1.
SEERA DHAALAA LHD
Qopheessaan;-
Tafarii H/Maariyaam
ILOQHQSO, Adaamaa Ad.2012

2.
Seensa
 HMF fi HMNO kwt.40(1), mirgoota beekamtii fi eegumsi
kennameef keessaa tokko mirga qabeenya horachuu fi
qabeenya dhaalchisuu lammiileeti.
 Namni tokko erga du’ee booda hayyama ofii isaatiin nama
biraatti akkamitti akka darbu murteessuu waan hin dandeenyeef
qabeenyi isaa bu’uura seera dhaalaatiin gara dhaaltota isaatti
kan darbu ta’a.
 SHH Kitaaba II Mata-duree 5ffaa boqonnaa 1ffaa kwt.826 irraa
eegalee hanga boqonnaa 4ffaa kwt.1125tti ida’ama kwt.299
tumaalee SHH dhimma dhaalaa hooggananiidha.
 Seerota biroo keessatti tumaaleen dhimma dhaalaa ilaallatan
waan jiraniif isaan waliin haala bu’a qabeessa ta’een hojiirra
oolchuun barbaachisaadha.

3.
Caaseffama moojulii kanaa
 Boqonnaa 1ffaa;- sirni qabeenyi dhaalaa dhaalchisaa irraa
dhaaltotatti darbu, gosoota dhaalaa, sadarkaa dhaaltotaa,
gosoota dhaamoo.
 Boqonnaa 2ffaa;-Aangoo QQDh,WRDh, sirna Bulchiinsa
fi kaffaltii idaa QDh fi qabatama jiru.
 Boqonnaa 3ffaa;- sirna qoodinsa qabeenyaa dhaalaa, sirna
dhaalatti makuu (collation)
 Boqonnaa 4. akaakuu darbiinsa yeroo irratti xiyyeeffata
 Walumaagalatti boqonnaalee hunda jalatti dhimmoonni
qabatamoo, hojimaata rakkoo hiikoo seeraa waliin
qabsiisuun gaaffilee marii waliin haala xiinxalaaf maluun
dhiyaataniiru.

4.
Xumura leenjii kanaatti leenjifamtoonni:-
 Haala qabeenyi dhaalaa(QDh) dhaaltotatti
darbuu fi Sirna QQDh wal-qabatee
rakkoowwaan hojimaata hiikoo seeraa adda
baafachuun furmaata itti kennu.
 sirna QDhtti deebisanii makuu, qooddii
qabeenya dhaalaa fi darbiinsa yeroo dhimma
dhaalaatiin wal-qabatee, hanqinaalee seeraa fi
raawwii keessatti mul’atan adda baasuun
kallattii fuulduraatiif furmaata ni kaa’u.

5.
Boqonnaa 1
Dhaalmaa QDh’devolution of succession’
Xumura boqonaa kanaatti leenjifamtoonni:
 Maalummaa QDh fi mala ittiin darbu,
 Sadarkaa fi gahumsa dhaaltotaa fi akaakuu dhaamoo
ilaalchisee seeraa fi rakkoo raawwii seeraa adda
baasuudhaan kallattii furmaataa ni kaa’u.
Dhaala jechuun:-
 Adeemsa mirgaa fi dirqamni nama du’ee gara dhaaltotatti
ittiin darbu
 Adeemsa kunis dhaamoo malee fi dhaamoo jedhamuun
beekamu.

6.
Baniinsa Dhaalaa
 Bakka teessoo muummee dhaalchisaa
(principal residence) isa dhumaatti banama.
 SHH kwt.826 fi (kwt.177(1),183,184,185)
waliin dubbisuun dhaalli bakka dhaalchisaan
jiruudhaaf filate ykn bakka jireenya
hawaasummaa hundeeffate fi dhaabbataan
filate(domicile)tti banamuu danda’a.
 Murtii DHIMMWF jildii 11 galmee lak 65621
kanuma armaan olii cimsa.

7.
Wantoota dhaalaan darbuu danda’an
 Mirgaa fi dirqama sababa du’a dhaalchisaatiin hafaa ta’uu
hindandeenye (SHH kwt.826(2).
 Mirga fi dirqama diinagdee ykn qabeenya gosa adda addaa
dhaalchisaa.
 Haata’u malee:-
 Inshuraansii lubbuu qaamni fayyadamaan dhaaltotaan alatti
caqafame hin dabalatu.
 kaffaltii beenyaa fi sooramaa sababa du’aatiin maxxantoota
dhaalchisaatiif kaffalamu hin dabalatu (shh kwt.827-828),
1025,1026,2095(1).

