2. Layunin ng isang tekstong persuweysib ang manghihikayat o mangumbinsi
sa babasa ng teksto. Isinusulat ang tekstong persuweysib upang mabago
ang takbo ng isip ng mambabasa at makumbisi ang punto ng manunulat,
at hindi sa iba.Hinihikayat dito ang mambabasa na tanggapin ang
posisyong pinaniniwalaan o ineendorso ng teksto.
Ang tekstong persuweysib ay may subhetibong tono sapagkat malayang
ipinapahayag ng manunulat ang kanyang paniniwala at tangkiling tungkol
sa isang isyung may ilang panig.Taglay nito ang personal na opinyon o
paniniwala ng may-akda.
Ang ganitong uri ng teksto ay ginagamitan ng iskrip para sa patalastas,
propaganda para sa eleksiyon, at pagrerekrut para sa ilang samahan o
networking.
3. MGA PARAAN NG PANGHIHIKAYAT O
PANGUNUMBINSI
(AYON KAY ARISTOTLE)
1. ETHOS
Ito ay tumutukoy sa kredibilidad ng isang manunulat. Dapat makumbinsi ng
isang manunulat ang mababasa na siya ay may malawak na kaalaman o
karanasan tungkol sa kanyang isinusulat., kung hindi ay hindi sila na mahikayat
na maniwala rito.
4. Halimbawa, ang isang taong naghihikayat ng mga turista upang bisitahin
ang isla sa Pilipinas gayong hindi pa siya nakapupunta rito ay maaaring
maging kaduda-duda.
Gayunman, may iba pang paraan upang magkaroon ng kredibilidad. Ang
estilo ng pagsulat ay mahalaga upang magkaroon ng kredibilidad. Dapat
maisulat nang malinaw at wasto ang teksto upang lumabas na hitik sa
kaalaman at mahusay ang sumusulat.
Ang paraan ng pagsisipi sa sanggunian ay maaring makatulong sa
pagpapatibay ng kredibilidad. Kailangang mapatunayan sa mga mababasa
na ang mga datos at impormasyon ay wasto at napapanahon upang
makumbinsi ang isinusulat ay tama at mapagkatiwalaan.
5. 2. PATHOS
Tumutukoy ito sa gamit ng emosyon o
damdamin upang mahikayat ang
mambabasa. Ayon kay Aristotle,
karamihan sa mga mababasaay
madaling madala ng kanilang emosyon.
Ang paggamit ng pagpapahalaga at
paniniwala ng mambabasa ay isang
epektibong paraan upang makumbinsi
sila.
6. Halimbawa, ang pagsasalaysay ng isang
kuwentong nakakaantig ng galit o awa ay
isang mabisang paraan upang mahikayat
silang pumanig sa manunulat
7. 3. LOGOS
Ito ay tumutukoy sa gamit ng lohika
upang makumbinsi ang mababasa.
Kailangang mapatunayan ng manunulat
sa mga mambabasa na batay sa mga
impormasyon at datos na kanyang
inilatag ang kanyang pananaw o punto
na siyang dapat paniwalaan,.
8. Gayunpaman, isa sa mga madalas na
pagkakamali ng mga manunulat ang
paggamit ng ad hominem fallacy, kung
saan, ang manunulat ay sumasalungat sa
personalidad ng katunggali at hindi siya
pinaniniwalaan nito.