2. 01
KATAPATAN
Mahalaga ang katapatan. Kapag ang pinuno
ay matapat, magiging matapat din ang mga
tagasunod. Ang katapatan ay nakatutulong
upang ang bawat isa ay magiging totoo.
Naiiwasan nito ang lihiman na siyang sanhi
ng hindi magandang ugnayan.
3. 02
KKAKAYAHANG
MAG ATAS
Ang isang pinuno ay minsan ding naging tagasunod. May
pagkakataong ang isang pinuno ay nawawalan ng tiwala sa sarili na
ibahagi sa nasasakupan ang gawain. Mapanganib ito. Marapat na
handa ang pinunong ibahagi ang gawain. Hindi magtatagumpay ang
isang pinuno kung aakuin niyang lahat ng gawain dahil sa kawalan
ng kakayahang mag-atas. Ang matagumpay na pagbabahagi ng
gawain ay nakasalalay sa matagumpay na pagtukoy sa kalakasan at
kahinaan ng nasasakupan.
Mangyayari lamang ito kung lubos na kilala ng pinuno ang kaniyang
nasasakupan.
4. 03
Kakayahang
makipagkomunikasyon
Ang mga bagay na ibig mong isagawa at matagumpay na matapos ay
maaaring malinaw sa iyong isip, subalit may mga pagkakataong hindi
ito malinaw sa iyong nasasakupan. Sa ganitong sitwasyon,
mahalagang may kakayahan sa komunikasyon ang isang lider.
Marapat na maipaliwanag niya nang buong linaw sa nasasakupan ang
layuning ibig makamit. Kapag ang isang lider ay walang kakayahang
maibahagi ang kaniyang bisyon sa mga nasasakupan, walang
pagkakaisa, magiging watak- watak sila at magbubunsod ito sa hindi
pagkamit ng layunin.
5. 04 Tiwala sa sarili
Nakatutulong sa tagum- pay ng isang samahan o organisasyon ang
pagkakaroon ng tiwala sa sarili. Kapag nakikita ng iyong tagasunod
na may tiwala ka sa iyong sarili ay magkakaroon din sila ng tiwala sa
kanilang sarili. Sa ganitong sitwasyon itinataas mo ang moral ng
iyong nasasakupan. Tandaang ganadong kumilos, magtrabaho, at
gumanap sa tungkulin ang sinumang mataas ang moral.
6. 05 Pagtupad sa pangako
Ang isang lider ay may isang salita. Pinaninindigan niya ang salitang
binitiwan. Angpagtupad sa sinabi o sa ipinangako ay nakatutulong
upang patuloy na hangaan at irespeto ng mga tagasunod ang
kanilang pinuno. Nakapagdaragdag ng kredibilidad ang pagtupad sa
pangako.
7. 06 Positibong Pananaw
Pangunahing layunin ng isang lider na mapamunuan nang buong
husay ang isang samahan 0 organisasyon. Layunin din nitong
hikayatin ang pinamumunuang ibigay ang lakas, enerhiya, at
katapatan upang magtagumpay ang samahan. Hindi ito magagawa ng
lider na walang positibong pananaw. Ang pagkakaroon ng positibong
pananaw ay nakalilikha ng positibong kapaligiran. Ang mga ito ay
magbubunga ng tagumpay.
8. 07 Pagkamalikhain
May mga pagkakataong an ang kinakaharap na suliranin at hamon ng
isang samahan o isang organisasyon ay lubhang mahirap. Sa
ganitong sitwasiyon lubhang kritikal ang pagganap ng tungkulin ng
isang pinuno. Ang pagiging malikhain ng isang pinuno ay
nakatutulong upang makalikha ng solusyon. sa mga suliraning
kinakaharap
ng samahan. Kapag malikhain ang pinuno nakahahanap siya ng
kaparaanan kung paano pakilusin ang nasasakupan nang may
kasiyahan.
9. 08 Intuwisyon
Sa maraming pagkakataon ay nahaharap ang isang
samahan o organisasyon sa walang katiyakan. Maraming
panganib, maraming presyur. Sa mga panahong ang
samahan ay nasa alanganin, mahalagang gamitin ng isang
pinuno ang kaniyang intuwisiyon. Ito ay ang matalinong
paggamit ng sariling paghuhusga.
10. 09
Nakapagbibigay-
inspirasyon
Ang pinuno ay nagsisilbing inspirasiyon sa kaniyang mga tagasunod.
Nagiging inspirasyon ang isang pinuno kapag nakikita ng mga
tagasunod nito na mayroon siyang kahanga-hangang katangian na
maaaring gayahin ng kaniyang nasasakupan sa kapakanang pansarili
at panlahat. Sa maraming pagkakaton ay nagkakaroon ng
inspirasiyon ang mga tagasunod kung nakikita nilang
pinahahalagahan ng kanilang pinuno ang pinagtrabahuhan nito. Sa
pamamagitan ng pagbibigay parangal, papuri, at mga kaugnay na
pagkilala ay nagiging ganado ang mga tagasunod na kumilos at
gumawa.
11. 10 Dulog
May kaniya-kaniyang istilo ang bawat pinuno. Iba-iba ang paraan ng
pagganap sa kanilang tungkulin bilang pinuno. Marapat na maging
malinaw ang dulog na gagamitin ng isang pinuno at sa dulog na
gagamitin ay nagkakaroon siya ng tatak.
Marami pang mga katangian ang dapat na taglayin ng isang pinuno.
Hindi mabilang-bilang ang mga katangian, at ito ay nagagamit niya
hindi para sa kapakanang pansarili kundi sa kapakanan ng lahat ng
nasaskupan.
