Ang pagtuturo ng Filipino 10 – Panitikang Pandaigdig ay bago sa mga guro sa Filipino. Ang mga damdamin at saloobin ng guro sa pagtuturo nito ay magkakaroon ng implikasyon sa tagumpay ng mag-aaral sa asignatura.

1. 1
KABANATA I
ANG SULIRANIN AT SAKLAW NITO
PANIMULA
Matutunghayan sa kabanata I ang suliranin at saklaw nito
kabilang ang rasyunale ng pag-aaral, sanligang teoritikal, kaugnay
na literature at pag-aaral, metodolohiya ng pananaliksik at ang
katuturan ng katawagan.
Rasyunale ng Pag-aaral
Sa edukasyon, ang pagbabago ay di-maiiwasan. Ang
pagyakap ng mga guro at mag-aaral sa pagbabago ng kurikulum
upang bigyan ng puwang ang pagsulong ng mga bagong tuklas na
araling makatutulong upang makasabay sa pandaigdigang pag-
unlad ay sadyang kinakailangan. Sa alintutunin ng sanhi at bunga,
ang pagkakaroon ng positibong damdamin at saloobin sa
pagtanggap ng mga pagbabago sa panig ng mga guro ay
magdudulot din ng positibong damdamin at saloobin sa mga mag-
aaral.
Ang mga pagbabago sa edukasyon o kurikulum ay bunsod ng
globalisasyon. Ito ang paraan ng pagsasama-sama ng politika,
ekonomiya at kultura ng mga bansa upang magkaroon ng

2. 2
pagkakaunawaan, kapayapaan at sabay na pag-unlad na walang
maiiwan.
Sa pamantayan sa Filipino 10 sa K-12 Kurikulum, nakasaad
na pagkatapos ng ikasampung baitang, naipapamalas ng mag-
aaral ang kakayahang komunikatibo, mapanuring pag-iisip at pag-
unawa, at pagpapahalagang pampanitikan gamit ang teknolohiya
at iba’t ibang uri ng mga salintekstong panitikang pandaigdig tungo
sa pagkakaroon ng kamalayang global.
Ang katuparan ng pamantayang hinulma ng Kagawaran ng
Edukasyon ay nakasalalay sa damdamin at saloobin ng mga guro
na siyang tagaganyak at tagabahagi ng mga kaalaman ukol sa mga
araling inilatag ng mga taga-ugit ng kurikulum. Gayon din kung
ano ang magiging damdamin at saloobin ng mga mag-aaral na
siyang tagatanggap ng mga pamantayang nabanggit. Lalo na kung
ito ay taliwas sa mga nakaugaliang pinag-aaralan.
Ayon kay Cruz (2013) tungkulin ng isang guro na ilahad sa
mga mag-aaral ang mga kabuuang impormasyon ng bawat aralin
(lalo na sa mga paaralang walang internet at kulang sa mga
kagamitan) upang makakabuo ang mag-aaral ng intelektwal na
analisis sa akdang pinag-aaralan. Sa pagtuturo ng akdang
pampanitikan, kasama sa tungkulin ng guro ang pag-iingat na di-

3. 3
gaanong magkaroon ng matinding presyur sa mga mag-aaral ang
labis na pagbabasa sa akda na magiging sanhi ng hindi pagkagusto
sa babasahing pampanitikan, lalo pa kung ito ay hindi pamilyar sa
mambabasa.
Napagtantong walang kursong Panitikang Pandaigdig ang
mga gurong kumuha o nakapagtapos ng BSE na medyor sa Filipino
maliban sa pahapyaw na napag-aralan nito sa unang taon sa
kolehiyo sa asignaturang Ingles. Anupa’t malaking hamon sa
kakayahan ng mga guro sa Filipino 10 ang pagtuturo ng Panitikang
Pandaigdig.
Ayon kay Akey (2006) na binanggit ni Macarandan (2014),
kailangang lubos na alam ng isang guro ang laman ng Matematika
upang maituro niya ito nang maayos at malinaw. Kahalintulad din
na kailangan ng guro sa Filipino ang sapat na kaalaman sa
Panitikang Pandaigdig upang maayos niya itong maituro sa mga
mag-aaral. Wika nga, ang kaunting kaalaman ay mapanganib. Ang
kaalaman ng guro ay isang napakahalagang impluwensiya sa mga
gawain sa silid-aralan, at sa pagkatuto ng mga mag-aaral.
Ang Taong Panuruang 2015-2016 ay ang unang taon ng
implementasyon sa pagtuturo sa Filipino 10–Panitikang Pandaigdig.
Kasabay ng pagtuturo ng Panitikan ng Pilipinas, makakaharap din

4. 4
ng mga mag-aaral sa Filipino 10 ang Panitikang Pagdaigdig bilang
tulay sa paghubog ng mga kakayahang pangwika at paglinang ng
isang buo at tunay na Filipino. Sa unang taon ng implementasyon
ng pagtuturo ng Panitikang Pandaigdig ay halos sabay na matututo
ng mga mag-aaral ang kanilang guro.
Bilang isang guro sa Filipino 10–Panitikang Pandaigdig,
malaking hamon para sa mananaliksik ang pagbabahagi ng mga
araling di niya gaanong kabisado. Naging masalimuot ang kanyang
damdamin at saloobin sa pagtuturo. Kung noon nakakaya niyang
ibahagi ang mga akdang Pampanitikang Pambansa kahit sa
simpleng pagtingin lamang ng pamagat nito, kabaligtaran naman
sa Panitikang Pandaigdig dahil kailangan pang manaliksik sa
internet upang malaman ang mga kaligirang impormasyon sa
bawat akdang ituturo.
Ang mananaliksik ay isang guro sa Filipino sa loob ng
dalawampung taon. Nagtapos ng BSE-Filipino sa Bukidnon State
University, Master of Arts in Teaching Filipino sa Central Mindanao
University, Musuan Bukidnon. Master Teacher I at Tagapangulo sa
Departamento ng Filipino at Tagapayo ng Pamahayagang
Pangkampus sa Bocboc National High School. Nakapasa sa National
Principalship Qualifying Exam ng National Educators’ Academy of

5. 5
the Philippines noong 2008 at naging Outstanding Master Teacher
sa Sangay ng Bukidnon noong 2013.
Sa mga taon na ginugol ng mananaliksik sa pagtuturo kung
saan maraming beses nang nabago ang kurikulum, ngayon lamang
binigyan ng puwang ang pagpasok sa asignaturang Filipino ang
mga akdang panitikang pandaigdig. Taliwas ito sa nakasanayang
ang panitikang pandaigdig ay pinag-aaralan lamang sa
asignaturang Ingles. Sa ngayon, dalawang sabjeks na ang tumutok
sa pagtuturo nito.
Sa kadahilanang ngayon lamang nangyari ito, nilalayon ng
mananaliksik na alamin ang mga damdamin at saloobin ng mga
guro at mag-aaral sa Filipino 10-Panitikang Pandaigdig hinggil sa
pagtuturo at pagkatuto nito. Ang mga impormasyong makakalap
sa pag-aaral na ito ay magagamit upang makabuo ng karagdagang
kagamitang pampagtuturo o kagamitang pampagkatuto.
Sanligang Teoritikal ng Pag-aaral
Ginawang batayan at sanligan ng pananaliksik ang mga
teoryang hinggil sa damdamin at saloobin sa pagtuturo at
pagkatuto gayon din ang teorya tungkol sa panitikan.
Ang Behaviorism Theory ay teorya ng pagkatuto na
nagsasabing maaring pag-aralan ang pagkatuto sa pamamagitan

6. 6
ng obserbasyon at manipulasyon sa pag-uugnay ng pampasigla-
tugon. Ito ang kilalang perspektibo ng mga behaviorist dahil sa
kanilang istriktong pagtalima sa pag-aaral ng mga kapuna-punang
gawi o kilos. Ayon sa teorya, ang kilos ay tugon sa pampasigla. Ito
ay binuo ni John Watson. Ayon sa kanya, ang pag-iisip at intensyon
ay internal na proseso na hindi maaaring obserbahan anupat hindi
maaaring pag-aralan. Tanging kilos o gawi na maaaring
obserbahan lamang ang maaaring gawan ng ma-agham na pag-
aaral. Sa pamamagitan ng eksperimento sa mga hayop na
isinagawa ni B.F. Skinner, nabuo niya ang Theory of Operant
Conditioning sa ilalim ng Theory of Behaviorism, kung saan
nakasaad na “learning in which voluntary behavior is strengthened
or weakend by consequences or antecedents” Woolfolk, A. (2001)
Ang pananaliksik na ito ay nagpapakita na ang gawi ay maaring
magbago dahil sa pangyayaring naganap bago o pagkatapos ng
gawi.
Ang kalalabasan ay makaka-impluwensya sa ugnayan sa
pagitan ng pampasigla at gawi. May dalawang uri ng kalalabasan;
ang pampalakas at ang pagpaparusa. Ang pampalakas o
reinforcement ay makapagpapatibay ng gawi habang ang

7. 7
pagpaparusa ay makahihina ng gawi. Ang pampalakas ay maaring
positibo o negatibo.
Sa pagkatuto, ang Behaviorist ay naniniwala na ang tanging
paraan sa pagtataya ng pagkatuto ay sa pamamagitan ng
obserbasyon at pagsusukat ng pagbabago ng gawi ng mag-aaral.
Ibig sabihiin, ang pagkatuto ay nagaganap kung may karanasang
nagdadala ng pagbabago ng gawi. Ang Behaviorist ay hindi
nakapokus sa “paano” at “bakit” ng kaalaman, dahil hindi ito
kapuna-punang gawi. Sa halip nakapokus sila sa “ano” na isang
kapuna-punang gawi. Nakatuon ang Behaviorist sa pagpapalabas
ng ninanais na tugon ng mag-aaral mula sa iba’t ibang
pampasigla.
Ang papel ng guro sa Behaviorist Theory ay ang
pagkundisyon sa mga itutugon ng mag-aaral sa mga pampasigla
gamit ang mga pampalakas at parusa. Upang makamit ang
layunin, kailangan ng guro ng maraming gawain para sa mag-
aaral. Una, kailangang alamin ng guro ang mga nakasanayang
pampasigla ng mga mag-aaral. Kasama rito ang kurikulum at
pambansang pamantayan at mga layunin. Pangalawa, kailangang
alamin ng guro ang angkop na tugon ng mag-aaral. Ang mga
gawing ito ay repleksyon ng kanilang pag-unawa sa mga

8. 8
pamantayan at mga layunin. Pangatlo, ang kasalukuyang
ebalwasyon ng gawi ay kinakailangan upang malaman kung
pampalakas o parusa ang nagdulot ng inaasahang gawi. Ang
pampalakas at parusa ay kapakipakinabang kung ang interes at
kagustuhan ng mag-aaral ay binigyan ng konsiderasyon. Pang-
apat, kailangan ng guro na magdisenyo ng mga gawaing
magagamit bilang pangkondisyon sa pampasigla at tugon.
Magiging angkla ng pananaliksik na gagawin ang Behaviorism
Theory sapagkat ang gawi ay manipestasyon at ekspresyon kung
ano ang damdamin o nararamdaman ng tao, tulad ng napaiyak,
nalungkot, nasiyahan, nagulat at iba pa. Ito ay mga kapuna-
kapunang gawi o kilos. Ang guro sa Filipino 10 at ang araling
Panitikang Pandaigdig ang siyang mga pampasigla na inaasahang
gaganyak ng tugon mula sa mga mag-aaral. Samantala, sa panig
ng guro bilang tagatugon, ang magiging pampasigla ay Panitikang
Pandaigdig at mga mag-aaral.
Ang damdamin at saloobin ay palaging magkaugnay. Ito ay
sapagkat ang saloobin ay nakakaapekto sa damdamin.
Ang Cognitive Consistency Theory ay teorya ng saloobin. Ito
ay nakatuon sa pagbabago na nangyayari sa pagitan ng
magkaugnay na paniniwala, kaalaman at pagtataya tungkol sa

9. 9
isang bagay o isyu. Kahit maraming Consistency Theories ang
nagkakaiba sa maraming aspeto, lahat ng mga ito ay may
parehong pakay at iyon ay ang pagbabawas ng pagbabago at
pagbabalik ng intelektuwal at emosyonal na balanse.
Sa pangkalahatang pananaliksik pinagtibay na ang tao ay
naghahanap ng konsistensi sa kanilang saloobin at sa pagitan ng
saloobin at kanilang damdamin. Nangangahulugan ito na ang mga
tao ay naghahangad na makasundo ang naiibang saloobin at
maiaayon ang kanilang saloobin at damdamin upang maging
makatuwiran at konsistent. Kapag nagkaroon ng
pagkakasalungatan, may lakas na magpapamulat upang maibalik
ang balanse ng saloobin at damdamin, upang muling maging
konsistent. Maaari itong gawin sa pamamagitan ng pagbabago ng
saloobin, o kayay pagbababgo ng damdamin o sa pamamagitan ng
pagbuo ng katwiran sa mga kaibhan.
Sa teoryang ito, ipinagpalagay na ang bawat indibidwal ay
may likas na kakayahang tumantiya at humalaw ng mga
konteksto, pinagmulan ng mga bagay-bagay at sa mga taong
sangkot sa isyu batay sa kanyang personal na pagpapahalaga o
kayay batay sa pangkalahatang sistema ng paniniwala. Ginagawa
ito ng indibidwal upang makita ang balanse ng emosyonal at

10. 10
intelektuwal sa kanyang sarili habang nakikitungo sa ibang tao sa
kanyang paligid at hinaharap ang mga isyung umuusbong mula sa
iba’t ibang aspeto ng kanyang relasyon sa kapwa.
Ang Balance Theory ni F. Hieder ay nasa ilalim ng Cognitive
Consistency Theory. Ito ay nagbibigay tuon sa katatagan ng
paghuhusga ng tao sa kapwa o sa mga isyung magkarugtong at
may kaugnayan sa bawat isa. Ang teoryang ito ay may tatlong
elemento; ang imahe, ang halimbawa at ang pagsusuri. Ito ang
tatlong element kung saan umiiral ang sistema ng balanse. Kapag
ang tatlong relasyon ay positibo, o kayay dalawa sa tatlo ay
positibo at isa lamang ang hindi, maituturing na ito ay balanse.
Magigig di-balanse kung tatlong elemento ang magiging negatibo
o kaya’y dalawa sa tatlo ay negatibo. Ang mga tao ay mahilig
pumuna sa ibang tao at bagay na may kaugnayan sa kanila upang
maging balanse ang kanilang sistema.
Ang teoryang ito ay nagpapalagay na ang pagiging balanse
ay nangangahulugan ng pagiging matatag at ang kawalan ng
balanse ay kawalan ng katatagan. Kapag naganap ang kawalan ng
balanse, ang sikolohikal na tensyon ay mag-uudyok sa tao na ibalik
ang balanse sa pamamagitan ng pag-iisip, pag-alala, at pagkatuto.
Kung kaya mahihinuha na ang saloobin ng tao tungo sa isang

11. 11
bagay ay nagdedepende sa kanyang saloobin tungo sa pinagmulan
na siyang tagapag-ugnay sa bagay.
Sa pag-aaral sa Filipino 10-Panitikang Pandaigdig, ang
tatlong elemento ay ang guro, mag-aaral at panitikang pandaigdig.
Upang magkaroon ng balanse sa sitwasyon, maaaring baguhin ng
guro ang negatibong ugnayan sa pamamagitan ng pagbabago ng
kanyang saloobin at maghanap ng makabuluhang pamamaraan
upang pagkaroon ng balanse ang ugnayan ng bawat elemento.
Anupat, ang pagsasabi ng guro ng mabubuting bagay sa
panitikang pandaigdig, mangangahulugan ito na binago niya ang
ugnayan sa dalawang elemento upang magkaroon ng balanse sa
sitwasyon. Mahalaga ang pagkamit ng balanse upang maging
maayos ang pagtuturo at pagkatuto ng mag-aaral at maging
matagumpay sa asignatura.
Ang pakikipag-ugnayan sa iba ay di-maiwasan, ang tao ay
may posibilidad na mabago ang pag-iisip at damdamin sa mga tao
at bagay na nakapaligid sa kanya upang matamo ang balanse sa
kanyang sarili. Ibig sabihin nito, ang pananaw ng tao sa mga isyu o
sa ibang tao ay sang-ayon sa kanyang personal na paniniwala at
sistema ng pagpapahalaga. Samakatuwid, ang pananaw ng tao ay

