción. O libro tamén faite reflexionar un pouco acerca dos libros e da súa importancia ao longo da
historia do ser humano. Incluso poderíase apreciar unha crítica aos réximes ditatoriais, que
censuran á información segundo lles apeteza para así poder ter controlados aos cidadás. Esta obra,
ademais do argumento, paréceme que está moi ben escrita e distribuída. Sen dúbida, é sinxela de
ler e é moi interesante. Totalmente recomendada.
Pablo Cagiao Rodríguez 1ºBAC B
