for grade 4 learners only

1. 4

2. Sa aralin na ito ay matutuhan mo ang
tungkol sa tekstong pang-impormasyon. Ito
ay nagsasaad ng mga sulating di-kathang-isip
(non-fiction) na ang layunin ay makapagbigay
alam sa mga mambabasa tungkol sa isang
paksa. Ito ay makikita o mababasa mo sa mga
magasin, talambuhay, aklat ng kasaysayan at
iba pang katulad nito

3. Sagutin ang mga sumusunod na tanong.
1. Batay sa iyong kaalaman, ano ang ibig sabihin ng
COVID-19?
2. Bakit ipinagbabawal ng mga may katungkulan sa
pamahalaan ang lumabas ng bahay sa panahong ito
ng pandemya?
3. Paano mo mapangangalagaan ang iyong sarili sa
panahon ng ganitong kalamidad?
4. Sa iyong pagkaunawa, hanggang kailan kaya
magtatagal ang pandemyang ito?

8. Sino sa inyo ang may lolo at lola pa? Kasama nyo
ba sila sa inyong bahay?
Paano nyo sila itinuturing o ano ang trato nyo
sa kanila sa inyong bahay?
Ngayon, alamin natin sa ating kuwento, kung
ano ang pinangangambahan ng tauhan sa pagtira
sa kaniyang lolo at lola.

9. Munting Bakuran
Dahil sa banta ng COVID- 19, napaaga ang bakasyon ni Ellize sa paaralan. Si Ellize ay
sampung taong gulang, ang kaniyang ina ay isang nars at pulis naman ang kaniyang ama.
Sa tuwing papasok sa trabaho ang kaniyang magulang, sa lolo at lola siya naiiwan.
Bago umalis sa trabaho ang kaniyang magulang ay kinausap siya nito. Ilang araw na
hindi sila makauuwi sapagkat kailangan manatili ng kaniyang ina sa ospital upang tulungan
ang mga tinamaan ng nakababahalang sakit, ang kaniyang ama naman ay bantay sa mga
checkpoint upang mapanatili ang kaayusan , malimitahan ang pumapasok at lumalabas sa
lungsod. Napagpasyahan nila na huwag munang umuwi ng bahay para sa kaligtasan ng
lahat.
Ayon sa balita , mahigpit nang ipinatutupad ang Enhance Community Quarantine (ECQ)
sa maraming lugar sa bansa. Isa lamang sa bawat pamilya ang maaaring lumabas at mamili
ng kanilang mga pangangailangan sa palengke upang maiwasan ang mabilis na pagkalat
ng sakit. Ipinagbawal din na lumabas ang matatanda at bata dahil delikado sa kanilang mga
kalusugan.

10. Napaisip si Ellize na kung hindi na maaaring lumabas ang kaniyang lolo at lola ay
maubusan sila ng pagkain . Tumingin si Ellize sa kaniyang lolo at lola at nagdalawang –
isip magsalita. “Ano iyon apo?” tanong ng lolo. “Ah, kasi po sabi sa balita ay bawal
kayong lumabas, iniisip ko lang po kung paano na tayo kapag matatagalan pang umuwi
sina nanay at tatay. Nangiti ang dalawang matanda sa narinig.
Niyaya nila si Ellize sa kanilang bakuran. Ipinakita nila ang mga tanim na talbos ng
kamote, petsay, okra, talong at kangkong. May dalawang puno pa ng malunggay na
nakatanim. “Sa palagay mo ba apo, magugutom tayo?” Sabay tawanan nilang tatlo.
Simula noon, si Ellize na ang nagdidilig ng mga tanim araw-araw. Ipinamimigay din nila
ang sobrang gulay sa kanilang kapitbahay.
Naisip ni Ellize ang palaging sinasabi ng lolo niya “kapag may itinanim, may
aanihin.”

11. 1.Sino ang batang ipinaalaga sa kaniyang lolo at lola?
2. Bakit kinakailangan na paalagaan si Ellize sa kaniyang lolo
at lola? Nangangamba ba si Ellize sa pagtira niya sa bahay ng
kanyang lolo at lola?
3. Sa palagay mo, naalis ba ang pangamba ni Ellize nang
makita niya ang bakuran nina lolo at lola?
4.Noong panahon ng Enhance Community Quarantine, tulad
ni Ellize, mayroon ka rin bang pinangambahan? Paano mo ito
na solusyunan?
5. Sang-ayon ka ba sa winika ni Lolo, “Kapag may itinanim ,
may aanihin.” Ipaliwanag mo ito?