8.
Gahumsa Dhaaluu (Capacity to Succeed) shh kwt.830
1. Yeroo dhaalchisaan du’u lubbuun kan jiru ta’uu
2. Nama dhaalchisaa dhaaluu hin qabne ta’uu dhabuu (unworthy)
 Haala addaatiin:
 Daa’ima dhalatee sa’atii 48 ture ykn dhalatee sababa miidhaa qaama
alaatiin yoo du’e dhalachuun dura hanga guyyoota 300 gidduutti
akka lubbuun turetti fudhatamee gahumsa qabaata.(shh kwt.2-4,834)
 Namni tokko yeroo dhaalchisaan du’etti lubbuun jiraachuu baatus
bakka bu’umuun dhaaluu danda’a.kwt.831(3),908

9.
...itti fufe
 bakka bu’ummaan dhaalchisaa dhaaluuf
ulaagaaleen sadii wal-faana guutuu qaba(shh
kwt.853-856):kunis:
 Bakka bu’aan dhaalchisaa wajjiin firooma kan
qabu ta’uu
 Namni bakka bu’iinsaan dhaalu (the represented
heir) nama dhaalchisaa dhaaluu hin malle
(unworthy) ta’uu dhabuu.
 Bakka bu’iinsaan dhaaltummaa hin simatamne
dhaaluun hin danda’amu.
 Garuu dhaalchisaa dhaalli isaa hin simatamne
bakka bu’uun dhaaluun ni danda’ama.

10.
Lubbuun jiraachuu mirkaneessuu
 dhaaltuun sun qaamaan akka dhiyaatu taasisuu,
raga-baatota sadiin raggaasisuu,
 galmee taatewwanii (records of civil status)
dhiyeessuun,
 murtii manni murtii guyyaa dhaaltuun sun
du’e ilaalchisee murteesse (s/h/h kwt 115 fi
161) dhiyeessuun adda kan bahu ta’uu
tumaaleen seera keenyaa ni ibsu. S/h/h kwt 5 fi
47(1)

11.
Nama bade ilaalchisee
 Guyyaa odeeffannoon dhumaa itti dhagahame sun
guyyaa namni sun itti du’e jedhamuun kan fudhatamu
waan ta’eef; dhalattootni isaa bakka isa bu’uun qooddii
qabeenya dhaalaatti dhiyaatu SHH kwt 159, 160 fi 164
tumee jira.
 Dhaalchisaan guyyaa isa dhumaa odeeffannoon
jiraachuu eessa-buutee itti dhagahame dura kan du’e yoo
ta’e, namni eessa-buuteen isaa dhabame dhaalchisaa
kan dhaalu ta’a jechuu dha.
 Namoota yeroo tokkotti du’an taanaan tokko kaan booda
kan du’e garuu homaayyuu dhaaluu akka hindandeenyetti
fudhatama kwt.832

12.
Dhaaluuf nama hinmalle ykn unworthiness
 Dhaaltuun dhaalchisaa, dhalattoota (ilmaanii fi abbayyuu)
isaa ykn abbaamanaa /haadhamanaa isaa itti yaadee
ajjeesuun yookaan yaalii ajjechaa irratti raawwachuun
yookaan himata yakka adabbii du’aa ykn hidhaa cimaa
Wag.10 ol adabsiisu irratti ragaa sobaa bahuun isaa
mirkanaa’ee itti murtaa’e ykn adabame(shh kwt.838)
 dandeettii dhabuu dhaalchisaatti fayyadamuudhaan du’aan
duratti ji’a 3 gidduutti dhaalchisaan dhaamoo akka hin
goone, akka hin jijjiirre, akka hin haqne kan godhe kwt.840
 Fedhii dhaalchisaa malee dhaamoo dhabamsiisuu, haquu fi
dhaamoo sobaa qopheessuu kkf.
 Haata’u malee dhaalchisaan ifatti dhiifama yoo godheef
dandeettii dhabuun dhaaltuu hafaa ta’a.SHH kwt.841

13.
Dhaala dhaamoo malee’intestates’)kwt.842-856
 dhaamoon kan hinjirre ykn fudhatama kan hinqabaanne
yoo ta’e dha.
1. Dhaaltuu sad.1ffaa, kwt.842-ijoollee du’aa f b/bu’oota
isaanii gahumsa qaban fi dhaaltummaa simatan.
2. Dhaaltuu sad.2ffaa (shh kwt.843,844), abbaa fi haadha
fi bakka bu’oota isaaniitu darbee dhaala.
 Kwt.844(3)abbaa ykn haadha keessaa tokko lubbuun kan
hinjirre fi ijoollee kan hin qabne yoo ta’e dhaaltummaan
guutummaa guutuutti gara sarara isa biraatti darba.
 kwt.849 hambifata kwt.844(3)ti sababiin isaas dambiin
paterna paternis jedhu qabeenyi dhaalaa in sochoone
dhaalaanykn kennaan sara abbaa ykn haadha irraa dhufe
gara sarara isa biraatti dhaalaan akka darbu hin eeyyamu.

