Infografía Pasos para quererse a uno mismo y mejorar la autoestima Doodle piz...
Bel olid
1. REFLEXIÓN LIBRO
Olga Fernández Marta 1ºBach A
Antes de comezar sei que neste momento
estarás pensando que clase de libro lin, pero
prometo que o contido do libro non se ve
reflectido totalmente na súa portada.
Este libro escrito pola escritora catalá Bel Olid
pero foi traducido ao galego en 2020. Nesta
obra explícase a necesidade de superar o
binarismo de xénero e imaxina un mundo sen
etiquetas no cal puiderámonos relacionar
libremente deixando de lado estereotipos e
ideas preconcibidas.
Neste sentido reflexiona sobre moitos máis
temas que o sexo, un tema tabú na nosa
sociedade do que parece obrigatorio estar
informado pero si decides investigar para ter
unha opinión formada sobre determinados
aspectos é considerado inapropiado. Outros
temas do libro son o lgbtiq+, o consentimento,
os estándares de beleza, a educación sexual
e o amor.
A xente recibe a súa educación sexual a
través da pornografía, webs especializadas e
os mass media, onde pódense incluír
cancións, imaxes,etc. A autora pretende facer
unha reflexión sobre o que significa sexualidade, por que ter relacións sexuais e con quen
telas. O seu obxectivo era o de transmitir isto á xente nova. O libro ten dúas partes: unha
pretensión educativa para a xente máis nova e un texto destinado á xente máis maior que
nunca pensara sobre as súas relacións sexuais.
No tema da beleza destaca o movemento do body positivity, un movemento que está a
cobrar moita forza nos últimos anos. O body positivity di que sexas como sexas, no teu
corpo hai beleza. Eu sempre estiven de acordo con moitos dos valores deste movemento
pero pensaba que o de que todo os corpos teñen beleza era algo moi subxectivo. Ao ler o
libre dinme conta de que isto non é verdade, hai corpos moi pouco convencionais nos que é
moi difícil atopar a “beleza”. Pero, que é ao que chamamos beleza? Ao final a beleza é unha
simple convención social e unha expectativa da sociedade de como teñen que ser as
cousas. A autora anímanos a intentar deixar de ter o tema da beleza e a necesidade de
encaixar neste canon. A importancia da beleza é relativa e canto antes deixemos de
obsesionarnos máis felices seremos. A caso sabemos canto pesaba Malala ou Marie Curie,
claro que non, e isto é porque en perspectiva non importa. Na maioría dos aspectos da vida,
a beleza non ten importancia. A nosa felicidade non debe depender dun encaixe, senón en
elementos máis estables porque da outra forma estaremos condenados a ser infelices.
2. O libro pon en relación tres conceptos: o mandato de xénero, a identidade de xénero e a
expresión de xénero. O mandato de xénero é o que se supón que temos que facer en
función do noso xénero. A expresión de xénero refírese a como explicamos ao mundo o que
somos. Por exemplo, unha muller que non cumpre co mandato de xénero é dicir, que fai
cousas que son de “home” despista a xente que non sabe como referirse a ela. Co estudo
destes termos dáste conta de que a xente non é discriminada polo que son, senón polo que
parecen.
Outro tema que me chamou moito a atención foi o da transexualidade. Eu nunca chegara a
entender o feito de que unha persoa se sentira do outro xénero. Que é sentirse home ou
muller? Significa isto que non seguir o mandato de xénero che converte no xénero
contrario?
Ao ler a opinión da autora comprendín que non se trata de que fomenten os estereotipos e o
binarismo. Moita xente cis tamén o fai, e ninguén lles chama a atención, de feito, o sistema
premia ás persoas cis que o fan. Pero no caso das persoas trans, os castigamos por
adaptarse ao binarismo, cando é a propia sociedade a que o esixe. É a responsabilidade
da xente cis cambiar este sistema de binariedade que fai que tanta xente non se poda
expresar como realmente se sinte.
En conclusión, este libro pareceume moi interesante xa que trata temas que realmente
teñen un papel importante no momento actual e que poden afectarte persoalmente. Eu
penso que as etiquetas e os prexuízos aínda que discriminen tamén serven para loitar a
discriminación. Serven para adherirse a elas e loitar certas opresións por exemplo.
É un libro ameno, que se le facilmente e que ensina sobre temas esenciais nos que non
todo o mundo esta aberto a profundar