12. 12
makikita sa kanyang damdamin habang siya ay nakikisalamuha sa
kapwa.
Isa pang teorya sa ilalim ng Cognitive Consistency Theory ay
ang Affective Cognitive Consistency Theory ni M.I. Rosenberg na
nagsusulong ng konsistensi sa pagitan ng kabuuang saloobin ng
tao, epekto ng bagay o isyu at ng kanyang paniniwala tungkol sa
kaugnayan nito sa kanyang kabuuang mga pagpapahalaga. Ang
teorya ay nakatuon lamang sa kung ano ang mangyayari sa
kalooban ng tao kung magkaroon ng pagbabago ang saloobin.
Ipinapalagay nito na ang kaugnayan sa pagitan ng damdamin at
emosyon sa pangkaisipang gawain ay bahagi ng pagbabago ng
saloobin .
Batayan ng teorya ang sumusunod na punto; una, ang
epekto ng ebalwasyon ng tao sa bagay o isyu ay kasang-ayon sa
pangkaisipang bahagi. Pangalawa, kung mayroong di-pagkaka-
ayon na lagpas sa lebel ng pagpapaubaya, ang indibidwal ay
nahihikayat na bawasan ang di-pagsang-ayon kaya magkakaroon
ng pagbabago kapwa sa isa o dalawang bahagi upang maging
konsistent. Pangatlo, iminumungkahi ng teorya na ang pagbabago
sa damdamin at emosyon ay nagdudulot ng pagbabago sa
pangkaisipang gawain upang magkaroon ng pagkakaisa ang

13. 13
dalawa. Pang-apat, iminumungkahi rin ng teorya na ang
mapanghimok na komunikasyon ay maaaring magamit upang
mabago ang saloobin sa pamamagitan ng muling pagtataya ng
mga layunin nito.
Sa kasalukuyang pag-aaral, ang mananaliksik ay
nagpapalagay na ang damdamin at saloobin ng mga guro at mag-
aaral sa Filipino 10-Panitikang Pandaigdig ay maglalagay sa kanila
sa sitwasyon kung saan ang bawat isa ay makatatagpo ng Cognitve
Consistency sa materyal na ginamit – ang panitikang pandaigdig
at ang kanilang indibidwal na pangkalahatang pagpapahalaga.
Magiging hamon sa mga tagatugon ang katotohanang ang
panitikang pandaigdig ay nagpapahayag ng mga pagpapahalagang
maaaring kaiba sa kanilang mga nakagisnan at pinanghahawakan.
Isa pang teoryang ginamit na angkla sa pananaliksik ay ang
Reader Response Theory (Britton, 1984; Harste, 1985; Rosenblatt,
1978) Nagsimula ito sa pagpasok ng 20th
century kung saan ang
pananaliksik sa pagbasa ng akdang pampanitikan ay nagbago ang
tuon mula sa Writter-based Approach tungo sa Reader-based
Approach. Ang teoryang Reader-based Approach ay nagbibigay diin
sa transaksyon at interaksyon sa pagitan ng mambabasa at ng
tekstong binabasa. Dito higit na binibigyang pansin ang magiging

14. 14
karanasan ng mga mag-aaral habang binabasa ang akda. Ang
layunin nito ay iangat ang damdamin at saloobin ng mga mag-
aaral sa pagbabasa ng mga akdang pampanitikan.
Isang paraan upang maging lubos ang karanasang
pampanitikan ng mambabasa ay ang hayaang ang akda ay umabot
sa kanilang pandama. Ang akdang pampanitikan ay maituturing na
matagumpay kapag nagawa nitong pakilusin ang mambabasa at
mabigyang puwang ang pag-alis ng komplikadong kaisipan sa
pamamagitan ng pagdadala sa mambabasa sa kamalayan at
nakakayanang pagpapahayag na maglalabas ng kanilang
damdaminn at saloobin nang sa gayon, ang mga mambabasa ay
maproseso ang mga isyu mula sa binasa.
May mga pagkakataon na ang isang akda ay nagagawang
gisingin ang mga isyung pansarili o kaya’y hamunin ang pananaw
at paninindigan ng mambabasa kaya tutugunan niya ito sa
pamamagitan ng pagbabago ng kanyang perspektibo o kaya’y
pagsasawalang bahala nito dahil taliwas ito sa kanyang paniniwala
at mga pagpapahalaga. Maaari ring bahagya o lubos niyang
baguhin ang kanyang pananaw at pagpapahalaga.
Ang pangunahing layunin ng panitikan ay ang pagsumamo sa
emosyon at imahinasyon. Pangalawa lamang ang pagsumamo sa

15. 15
kaisipan, kung kaya ang isang akdang pampanitikan ay epektibo
kung makakamit ito.
Makakatulong ito sa gagawing pananaliksik sapagkat ang
catharsis na gagawin ng guro at mag-aaral ay makakatulong sa
paghulma o pagbabago ng kanilang damdamin at saloobin sa
panitikang pandaigidig lalo na sa kultura ng mga bansang
pinanggalingan ng akda. Magiging daan ito upang magkaroon ng
tugon, positibo man o negatibo. Ang magiging damdamin at
saloobin sa mga napag-aralang panitikang pandaigdig ay ilalahad
bilang sagot sa talatanungan sa pananaliksik.
Kaugnay na Literatura at Pag-aaral
Binanggit sa sitasyon ni Huitt, W. (2003) ang sinabi ni Izard,
et. al. (1984) na ang damdamin ay mahalaga sa personal at
panlipunang buhay. Dagdag ni Young (1996) na binanggit pa rin ni
Huitt., W. (2003) na ang mga damdamin ay napakakomplikado.
Nagpapakita ito na ang partikular na parte ng utak ay may
kaugnayan sa iba’t ibang aspeto ng damdamin; maaari itong
nagmula sa isang bagay o nangyayari sa isang bahagi sa loob ng
isip ng indibidwal, isang emosyonal na kalagayan o disposisyon na
siyang tugon ng tao sa paksa.

16. 16
Binibigyang-pansin dito na ang reaksyon ng tao ay bunsod
ng napaghulong mga pangyayari sa kanyang kinalalagyang
sitwasyon na nagtutulak sa isipan upang magamit at maproseso sa
mundo ng emosyon, interpersonal na kaugnayan at walang buhay
ng mga bagay na may kaugnayan sa tao. Anupa’t masasabing ang
damdamin ay tugon ng tao sa mga komplikado at subhetibong mga
karanasan at pangyayari maging ito man ay pisikal , kognitibo,
pagbubuo o pagpapahayag, kaakibat ang personal at subhetibong
mga kahulugan.
Ayon kay Hompson, (2010) ang damdamin ng mag-aaral ay
may malaking papel sa pagtamo ng akademikong tagumpay.
Nagkakaroon ito ng epekto sa kakayahang matuto at nakakahawa
rin sa pagkatuto ng ibang mag-aaral. Kahit ang pinakamagaling na
guro ay di mapipilit matuto ang isang mag-aaral kung hindi
mararamdaman ng mag-aaral ang kahalagahan ng pinag-aaralang
paksa. Ang damdamin ng mag-aaral ang siyang magtutulak upang
siya ay mag-aral, makiisa sa gawain, makisali sa talakayan,
magpapaturo at makikinig sa guro.
Sa pag-aaral sa Filipino 10 – Panitikang Pandaigdig,
mahalagang mapukaw ang damdamin ng mga mag-aaral upang

17. 17
malinang ang pangkalahatang layunin sa pagtuturo at pag-aaral ng
Panitikang Pandaigdig batay sa pamantayan ng kurikulum.
Sinang-ayunan ito ni Johansen (2010) nang sabihin niyang
ang lahat ng mga damdamin ay may mahalagang tungkulin sa
pag-aaral ng panitikan sapagkat mayroon itong kakayahang
lumikha ng di totoong mundo na kapareho at may kaugnayan sa
tunay na mundo na ating ginagalawan. Isa sa mahalagang dahilan
ng pagkakaugnay ng ating damdamin sa panitikan ay ang ating
kakayahang pumasok sa damdamin ng iba, at ang patuloy nating
pagpapalagay sa posibilidad ng paglago ng ating interaksiyon sa
iba. Dagdag pa niya na sa gawa ni Ellen Dissayake, ipinakita na
ang pinakaunang uri ng komunikasyon na ating ginawa, sa pagitan
ng ina at sanggol, ay isang uri ng pampanitikang gawain.
Sa pag-aaral ni Karen E. Bohlin (2005) na pinamagatang
“Teaching Character Education Through Literature” sinasabi niyang
ang mag-aaral ay dapat himuking suriin ang kanilang damdamin
tungkol sa kanilang nabasa upang magabayan sila sa pag-uugnay
ng naturang damdamin sa sariling karanasan ng buhay at sa mga
susunod pang akdang pag-aaralan. Naisasagawa ito sa
pamamagitan ng interaksyon sa mga akdang pinag-aaralan,
pagbibigay ng guro ng mga katanungang sasagutin sa isang punto

18. 18
ng akda upang siguraduhing maipaliwanag ang mga desisyong
ginawa at ang maaaring kalalabasan nito nang sa ganoon mahubog
ang proseso ng kanilang pag-iisip at damdamin.
Dito pumapasok ang damdamin ng guro sa pagtuturo. Ayon
sa pananaliksik ni Possel, et. al. (2013) sinabi niyang may
mahalagang implikasyon sa kagalingan ng mga mag-aaral ang
damdamin ng guro sa pagtuturo. Ang persepsyon ng mag-aaral sa
damdamin ng guro sa pagtuturo ay higit na kritikal kaysa sa ibang
panukat sa kagalingan ng mag-aaral. Ang positibong damdamin ng
guro ay nagdudulot ng positibong reaksiyon sa mag-aaral tulad ng
pagiging masigla, aktibo at alerto. Samantalang ang negatibong
damdamin ng guro naman ay nagdudulot din ng negatibong epekto
na napapaligiran ng negatibong damdamin tulad ng pagkadismaya,
galit at nerbiyos. Ang mga nabanggit ay may kaugnayan sa
akademikong suliranin kabilang ang pagkawala ng ganang gawin
ang asaynment, kakulangan ng konsentrasyon, pagkawala ng
interaksyon sa klase, at kawalan ng gana sa pag-aaral.
Pinagtibay ito ng pag-aaral ni Shah (2009) sa impak ng
damdamin ng guro sa akademikong tagumpay ng mga mag-aaral
sa pamantasan. Lumabas sa pag-aaral na may positibong
kaugnayan sa pagitan ng damdamin ng guro sa pagtuturo at ng

19. 19
akademikong tagumpay ng mga mag-aaral. Dagdag na sinabi niya
na ang pagbibigay pansin sa damdamin ng guro ay mahalaga sa
proseso ng pagtuturo sapagkat walang ibang tao ang may buong
kontrol sa kanyang damdamin at personalidad. Ang pagkontrola ng
damdamin, ang siyang magdudulot ng tagumpay sa kanyang
pagtuturo. Ayon sa kanya, sa pagtuturo, isang katotohanan na ang
may kamalayang damdamin ay nagagawang mas lamang at mas
mahusay ang pagkatuto kaysa sa walang damdamin. Maaaring ito
ay magmula sa isang simpleng ngiti, tapik bilang pampalakas-loob
sa mag-aaral hanggang sa pinakamabuting disenyo, programa ng
presentasyon ng pinaghandaang proseso ng pagtuturo na
nagdudulot ng mabuti at epektibong pagkatuto.
Ayon kay Akey (2006) ang mga gurong kinakitaan ng mga
mag-aaral ng suporta at nagtatakda ng malinaw na batayan ng
damdamin ay nakakatulong sa pagkakaroon ng maaliwalas na
damdamin sa mga mag-aaral at pananalig sa kanilang kakayahang
magtagumpay sa hinaharap na kinabukasan.
Samantala, sa pag-aaral ni Saracaloglu (2000) tungkol sa
“Relationship Between Student’s Atitude Towards Foreign Language
and Foreign Language Achievement”, binanggit niya ang sinabi ni
Weinburgh na ang damdamin sa pagkatuto ay pinaniniwalaang

20. 20
may impluwensiya sa saloobin ng mag-aaral. Pinaniniwalaan din na
may kaugnayan ang saloobin ng mag-aaral sa pagtamo ng
tagumpay. Ang dahilan ng impluwensiya ng damdamin sa saloobin
ay ang inner mood na nagtutulak upang matuto. Masasabing ang
saloobin ng mag-aaral ay mahalagang bahagi ng kanyang
pagkatuto. Ang pag-alam sa saloobin ng mag-aaral tungkol sa
Panitikang Pandaigdig ay makatutulong kapwa sa guro at mag-
aaral sa proseso ng pagtuturo at pagkatuto.
Ayon kay Kobia et.al. (2001) ang saloobin ay organisasyon
ng konsepto, paniniwala, pag-uugali at motibo na may kaugnayan
sa partikular na bagay o layunin. Mayroon itong tatlong bahagi.
Una ay konsepto ng kaalaman, pangalawa ang pagkilos, pangatlo
ay ang motibo. Ang kaalaman sa bagay at ang tindi ng damdamin
ang magiging sanhi ng pagkilos batay sa motibo tungo sa isang
direksyon maging ito man ay positibo o negatibo.
Nilinaw naman ng pantas na si Chamber (1999) at Ombui
(2012) sa kanilang argumento na ang saloobin ng isang mag-aaral
tungkol sa asignatura ay may implikasyon sa kanilang
akademikong tagumpay. Kapag ang mag-aaral ay may positibong
saloobin tungkol sa asignatura, mataas ang posibilidad na
magiging mabuti ang pagtupad niya sa gawain ukol dito. Ang

21. 21
saloobin ay nakakaimpluwensya sa damdamin gayon din sa
pagkatuto ng mag-aaral ng pangalawang bagay.
Ang pagkakatuto ng mga mag-aaral ng panitikang
pandaigdig ay maituturing na pangalawang bagay sapagkat hindi
ito bukal na nagmula sa ating bansa. Ang kaalamang matutunan
ng mag-aaral mula sa pag-aaral ng panitikang pandaigdig ay
makakaimpluwensya sa kanyang saloobin. Ang saloobin ng mag-
aaral batay sa kaalaman sa asignatura ay magkakaroon ng epekto
sa kanyang damdamin at ang mga bagay na ito ay may
implikasyon sa magiging tagumpay niya sa pagkatuto at pagpasa
sa asignatura.
Kamakailan lamang sa pag-aaral ni Suter at Busienei (2013)
pinagtibay ng kanilang pananaliksik na ang mga guro sa Kiswahili,
Kenya ay walang paborableng saloobin sa pagtuturo at pagkatuto
ng Kiswahili oral literature sa Marakwet District, Kenya. Ang
negatibong saloobing ito ng mga guro sa panitikang Kiswalili ay
nakakaapekto sa saloobin ng mga mag-aaral tungkol sa
asignatura. Sa huli, nagresulta ito ng mababang perpormans ng
mga mag-aaral sa asignatura.
Ayon kay Haitema (2002) ang saloobin ay mahalagang
komponent sa pagkatuto ng anumang wika lalo na kung ito ay

22. 22
pangalawang wika. Ang positibong saloobin ay nakakatulong sa
pagkatuto at pagkuha ng mga importanteng kasanayan sa wika. Sa
kabilang banda, ang negatibong saloobin sa pangalawang wika ay
nagiging hadlang sa pagkatuto at akademikong tagumpay ng mga
mag-aaral. Ang negatibong saloobin ng mga mag-aaral ay nag-
ugat sa dahilang ang mga mag-aaral ay gumagamit ng bernakular
sa pakikipag-usap habang nasa paaralan. Kaunting oras lamang
ang inilalaan sa paggamit ng Wikang Kiswahili na nagresulta
naman sa mababang perpormans ng asignatura sa pambansang
pagsusulit.
Kung titingnan ang katayuan ng wikang Kiswahili at wikang
Filipino sa lugar na sakop ng pag-aaral ay magkakatulad. Sa mga
paaralan ay bernakular din ang ginagamit ng mga mag-aaral sa
pakikipagtalastasan. Ginagamit lamang ang Filipino kapag sa klase
ng Filipino. Ang pinagkaiba lamang ay ang pinag-aaralan dahil sa
halip na mga akdang pambansa lamang ay mga salintekstong
panitikang pandaigdig. Anupat kailangang maunawaan din ng mga
mag-aaral ang kahalagahan ng pagpasok ng mga akdang ito sa
pag-aaral ng asignaturang Filipino 10 upang maging positibo ang
kanilang damdamin at saloobin tungkol dito.