14.
…itti fufe
3. Dhaaltota sad.3ffaa.
 SHH,kwt.845,846 gama toora haadha fi gama toora abbaa
dhaalchisaatiin akaakaa fi akkoo ykn dhaaltota isaaniitiif
darba.
 Toora haadhaa ykn Toora abbaatiin akaakaan ykn aakkoon
yoo hinjirre ykn dhaaltuu yoo hinqabne tooruma sanaan isa
kaantu guutummaa walakkaa QDh itti darbee dhaala
 Toorri tokko guutummaa guutuutti yoo hinjirre toora isa
biraatti darba kwt.846

15.
Gaafilee Marii
1. Ulaagaalee gahumsa dhabuu dhaaltuu shh kwt.830,839 jalatti
ibsaman fi ulaagaa dhaamoo irraa buqqisuu shh kwt.937,938
gidduu jiran garaagarummaa isaanii ibsaa! Moojulii seera
dhaalaa boqonnaa 1 dhimma 2ffaa Murtii DHIMMWF
lakk.galmee 49713 jildii 11 irratti, bakka dhaalchistuun rafaa
jirtutti dhaaltuun uleedhaan waan reebdeef sababa
dhaaltummaa irraa buqqifamte,waliin wal-bira qabuun
xiinxalaa!
2. Qabiyyee lafa baadiyyaa dhaaluudhaaf ulaagaaleen labsii
lakk.130/99 kwt.6(1),2(16)’ Jalatti miseensa maatii(dhalataa
ykn nama biraa galii biraa hinqabnee fi dhaabbataan abbaa
qabiyyee waliin jiraatu) ta’uu qabu jedha.Dhaaltuun ulaagaa
Labsii kana hin guunne bu’uura shh kwt.831(3) fi 853-
856tiin qabiyyee lafa baadiyyaa bakka bu’iinsaan dhaaluu ni
danda’a moo hindanda’u jettuu? Sababa waliin deeggaruun
ibsaa!

16.
..itti fufa
 Haati Tolaa mana jireenyaa abbaa ishee irraa kennaan
argattee osoo keessa jiraattuu,Tolaa qofa deessee waggaa
lammaffaa Tolaan dhalatetti boqattee jirti. Tolaan haadha
isaa dhaalee waggaa sadaffaa isaatti balaa tasaatiin osoo
dhala hin godhatin du’ee jira haa jennu.
 Qabeenya dhaalchisaa (mana jireenyaa Tolaa) eenyutu
dhaala? SHH kwt.844(3) fi 849 waliin wal-bira qabuun
xiinxalaa!

17.
Dhaala dhaamoo’testate succession’SHH
kwt.857ff
 Dhaamoon eeyyama dhaaltuu otoo hinbarbaachisin
waadaa dhaalchisaan seenu yammuu ta’u, dhaalchisaan
hanga lubbuun jirutti haquus ta’e fooyyessuu ni danda’a.
 Dhaamoon dhuunfaadhaan abbaatu taasifata.
 Dhaamoo dirqiidhaan dhiibbaadhaan taasifamu seera
duratti fudhatummaa hinqabu, tumaaleen seeraa
waliigaltee haquudhaaf diriiran ‘analogical’ dhaamoo
haquudhaafis raawwatiinsa qabaatu kwt.867.

18.
Gahuumsa Nama Dhaamoo Taasisuu (Capacity
of the Testator)
 Umuriin gahumsa qabaachuu (SHH
kwt.860,198,199)
Maraatuu seeraa(Judicially interdicted) fi
nama qalbii dhabeessa ta’e ykn notorious
insane’ kan hin taane ta’uu. SHH
kwt.861,863,343)

19.
Qabeenya Dhaamoon irratti dhaamame sirnaan ibsuu
 Dhaamoon qabeenyaa kami irratti eenyuudhaaf akka
dhaamame ifaa fi seera-qabeessa ta’uu baannaan
raawwatiinsa hin qabaatu. s/h/h kwt 865 fi 866,
MMWDhIF, Galmee Lak 32817, Jildii 8
 Walaumagalatti dhaamoon tokko fudhatamummaa kan
argatu haalawwaan shh kwt.857 hanga 879tti jiran yoo
guute qofadha.

20.
Gosoota Dhaamoo
 Gosootni dhaamoon ittiin dhaamamu sadii dha; isaanis:
Dhaamoo ifaa (public wills) kwt. 881 hanga 883,
fudhatamummaa kan qabaatu;-
 Raga baatonni 4 ykn lama jiranitti guyyaan dhaamoo
dhaamame caqafamee dubbifamuu qaba
 Tokkoo tokkoon raga-baatotaa afaan (qooqa) dhaamoon sun
ittiin dhaamame dubbisanii ykn dhaggeeffatanii sirnaan
namoota hubachuu danda’an, dhaamoo bilisaan dhaamame
ta’uu namoota adda baasan ta’uu qabu(DHIMMWF,Galmee
Lak 59268, Jildii 11), Labsii Mirkaneessaa fi Galmeessa
Sanadootaa Mootummaa Federaalaa, lak 922/2008, kwt 19(1) )
 moojulii seera dhaalaa dhimma 4ffaa yoo ilaalle,DhIMMWF
gal.lakk.37562 jildii 8ffaa irratti maqaan akka ragaatti
caqafamuu yoo baate illee ogeessi galmeessa fi mirkaneessa
sanadaa raawwate akka ragaatti fudhatamuu akka qabu ibseera.