12. Tandaan :
Ang tekstong pang impormatibo o tinatawag ding
ekspositori ay isang anyo ng pagpapahayag na
naglalayong magpaliwanag at magbigay ng
impormasyon. Kadalasang sinasagot nito ang mga
batayang tanong na ano, saan, kailan, sino at paano.
Ang ilang tiyak na halimbawa ng tekstong impormatibo ay
biyograpiya, mga impormasyong matatagpuan sa
diksiyonaryo, encyclopedia, almanac, mga pananaliksik sa
mga journal, siyentipikong ulat at mga balita sa radyo,
telebisyon at pahayagan.

13. Tandaan :
Narito ang mga nararapat gawin upang masagutan
nang tama ang bawat tanong batay sa binasang
pampanitikan o teksto.
• Alamin at unawain ang mahahalagang impormasyon o
o detalye sa mga kuwentong binabasa.
• Tandaan ang daloy ng kuwento o tekstong
pampanitikan upang masagot nang tama ang mga
tanong

14. Gawain sa Pagkatuto Bilang 1 : Basahin ang teksto at suriin ang mga
kasagutan sa mga tanong.
Talambuhay ni Juan Luna
Siya ay isa sa kinilalang bayani ng ating bansa. Inilagay siya sa
pedestal ng Pilipinas sa larangan ng pagpipinta dahil sa mga obra
maestrang The Death of Cleopatra, Blood Compact at Spolarium.
Siya ay nag-aral sa Ateneo de Manila at sa Academia de Dibujo y
Pintura sa Maynila. Pangarap niyang maging isang mandaragat kayat siya
matiyagang nag-aral ng nabigasyon o paglalayag. Nakamit niya ang
katibayan sa pagigingmandaragat noong 1875. Nagtrabaho siya sa barko
at nakarating sa maraming magandang lugar. Ito ang nagtulak sa kanya
upang mahilig sa pagpipinta. Nag-aral siya ng pagpipinta sa Madrid, sa
Escuela de Bellas Artes, Ang kanyangnaging guro ay si Alejo Veja.
Karamihan ng kanyang mga ipininta ay nagkamit ng mga
karangalan. Ilan sa kanyang mga obra maestra ay ang Death of Cleopatra
(Ang kamatayan ni Cleopatra), Blood Compact (sanduguan) at Spolarium.

15. Dahil sa mga larawang iginuhit niya, si Juan ay
pinaghinalaang kasapi sa kilusang bumabaka sa pamahalaan.
Noong 1896, siya at ang kapatid na si Antonio Luna ay hinuli
at ibinilanggo sa Fort Santiago sa hinalang kasapi ng
Katipunan. Taong 1897, si Juan ay pinalaya at agad na
nagbalik sa Esapanya upang lakarin ang paglaya ng kanyang
kapatid na si Antonio. Tumulong din siya kina Rizal, Lopez–
Jaena at iba pang mga Pilipinong nasa Europa sa kanilang
krusadang makamit ang reporma para sa Pilipinas.
Matapos siyang maglakbay sa iba’t ibang lugar sa
Silangan, inabot siya ng matinding karamdaman na kumitil
ng kanyang buhay noong ika-7 ng Disyembre, taong 1899 .

16. Gawain sa Pagkatuto Bilang 2 : Batay sa nabasang
teksto, sagutin ang mga sumusunod na tanong.
1, Anong halimbawa ng tekstong pang-impormasyon ang
inilahad sa teksto?
2. Ano-ano ang mga obra maestra ni Juan Luna?
3. Bakit siya pinaghinalaang kasapi sa kilusang
bumabaka sa pamahalaan?
4. Bakit siya bumalik sa Espanya matapos siyang
palayain sa pagkakabilanggo?
5. Ano ang sanhi ng pagkamatay ni Juan Luna?

