1. Europa Express
Europa Express é un libro escrito por Andrea Maceiras, quen naceu na Coruña no ano
1987, é licenciada en Filoloxía Galega e Hispánica. Ademais de ser escritora é profesora
de secundaria. Escribiu varias novelas coas que gañou variados premios. Con este libro
en concreto, Europa Express, gañou o Premio Jules Verne de literatura xuvenil en 2015.
A novela trata dun grupo de sete amigos, Aroa, Xacobe, Nico, Beatriz, Óscar, Piero e Mía,
quen decidiron facer unha viaxe en Interrail por Europa ao rematar o bacharelato. Diso
fai dez anos, e aínda así seguen dúbidas presentes dun nefasto accidente do que todos
se viron afectados e que os marcaría e perseguiría durante todos estes anos.
A historia comeza cando Nico encontrou unha postal nun dos seus viaxes onde aparecen
eles, dez anos antes, a partir de alí recordos e dúbidas afloran e decide facer unha
reunión cos seus antigos compañeiros. Descubrirán a verdade sobre aquel accidente e
sobre tódolos segredos que non se lles ocorrera que houbese.
A novela comeza cuns poemas e cun mapa de Europa, onde está marcado o seu
itinerario. A novela está dividida en 3 partes, nelas vanse alternando capítulos nun
diferente eixo temporal e cun diverso punto de vista. Nárranse os acontecementos fai
10 anos e os da actualidade, e a historia vana contando tódolos protagonistas.
Esta novela trata do amor, o paso do tempo, a viaxe como aprendizaxe e a adolescencia
problemática coas relacións afectivas. Trata estes temas con intriga, facéndote desexar
seguir lendo porque morres tanto coma os personaxes por saber a verdade. Recomendo
moito este libro, sobre todo se che gusta o misterio ou se queres tamén facer unha viaxe
en Interrail por Europa, coma os protagonistas, pois pode darche moitas ideas.
Irene Quintela Valiño 1º BACH A