21.
Gaaffiilee Marii
 Labsiin mirkaneessaa fi galmeessa sanadootaa Federaalaa lakk.
922/2008 kwt 17(1,c) irratti dhaamoon ifaa ogeessa sanada
mirkaneessuu fi galmeessu biratti dhaamamu raga-baatota
lamaan mallattaa’uu qaba waan jedhuuf ogeessa mirkaneessu
waliin nama sadi ta’a. Haata’u malee ,SHH kwt.882 ragoota
lamaan keessaa tokko ogeessa mirkaneessa ragaa taanaan
gahaadha waan jedhuuf nama lama ta’a.Baay’ina lakkoofsa
ragootaa ilaalchisee tumaalee seera lamaan keessaa kamtu
hojiirra ooluu qaba jettuu? Sababiin isaa hoo?
 Dhaamoon ganda keessatti barraa’ee ragaa nama tokko erga
mallattaa’ee booda, yeroo biraa ogeessa mirkaneessa ragaatiin
qofaatti kan mirkanaa’e yoo ta’e fudhatamummaa qaba moo
hinqabu?tumaa SDFHH kwt.882,Labsii lakk.922/2008
kwt.17(1,c) fi Murtii DhIMMWF Galmee Lak 74734(jildii
14), waliin xiinxaluun yaada keessan ibsaa!

22.
..itti fufe
 Bakka ragoonni jiranitti dubbifamuu qofa otoo
hintaane, qabiyyeen dhaamoo kanaa ‘bakka
dhaalchisaa fi raga-baatotni jiranitti dubbifameera’
gaaleen jedhu barraa’uu qaba.kwt.881(2).
 Haata’u malee moojuulii seeraa dhimma 5ffaa
irratti ‘DhIMMWF galmee lak 17429-‘Nuyi raga-
baatotni dhaamamuu dhaamoo kanaa
dhageenyeerra, argineerras’ jedhu dubbifamuu
dhaamoo sanaa kan ibsu waan ta’eef, jechi
dubbifameera’ jedhu ibsamuu dhabuun isaa qofti
sanadicha raawwatiinsa hin dhabsiisu jechuun
murteesseera.

23.
Dhaamoo mirkaneessuu
 Qabiyyee fi jiraachuun dhaamoo sanada dhaamoo
sanaatiin malee haala biraa kamiinuu mirkanaa’uu
akka hinqabne ibsa(SHH kwt.897,2005,2007
 Haata’u malee Dhimma 7ffaa Moojulichaa yoo ilaalle
DhIMMWF galmee lak 54013,galmee Lak. 59268, Jildii
11 mallattoon dhaamoo irra jiru kan dhaalchisaa miti
mormiin jedhu yoo jiraatee fi forensikiin
mirkaneessuun kan hindanda’amne yoo ta’e ragaa
namaatiinis mirkaneessuun akka danda’amu ibsa.

24.
Dhaamoo Holograafiishh kwt.884
 qalamaan harka dhaammataan barraa’uu
 kompitara/taayip raayitariin erga barreessee booda ofii
isaatii kan barreesse ta’uusaa qalamaan barreeffamicha
irratti kan ibse,
 guyyaa fi mallattoo kan qabu
 mata-duree barreeffamichaa dhaamoo ta’uusaa kan irratti
ibsame taanaan ragaan mallatteessus mallatteessuu baatus
fudhatamummaa hindhabsiisu (DhIMMWF,galmee Lak
10237, Vol 1).
 dhaammataan ykn ragoonni dhaamoo ifaa yaadannoo
addaatiin yoo ibsan malee dhaamoon kamuu haqaaf laaqaa
taanaan fudhatama hinqabu,

25.
Haqamuu fi fudhatama dhabuu dhaamoo
kwt.898-908
 Dhaamoo biraatiin haquu ykn fooyyessuu
 Sanada dhaamoo haquu, tarsaasuu, dhabsiisuu
 Qabeenyaa dhaamoo qaama biraatti dabarsuu ykn
gurguruu
 Dhaamoo afaanii godhee ji’oota 3 oli lubbuun yoo ture
 Dhaamoo holograafii hanga waggaa 7tti mirkaneessa
waliigaltee ykn mana murtiitti yoo hinkaa’amne.
 Mucaan dhaalchisaa yoo dhalate fi dhaaltummaa
simate
 Diigamuu gaa’ilaa

26.
Qabiyyee dhaamoo hiikuu,shh kwt.909-911
Dhaamoon yaada fi kaayyoo dhaalchisaa
bu’uureffachuun hiikama
Haata’u malee jechi dhaamoo if taanaan
yaada dhaalchisaa irraa maquun hiikoo itti
laachuu hin barbaachisu(DhIMMWF,galmee
lakk. 47487)

27.
Dhaamoon bakka 2tti qoodama(shh kwt.912).
1. Dhaamoo waliigalaa qabeenyaa dhaalaa hunda, ykn
dhibbeentaan, nuusaan, kurmaanaan, walakkaa isaa
yoo dhaammate
2. Dhaammoo baaqqee-qabeenyaa maqaadhaan adda
baasuun dhaaltuuf yoo moggaase.
Jechi dhaamoo yaada faallaa dhaalchisaa kan ibsu yoo
ta’e malee, dhaalchisaan qabeenyaa qabu keessaa tokko
ykn muraasa kennaadhaan dhaaltota isaatiif kan kenne
yoo ta’e, dambii qoodinsa qabeenyaa akkaata itti
raawwatu kan qajeelchu malee akka kennaa dhaamootti
fudhatamuu akka hinqabne seerri ni ajaja(SHH
kwt.915).