23. 23
Sa pag-aaral ni Ghazali (2008) na pinamagatang “Learners
Background and Their Attitude Towards Studying Literature ” na
isinagawa sa Malaysia, sinabi niyang ang negatibong saloobin ng
mga mag-aaral ay may kinalaman sa kakulangan ng eksposyur sa
wika at panitikang Ingles na pinag-aaralan. Gayon pa man, sinabi
niyang maraming maaaring gawin upang matulungang magkaroon
ng positibong saloobin ang mga mag-aaral. Ang pagpapaunawa sa
kahalagahan ng mga aralin ay makakapagpabago ng saloobin at
damdamin ng mga mag-aaral.
Ayon kay Baba (2008) maraming pag-aaral ang nagsasabi na
ang akdang pampanitikan ay isang mahalagang kagamitan sa pag-
aaral ng wika. May malaki itong pakinabang sa pagkatuto ng mag-
aaral. Subalit ang tanong, bakit marami sa mga guro ang nag-
aalangang gumamit ng panitikan sa pagtuturo ng wika? Ayon sa
kanya, isang dahilan ng negatibong saloobin ng guro sa pagtuturo
ng panitikan sa disiplina ng wika ay ang kakulangan ng kaalaman
at gabay kung paano ito matagumpay na gamitin. Ang paghahanap
ng mga epektibong paraan sa pagtuturo ng panitikan sa disiplina
ng wika ay nakatutulong upang maging makahulugan ito sa mga
mag-aaral.

24. 24
Ang pagtuturo ng Filipino 10 – Panitikang Pandaigdig ay bago
sa mga guro sa Filipino. Ang mga damdamin at saloobin ng guro sa
pagtuturo nito ay magkakaroon ng implikasyon sa tagumpay ng
mag-aaral sa asignatura. Ano-ano man ang naging pagbabago sa
kurikulum, gaano man kahirap na baguhin ng isang guro sa Filipino
10 ang nilalaman ng kanyang araling ituturo pati na ang
estratehiyang kanyang ginagamit sa loob ng maraming taon,
kinakailangan niya itong iayon sa pamantayan sapagkat
responsibilidad niyang malinang ang mga kasanayan at
maipaunawa ang kaalamang kinakailangan sa pagtamo ng buo at
ganap na Filipino na may makabuluhang literasi.
Mahalaga ang pag-aaral ng panitikang pandaigdig. May
samut-saring dahilan kung bakit kailangan itong pag-aralan ng
mga kabataang Filipino. Ayon kay Baba (2008) sa pag-aaral ng
panitikang pandaigdig malalaman ang kultura ng ibang lahi na
nagdadala ng pag-unawa at pagpapaubaya sa paniniwala ng iba.
Ang pag-aaral ng panitikang pandaigdig ay nagbibigay daan
upang ipasok sa isipan ng mga mag-aaral ang paraan ng
pamumuhay at paniniwala na kaiba kaysa sa kanilang
pinaniniwalaan at nakasanayan. Makakatulong ang pagkakaroon ng
pagkakaunawaan sa mga guro at mag-aaral na ang pagiging iba ay

25. 25
hindi masama, na ang pagiging iba ay hindi nangangahulugan ng
pagiging mababa. Makakatulong ito sa mga mag-aaral na
maintindihan ang isyung may kinalaman sa pagkakaiba-iba ng tao.
Ayon kay Cruz (2013) ang tungkulin ng panitikan sa
paghubog ng sibilisasyon ay hindi matatawaran. Babanggitin
lamang natin ang pangalang Homer, Rizal at Shakespeare upang
maunawaan kung paano umunlad ang mundo sa larangan ng
panitikan. Ang Bibliya ay kabang yaman ng panitikan. Hindi natin
lubos maisip kung ano ang mundo kung wala ito.
Ang panitikang pandaigdig ay hindi bagong konsepto, subalit
sa pag-usbong ng makabagong teknolohiya, lumaganap ang
bagong paraan ng pagpapakalat ng akda sa iba’t ibang bansa. Sa
panibagong paraang ito, maraming pantas ang sumusuri sa impak
nito sa kultura at mga paraan upang mabago ang kultura ng aklat.
Ang panitikang pandaigdig ay isang kahanga-hangang kagamitan
sa pag-analisa ng globalisasyon dahil nagbibigay ito ng kamangha-
manghang halimbawa ng mga paraan ng pagbabahagi ng
impormasyon sa iba’t ibang wika at kultura.
Ayon kay Sell (2005) ang pagtuturo ng panitikan mula sa
ibang bansa ay hindi pagsupil sa sariling pagkakakilanlan. Sa
katunayan, ang partisipasyon sa pinag-aaralang kulturang

26. 26
nakapaloob sa akda ay maaaring mag-iwan sa mag-aaral ng
malakas na reserbasyon tugkol dito. Subalit maaari rin nilang
maintindihang mabuti at mabuo ang higit na nababagay na
kasanayan upang maki-ayon sa kumakatawan ng kultura gayon din
sa kanilang sarili upang kumilos ayon sa kanilang damdamin at
saloobin batay sa nakuhang kaalaman.
Sinang-ayunan ito ni Mojares (2015) nang sabihin niyang
ang panitikan ng Pilipinas ay isang mahalagang sangkap o bahagi
ng panitikang pandaigdig. Ito ay mabigat na tinagusan at
nakontamina ng mga impluwensya mula sa iba’t ibang parti ng
mundo. Ang pag-iisip ng pambansang panitikan na hiwalay sa
panitikang pandaigdig ay hindi posible. Ang pinaka ideya ng
pambansang panitikan ay produkto ng salik ng pagkamakabansa at
internalisasyon. Ang bugso ng paggiit ng kaibhan batay sa pag-
angkin ng namumukod tanging kultura, kasaysayan at
pagkakakilanlan, at sa magkatulad pagkakataon, ang pagkilala na
ang naturang panitikan ay maaari lamang umusbong sa
pamamagitan ng mahalagang pakikipagtalastasan sa ibang parte
ng mundo.

27. 27
Ang mga nabanggit na literatura at pag-aaral ay mga
lagakan ng mga sangguniang nagbibigay halaga sa pag-aaral na
ito.

28. 28
ANG SULIRANIN
Paglalahad ng Suliranin
Titiyakin sa pag-aaral na ito na alamin ang antas ng
damdamin at saloobin ng mga guro at mga mag-aaral sa Filipino
10.
Sasagutin din sa pag-aaral na ito ang mga sumusunod:
1. Ano ang profayl ng mga tagatugon ayon sa:
1.1. Guro
1.1.1. Edad;
1.1.2. Kasarian;
1.1.3. Pinakamataas na edukasyong nakamit; at
1.1.4. Bilang ng taon sapagtuturo?
1.2. Mag-aaral
1.2.1. kasarian; at
1.2.2. Etnikong pangkat na kinabibilangan?
2. Ano ang antas ng damdamin sa pagtuturo at pagkatuto ng
Filipino 10:
2.1. Guro; at
2.2. mag-aaral?

29. 29
3. Ano ang antas ng saloobin sa pagtuturo at pagkatuto Filipino 10:
3.1. Guro; at
3.2. Mag-aaral?
4. May kaugnayan ba ang mga sumusunod:
4.1. Profayl ng guro sa Filipino 10 at damdamin sa
pagtuturo at pagkatuto ng Panitikang Pandaigdig;
4.2. Profayl ng guro sa Filipino 10 at saloobin sa
pagtuturo at pagkatuto ng panitikang
pandaigdig?
4.3. Damdamin at saloobin ng mga guro sa pagtuturo
at pagkatuto ng panitikang pandaigdig
4.4. Profayl ng mga mag-aaral sa Filipino 10 at
damdamin ng mga mag-aaral sa pagkatuto ng
Filipino 10?
4.5. Profayl ng mga mag-aaral sa Filipino 10 at
saloobin ng mga mag-aaral sa pagkatuto ng
Filipino 10?

30. 30
4.6. Damdamin at saloobin ng mga mag-aaral sa
Pagkatuto ng Filipino 10?
5. May kaibahan ba ang antas ng damdamin at saloobin ng mga
guro at mag-aaral sa Filipino 10?
6. Ano-ano ang mga salik na nagpapaganyak at pumipigil sa mga
guro sa pagtuturo at pagkatuto ng Filipino 10?
7. Anong Strategic Intervention Material ang ipatutupad ayon sa
natuklasan sa pag-aaral?
Null hypothesis
Ho1. Walang kaugnayan ang mga sumusunod:
1.1 Profayl ng mga guro sa Filipino 10 at damdamin
sa pagtuturo at pagkatuto ng Filipino 10.
1.2 Profayl ng mga guro sa Filipino 10 at saloobin sa
pagtuturo at pagkatuto ng Filipino 10.
1.3 Profayl ng mga mag-aaral sa Filipino 10 at
damdamin sa pagkatuto ng Filipino 10.
1.4 Profayl ng mga mag-aaral sa Filipino 10 at
saloobin sa pagkatuto ng Filipino 10.

31. 31
Ho2. Walang kaibahan ang antas ng damdamin at saloobin ng mga
guro at mag-aaral sa Filipino 10.
METODOLOHIYA NG PANANALIKSIK
Disenyo ng pananaliksik
Correlational survey ang disenyo ng pananaliksik na
gagamitin sa pag-aaral upang alamin ang damdamin at saloobin ng
mga guro at mag-aaral sa Filipino 10. Kung saan talatanungan at
pakikipanayam ang pamamaraan sa pagkolekta ng mga datos.
Kaligiran ng Pananaliksik
Ang pananaliksik ay isasagawa sa siyam na pampublikong
mataas na paaralan sa bayan ng Don Carlos at Kadingilan sa
probinsya ng Bukidnon.
Ang lalawigan ng Bukidnon ay matatagpuan sa hilagang
rehiyon ng Mindanao. Ang katawagang Bukidnon ay
nangangahulugang “taga-bundok o naninirahan sa bundok.” Ito

32. 32
ang pangunahing prodyuser ng mais, palay at mga gulay sa
rehiyon. Ang mga plantasyon sa Bukidnon ay pinya, saging, at
tubo. Ang probinsya ay tahanan ng bundok Dulang-dulang, ang
pangalawang pinakamataas na bundok sa Mindanao na
matatagpuan sa Kitanglad Mountain Range.
Ang bayan ng Don Carlos ay isang pangunahing
munisipalidad na matatagpuan sa timog ng Bukidnon. Ito ay may
malawak at matabang lupang pansakahan na bumubuo ng 70% ng
kabuuang lawak ng buong bayan. Dito natatagpuan ang pitong
pampublikong mataas na paaralan na kasama sa pananaliksik.
a. Don Carlos National High School na matatagpuan sa
barangay ng Sinangguyan, bayan ng Don Carlos;
b. Bocboc National High School na nasa barangay Bocboc,
ang pinakadulong barangay sa bahaging timog ng Don
Carlos;
c. Bocboc National High School-Kiara Annex na
matatagpuan tatlong kilometro sa kanluran ng karatig
barangay ng Bocboc, ang barangay Kiara;

33. 33
d. New Nongnongan National High School na pinaka-
unang pampublikong mataas na paaralan sa bayan ng
Don Carlos;
e. New Nongnongan National High School- San Nicolas
Annex na nasa barangay San Nicolas na may tatlong
kilometro lang ang layo mula sa bayan;
f. Old Nongnongan National High School na nasa liblib na
barangay ng Don Carlos at karaniwang nararating ng
pailan-ilang jeep at motorsiklo sa mabakong daan;
g. Kibatang National High School na katulad ng Old
Nongnongan ay nararating sa pamamagitan ng
motorsiklo at iilang traysikol sa isang di-sementado,
mabako at maalikabok na daan.
Ang bayan ng Kadingilan ay nasa timog na bahagi pa rin ng
Bukidnon. Isang pangatlong uri ng munisipalidad at bulubunduking
lugar. Ang mga burol ay hinahati ng mga ilog at sapa na
nagsisilbing hangganan ng mga karatig na bayan. Binubuo ito ng
labimpitong barangay. Ang densiti ng populasyon ay 147 katao sa

34. 34
bawat kwadrado kilometro sa bayan habang anim katao sa bawat
ektarya ng lupain naman sa bawat barangay.
h. San Andres National High School ay matatagpuan sa
timog bahagi ng Kadingilan na may layong sampung
kilometro mula sa bayan mismo.
i. San Andres National High School- Cabadiangan Annex
na may layong labing anim na kilometro mula sa
bayan.
Ang mananaliksik ay gumamit ng purposive sampling sa
pagpili ng mga gurong sasagot sa talatanungan dahil sa isang
buong paaralan ay may tatlo hanggang apat na guro lamang sa
Filipino ang naroon. Tatlumpu ang mga guro na tutugon sa
talatanungan mula sa siyam na paaralang sakop ng pananaliksik.
Mga Paaralan
Bilang ng Guro
sa Filipino 10
Bahagdan(%)
Don Carlos National High School 4 13.33 %
Bocboc National High School 4 13.33 %
Bocboc National High School-
Kiara Annex
3 10.00 %
New Nongnongan National High
School
4 13.33 %
New Nongnongan National High
School – San Nicolas Annex
4 13.33%
Old Nongnongan National High
School
2 6.67 %
Kibatang National High School 2 6.67 %

35. 35
San Andres National High School 4 13.33 %
San Andres National High School-
Cabadiangan Annex
3 10.00 %
Total 30 100 %
Ang mga mag-aaral na sasagot sa talatanungan ay pinili
mula sa siyam na paaralan gamit ang Sloven Formula upang
makuha ang eksaktong bilang ng sampol. Gumamit din ng
stratified random sampling upang masiguradong tumpak ang
representasyon ng sampol sa bawat paaralan. Kasunod ang
systematic sampling upang tiyakin kung sino-sino ang
makakabilang sa sampol.
Mga Paaralan
Bilang ng Grade
10 na mag-aaral
Bilang ng Sampol
sa bawat paaralan
Don Carlos National High
School
129 37
Bocboc National High School 210 60
Bocboc National High
School- Kiara Annex
61 17
New Nongnongan National
High School
103 29
New Nongnongan National
High School – San Nicolas
Annex
107 30
Old Nongnongan National
High School
67 19

36. 36
Kibatang National High
School
70 20
San Andres National High
School
166 47
San Andres National High
School-Cabadiangan Annex
100 28
Total 1,013 287
Instrumentong Gagamitin
Talatanungan ang instrumentong gagamitin sa paglikom ng
mga impormasyon tungkol sa damdamin at saloobin ng mga guro
at mag-aaral sa Filipino 10.
Ang mga katanungan ukol sa damdamin ng guro at mag-
aaral ay pag-aangkop mula sa Newman-Keul Multiple Range Test of
behavior Questioner na iniugnay sa Filipino 10 Panitikang
Pandaigdig. Habang ang mga katanungan kaugnay sa saloobin ng
guro at mag-aaral ay mula sa pag-aangkop naman sa Skiener’s
Attitude questionnaire.
Matapos ang pag-aangkop at pagsasalin ay nagsagawa rin ng
pagsubok na pagpapasagot sa mga grade 10 na mag-aaral mula sa
Bukidnon National School of Home Industries, isang paaralan na
hindi kabilang sa mga paaralang pagkukunan ng sampol sa
pananaliksik, upang masuri ang kawastuan at katumpakan ng
pagkasalin at pag-aangkop.