17. Gawain sa Pagkatuto Bilang 3: Batay sa nabasang teksto, sagutin ang mga
sumunod na tanong.
Maliitang Pagmimina, Malaking Problema
Maraming pook sa Pilipinas ang mayaman sa ginto kaya maraming Pilipino
ang nagmimina rito kung saan kumikita naman sila. Ngunit gumagamit sila
ng asoge o mercury upang matanggal ang ginto sa kinatataguang bato.
Lason sa lamang –dagat at sa tao ang asoge. Matindi at masakit sa ulo’t
gulugod ang napasok sa asoge. Sa dami ng nagmimina ay tone-toneladang
asoge ang natitipon sa mga batis at ilog na gamit sa pagmimina ng ginto.
Maiisip mo ang panganib ng asogeng ito sa mga mamamayan.
1. Ano ang pamagat ng teksto?
2. Ilarawan ang bansang Pilipinas batay sa tekstong binasa.
3. Paano nakatutulong sa tao ang pagmimina?
4. Bakit mapanganib ang asoge sa tao at lamang-dagat?
5. Anong ahensiya kaya ng gobyerno ang dapat na makialam sa kasong ito?

18. PANUTO: Basahin at unawain ang kuwento. Bilugan ang letra ng tamang sagot.
Nang Utusan si Selina
“Selina! Selina!” ang tawag ng Nanay sa kanyang bunsong anak. “Bumili ka nga

19. 1. Sino ang tinatawag ni nanay?
A. Si Selina B. Si Aling Sepa C. Si Ate D. Si Susie
2. Bakit Kailangan niyang magmadali sa inuutos ni nanay?
A. Mahuhuli na ang kanyang Ate
B. Mahuhuli na ang kanyang Nanay.
C. Mahuhuli na ang kanyang Tatay.
D.Mahuhuli na silang lahat.
3. Ano ang dahilan ni Selina na natagalan siya sa pagbili ng
mantika?
A. Namasyal na muna siya.
B. May tinutulungan siyang nadapa.
C. Naghanap pa siya ng ipinabibili sa kanya.
D.Maraming bumibili sa tindahan ni Aling Sepa.

20. 4. Bakit hindi nagalit ang nanay ni Selina sa
matagal niyang pagdating?
A. Nakatulong siya sa kapuwa.
B. Nagalit na ang Ate ni Selina.
C. Hindi sila kikibuin ni Selina.
D. Maaaring magtampo si Selina.
5. Ayon sa kuwentong binasa, anong magandang
katangian ni Selina ang ipinakita dito?
A. Siya ay masipag.
B. Siya ay magalang.
C. Siya ay matulungin.
D.Siya ay maramdamin.

22. PANUTO: Basahin at unawain ang kuwento.
Pagbibigayan
Magkapatid sina Raul at Rene. Masisipag at mababait sila. May
kanilang tungkulin sa bahay. Si Rene na nakatatanda ang tagbili ng
tinapay sa umaga at tagabunot ng sahig. Si Raul Naman ang
nagwawalis sa binunot ni Rene at nagdidilig ng mga halaman.
Minsan nag-uwi ng laruang gitar si Mang Pedro, ang kanilang ama.
Iisa lamang ang nabili niya dahil mahal yaon. “kanino kaya
mapupunta ito? Pasensya na muna ang isa sa inyo, ha?” sabi ng
ama. “Sa amin pong dalawa. Hiraman po kami riyan,” ang sagot ng
magkapatid. Napangiti si Aling Bess. Nasisiyahan siya sa pasiya ng
dalawang bata. Tunay na hindi siya binibigyan ng suliranin ng
kanyang mga anak.

25. Pagtataya.
PANUTO: Basahin at unawain ang bawat tanong. Itiman ang bilog
ng letra na may tamang sagot.
Tumutulong si Nardo sa kaniyang nanay sa pagtitinda ng
niyog sa palengke. Mayroon silang pangkayod na de-
kuryente kaya napakadali at napakabilis nilang
makapagtinda. Iniipon ni Nardo ang sabaw ng niyog sa
isang malaking balde. Inilalagay naman niya ang bao
niyog sa isang malaking kanastro. Ginagawa nilang suka
ang sabaw ng niyog. Pinatutuyo naman nila ang bao
upang magamit na panggatong. Matalino si Nardo at ang
kanyang ina. Nagawa nilang kapakipakinabang ang mga
bagay na karaniwang itinatapon na.