28.
Dhaaltuummaa keessaa buqqisuu(shh kwt.937ff
 Dhaalchisa dhaamoo keessatti ifatti ibsuun dhaaltota
dhaamoo keessaa buqqisuu danda’a.
 Dhaalchisaan ilmaan ykn ijoollee ijoollee isaa
dhaaltota keessaa buqqisuuf sababa dhiyeessuutu irraa
eegama. Sababiin caqafame dhugaadha tilmaama
jedhu fudhachuun gahaa ta’uuf dhiisuu isaa qofatu
madaalaama.
 Dhaamoo waliigalaa taasisuun dhaaltota sadarkaa
2ffaa,3ffaa,4ffaa al-kallattiin dhaamoo keessaa akka
buqqisetti fudhatama.


29.
Gaaffilee Marii
1. Dambii qoodinsaa kwt.913 fi kennaa dhaamoo baaqqee
maalin gargar baafna. Keessattuu kennaa dhaamoo
baaqqee dhaaltuudhaaf taasifame irratti dambii
qoodinsaati malee kennaa miti mormiin jedhu yoo ka’e
hoo? Murtii DhIMMWF Gal.lak 57836 dhimma 10ffaa
moojulii waliin wal-bira qabuun xiinxalaa!
2. Dhukkubsannaan na yaalchisuu dide, na kunuunsuun
didee sababni jedhu dhaamoo keessaa buqqisuuf sababa
gahaa ta’uu danda’a moo hindanda’u? DhiMMWF,galmee
lak 57836, jildii 11 sababa gahaa miti jedha, maaliin
madaalameeti? eegama,fkf “rakkoo cimaa jireenya koo
irraan gahan”jechi jedhu ifa miti(lak 58338, jildii 11).
3. Dha/keessaa buqqisuu jechuun qabeenyaa dhaalaa
keessaa hanga xiqqoo dhaalchisuu moo guutummaa
guutuutti dhabsiisuu dha? Sababaan deeggaruun ibsaa!

30.
Boqonnaa 2:Sirna QQDh kwt.942-1059
 Kaayyoon Boqonnichaa;-Hiikoo seeraa fi hojimaata
Sirna QQDh,sirna WRDh fi aangoo QQDh adda
baafachuun rakkoowwan mul’ataniif furmaata wal-
fakkaataa kennuudha.
Maalummaa QQDh:shh kwt.944,956
Kaayyoo QQDh.
1. Mirga dhaalchisaa fi qaama 3ffaatiif eegumsa
gochuu(Heera mootummaa:…Mirgoota nama biroo
hanga hin morminetti kan jedhu kwt.40(1,7),
2. SHH.kwt.943, qabeenyaan dhaalaa abbootii
mirgaatiif wabiidha. idaa dursanii sassaabuu fi
dursani kaffaluun kanuma galma ga’uudhaaf(1014(c).

31.
..itti fufa
2. Mirga dhaaltotaatiif eegumsa gochuuf: Fkf, QDh
Hanga hinqulqulloofnetti of danda’ee akka turu gochuu
(SHH kwt.1060)
3.Salphaatti haqa abbootii mirgaa kabachiisuudhaaf:
Fkf, sirni QQDh iddoo dhaamoon taa’u ykn iddoo
jireenya muummee dhaalchisaatti akka banamu ta’uu
isaa.

32.
QQDh karaa sadiin aangeffama,shh kwt.947,948,950
1. QQDh Seeraan Filamu (SHH,kwt.947(1)’legal heirs are ipso
facto or default lequidator’. Haata’u malee, dhaaluuf
gahumsa dhabuun,dhaamoo irraa buqqifamuun ykn
dhaaltummaa simachuu dhiisuun dhaaltuu seeraa aangoo
QQDh dhabsiisa.
2. QQDh Dhaamoon Filamu,shh kwt.948
3. QQDh MMn filamu: SHH,kwt.950-951,dhaaltuu yoo hin
jirre,Dhaala qulqulleessuu ykn dhaaltummaa simachuu yoo
hinbarbaanne m/murtii ni fila. Akkasumas, jiraatanii yoo
walii hin galle,fudhatamummaa dhaamoo irratti mormiin yoo
jiraate,ykn dantaa daa’ima kabachiisuuf, ykn QQDh ga’umsa
fi amanamummaa yoo dhabe MM QQDh bakka buusa.

33.
Gaaffiilee marii
1. QQDh dhaamoon yoo filame ykn kennaa dhaamoo
walii gaalaa yoo jiraate dhaaltuun seeraa aangoo
QQDh ni dhabamoo hin dhabu?
2. Qabatamaan moojuli dhimma 11ffaa irratti (galmee
MMAMJ lakk 45700) kallattiidhaan koree
qulqulleessituu dhaalaa hundeessuudhaan gabaasni
QQDh mirkaneessaaf MMtti dhiyaate
Koree mana murtiitiin alatti hundaa’ee fi mirga
dhaaltummaa hinqabneen gabaasni dhiyaatu
bu’uura seeraa qaba moo hin qabu jettu? Sababaan
deeggaruun ibsaa?