37. 37
Ang talatanungan para sa mga guro ay hahatiin sa tatlong
bahagi. Ang unang bahagi ay lilikom ng mga datos sa profayl ng
mga guro; ikalawa, pag-alam sa mga damdamin ng mga guro sa
pagtuturo at pagkatuto ng Filipino 10-Panitikang Pandaigdig;
ikatlo, pag-alam sa mga saloobin ng mga guro sa pagtuturo at
pagkatuto ng Filipino 10 panitikang pandaigdig.
Ang talatanungan para sa mga mag-aaral ay hahatiin rin sa
tatlong bahagi. Sa unang bahagi, aalamin ang profayl ng mga
mag-aaral tulad ng kasarian, at etnikong pangkat na
kinabibilangan. Ang ikalawang bahagi ay pag-alam sa mga
damdamin ng mga mag-aaral sa pagtuturo at pagkatuto ng Filipino
10 Panitikang Pandaigdig , at ang ikatlong bahagi ay pag-alam sa
saloobin ng mga mag-aaral sa pagtuturo at pagkatuto ng Filipino
10-Panitikang Pandaigdig.
Ang sumunod na talahanayan ay magpapakita kung paano
bibigyang puntos ang mga sagot sa mga talatanungan ng mga
guro at mag-aaral mula sa ikalawa at ikatlong bahagi gamit ang
Likert Scale.
ANTAS NG DAMDAMIN

38. 38
ANTAS NG SALOOBIN
Paglikom ng mga Datos
Ang manaliksik ay magsasagawa ng sumusunod na gawain
sa paglikom ng mga datos.
Una. Ang mananaliksik ay hihingi ng pahintulot sa
superintendent ng Sangay ng Bukidnon na payagan siyang
magsagawa ng sarvey sa mga paaralang bahagi ng pananaliksik.
Iskor Kahulugan
5 Lubos na nasisiyahan
4 Nasisiyahan
3 Hindi sigurado
2 Hindi nasisiyahan
1 Lubos na hindi nasisiyahan
Iskor Kahulugan
5 Lubos na sumasang-ayon
4 Sumasang-ayon
3 Hindi sigurado
2 Sumasalungat
1 Lubos na sumasalungat

39. 39
Pangalawa. Pasasagutan ang mga talatanungan sa mga
guro at mag-aaral sa Filipino 10 sa bawat paaralan na kasama sa
sampol ng pananaliksik.
Pangatlo. Pagsasagawa ng pakikipanayam sa mga taong
may kaugnayan sa pagtuturo sa Filipino 10-Panitikang Pandaigdig
tulad ng mga guro sa Filipino 10, tagasanay panrehiyon at mga
tagapangulo sa departamento ng Filipino sa mga paaralan.
Pagsusuring Estadistika
Sa pagsusuri ng mga makakalap na datos, ang mga
sumusunod na pormulang estadistika ang gagamitin:
1. Simpleng Bahagdan. Ito ang gagamitin sa
paglalarawan ng profayl ng mga tagatugong guro at
mag-aaral.
2. Weighted Mean. Ito ang gagamitin upang malaman ang
mga damdamin at saloobin ng mga guro at mag-aaral
sa pagtuturo at pagkatuto ng panitikang pandaigdig.
3. Chi-square. Ang estadistikang ito ang gagamiin upang
alamin kung may kaugnayan ang profayl ng mga guro
sa kanilang damdamin at saloobin sa pagtuturo at
pagkatuto ng panitikang pandaigdig.

40. 40
4. Pearson – r. Ito ang gamit na estadistika upang
mapaghambing ang mga baryabol.
5. T-test. Gagamitin upang malaman ang kaibahan ng
saloobin at damdamin ng mga tagatugon.
6. Thematic Content analysis. Ito ang gagamitin sa
pagbibigay kahulugan sa mga sagot sa pakikipanayam
tungkol sa mga damdamin at saloobin ng mga guro sa
pagtuturo at pakatuto ng panitikang pandaigdig.
Kahalagahan ng Pag-aaral
Ang pag-aaral ay mahalaga upang malaman ang damdamin
at saloobin ng mga guro at mag-aaral sa Filipino 10, Panitikang
Pandaigdig lalo na’t ito ang unang pagkakataon na pinag-aaralan
sa Filipino. Ang magiging resulta ay maaaring makatulong sa mga
kinauukulang umuugit ng kurikulum upang lalong mapabuti ang
nilalaman ng kasalukuyang modyul ng mag-aaral at gabay sa
pagtuturo ng mga guro.
Ang resulta ng pag-aaral na ito ay mapakikinabangan ng
mga sumusunod:
Sa mga mag-aaral. Ang resulta ng pananaliksik na ito ay
makatutulong sa pagbibigay ng batayan sa pagbuo ng pantulong

41. 41
na kagamitang pampagkatuto para magamit ng mga mag-aaral.
Ang mga damdamin at saloobin ng mga mag-aaral ay magiging
gabay kung paano bubuuin ang pantulong upang lubos itong
mapakinabangan ng mga mag-aaral sa pagkamit ng kultural
literasi at kakayahang komunikatibo.
Mga guro sa Filipino 10. Ang pag-aaral na ito ay
makakatulong sa mga guro sa kanilang paghahanda ng mga aralin
at paglalahad ng aralin sa mga mag-aaral ay masigurado nila sa
kanilang mga sarili ang personal na dadamin at saloobin sa akdang
panitikang pandaigdig. Bilang guro mapagtanto nila na ang
anumang damdamin o saloobin na ibabahagi sa mga mag-aaral ay
magkakaroon ng epekto sa pagkatuto, paghubog ng kaisipan at
pagkatao ng mga kabataang pag-asa ng bayan.
Ang mabubuong pantulong na kagamitang pampagtuturo ay
makakatulong sa mga guro upang mapabuti ang pagtuturo ng
Filipino 10.
Sa paaralan. Kapaki-pakinabang din sa paaralan ang pag-
aaral na ito upang makagawa ng mga hakbang ang pamunuan sa
pagbibigay ng karagdagang angkop na pagsasanay sa pagtuturo
ng Filipino 10. Ang mabubuong awtput na pantulong na
kagamitang pampagtuturo ay magagamit upang matugunan ang

42. 42
kakulangan ng modyul ng mga mag-aaral lalo na sa paaralan kung
saan nagtuturo ang mananaliksik.
Sa mananaliksik. Bilang guro sa Filipino 10, ang resulta ng
pag-aaral ay magiging daan upang mapagtanto ng mananaliksik
ang damdamin ng nakararami maging guro o mag-aaral kung ito
ba ay alinsunod o taliwas sa sariling damdamin at saloobin. Sa
pamamagitan nito, makakahanap ng karagdagang paraan ang
mananaliksik sa pagtuturo ng panitikang pandaigdig gamit ang
mabubuong awtput ng pag-aaral.
Sa susunod na mananaliksik. Magiging gabay ang mga
matutuklasan sa pag-aaral na ito nang susunod na mga
mananaliksik bilang batayan kung ano-ano ang mga nararapat
pang gawin upang lalong maging epektibo ang mga guro sa kanilang
pagtuturo ng Panitikang Pandaigdig.
KATUTURAN NG KATAWAGAN

43. 43
Bibigyang katuturan ang mga katawagang may malaking
bahagi sa pag-aaral hindi lamang batay sa depinisyon kundi
kasama na kung paano ito binibigyang pakahulugan batay sa kung
paano ito ginamit sa pananaliksik.
Damdamin. Ang kilos o gawi resulta ng emosyon ng mag-
aaral na nabuo mula sa pag-aaral ng panitikang pandaigdig. Ang
gawaing ito ay tugon ng mag-aaral sa mga bagay o isyu ng
pagkatuto ng panitikang pandaigdig mula sa pagtuturo ng guro na
nakakaimpluwensya sa kanyang saloobin.
Saloobin. Ang saloobin ay positibo o negatibong
impluwensya ng damdamin ng guro at mag-aaral sa mga
salintekstong panitikang pandaigdig. Ito ang kaisipang nabuo
bunga ng pag-aaral ng panitikang pandaigdig na naipapakita sa
kilos at damdamin ng guro at mag-aaral.
Guro. Ito tumutukoy sa isang nagtapos ng Batsilyer ng
Edukasyon na medyor ng Filipino at nagtuturo sa mataas na
paaralan. Ang mga guro na bahagi ng pag-aaral ay mga nagtuturo
ng Filipino 10.
Mag-aaral. Tumutukoy sa estudyanteng kasalukuyang
nakatala sa grade 10 at kumukuha ng asignaturang Filipino 10 –
Panitikang Pandaigdig.

44. 44
Panitikang Pandaigdig. Tumutukoy sa pangkalahatang
akdang pampanitikan na naisalin sa wikang Filipino mula sa iba’t
ibang bansa sa buong daigdig. Ito ay karaniwang pinapakalat ng
malawakan mula sa bansang orihinal na pinanggagalingan gamit
ang internet. Tumutukoy rin ito sa mga salintekstong mula sa iba’t
ibang bansa na nakapaloob sa modyul ng mag-aaral sa Filipino 10.
Filipino 10 – Panitikang Pandaigdig. Ito ang diskripsyon
ng asignaturang Filipino na pag-aaralan ng mga mag-aaral sa
grade 10 sa ilalim ng K-12 Kurikulum. Kinapalooban ang asignatura
ng iba’t ibang akdang pampanitikang isinalin sa Filipino mula sa
iba’t ibang panig ng mundo na pinagsama sa modyul na gagamitin
ng mga mag-aaral sa grade 10 sa mga pampublikong mataas na
paaralan sa buong bansa.
KABANATA II
PAGLALAHAD, PAGSUSURI AT PAGPAPAKAHULUGAN NG
MGA DATOS

45. 45
Ang bahaging ito ay tumatalakay sa mga nalikom na datos,
pagpapakahulugan at pag-aanalisa sa mga natuklasan sa ginawang
pananaliksik.
I. Ang Profayl ng mga Tagatugon
Makikita sa talahanayan 1.1 ang profayl ng mga guro ayon
sa kanilang edad, kasarian, pinakamataas na edukasyong nakamit
at bilang ng taon sa pagtuturo. Makikita naman sa talahanayan 1.2
ang profayl ng mga mag-aaral ayo sa kasarian at etnikong pangkat
na kinabibilangan.
Talahanayan 1.1
Profayl ng mga Guro sa Filipino 10
Profile Frequency, n = 30 Percentage, %
Edad
23 – 30 8 26.67
31 – 38 11 36.67
39 – 46 5 16.67
47 – 54 6 20.00
Kasarian
Lalaki 9 30.00
Babae 21 70.00
Pinakamataas na antas
na nakamit
Bachelor’s degree 21 70.00
With Master’s units 5 16.67
Master’s degree 4 13.33
Bilang ng taon sa
Pagtuturo
Less than 10 years 14 46.67
10 – 20 years 8 26.67
More than 20 years 8 26.67
Sa tatlumpung guro na kasali sa pag-aaral, labing-isa
(36.67%) sa kanila ay may edad 31 hanggang 38. Walo (26.67%)

46. 46
ay may edad 23 hanggang 30. Anim (20%) ay may edad na 47
hanggang 54. Ang nalalabing lima (16.67%) ay 39 hanggang 46
ang edad.
Ang resultang ito ay nagpapakita na higit na marami sa mga
gurong nagtuturo ng Filipino 10 ang may edad 31-38. Ang datos ay
nagpapakita rin na pinakakaunti ang bilang ng mga guro na may
edad 39-46 na nagtuturo ng Filipino 10.
Sa talahanayan makikita na dalawampu’t-isa (70%) ang
bilang ng mga babae na nagtuturo ng Filipino 10 at siyam (30%)
naman ang mga lalaki. Ito ay nangangahulugang marami ang mga
babaing guro ang nagtuturo ng asignaturang Filipino 10 kompara
sa mga lalaki, katumbas ng ratio na pitong babaing guro sa bawat
tatlong lalaking guro. Ito ay sapagkat sa propesyon ng pagtuturo
ay mas nakararami ang mga babae kaysa mga lalaki. Ayon kay
Woods (2012), ang pangingibabaw ng mga babae sa propesyon ng
pagtuturo ay hindi lamang karaniwan sa mga third world na mga
bansa kundi sa buong mundo. Sa Sangay ng Bukidnon na may
higit sa limang libong guro, tanging isang libo at isandaa’t labin isa
lamang ang mga lalaki. Ito ay ayon sa datos ng Dep.Ed. Bukidnon
noong 2014. Sa artikulong sinulat ni Motoko Rich (2014) na “Why

47. 47
Don’t More Men Go Into Teaching?” na inilathala sa “The New York
Times”, sinabi niya na ang pagtuturo ay di-maitanggi na propesyon
ng mga babae sapagkat ang mga kababaihan ay ang pangunahing
tagapangalaga ng pamilya. Maraming babae ang naaakit sa
propesyon ng pagiging guro kaysa sa mga lalaki dahil maaari
silang magtrabaho sa parehong iskedyul ng kanilang mga anak.
Sa pinakamataas na edukasyong nakamit, karamihan sa mga
gurong nagtuturo ng Filipino 10, o dalawampu’t-isa (70%) ay
Bachelor degree ang natapos.. Ang lima (16.67%) ay may yunit sa
Master’s degree at apat (13.33%) ang nakapagtapos ng Master’s
degree. Marahil ito ay bunsod ng mga dahilang maraming mga
guro sa Filipino ang hindi naganyak magpatuloy sa pag-aaral sa
paaralang gradwado dahil walang paaralang gradwado sa Bukidnon
ang may kursong patungkol sa Filipino. Ang pagpapakadalubhasa
sa Filipino ay nangangailangan ng sapat na pera at panahon.
Maaari ring hindi napagtanto ng mga guro sa Filipino ang
kahalagahan at kagamitan ng Master’s Degree sa propesyon ng
pagtuturo.
Sa profayl ng guro batay sa bilang ng taon sa pagtuturo,
labing-apat (46.67%) sa kanila ang nagtuturo ng kulang sa

48. 48
sampung taon. Walo (26.67%) ang nagtuturo ng 10-20 taon, at
walo (26.67%) ang mahigit dalawampung taon nang nagtuturo ng
Filipino. Nangangahulugan ito na karamihan sa mga gurong
nagtuturo ng Filipino 10 ay mga bago sa larangan ng pagtuturo. Sa
karanasan ng mananaliksik, sa paaralang kanyang pinaglilingkuran
ay kadalasang ipinapaubaya ng mga gurong matagal na sa
serbisyo at sa pagtuturo ang implimentasyon ng mga bagong
programa at pamamaraan sa pagtuturo sa mga nakababata at mga
gurong di pa gaanong matagal sa pagtuturo sapagkat madali
nilang maiakma ang sarili sa mga pagbabago. Daan din ito upang
mabigyang pagkakataon ang mga baguhang guro na mas higit pa
silang mahasa sa mga bagong aralin at paraan ng pagtuturo.
Talahanayan 1.2
Profayl ng mga Mag-aaral sa Filipino 10
Profayl Frequency, n = 287 Percentage, %
Kasarian
Lalaki 120 41.81
Babae 167 58.19
Etnikong Pangkat
Cebuano 150 52.26
Ilonggo 61 21.25
Boholano 31 10.80
Ilocano 6 2.09
Manobo 18 6.27
Waray 6 2.09
Bisaya 15 5.23
Sa talahanayan, makikitang mayroong 287 mag-aaral sa
Filipino 10 ang kabilang sa pag-aaral. Sa kasarian, isang daan at

49. 49
dalawampu (41.81%) ang mga lalaki at isang daan anim na pu’t
pito ( 58.29%) ang mga babae.
Sa etnikong pangkat na kinabibilangan ng mga mag-aaral,
ang Cebuano ay isang daan at limampu (52.26%), Ilonggo ay anim
na pu’t isa (21.25%), Boholano ay tatlumpu’t isa (10.80%) Ilocano
ay anim (2.09%), Manobo ay labin walo (6.27%), Waray ay anim
(2.09%), at ang Bisaya ay labinlima (5.23%).
II. Antas ng Damdamin ng mga Guro at Mag-aaral sa
Pagtuturo at Pagkatuto ng Filipino 10
Sa talahanayan 2.1 at talahanayan 2.2 ay matutunghayan
ang antas ng damdamin ng mga guro at antas ng damdamin ng
mag-aaral sa pagtuturo at pagkatuto ng Filipino 10.
Talahanayan 2.1
Antas ng Damdamin ng mga Guro sa Pagtuturo at Pagkatuto
ng Filipino 10

50. 50
INDICATORS Mga Guro
Mean SD Intptn
1. Nasiyahan ako sa pagtuturo ng Panitikang
Pandaigdig 3.43 1.10
Mt
2. Nakapanghihinayang ang oras na ginugugol ko
sa pagtuturo ng panitikang pandaigdig 2.23 0.86 Mb
3. Gusto kong matuto ng iba pang akdang
panitikang pandaigdig 3.80 0.81
Mt
4. Nakalilito at mahirap intindihin ang mga
akdang panitikang pandaigdig 2.87 1.04
K
5. Kawili-wili ang pagtuturo at pagkatuto ng
Panitikang Pandaigdig 3.10 0.99
K
6. Nakakabagot basahin ang mga akdang
panitikang pandaigdig 2.20 0.92
Mb
7. Nakakatulong ang Panitikang Pandaigdig sa
pagkamit ng Kultural Literasi 3.20 1.30 K
8. Ayaw kong matuto ng iba pang akdang
pampanitikang pandaigdig 2.63 1.03
K
9. Nakakagaan ng loob ang pagtuturo ng
Panitikang Pandaigdig 3.30 0.99
K
10. Isang parusa para sa akin ang pagtuturo ng
panitikang pandaigdig. 2.70 1.51 K
Mean 2.95 0.32 K
Parameter
Limits
Interpretation Symbol
4.21-5.00 Napakataas Nt
3.41-4.20 Mataas Mt
2.61 – 3.40 Katamtaman K
1.81-2.60 Mababa Mb
1.00-1.80 Napakababa Nb
Makikita sa talahanayan na ang damdamin ng mga guro sa
pagtuturo at pagkatuto sa Filipino 10 ay mataas sa aytem 1 sa
mean na 3.43 “Nasisiyahan ako sa pagtuturo ng panitikang
pandaigdig.” Mataas din ang damdamin nila sa aytem bilang 3 sa
mean na 3.80 “Gusto kung matuto ng iba pang akdang panitikang
pandaigdig.” Nangangahulugan ito na maaliwalas sa damdamin ng

51. 51
mga guro ang pagtuturo ng mga akdang panitikang pandaigdig at
mayroon silang malaking pagnanais na matuto pa ng mga
karagdagang kaalaman tungkol dito.
Sa mga aytem bilang 4, 5, 7, 8, 9 at 10 ay makikitang
parehong katamtaman ang damdamin ng mga guro. Ang aytem 4
na may mean na 2.87 “Nakalilito at mahirap intindihin ang mga
akdang panitikang pandaigdig.” Ibig sabihin, bagamat naninibago
sa mga aralin, kainaman ang pagkakaunawa ng mga guro sa
kabuuan ng mga akdang Panitikang Pandaigdig na kanilang itinuro
sa klase. Sa aytem 5, na may mean na 3.10 “Kawili-wili ang
pagtuturo ng panitikang pandaigdig.” Nangangahulugan na ayos
lang para sa mga guro na magturo ng mga akdang panitikan galing
sa ibang bansa. Katamtaman din ang damdamin ng mga guro sa
aytem 7 na may mean na 3.20 na “Nakakatulong ang panitikang
pandaigdig sa pagkamit ng kultural Literasi.” Nangangahulugan na
bahagyang naniniwala ang mga guro na ang mga akdang
panitikang pandaigdig ay isa sa mga paraan na nagbigay daan sa
pagkamit ng kamalayang kultural ng mga mag-aaral. Katamtaman
din ang damdamin ng mga guro sa aytem 8 na may mean 2.63
“Ayaw kong matuto ng iba pang akdang panitikang pandaigdig.”
Ibig sabihin bantulot ang mga guro na mag-aral ng iba pang mga

52. 52
akdang panitikang pandaigdig maliban sa mga nakapaloob sa
modyul ng mga mag-aaral. Sa karanasan ng mananaliksik, ang
pagkatuto ng iba pang akdang panitikang pandaigdig ay
nangangailangan ng sapat na panahon at koneksyon sa Internet.
Sa sobrang dami ng gawain ng mga guro sa paaralan, isang hamon
ang paglalaan ng oras sa gawaing ito. Dagdag hamon pa ang
kawalan ng koneksyon ng Internet sa ilang paaralan kabilang ang
paaralang pinaglilingkuran ng mananaliksik. Ang aytem 9 ay may
mean na 3.30 at aytem 10 na may mean na 2.70 ay katamtaman
pa rin ang damdamin ng mga guro. “Nakakagaan ng loob ang
pagtuturo ng panitikang pandaigdig” at “Isang parusa para sa a kin
ang pagtuturo ng panitikang pandaigdig.” Ayon sa sinabi ni Baba
(2008), ang akdang pampanitikan ay mahalagang kagamitan sa
pag-aaral ng wika. Subalit maraming mga guro ang nag-aalangang
gumamit nito dahil sa kakulangan ng kaalaman at gabay kung
paano ito matagumpay na gamitin. Ang katamtamang damdamin
ng mga guro sa aytem 9 at aytem 10 ay bunsod ng dahilan na
hindi bihasa ang mga guro sa akdang panitikang pandaigdig na
itinuturo. May kakulangan din sa kaalaman ang mga guro sa
paggamit ng mga akdang ito sa pagtuturo ng wikang Filipino.
Dagdag pa ang di maayos na pagkasalin sa Filipino ng mga akdang

53. 53
panitikang pandaigdig na nasa modyul ng mag-aaral sa Filipino 10,
batay sa napapansin ng mananaliksik.
Mababa naman ang damdamin ng mga guro sa aytem bilang
2 sa mean na 2.23 “Nakapanghihinayang ang oras na ginugol ko sa
pagtuturo ng panitikang pandaigdig.” Nangangahulugan ito na
para sa mga guro, hindi naging makabuluhan ang panahong
ginugol sa pagtuturo ng panitikang pandaigdig. Ayon kay Yeany at
Padilla (1986) ang pagbabago ng mga kasanayan ng guro ay
nangangailangan ng pagkatuto, muling pag-iisip at pag-angkin ng
mga bagong kaalaman, pagpapahalaga at pagsasanay na may
kinalaman sa pagtuturo. Ang mga nabanggit ay sadyang kailangan
ng mga guro sa Filipino 10 upang maiangat ang kanilang
damdamin. Mababa rin ang kanilang damdamin sa aytem bilang 6
sa mean na 2.20 “Nakakabagot basahin ang mga akdang
panitikang pandaigdig.” Ibig sabihin hindi naaaliw ang mga guro sa
pagbabasa ng mga akdang panitikan pandaigdig. Sa karanasan ng
mananaliksik, masasabing minadali at pihong hindi gaanong pinag-
iisipang maigi ang mga akdang isinama sa modyul ng mag-aaral sa
Filipino 10. Sadyang maraming akda ang di kawili-wiling basahin.
Ganoon pa man, itinagubilin sa mga guro na maaaring gumamit ng
ibang akda na may katulad na konteksto upang maiangkop sa

54. 54
pangangailangan ng mga mag-aaral. Sa pamamagitan nito,
maiiwasan ng mga guro ang pagkabagot sa pagbabasa ng mga
akdang sa tingin nila ay hindi kawili-wili sa mga mag-aaral.
Ang kabuuang mean na 2.95 sa kasagutan ng mga guro sa
antas ng damdamin sa pagtuturo at pagkatuto ng Filipino 10 ay
nagpapakita na ang damdamin sa pagtuturo at pagkatuto ng mga
guro ay katamtaman lamang. Ito ay nangangahulugan na hindi
gaano kataas at di gaano kababa ang kanilang kasiyahan at
pagkabagot sa pagtuturo at pagkatuto ng panitikang pandaigdig.
Matatandaang sinabi ni Huitt, W. (2003) na ang damdamin ay
isang emosyonal na kalagayan o disposisyon na siyang tugon ng
tao sa paksa o pangyayari. Mapaghuhulo na ang pagtuturo ng
Panitikang Pandaigdig ay isang alanganing sitwasyon para sa mga
guro ng Filipino 10 sapagkat walang sabjek na Panitikang
Pandaigdig ang mga gurong medyor ng Filipino. Hindi rin sapat ang
isang linggong pagsasanay na ibinigay ng DepEd sa mga gurong
sasabak sa pagtuturo nito.
Ang standard deviation na 0.32 ng kabuuang sagot ng mga
guro ay nagpapahiwatig na ang sagot ng mga guro sa bawat aytem
ay hindi nalalayo sa kabuuang mean, na nangangahulugang halos
lahat ng mga guro sa Filipino 10 ay may magkakatulad na

55. 55
damdamin tungkol sa kanilang pagtuturo at pagkatuto ng Filipino
10, na parehong katamtaman, hindi mataas at hindi rin mababa.
Ito ay sapagkat ang lahat ng mga guro sa Filipino 10 ay nasa
magkatulad na kalagayan. Naninibago sila at nag-aalangan sa mga
paksang ngayon lamang natutunan at itinuro sa mga mag-aaral sa
buong panahon ng kanilang pagiging guro sa Filipino.
Talahanayan 2.2
Antas ng Damdamin ng Mag-aaral sa Pagkatuto ng
Filipino 10
INDICATORS Mga Mag-aaral
Mean SD Intptn
1. Nasiyahan ako sa mga natutunan ko sa Filipino 10 –
Panitikang Pandaigdig.
4.56 0.67 Nt
2. Nanghihinayang ako sa mga oras na ginugugol ko sa
pag-aaral ng panitikang pandaigdig. 2.38 1.20 K
3. Gusto kong matuto ng iba pang akdang
pampanitikang pandaigdig
4.46 0.74 Nt
4. Nakalilito at mahirap intindihin ang mga akdang
panitikang pandaigdig.
2.82 1.02 K
5. Kawili-wili ang pagtuturo at pag-aaral ng mga akdang
panitikang pandaigdig.
4.10 0.89 Mt
6. Nakakabagot basahin at pag-aralan ang mga akdang
panitikang pandaigdig.
2.50 1.12 Mb
7. Nakakatulong ang panitikang pandaigdig sa pagkamit
ko ng Kultural Literasi.
4.08 1.03 Mt
8. Ayaw kong matuto ng mga akdang pampanitikang
buhat sa ibang bansa.
2.32 1.24 Mb
9. Nakakagaan ng loob ang pag-aaral ng mga akdang
pandaigdig dahil madali itong intindihin.
4.07 1.04 Mt
10. Isang parusa para sa akin ang pag-aaral ng
Panitikang Pandaigdig.
1.86 1.02 Mb
Mean 3.31 0.40 K
Parameter
Limits Interpretation Symbol
4.21-5.00 Napakataas Nt
3.41-4.20 Mataas Mt

56. 56
2.61-3.40 Katamtaman K
1.81-2.60 Mababa Mb
1.00-1.80 Napakababa Nb
Makikita sa talahanayan na ang aytem bilang 1 na may mean
na 4.56 at aytem bilang 3 na may mean na 4.46 ay ang aytem na
may napakataas na antas ng damdamin ang mga mag-aaral sa
pagkatuto ng Filipino 10. Nagsasaad ang aytem 1 na “Nasisiyahan
ako sa mga natutunan ko sa Filipino 10- Panitikang Pandaigdig.” at
aytem 3, “Gusto kong matuto ng iba pang akdang panitikang
pandaigdig.” Nangangahulugan ito na bukas ang damdamin ng
mga mag-aaral sa pagtanggap ng mga araling panitikang
pandaigdig na itinuturo sa Filipino 10. Mayroon din silang
pagnanais na mapalawak pa ang kaalaman tungkol dito.
Mataas naman ang antas ng damdamin ng mga mag-aaral sa
aytem bilang 5 na may mean na 4.10, bilang 7 sa mean na 4.08 at
bilang 9 na may mean na 4.07. Sinasabi sa bilang 5 na “kawili-wili
ang pagtuturo at pagkatuto ng panitikang pandaigdig.”
Nagpapahiwatig na nagustuhan ng mga mag-aaral ang mga
akdang galing sa ibang bansa. Sa aytem bilang 7 naman
“Nakakatulong ang panitikang pandaigdig sa pagkamit ng kultural
literasi.” Ibig sabihin natuto ang mga mag-aaral ng kultura ng

57. 57
bansang pinagmulan ng mga akda na maaaring magbunsod ng
pagtanggap sa mga ito, kaiba man ito sa sariling kultura.
Samantala sa bilang 9 ay sinasabing “Nakakagaan ng loob ang
pag-aaral ng mga akdang panitikang pandaigdig dahil madali itong
intindihin.” Nangangahulugan lamang na panatag ang damdamin
ng mga mag-aaral sa mga pinag-aralang akdang panitikan galing
sa ibang bansa.
Sa aytem bilang 2 ay katamtaman ang antas ng damdamin
ng mga mag-aaral sa mean na 2.38 at sa aytem bilang 4 na may
mean na 2.82. Ang aytem bilang 2 ay nagsasaad na
“Nanghihinayang ako sa mga oras na ginugugol ko sa pag-aaral ng
panitikang pandaigdig” at sa aytem bilang 4 “Nakalilito at mahirap
intindihin ang mga akdang panitikang pandaigdig.” Ibig sabihin
may bahagyang pag-aalinlangan sa damdamin ng mga mag-aaral
kung sadyang lubos na may kabuluhan ang pag-aaral ng mga
akdang panitikang pandaigdig bagamat tanggap nila ang mga ito.
Nag-aalangan din sila kung lubos nga ba ang kanilang pagkaunawa
sa mga akdang panitikang pandaigdig na pinag-aralan. Sa
teoryang Reader-based Approach ni Briton, et.al. (1984)
binibigyang pansin ang magiging karanasan ng mga mag-aaral
habang binabasa ang akda at hayaan itong umabot sa kanilang

58. 58
pandama. Sa pagkakaroon ng katamtamang antas ng damdamin
ng mga mag-aaral ay mahihinuhang hindi lubusang umabot ang
mga karanasan sa pagbabasa ng mga akdang panitikang
pandaigdig sa kaibuturan ng kanilang damdamin. Ito ang naging
dahilan ng kanilang pag-aalinlangan.
Mababa naman ang damdamin ng mga mag-aaral sa aytem
bilang 6 sa mean na 2.20 “Nakakabagot basahin at pag-aaralan
ang mga akdang panitikang pandaigdig.” Mahihinuha na hindi
nasisiyahan ang mga mag-aaral sa pagbabasa ng mga akdang
galing sa ibang bansa bagamat tanggap nila na ito ay pag-aralan.
Mababa rin ang damdamin nila sa aytem bilang 8 sa mean 2.32
pati na sa bilang 10 sa mean na 1.86. “Ayaw kong matuto ng iba
pang akdang pampanitikang buhat sa ibang bansa” at “Isang
parusa para sa akin ang pag-aralan ng panitikang pandaigdig.” Ibig
sabihin hindi bukal sa puso ng mga mag-aaral na matuto ng mga
akdang panitikang pandaigdig sa kabila ng pagpapakita ng
pagtanggap na ito ay pag-aralan.
Batay sa makikita sa talahanayan, ang pangkalahatang mean
na 3.31 ng mga kasagutan ng mag-aaral sa damdamin sa
pagkatuto ng Filipino 10 ay nasa katamtamang antas.
Nangangahulugan ito na ang mga mag-aaral ay hindi gaanong