34.
Dhaamoo Banuu
QQDh MMn muudamu akkuma muudameen hojii eegaluu
qaba. Kan dhaamoodhaan ykn seeraan filatame akkuma
dhaaltummaan banameen hojii eegaluutu irra jiraata.
1. Namoota mirga dhaaltummaa qaban yeroodhaaf
murteessuu
2. Dhaamoo barbaaduu, yoo jiraate ol’kaa’uu,SHH,kwt. 962-
965, beeksisa maxxansuu ni dabalata. Dhaamoon
dhaalchisaan du’ee guyyaa 40ffaatti dubbifama(shh
kwt.965).
3. Waamicha ykn beeksisuu, dhaamoo Banuu, SHH
kwt.965,966: dhaamoo dubbiisuu, fudhatamummaa
dhaamoo mirkaneessuu, mirga dhaaltota fi karoora
qooddii qabeenyaa dhaalaa ibsuu fi komii dhiyaatu
keessummeessuu ilaallata(shh kwt.971-974),

35.
Komii Keessummeessuu,SHH kwt.973,974
1. Qabiyyee fi ulaagaa barreeffama dhaamootiin wal-
qabatee komiin dhiyaachuu danda’a(SHH kwt.969).
2. qabiyyeen dhaamoo tokkoo faallaa seeraa ykn
hamilee ummataa waan ta’eef fudhatamummaa hin
qabu yaadni jedhu ka’uu mala.
3. sababoota dhaamoo fudhatama dhabsiisan
‘haaldureewwan bu’uuraa dhaamoo’ (SHH kwt.866,
SHH kwt.857-879 fi tumaalee bilisummaa
dhaalchisaa daangeessan (kwt.934, kwt.937,
kwt.917(2)tiin wal-qabatee mormiin dhiyaachuu ni
mala.

36.
Gaaffilee marii
1. Dhaamoodhaanis ta’e dhaamoon ala mirga abbaa qabiyyummaa
lafa baadiyyaa dhaaluudhaaf ijoollee dhaalchisaa ykn nama
jireenyi isaa lafa sanarratti hundaa’e fi galii gara biraa hinqabne
akka ta’e labsii lakk.130/99 kwt 9 fi kwt.2(16) ni ajaja.
Dhaamoodhaanis haata’u dhaamoo malee sirni tumaa SHH
keessatti dhaaltotaaf diriire dhimma qabiyyee lafa baadiyyaa
wajjin kan wal-dhiitu yoo ta’e dhaamoo seeraa faallaa seeraa nu
jechisiisa moo hin jechisiisu?
2. Dhaamoo afaanii SHH kwt.896,902,964(2)tiin barreeffamatti
jijjiiramee ol kaa’ama .Dhaamoo qabiyyee lafa hoo? barreefama
moo afaaniin taasifama? Bu’uura Labsii lakk.130/99 moo SHHtiin
taasifama jettu?
3. Garaagarummaa gocha dhaamoo haquu bu’uura SHH kwt.973 fi
kwt.1122,1123 maal akka ta’e ibsi! Murtii DhIMMWF jildii 23ffaa
lakk.gal.152134 .jildii 15ffaa gal.lakk.118105,waliin xiinxali!

37.
…itti fufe
3. Seera hariiroo hawaasaa kwt.974 fudhannee yoo ilaalle
dhaamoon akka haqamu mormiin eenyu eenyuun
dhiyaachuu qaba kan jedhu teechiseera.Akka keewwata
kanaatti, qaamni caqafame mormuu yoo baate
qulqulleessituun dhaalaa ykn manni murtii dhaamoo
seeraan ala ta’e callisee ofitti fudhachuu qaba jechuudha?
4. Bu’uura SHH kwt.969tiin QQDh barreeffama fi
fudhatamummaa dhaamoo’forms and validity of the will’
mirkaneessuu akka qabu, Manni Murtii immoo bu’uura
SHH kwt.996’tiin gabaasa QQDh dhiyeesse mirkaneessee
waraqaa ragaa dhaaltummaa kenna.Haata’u malee,
manni murtii kaka’uumsa mataa isaatiin foormaaliitii
dhaamoo mirkaneessuu hinqabu jechuudhaan hiikoo
dhaaddachi ijibbaataa jildii 23 lakk.galmee 159474 kenne
waliin akkamitti walitti araarsun akka danda’amu ibsaa!

38.
..itti fufe
5. Sababiin dhaamoo irraa buqqisuu gahaa dha moo
miti? qabxii jedhu QQDh ilaalee murteessuudhaaf
aangoo qaba moo hinqabu? Mormiin dhiyaatu haala
qabatama ‘objective’ta’een madaaluun ni danda’ama
jettuu? Fakkenyaan deeggaruun ibsaa?
6. Gabaasa QQDh irratti bu’uura SDFHH kwt.358tiin
mormiin dhiyaachuu ni danda’aa?
7. Mojulii s/dhaalaa dhimma_13ffaa gal.lakk. 108328
irratti akka ibsametti, DhiMMO fi DhiMMWF
gabaasa QQDh galmee biraa irratti taasifame kufaa
gochuun isaanii sirriidha jettuu?