59. 59
nasiyahan at hindi rin gaanong nabagot sa pagkatuto ng Filipino
10 - Panitikang Pandaigdig. Bagamat sinasabi nilang mataas ang
damdamin nilang matuto ng mga akdang panitikang pandaigdig
maaaring ang kabuuang damdamin ng mga mag-aaral ay
naapektuhan ng damdamin ng guro na katamtaman din lamang.
Ayon sa pananaliksik ni Possel, et. al. (2013) ang persepsyon ng
mga mag-aaral sa damdamin ng guro sa pagtuturo ay mas kritikal
kaysa sa ibang panukat ng kagalingan ng mag-aaral.
Ang Standard Deviation na 0.40 ng kabuuang sagot ng mga
mag-aaral ay nagpapahiwatig na ang mean ng sagot sa bawat
aytem ay hindi nalalayo sa kabuuang mean na ang ibig sabihin ay
halos magkakapareho ang antas ng kanilang damdamin sa
pagkatuto ng Filipino 10.
III. Antas ng Saloobin ng mga Guro at Mag-aaral sa
Pagtuturo at Pagkatuto ng Filipino 10
Matutunghayan sa talahanayan 3.1 ang antas ng saloobin ng
mga guro sa pagtuturo at pagkatuto ng Filipino 10 at sa
talahanayan 3.2 naman ang antas ng saloobin ng mga mag-aaral
sa pagtuturo at pagkatuto ng Filipino.
Talahanayan 3.1
Antas ng Saloobin ng mga Guro sa Pagtuturo at
Pagkatuto ng Filipino 10

60. 60
INDICATORS Mga Guro
Mean SD Intptn
1. Kahit anong mangyari, nagbabasa ako ng panitikang
pandaigdig para maibahagi sa aking klase.
3.93 0.83 Mt
2. Nagiging mapurol at hindi nalilinang ang aking
kakayahang pangkaisipan sa pagbabasa ng mga
akdang panitikang pandaigdig.
2.13 0.94 Mb
3. Binibigyan ko nang malaking pagpapahalaga ang
pagtuturo at pagkatuto ng panitikang pandaigdig.
4.17 0.75
Mt
4. Pabaya ako sa paghahanda ng mga aralin sa
panitikang pandaigdig.
2.20 0.89 Mb
5. Nagiging aktibo at nalilinang ang aking kakayahang
pangkaisipan sa palagiang pagbabasa ng panitikang
pandaigdig.
3.70 0.95 Mt
6. Hindi ko pinahahalagahan ang pagtuturo ng mga
akdang pampanitikang pandaigdig katulad ng
pagpapahalaga ko sa panitikang pambansa.
2.73 1.28 K
7. Sinisikap kong maging angkop ang mga impormasyong
ibabahagi ko sa pagtuturo ng panitikang pandaigdig.
4.50 0.94 Nt
8. Napipilitan lamang akong magbasa ng mga akdang
pampanitikang pandaigdig dahil ito ang nasa mandato
ng kurikulum.
3.63 1.38 Mt
9. Talagang naglalaan ako ng sapat na panahon sa
paglalahad at pagtuturo ng panitikang pandaigdig.
4.50 1.36 Nt
10. Wala akong paki-alam kung ano ang matututunan ko
kaugnay sa kultura ng ibang bansa gamit ang
panitikang pandaigdig.
2.80 1.10 K
Mean 3.43 0.32 Nt
Parameter
Limits
Interpretation Symbol
4.21-5.00 Napakataas Nt
3.41-4.20 Mataas Mt
2.61-3.40 Katamtaman K
1.81-2.60 Mababa Mb
1.00-1.80 Napakababa Nb
Sa talahanayan makikita na kapwa may napakataas na
saloobin ang mga guro sa aytem bilang 7 at 9 na may parehong
mean na 4.50, na nagsasabing “Sinisikap kong maging angkop ang

61. 61
mga impormasyong ibabahagi ko sa pagtuturo ng panitikang
pandaigdig” at “Talagang naglalaan ako ng sapat na panahon sa
paghahanda sa pagtuturo ng panitikang pandaigdig.” Napatunayan
sa pag-aaral na ginagawa ng mga guro ang kanilang tungkulin sa
pagtuturo sa abot ng kanilang kakayahan.
Mataas naman ang saloobin ng mga guro sa aytem bilang 1
na may mean na 3.93 “kahit anong mangyari, nagbabasa ako ng
panitikang pandaigdig para maibahagi sa klase.” Nagpapahiwatig
ito na sinisikap ng mga guro na matuto at madagdagan ang mga
kaalaman sa panitikang pandaigdig para mapabuti at maging
makabuluhan ang kanilang pagtuturo nito. Mataas din ang saloobin
ng mga guro sa aytem bilang 3 na may mean na 4.17 “Binibigyan
ko nang malaking pagpapahalaga ang pagtuturo at pagkatuto ng
panitikang pandaigdig.” Nangangahulugan na binigyan ng mga
guro ng pagpapahalaga ang mga kaalamang natutunan na dapat
ibinahagi nila sa Filipino 10. Nangangahulugan din ito na hindi
binabale-wala ng mga guro ang pagkakataong maituro at
magkaroon ng pagkakataong matuto mula sa mga akdang
panitikang pandaigdig. Sa aytem bilang 5 na may mean na 3.70 ay
mataas din ang saloobin ng mga guro. Nakasaad dito na “Nagiging

62. 62
aktibo at nalilinang ang aking kakayahang pangkaisipan sa
palagiang pagbabasa ng panitikang pandaigdig.” At ang huling
aytem na mataas ang saloobin ng mga guro ay ang aytem bilang 8
na may mean na 3.36 na “Napipilitan lamang akong magbasa ng
mga akdang panitikang pandaigdig dahil ito ang nasa mandato ng
kurikulum.” Ibig sabihin mataas ang kamalayan ng mga guro na
may mabuting maidudulot ang pagbabasa ng mga akdang
panitikang pandaigdig.
Katamtaman ang antas ng saloobin ng mga guro sa aytem
bilang 6 na may mean na 2.73 na nagsasaad na “Hindi ko
pinahahalagahan ang pagtuturo ng mga akdang pampanitikang
pandaigdig katulad ng pagpapahalaga ko sa panitikang pambansa.”
Ibig sabihin higit na maalam ang mga guro sa Filipino sa sariling
panitikan ngunit bukas sila para sa panitikang pandaigdig.
Katamtaman din ang antas ng saloobin ng mga guro sa aytem
bilang 10 na may mean na 2.80 na “Wala akong pakialam kung
ano ang matutunan ko kaugnay sa kultura ng ibang bansa gamit
ang panitikang pangdaigdig.” Nagpapahiwatig ito na may
paaalinlangan ang mga guro sa kahalagahan ng mga kaalamang
kultural na natutunan nila sa mga akdang panitikang pandaigdig.

63. 63
Mababa ang saloobin ng mga guro sa aytem bilang 2 na may
mean na 2.13 na “Nagiging mapurol at hindi nalilinang ang aking
kakayahang pangkaisipan sa pagbabasa ng mga akdang
pampanitikang pandaigdig.” Nangangahulugan lamang na handa
ang mga guro sa Filipino na puspusang pang aralin ang panitikang
pandaigdig para mahasa at mapalago ang kanilang angking mga
kaalamang pampanitikan. Mababa rin ang saloobin ng mga guro sa
aytem bilang 4 na may mean na 2.20 na “Pabaya ako sa
paghahanda ng mga aralin sa panitikang pandaigdig.” Ibig sabihin
tanggap nila ang hamon sa pagtuturo ng panitikang pandaigdig.
Hindi nagpapabaya kundi pinag-iigihan ng mga guro ang pagpapa-
angat ng kanilang sariling kaalaman at karunungan sa mga
kasalukuyang kalakaran sa pagtuturo ng panitikang pandaigdig at
pagyakap sa mga bagong istratehiya at pamantayan ng bagong
kurikulum.
Ang kabuuang mean na 3.43 ng kasagutan ng mga guro sa
antas ng saloobin sa pagtuturo at pagkatuto ng Filipino 10 batay sa
parameter limits, ay nagpapakita na ang saloobin ng mga guro ay
napakataas. Nangangahulugan ito na ang mga guro bilang
tagapangasiwa ng pagkatuto ay ginawa ang buong makakaya

64. 64
upang maganyak ang mga mag-aaral sa makabuluhang pagkatuto
sa Panitikang Pandaigdig. Ayon kay Ghazali (2008) maraming
maaaring gawin ang guro upang matulungang magkaroon ng
positibong saloobin ang mga mag-aaral. Ang pagkakaroon ng
positibong saloobin ng mga guro sa Filipino 10 sa pagtuturo ng
Panitikang Pandaigdig ay makakatulong upang maging positibo rin
ang mga mag-aaral.
Ang Standard Deviation ng pangkabuuang sagot na 0.32 ay
nangangahulugan na ang mean ng sagot ng mga guro ay hindi
nalalayo sa kabuuang mean. Ang ibig sabihin halos lahat ng mga
guro sa Filipino 10 ay may magkakatulad antas ng saloobin sa
pagtuturo at pagkatuto ng panitikang pandaigdig.

65. 65
Talahanayan 3.2
Antas ng Saloobin ng mga Mag-aaral sa Pagkatuto ng
Filipino 10
INDICATORS Mga Mag-aaral
Mean SD Intptn
1. Kahit anong mangyari, nagbabasa ako ng mga akdang
panitikang pandaigdig.
3.70 0.87 Mt
2. Nagiging mapurol at hindi nalilinang ang aking
kakayahang pangkaisipan sa pagbabasa ng mga
akdang panitikan pandaigdig.
2.72 0.99 K
3. Binibigyan ko nang malaking pagpapahalaga ang
pagkatuto ng panitikang pandaigdig.
4.12 0.92 Mt
4. Pabaya ako sa mga araling may kinalaman sa Filipino
10 – panitikang pandaigdig.
2.32 1.14 Mb
5. Nagiging aktibo at nalilinang ang kakayahan kong
mag-isip at umunawa sa palagiang pagbabasa ng mga
akdang panitikang pandaigdig.
3.78 0.94 Mt
6. Hindi ko pinahahalagahan ang pagkatuto sa mga
araling may kaugnayan sa panitikang pandaigdig.
2.31 1.15 Mb
7. Sinisikap kong maging maalam at makaagapay sa mga
impormasyon tungkol sa panitikang pandaigdig.
4.15 0.99 Mt
8. Napipilitan lamang akong magbasa ng mga akdang
pampanitikang pandaigdig dahil ito ang nasa modyul
ng mga mag-aaral.
2.34 1.15 Mb
9. Talagang naglalaan ako ng sapat na panahon sa pag-
aaral ng panitikang pandaigdig bilang paghahanda sa
klase.
3.76 0.99 Mt
10. Wala akong paki-alam kung ano ang matututunan ko
kaugnay sa kultura ng ibang bansa gamit ang
panitikang pandaigdig.
2.17 1.10 Mb
Mean 3.14 0.44 K
Parameter
Limits
Interpretation Symbol
4.21-5.00 Napakataas Nt
3.41-4.20 Mataas Mt
2.61-3.40 Katamtaman K

66. 66
1.81-2.60 Mababa Mb
1.00-1.80 Napakababa Nb
Sa talahanayan 3.2 makikita na may limang bilang ng
indicators kung saan may mataas na saloobin ang mga mag-aaral.
Ang aytem bilang 1 sa mean 3.70, “Kahit anong mangyari,
nagbabasa ako ng panitikang pandaigdig.” Ang aytem bilang 3 sa
mean 4.12 “Binibigyan ko nang malaking pagpapahalaga ang
pagkatuto ng panitikang pandaigdig.” Ang aytem bilang 5 sa mean
3.78, “Nagiging aktibo at nalilinang ang kakayahan kong mag-isip
at umunawa sa palagiang pagbabasa ng mga akdang panitikang
pandaigdig.” Ang aytem bilang 7 sa mean 4.15 “Sinisikap kong
maging maalam at makaagapay sa mga impormasyon tungkol sa
panitikang pandaigdig.” At ang aytem bilang 9 sa mean na 3.76
“Talagang naglalaan ako ng sapat na panahon sa pag-aaral ng
panitikang pandaigdig bilang paghahanda sa klase.”
Nangangahulugan ito na binigyang-prayoridad ng mga mag-aaral
ang pagkatuto sa mga aralin ng Filipino 10. Batid nilang may
kapakinabangan ang mga matutunang kaalaman at pagpapahalaga
mula sa mga akdang panitikang pandaigdig. Naniniwala ang mga
mag-aaral na sa palagiang pagbabasa, napapalawak ng panitikang
pandaigdig ang kanilang pang-unawa at pag-iisip maging tungkol

67. 67
sa pagkakaiba ng kultura at pagpapahalaga ng bawat lahi. Bunga
nito, ginagawa ng mga mag-aaral ayon sa kanilang kakayahan na
matuto at makasabay sa mga bagong tuklas na kaalamang hatid
ng panitikang pandaigdig.
Ang aytem bilang 2 ang tanging indicator na may
katamtamang saloobin ang mga mag-aaral sa mean na 2.72 na
nagsasabing “Nagiging mapurol at hindi nalilinang ang aking
kakayahang pangkaisipan sa pagbabasa ng mga akdang
pampanitikang pandaigdig.” Ibig sabihin may pag-aalinlangan ang
mga mag-aaral kung talagang napapaunlad ang kanilang
kakayahang pangkaisipan sa pagbabasa ng mga akdang panitikang
pandaigdig. Ayon kay Ghazali (2008) ang pagpapaunawa sa
kahalagahan ng mga aralin ay makapagpapabago ng saloobin at
damdamin ng mga mag-aaral. Makakatulong kung pag-iibayuhin
pa ng mga guro sa Filipino 10 ang pagpapaunawa sa mga mag-
aaral ng kahalagahan ng panitikang pandaigdig upang maiangat
ang kanilang damdamin at saloobin upang matamo ang
makabuluhang pagkatuto.
Mababa naman ang saloobin ng mga mag-aaral sa aytem
bilang 4, 6 ,8 at 10. Mababa ang aytem bilang 4 sa mean na 2.32
“Pabaya ako sa mga araling may kinalaman sa Filipino 10.” Ibig

68. 68
sabihin may pagkukulang ang mga mag-aaral sa kanilang
tungkuling matuto sa Filipino 10. Mababa rin ang saloobin ng mga
mag-aaral sa aytem bilang 6 sa mean 2.31. “Hindi ko
pinapahalagahan ang mga araling may kaugnayan sa panitikang
pandaigdig”. Mababa rin ang saloobin sa aytem bilang 8 sa mean
2.34 “Napipilitan lamang akong magbasa ng mga akdang
pampanitikang pandaigdig dahil ito ang nasa modyul ng mga mag-
aaral”. At ang huling mababa ay aytem bilang 10 sa mean 2.17
“Wala akong pakialam kung ano ang matutunan ko kaugnay sa
kultura ng ibang bansa gamit ang panitikang pandaigdig”.
Nagpapakita ito na ang mga mag-aaral ay may kakulangan sa
pagbibigay halaga sa mga natutunan sa mga akdang panitikang
pandaigdig. Kulang din sila sa pagkukusa na basahin ang mga
akdang panitikang pandaigdig na nakapaloob sa kanilang modyul
na walang pamimilit kundi ang sariling pagnanais na matuto. Sa
teoryang Affective Cognitive Consistency ni M.I. Rosenberg,
isinusulong ang konsistensi sa pagitan ng kabuuang saloobin ng
mga tao, epekto ng bagay o isyu at ng kanyang paniniwala tungkol
sa kaugnayan nito sa kanyang kabuuang mga pagpapahalaga. Ang
kakulangan sa pagpapahalaga ng mga mag-aaral sa mga
natutunan sa panitikang pandaigdig ay bunsod marahil ng

69. 69
katotohanang ito ay may pagkakaiba sa kanilang mga nakagisnan
at pinanghahawakang pagpapahalaga. Sinabi ni Ombui (2012) na
ang saloobin ng mag-aaral tungkol sa asignatura ay may
implikasyon sa kanilang akademikong tagumpay. Ang
pagpapaunawa ng mga guro sa kahalagahan ng mga araling
panitikang pandaigdig ay makapagbabago ng saloobin ng mga
mag-aaral.
Ang pangkalahatang sagot ng mga mag-aaral sa antas ng
saloobin ay may kabuuang mean na 3.14. Nagpapahiwatig ito na
katamtaman ang saloobin ng mga mag-aaral sa pagkatuto ng
Filipino 10. Hindi mataas ngunit hindi rin mababa ang interes nila
sa pagkatuto sa asignatura.
Ang pangkalahatang sagot ng mga mag-aaral sa antas ng
saloobin sa pagkatuto ng Filipino 10 ay may Standard Deviation na
0.44. Ito ay nangangahulugan na ang mean ng sagot ng mga mag-
aaral sa bawat aytem ay hindi nalalayo sa kabuuang mean na ang
ibig sabihin ang mga mag-aaral ay may magkapare-parehong
antas ng saloobin sa pagkatuto ng Filipino 10.
IV. Kaugnayan ng Profayl ng mga Guro at Mag-aaral sa
Filipino 10 at Damdamin at Saloobin sa Pagtuturo at
Pagkatuto ng Panitikang Pandaigdig.

70. 70
Makikita sa talahanayan 4.1 ang kaugnayan ng profayl ng
mga guro sa Filipino 10 at damdamin sa pagtuturo at pagkatuto ng
panitikang pandaigdig.
Talahanayan 4.1
Kaugnayan ng Profayl ng Guro sa Filipino 10 at Damdamin
sa Pagtuturo at Pagkatuto ng Panitikang Pandaigdig.
Profayl/
Indicators
Chi-
squared
p-value Decision on Ho Interpretation
Edad 230.694 0.023* Reject Ho Significant
Kasarian 10.688 0.382 Do not Reject Ho Not Significant
Pinakamataas na
Antas na nakamit 148.931 0.724 Do not Reject Ho Not Significant
Bilang ng taon sa
Pagtuturo 17.286 0.634 Do not Reject Ho Not Significant
Makikita sa talahanayan na ang edad ng mga guro at
damdamin sa pagtuturo at pagkatuto ng panitikang pandaigdig ay
may chi-squared value na 230.694 at p-value na 0.023 na mas
mababa kaysa sa 0.05 level of significance. Kaya nireject ang
hypothesis. Ibig sabihin, may epekto ang edad ng mga guro sa
kanilang damdamin sa pagtuturo at pagkatuto ng panitikang
pandaigdig. Ayon kay Lazarova, Juva (2009) ang damdamin ng
guro sa pagbabago ng kurikulum ay may kaugnayan sa mga
katangian tulad ng edad, haba ng taon sa propesyonal na
karanasan at kulturang kinalakihan. Pinaniniwalaan na ang mga

71. 71
gurong may edad na ay di na gaanong pleksibol at bukas sa
pagbabago ng kurikulum kumpara sa mga batang guro kung saan
higit na interesado sa mga pagbabago ng kurikulum at
pamamaraan ng pagtuturo. Ang dahilan nito ayon kay Kooij, et.al.
(2008) ang edad ay may kaugayan sa pisikal at sikolohikal na bisa
ng isang guro sa gawain ng pagtuturo. Ang mababang self-efficacy
ay bunsod ng biological at psychological na pagbabagong
nagaganap na may kinalaman sa kronolohiko ng edad. Dagdag pa
dito ang psychosocial na konteksto sa kapaligiran ng lugar kung
saan siya nagtatrabaho.
Ang kasarian ng mga guro at damdamin sa pagtuturo at
pagkatuto ng panitikang pandaigdig ay may chi-squared value na
10.688 at p-value na 0.382 na mas mataas kaysa sa 0.05 level of
significance. Kaya hindi nireject ang hypothesis. Ibig sabihin,
walang kaugnayan ang kasarian ng mga guro sa kanilang
damdamin sa pagtuturo at pagkatuto ng panitikang pandaigdig.
Maging babae o lalaki man ang guro ay pareho ang kanilang
damdamin sa pagtuturo at pagkatuto ng panitikang pandaigdig.
Marahil ay sapagkat ang pagtuturo ay ang pinili nilang propesyon.
Babae man o lalaki ang guro ay parehong may sapat na
kakayahang magturo dahil pareho silang medyor sa Filipino,

72. 72
edukasyon ang tinapos na kurso at parehong lisensyadong
magturo ng Filipino mula sa Professional Regulatory Commission.
Ang pinakamataas na antas ng edukasyong nakamit ng mga
guro at damdamin sa pagtuturo at pagkatuto ng panitikang
pandaigdig ay may chi-squared value na 148.931 at p-value na
0.724 na mas mataas kaysa 0.05 level of significance. Kaya hindi
nireject ang hypothesis. Ibig sabihin, walang kaugnayan ang
pinakamataas na antas ng edukasyong nakamit ng mga guro sa
kanilang damdamin sa pagtuturo at pagkatuto ng panitikang
pandaigdig. Maging ang guro ay nakapagtapos man ng Bachelor’s
degree, may yunit sa Master’s degree, o kaya’y nakapagtapos ng
Master’s degree ay magkatulad lamang ang kanilang damdamin sa
pagtuturo at pagkatuto ng panitikang pandaigdig. Ayon kay Huitt.,
W. (2003) ang damdamin ng tao ay bunsod ng napaghulong mga
pangyayari sa kanyang kinalalagyang sitwasyon na nagtutulak sa
isipan upang magamit at maproseso sa mundo ng emosyon. Ang
damdamin ng mga guro ay bunsod ng kamalayang napaghulo mula
sa pagtuturo at pagkatuto ng panitikang pandaigdig. Ito ay
produkto ng pananaw ng guro sa panitikang pandaigdig kaya wala
itong kaugnayan sa antas ng edukasyong kanilang nakamit.

73. 73
Ang bilang ng taon sa pagtuturo ng mga guro at damdamin
sa pagtuturo at pagkatuto ng panitikang pandaigdig ay may chi-
squared value na 17.286 at p-value na 0.634 na mas mataas kaysa
0.05 level of significance. Kaya hindi nireject ang hypothesis. Ibig
sabihin, walang kaugnayan ang bilang ng taon sa pagtuturo at
damdamin ng mga guro sa pagtuturo at pagkatuto ng panitikang
pandaigdig. Nangangahulugan lamang na ang gurong baguhan sa
larangan ng pagtuturo at ang mga gurong matagal ng nagtuturo ay
walang pagkakaiba ang damdamin sa pagtuturo at pagkatuto ng
panitikang pandaigdig. Alam ng bawat guro, baguhan man o
matagal na sa larangan ng pagtuturo, na mayroon silang tungkulin
na dapat gampanan. Ayon kay Wenglinsky (2002) bagamat may
kabuluhan ang bilang ng taon ng pagtuturo, ito ay kumakatawan
lamang sa maliit na bahagdan ng kakayahan ng guro na
pangasiwaan ang klase.
Talahanayan 4.2
Kaugnayan ng Profayl ng Guro sa Filipno 10 at Saloobin sa
Pagtuturo at Pagkatuto ng Panitikang Pandaigdig
Profayl/Indicators Chi-
squared
p-
value
Decision on
Ho
Interpretation
Edad 220.500 0.279 Do not reject
Ho
Not Significant
Kasarian 5.952 0.877 Do not reject
Ho
Not Significant
Pinakamataas na Antas 177.125 0.462 Do not reject Not Significant

74. 74
na nakamit Ho
Bilang ng taon sa
Pagtuturo
14.004 0.901 Do not reject
Ho
Not Significant
Ang edad ng mga guro at saloobin sa pagtuturo at pagkatuto
ng panitikang pandaigdig ay may chi-squared value na 220.500 at
p-value na 0.279 na mas mataas kaysa 0.05 level of significance.
Kaya hindi nireject ang hypothesis. Ibig sabihin, walang kaugnayan
ang edad ng mga guro sa kanilang saloobin sa pagtuturo at
pagkatuto ng panitikang pandaigdig. Kahit magkaiba ng age
bracket ang mga guro, hindi nagkakaiba ang kanilang saloobin sa
pagtuturo at pagkatuto ng panitikang pandaigdig. Ang agwat ng
edad ng mga guro ay hindi naging hadlang upang pag-aralan at
ituro ang mga akdang panitikang pandaigdig. Tanggap ng bawat
guro ang hamon sa kanilang tungkulin bilang tagaganyak ng mga
mag-aaral sa pagkatuto ng panitikang pandaigdig. Ang kinalabasan
ng pag-aaral na ito ay kahalintulad din ng resulta ng pag-aaral na
isinagawa ni Anna Tūmovā (2012) na “Effects of Age and
Professional Experience on Teachers’ Attitude to Curricular Reform”
kung saan lumabas na sa pangkalahatan, ang epekto ng variables
na edad at haba ng propesyonal na karanasan sa saloobin ng guro
sa pagbabago ng kurikulum at pagpapatupad nito ay hindi matibay
tulad ng inaasahan ng mananaliksik.

75. 75
Ang kasarian ng mga guro at saloobin sa pagtuturo at
pagkatuto ng panitikang pandaigdig ay may chi-squared value na
5.952 at p-value na 0.877 na mas mataas kaysa 0.05 level of
significance. Kaya hindi nireject ang hypothesis. Ibig sabihin,
walang kaugnayan ang kasarian ng mga guro at saloobin sa
pagtuturo at pagkatuto ng panitikang pandaigdig. Ang babae at
lalaking guro ay walang pakakaiba sa saloobin pagdating sa
pagtuturo at pagkatuto ng panitikang pandaigdig. Ayon kay Denga
(2008) ang kasarian ay sadyang walang kaugnayan sa pagiging
epektibo ng isang guro sa pagtuturo. Sinabi naman Yavuz (2009)
na walang kaibahan ang saloobin ng babae at lalaking guro sa
pangangasiwa sa klase o maging sa pangangasiwang
instruksyonal.
Ang pinakamataas na antas ng edukasyong nakamit ng mga
guro sa Filipino 10 at saloobin sa pagtuturo at pagkatuto ng
panitikang pandaigdig ay may chi-squared value na 177.125 at p-
value na 0.462 na mas mataas kaysa 0.05 level of significance.
Kaya hindi nireject ang hypothesis. Ibig sabihin, walang kinalaman
ang pinakamataas na antas ng edukasyong nakamit ng mga guro
sa Filipino 10 sa kanilang saloobin sa pagtuturo at pagkatuto ng
panitikang pandaigdig. Ang mga gurong nakapagtapos ng

76. 76
Bachelor’s degree, mga gurong may yunit sa Master’s degree at
maging ang mga gurong nakapagtapos ng Master’s degree ay
pare-pareho ang saloobin sa pagtuturo at pagkatuto ng panitikang
pandaigdig. Hindi naging balakid ang antas ng edukasyon ng mga
guro sa pagtupad ng kanilang tungkulin sa pagtuturo. Ito ay
sapagkat ang saloobin ng guro ay ang kaisipang nabuo bunga ng
pag-aaral ng panitikang pandaigdig na naipapakita sa kilos at
damdamin kaya wala itong kaugnayan sa antas ng edukasyong
nakamit ng guro.
Ang bilang ng taon sa pagtuturo ng mga guro sa Filipino 10
at saloobin sa pagtuturo at pagkatuto ng panitikang pandaigdig ay
may chi-squared value na 14.004 at p-value na 0.901 na mas
mataas kaysa 0.05 level of significance. Kaya hindi nireject ang
hypothesis. Ibig sabihin, walang kaugnayan ang bilang ng taon sa
pagtuturo ng mga guro sa Filipino 10 at saloobin sa pagtuturo at
pagkatuto ng panitikang pandaigdig. Ang magkaibang haba ng
taon ng pagtuturo ng mga guro ay hindi nakakaapekto sa kanilang
saloobin sa pagtuturo at pagkatuto ng panitikang pandaigdig. Ito
ay sapagkat ang saloobin sa pagtuturo at pagkatuto ng panitikang
pandaigdig ay pansariling komitment ng guro sa kanyang
tungkulin.

77. 77
Talahanayan 4.3
Kaugnayan ng Damdamin at Saloobin ng mga Guro sa
Pagtuturo at Pagkatuto ng Panitikang Pandaigdig
Variables Pearson
- r
Degree of
correlation
p-
value
Decision
on Ho
Interpretation
Damdamin
at Saloobin
-0.007 Walang
kaugnayan
0.901 Do not
reject Ho
Not Significant
Ang damdamin at saloobin ng mga guro sa pagtuturo at
pagkatuto ng Filipino 10 ay may pearson-r value na -0.007 at may
p-value na 0.901 na mas mataas kaysa 0.05 level of significance.
Kaya hindi nireject ang hypothesis. Sa degree of correlation ay
walang kaugnayan ang damdamin at saloobin ng mga guro sa
pagtuturo at pagkatuto ng Filipino 10. Nagpapahiwatig ito na hindi
naging hadlang ang katamtamang antas ng damdamin ng mga
guro sa pagkakaroon ng napakataas na antas ng saloobin sa
pagtuturo at pagkatuto ng panitikang pandaigdig. Ibig sabihin hindi
hinahayaan ng mga guro na maapektuhan ng kanilang damdamin
ang performans nila sa pagtuturo at pagkatuto ng panitikang
pandaigdig. Ito ay alinsunod sa batayang punto ng Cognitive
Consistency Theory na isa sa mga teoryang pinag-angklahan ng
pag-aaral na ito. Ayon sa unang batayang punto ng teorya, ang
epekto ng ebalwasyon ng tao sa bagay o isyu ay kasang-ayon sa
pangkaisipang bahagi, na ang pagbabago ng damdamin at saloobin

78. 78
ay nagdudulot ng pagbabago sa pangkaisipang gawain upang
magkaroon ng pagkakaisa ang dalawa. Ang pagtuturo at pagkatuto
ng panitikang pandaigdig ay isang pangkaisipang gawain na epekto
ng ebalwasyon ng guro sa isyung kasang-ayon sa pangkaisipang
bahagi.
Talahanayan 4.4
Kaugnayan ng Profayl ng mga Mag-aaral sa Filipino 10 at
damdamin ng mag-aaral sa Pagkatuto ng Filipino 10
Profayl/Indicators Chi-
squared
p-value Decision on
Ho
Interpretation
Kasarian 14.075 0.866 Do not reject
Ho
Not Significant
Etnikong Pangkat 106.622 0.894 Do not reject
Ho
Not Significant
Makikita sa talahanayan na ang kasarian ng mga mag-aaral
at damdamin ng mga mag-aaral sa pagkatuto ng Filipino 10 ay
may chi-squared value na 14.075 at p-value na 0.866 na mas
mataas kaysa 0.05 level of significance. Kaya hindi nireject ang
hypothesis. Ibig sabihin walang kaugnayan ang kasarian ng mga
mag-aaral sa Filipino 10 sa kanilang damdamin sa pagkatuto ng
Filipino 10 panitikang pandaigdig. Nangangahulugan ito na ang
pagiging babae o pagiging lalaki ng mga mag-aaral ay walang

79. 79
kinalaman sa kanilang damdamin sa pagkatuto sa mga aralin ng
Filipino 10.
Ang etnikong pangkat ng mga mag-aaral at damdamin ng
mga mag-aaral sa pagkatuto ng Filipino 10 ay may chi-squared
value na 106.622 at p-value na 0.894 na mataas kaysa 0.05 na
level of significance. Kaya hindi nireject ang hypothesis. Ibig
sabihin, walang kaugnayan ang etnikong pangkat na kinabibilangan
ng mga mag-aaral sa kanilang damdamin sa pagkatuto ng Filipino
10. Nangangahulugan lamang na hindi naaapektuhan ng
kinabibilangang etnikong pangkat ng mga mag-aaral ang naging
damdamin nila sa pagkatuto ng Filipino 10. Ayon kay Sell (2005)
ang pag-aaral ng panitikan mula sa ibang bansa ay hindi pagsupil
sa sariling pagkakakilanlan. Kapag ito ay maiintindihan ng mga
mag-aaral, makakabuo sila ng kasanayan na makiayon sa
kumakatawan ng kultura upang kumilos ayon sa kanilang
damdamin batay sa nakuhang kaalaman.
Talahanayan 4.5
Kaugnayan ng Profayl ng mga Mag-aaral sa Filipino 10 at
Saloobin ng mga Mag-aaral sa pagkatuto ng Filipino 10
Profayl/Indicators Chi-
squared
p-value Decision on
Ho
Interpretation
Kasarian 33.899 0.110 Do not reject
Ho
Not Significant
Etnikong Pangkat 180.306 0.046* Do not reject
Ho
Not Significant