39.
…itti fufe
8. Gabaasni QQDh yeroo dheeraa booda galmee biraa
irratti ilaalamee fudhatamummaa yoo
dhabe,darbiinsa yeroo himata qoodinsa qabeenyaa
(SHH kwt.1062) irratti jijjiirama fidu qaba moo
hinqabu jettu?
9. Gabaasa qulqulleessituu qabiyyee dhaalaa
mirkanaa’e irratti namni mormii otoo hindhiyeessin
hafee, galmee kan biraa gahee qabiyyee dhaalaa
qooddachuuf saaqame irratti gabaasicha komachuun
mormiin dhiyaatu fudhatama qaba moo hin qabu
jettu? Akkamitti? Murtii DhIMMWF jildii 20ffaa gal.
lakk. 118105 waliin xiinxaluun ibsaa!

40.
WRDh SHH.kwt.996
 Namni WRDh of harkaa qabu tokko ragaa
dhaaltummaa kuni hanga hin haqamnetti, mirgoota
WRDh iratti caqafaman akka qabutti tilmaamama.
 Haata’u malee tilmaama seeraa fashalaa’uu
danda’uudha(SHH kwt.998,999).
 Faayidaa waraqaa ragaa dhaaltummaa qabu hedduu
dha. Fkf, Dhimma kaffaltii beenyaatiif, dhimma
sooramaatiif, dhimma maqaa jijjiirraatiif, falmii
dhaalchisaa itti fufuudhaaf kkf.

41.
WRDH fi Raawwii Murtii
Bu’aa WRDh hordofsiisu irratti hubannoon wal-fakkaataa hinjiru.
 Ogeessonni seeraa tokko tokko akka murtiitti fudhachuudhaan
yammuu raawwachiisanii fi bu’uura SDFHH kwt.358tiin
mormii WRDh yammuu keessummeessan ni mul’ata.
Fkf,MMAMJ galmee dhaaltummaa mirkaneeffachuu
lakk.55212 ta’erratti baankiin iyyattootaaf maallaqa akka
kaffalu jechuun ajajeera.
 Faallaa kanaa immoo, DhIMMWF Galmee lakk.18576 irratti
murtii kenneen,WRDh erga fudhatanii booda qoodinsa
ilaalchisee walii galteen yoo hinjirre, WRDh himannaa
hundeessuudhaaf mirga ykn dantaa ‘vested interest’ qabaachuu
isaanii mirkanessuu irraa kan hafe ofii isaatii murtii waan
hintaaneef kallattiidhaan raawwiin irratti gaafatamuu
hindanda’u jedheera,jildii 22 lakk.gal.1302884 kanuma cimsa.

42.
Qabiyyee dhaalaa lafa baadiyyaa fi WRDh
 qaamni mirga fooyyee qabu “dhaaltuu ta’uun isaa
mirkanaa’ee waraqaan ragaa abbaa qabiyyummaa seeraan
ala kenname akka haqamu” yammuu gaafatu manni
murtiis ragaan qulqulleeffatee ‘WRDh fudhatamummaa
hinqabu”jechuun haqee qabiyyeen lafa dhaalaa dhaaltotaaf
akka qoodamu yammuu ajaju ni mul'ata.
 Qaamonni qabeenyaa hinsochoone galmeessuudhaaf
aangeffamanis bu’uura SHH kwt.1637’tiin, waraqaan kuni
seera duratti fudhatamummaa qabaachuuf dhiisuu
mirkaneessuu aangoo keenya miti yeroo jedhan jira.
 Namni tokko dursee dhaaltummaa mirkaneeffatee WRDh
fudhachuun seeraan ala maqaa abbaa qabiyyummaa yoo
naanneffate,WRDh haqsiisuun qabiyyee seeraan ala
fudhatame deebisiisuun dhama qabeessa ta’a(SHH
kwt.998,999,kwt.995 fi 996 wal-bira qabuun yoo ilaalle
kanuma nu hubachiisa).

43.
Aangoo QQDh fi Mirkaneessa WRDh
 QQDh fi WRDhtiin wal-qabatee mana murtiitti
dhiyaatu gaaffii mirga ofi mirkaneeffachuudhaaf
dhiyaatu‘declaration of status’ malee dhimma
maallaqaan tilmaamamee seerummaan itti
kaffalchiifamuu miti.
 SDFHH kwt.18tiin labsii lakk.216/2011 kwt.31(5)tiin
dhimmoonni hintilmaamamne fi ifatti aangoo mana
murtii ol’aanaa jalatti hiinkufne irratti manni murtii
aanaa aangoo akka qaba.
 Haata’u malee SHH kwt.1062tiin gaaffiin dhiyaatu ykn
SHH kwt.999tiin himanni dhiyaatu tilmaama
qabeenyichaa irratti hundaa’ee MM aangoo hundee
dubbii qabutti dhiyaachuu qaba.DHIMMWF
Lakk.gal.124313,

44.
…Itti fufe
 Dhaamoon kan banamuu iddoo dhaalchisaan
dhaamoo kuusetti, bakki addaa dhaamoon kuufame yoo
hinjjirre iddoo jireenya muummee dhaalchisaatti ta’uu
akka qabu seerri ni ajaja(SHH,kwt.967). Kanaaf,iddoo
dhaamoon kuufametti ykn iddoo teessoo muummee
dhaalchisaatti MM aangoo tooraa qabu gabaasa QQDh
simatee WRDh kennuu ykn haquu ni danda’a yoo jenne
dhama qabeessa ta’a.