80. 80
Ang kasarian ng mga mag-aaral sa Filipino 10 at saloobin ng
mga mag-aaral sa pagkatuto ng Filipino 10 ay may chi-squared
value na 33.899 at p-value na 0.110 na mas mataas kaysa 0.05
level of significance. Kaya hindi nireject ang hypothesis. Ibig
sabihin, walang kaugnayan ang kasarian ng mga mag-aaral sa
Filipino 10 sa kanilang saloobin sa pagkatuto ng panitikang
pandaigdig. Nagpapahiwatig ito na walang kinalaman ang pagiging
babae o pagiging lalaki ng mga mag-aaral sa kanilang naging
saloobin sa Filipino 10. Batay sa Balance Theory ni F. Hieder sa
ilalim ng Cognitive Consistency Theory, ang pananaw ng tao sa
mga isyu o sa ibang tao ay sang-ayon sa kanyang personal na
paniniwala at sistema ng pagpapahalaga. Kaya masasabi ng
mananaliksik na wala itong kaugnayan sa kasarian.
Ang etnikong pangkat ng mga mag-aaral sa Filipino 10 at
saloobin ng mga mag-aaral sa pagkatuto ng Filipino 10 ay may chi-
squared value na 180.306 at p-value 0.046 na mas mababa kaysa
0.05 level of significance, kaya nireject ang hypothesis. Ibig
sabihin, may kaugnayan ang etnikong pangkat na kinabibilangan
ng mga mag-aaral sa kanilang saloobin sa pagkatuto ng Filipino
10. Nangangahulugan ito na naiimpluwensyahan ng etnikong

81. 81
pangkat na kinabibilangan ng mga mag-aaral ang kanilang saloobin
sa pagkatuto ng panitikang pandaigdig. Ayon sa teorya ng saloobin
na Cognitive Consistency Theory, ipinapalagay na ang bawat
indibidwal ay may likas na kakayahang tumantiya at humalaw ng
mga konteksto, pinagmulan ng mga bagay-bagay at sa mga taong
sangkot sa isyu batay sa kanyang personal na pagpapahalaga o
kaya’y batay sa pangkalahatang sistema ng paniniwala. Anupat
mapaghulo na ang saloobin ng mga mag-aaral sa Filipino 10
Panitikang Pandaigdig ay naapektuhan ng kanilang personal na
paniniwala at sistema ng pagpapahalagang nakasanayan batay sa
etnikong pangkat na kinabibilangan.
Talahanayan 4.6
Kaugnayan ng Damdamin at Saloobin ng mga Mag-aaral sa
Pagkatuto ng Filipino 10
Variables Pearson
-r
Degree of
Correlation
p-value Decision
on Ho
Interpretation
Damdamn
at Saloobin
0.552 Moderate
correlation
0.000** Reject Ho Significant
Makikita sa talahanayan na ang damdamin at saloobin ng
mga mag-aaral sa pagkatuto ng Filipino 10 ay may pearson-r value
na 0.552 at p-value na 0.000 na mas mababa kaysa 0.05 level of
significance. Kaya nireject ang hypothesis. Ang degree of
correlation ay moderate correlation na nangangahulugang may

82. 82
katamtaman o bahagya lamang ang kaugnayan ng damdamin at
saloobin ng mga mag-aaral sa pagkatuto ng Filipino 10. Ayon sa
teorya ng pagkatuto na Behaviorism Theory, ang damdamin at
saloobin ay magkaugnay sapagkat ang saloobin ay nakakaapekto
sa damdamin ng tao. Ang katamtamang pagkakaugnayan ay
nangangahulugang sinisikap ng mga mag-aaral na makapasa sa
Filipino 10 sa kabila ng pagkakaroon ng katamtamang antas ng
saloobin sa asignatura. Ito ay sa dahilang bihira sa isang mag-aaral
ang hindi magnanais na makapasa.
V. Kaibahan ng Antas ng Damdamin at Saloobin ng mga
Guro at Mag-aaral sa Filipino 10.
Makikita sa Talahanayan 5 ang kaibahan ng Antas ng
Damdamin at Saloobin ng mga Guro at Mag-aaral sa Filipino 10.
Talahanayan 5
Kaibahan ng Antas ng Damdamin at Saloobin ng mga Guro
at Mag-aaral sa Filipino 10
Source of
difference
Mean SD t-value p-value Decision
on Ho
Interpretation
Damdamin
Guro 2.95 0.32 -4.852 0.000** Reject Ho Significant
Mag-aaral 3.31 0.40
Saloobin
Guro 3.43 0.32 3.575 0.000** Reject Ho Significant
Mag-aaral 3.14 0.44

83. 83
Ang antas ng damdamin ng mga guro at mag-aaral ay may
t-value na -4.852 at p-value na 0.000 na mas mababa kaysa sa
0.05 level of significance kaysa nireject ang hypothesis. Ibig
sabihin may kaibahan ang antas ng damdamin ng mga guro at
mag-aaral sa Filipino 10. Ang pagkakaiba ng antas ng damdamin
ay maaring bunsod ng magkaibang pananaw sa buhay. May higit
na malawak na pang-uawa ang mga guro sa mga nilalaman ng
mga akdang panitikang pandaigdig na itinuturo at lalong nababatid
ng mga guro ang kabuluhan ng mga kaalamang nakukuha sa mga
panitikang tinatalakay sa klase. Batay sa pag-aaral ni Shah (2009)
sinabi niya na ang pagbibigay pansin ng guro sa kanyang
damdamin ay mahalaga sa proseso ng pagtuturo sapagkat walang
ibang tao ang may buong kontrol sa kanyang damdamin at
personalidad kundi ang kanyang sarili lamang. Ang pagkontrola ng
damdamin ang siyang nagdudulot ng tagumpay sa kanyang
pagtuturo.
Ang antas ng saloobin ng mga guro at mag-aaral sa
Filipino 10 ay may t-value na 3.575 at p-value na 0.000 na mas
mababa kaysa 0.05 level of significance. Kaya nireject ang
hypothesis. Ang ibig sabihin ay may kaibahan ang antas ng
saloobin ng mga guro at mag-aaral sa Filipino 10. Ayon sa pag-

84. 84
aaral ni Kobia et.al. (2001) ang saloobin ay organisasyon ng
konsepto, paniniwala, pag-uugali at motibo na may kaugnayan sa
partikular na bagay o layunin. Mayroon itong tatlong bahagi. Ang
konsepto ng kaalaaman, ang pagkilos, at ang motibo. Ang
pagkakaiba ng antas ng saloobin ng mga guro at mag-aaral ay
bunsod ng pagkakaiba nila ng paniniwala, pag-uugali, at motibo sa
pagkatuto ng panitikang pandaigdig.
VI. Ang mga Salik na Gumanyak at Pumipigil sa Damdamin
at Saloobin ng mga Guro sa Pagtuturo at Pagkatuto ng
Filipino 10.
Makikita sa talahanayan 6 ang mga salik na gumanyak at
pumipigil sa damdamin at saloobin ng mga guro sa pagtuturo at
pagkatuto ng Filipino 10 na hinango at binuod mula sa mga
kasagutan sa pakikipanayam ng mananaliksik sa labinlimang mga
guro sa Filipino 10, tagapangulo ng departamento ng Filipino sa
mga paaralang kung saan isinagawa ang pag-aaral, at sa
pandistritong tagapagsanay sa Filipino sa mataas na paaralang
pampubliko.
Talahanayan 6
Mga Salik na Gumanyak at Pumipigil sa Damdamin at
Saloobin ng mga Guro sa Pagtuturo at Pagkatuto ng
Filipino 10.
Salik na Gumanyak sa Damdamin Salik na Pumipigil sa Damdamin at

85. 85
at Saloobin ng Guro sa Pagtuturo
at Pagkatuto ng Filipino 10
Saloobin ng Guro sa Pagtuturo at
Pagkatuto ng Filipino 10
1. Nasisiyahan sa mga bagong akda
na ngayon lang nabasa.
1. Kailangan ng marubdub na
pagbabasa sa mga akdang ngayon
lang narinig.
2. Napapaunlad ang kamalayang
kultural tungkol sa ibang lahi.
2. Marami pang akdang pambansa na
dapat palaguin at pag-aralan.
3. Hamon sa kakayahan upang
patuloy na matuto ng mga bagong
kaalaman.
3. Mainam kung sa English nalang
itinuro ang panitikang pandaigdig.
4. Nakakamangha ang mga bagong
kaalaman sa panitikang pandaigdig.
4. Kailangan ng sapat na panahon ng
paghahanda sa pagtuturo.
5. Kabilang ito sa sinumpaang
tungkulin kaya malugod na
tatanggapin.
5. Mahirap makapaghanap ng ibang
sources ng mga akda maliban sa
internet.
Batay sa mga pinagsamang sagot ng mga guro,mahihinuha
na maluwag sa damdamin ang pagtanggap ng mga guro sa
pagtuturo at pagkatuto ng panitikang pandaigdig sa kabila ng
pagkakaroon ng kanya-kanyang dahilan ng pagkaganyak at mga
dahilan na pumipigil sa kanila upang makapagturo ng malinaw at
maayos. Gayon pa man, pinatunayan ng mga guro na sila ay may
pagkukusang makapagturo ng maayos sa mga mag-aaral ng
Filipino 10. Pinatutunayan ng mga guro na sila ay tumutupad sa
sinumpaang tungkulin at mabuting tagasunod at tagapagpatupad
ng mga pagbabago sa kurikulum kahit na may kinakaharap na
limitasyon.

86. 86
inihanda ni
PATRICIA C. AMILAO

87. 87
May 2016
Rasyunale
Isang katotohanang hindi mapasubalian na ang malaking
bahagdan ng pagbabago tungo sa tagumpay ng kurikulum ay
nakasalalay sa pagtupad ng mga guro sa kanilang tungkulin. Ito ay
sapagkat ang mga guro ang siyang responsable sa implimentasyon
ng mga programang pang-edukasyon na inugit ng mga
kinauukulan. Ang antas ng pagtupad ng tungkulin ng mga guro ay
nakabatay naman sa kanilang damdamin at saloobin tungkol dito.
Nakasaad sa Dep.Ed Order No. 8.,s of 2015 ang “Policy
Guidelines on Classroom Assessment for the K-12 Basic Education
Program”, na ang mga mag-aaral na hindi umabot sa inaasahang
pasadong marka o kaya’y nagkakaroon ng mababang resulta sa
mga written works at performance task ay kinakailangang bigyan
kaagad ng remediation activity upang makatiyak sa pagpasa sa
asignatura. Ang gawain ay ipapaalam sa mga magulang upang

88. 88
mabigyan ng pagsubaybay sa pagsasagawa ng remediation
activity.
Ang Strategic Intervention Material ay isang indibidwal na
kagamitang ng guro upang bigyan ng remediation ang mga mag-
aaral na nahihirapang pumasa sa alinmang asignatura. Ito ay mga
simpleng gawain na akma sa kakayahan ng mga mag-aaral at
maaaring gawin o sagutin sa tulong ng mga magulang o kapwa
mag-aaral. Ito ay nakatuon sa isang ispisipikong paksa lamang
upang maiwasan ang kalituhan ng mag-aaral at makamit ang
lubusang pagkaunawa sa paksa.
Sa pag-aaral na ito napatunayan na ang antas ng
damdamin at saloobin ng mga mag-aaral ay katamtaman lamang.
Sa pamamagitan ng paggamit ng Strategic Intervention Material,
matutulungang maiangat ang damdamin at saloobin ng mga mag-
aaral sa Filipino 10 upang tumaas din ang kanilang marka.
Mga Layunin
1. Matulungan ang mga mag-aaral na tumaas ang marka at
pumasa sa asignaturang Filipino 10.
2. Maintindihan ng mga mag-aaral ang mga paksang
komplikado at nakalilito.

89. 89
3. Malinang ang kakayahan ng mga guro sa paggawa ng
kagamitang pantulong sa pagtuturo at pagkatuto ng mga
mag-aaral.
4. Mapaghandaan ng mga guro ang pagbibigay ng interbensyon
sa mga mag-aaral upang makapasa sa Filipino 10.
Kasanayang Pampagkatuto
Naipahayag nang malinaw ang sariling opinyon sa
akdang tinalakay.
F10PS – 1a – b – 64

90. 90
Mga Layunin
1. Naibabahagi ang mga hinuha tungkol sa
mga tauhan at pangyayari sa kwento.
2. Naipapahayag ang gamit ng mito.
3. Nabibigyang kahulugan ang mga
pahayag at pangyayari sa akda.
Ang mito ay matatandang kwentong
bayan tungkol sa mga bathala, diyos at
diyosa at kakaibang mga nilalang. Nauukol
din ito sa pagkakalikha ng daigdig, at iba
pang bagay sa kalikasan, tungkol sa iba pang
may kinalaman sa pagsamba ng tao sa
kanilang anito.
Ang mito ay ginagamit upang;
GABAY KARDGABAY KARD
1. Ipaliwanag ang pagkakalikha ng daigdig.
2. Ipaliwanag ang pwersa ng kalikasan.
3. Maikwento ang sinaunang gawaing
panrelihiyon
4. Magturo ng mabuting asal.
5. Maipaliwanag ang kasaysayan.
6. Maipahayag ang marubdob na pangarap,
matinding takot at pag-asa ng sangkatauhan.

91. GAWAIN KARD 1GAWAIN KARD 1
91
Ano sa Palagay?
Panuto: Basahin ang mitong “Kung
Bakit Umuulan” at sagutin
ang mga sumusunod na
tanong.
KUNG BAKIT UMUULAN
Noong unang panahon, wala pang mundo,
wala pang araw at buwan, wala pangoras, at wala
pang buhay o kamatayan. Mayroon lang dalawang
Diyos, si Tungkung Langit, at ang kaniyang kabiyak
na si Alunsina.
“Tingnan mo, mahal, lilikhain ko ang
santinakpan para sa iyo!” pagmamalaking sabi ni
Tungkung Langit.
“Hayaan mong tulungan kita, kaya ko ring
lumikha,” ang sabi ni Alunsina.

92. 92
“Huwag kang mag-alala, mahal, ito ang
regalo ko sa iyo: ang mga bituin, ang mga planeta,
ang buwan, ang mga ulap, at ang hangin.”
“Pero makapangyarihan din naman ako,
dahil isa akong Diyosa,” bulong ni Alunsina.
Ngumiti lang si Tungkung Langit at niyakap si
Alunsina. Pagkatapos, tumindig siya nang matikas,
huminga nang malalim, at sumigaw nang
pagkalakas-lakas sa kawalan.
Lahat ng sabihin ni Tungkung-Langit ay
nagkatotoo. Kumalat ang sinag ng bagong likhang
araw. Kumislap-kislap ang mga bituin. Umikot ang
mga planeta at lumiwanag ang buwan. Humangin
nang pagkalakas-lakas.
At naulit ito nang naulit. Mahal na mahal ni
Tungkung Langit si Alunsina, kaya ayaw niya itong
mapagod. Ayaw niyang gumamit ng kahit isang daliri
si Alunsina upang lumikha ng kahit isang bagay.
“Mas gugustuhin kong maupo ka na lang,
magpahinga, at maging maganda,” ang sabi ni
Tungkung Langit kay Alunsina.
Ngunit sawa na si Alunsina sa ganoong klaseng
buhay. Naramdaman niyang parang wala siyang silbi
bilang Diyosa. Gusto niyang lumikha.