45.
Gaafilee Marii
1. MAMJ gal.lakk.55136 ta’erratti du’aan hojiidhaanis ta’e
jireenyaan Magaalaa Adaamaa yoo ta’u, haati fi abbaan
‘magaalaa Jimmaatti dhalate’jechuun iyyatanii
dhaaltummaan mirkanaa’ee qabeenyaa Baajaajii Magaalaa
Adaamaatti galmooftee harka nama dhuunfaa jirtu gahee
iyyattootaa ta’uun ishee akka beekamu WRDh MMAMJtiin
kennameeraaf.Dhimma kanarratti MMAMJ aangoo
qabeenyaa dhaalaa qulqulleessuu fi WRDh kennuu qaba
jettuu? Kaayyoo QQDh ‘mirga qaama 3ffaa tiksuu fi haqa
baasuu”waliin akkamitti ilaaltu?
2. Dhaaltummaan erga banamee booda kan du’e ta’e
garuu ragaa mirkaneessa dhaaltummaa otoo hin
baafatin nama du’e yoo ta’e mirga dhaaltummaa
goonfatee du’e jechuu dandeenyaa?

46.
WRDh fi QQDh SHH kwt.996
 QQDhtu dursa moo gaaffii WRDhtu dursaa? Ijoo jedhu irratti
ogeessota gidduu garaagarummaan yaadaa ni mul’ata.
DHIMMWF lakk.galmee 110022 ta’e irratti filannoo iyyataati
(it is upto the choice of applicant’ dirqama al-tokkotti
gaafatamuu hinqabu jedha.
 WRDh QQdh gaafachuuf haal-duree miti, DHIMMWF’tiin
lakk.galmee 113529 ta’e irratti, namni tokko akkuma du’een
dhaaltummaan banamee mirgaa fi dirqamni sababa
du’aatiin hafaa hintaane dhaaltota isaatti kan darba jedha(
SHH kwt.826 fi 833).Yeroo dhaalchisaan du’utti abbaan
iyyattootaa lubbuun jiraatee dhaaluuf hinmalu hanga
hinjedhamnetti bu’uura shh kwt,830tiin mirgaa fi dirqamni
abbaan dhaalee du’e, sababa abbaan WRDh hinqabaanneef
qofa, gara ijoolleetti sababii hindarbineef hinjiru.

47.
Qabeenyaa Dhaalaa Bulchuu,SHH kwt.1003-1013
 Aangoo bakka bu’iinsa waliigalaa’ general agency’ tiif
kenname waliin wal-fakkaata,SHH, Kwt.2204. QQDh
dhaalchisaan dhiisee du’e guyyaa dhaalchisaan du’ee
eegalee guyyaa 40 keessatti galmeessuu’ inventory’,
tilmaamuu,akka abbaa gaariitti bulchuu, qabeenyaa baduu
fi manca’uu danda’u gurguruu,qabeenyaa socho’aa idaa
kaffaluuf qofa yoo barbaachise gurguruu fi kkf.
 QQDh guyyaa filatamee kaasee dhaaltonni gahee
dhaaltotaa hanga harka simatanitti ni bulcha
(shh.kwt.1003).Hanga harkaa simatanitti ni bulcha
gaaleen jedhu QQDh aangoo qoodinsa QDh waan qabu
fakkeessa.

48.
Kaffaltii idaawwanii,SHH kwt.1014
1. Idaa awwaalchaa-baasii haqa qabeessa ta’uu
qaba.Baasii yaadannoo hin dabalatu (SHH,Kwt.
1015).
2. Baasiwwan qabeenyaa dhaalaa bulchuudhaaf fi
qulqulleessuuf bahe,SHH kwt.1016, fkkf saamsuuf,
lakkaa’uuf, tilmaamuuf,qooduuf fi dhaaltuutti
dabarsuuf baasiwwan bahan.
3. Kaffaltii idaa namoota dhaalchisaa irraa gaaffii
maallaqaa qabaniitiif kaffalamuudha. QQDh idaa
dhaalchisaa falmisiisaa ta’e fi yeroon kaffaltii isaa
hin geenye kaffaluuf aangoo hinqabu(1017).

49.
…itti fufe
4. kaffaltii Qallaba fudhattootaaf raawwachuu: isaanis;-
• Haadha manaa ykn abbaa manaa du’aa yoo ta’an,
• Maatii du’aa ol lakkaa’aman, dhalattoota du’aa fi obboleewwan
du’aa bu’uura seeraatiin qabeenyaa du’aa guutummaatti ykn gar-
tokkee dhaaluu danda’an (legal heirs) yoo ta’anii fi dhaamoo irraa
kan hin ittifamne (worthy person) fi dhaaltota mirga dhaaltummaa
fooyyee qaban ta’uu qabu SHH,Kwt.1028.Namoonni kunis
namoota hojjatanii galii argachuudhaaf dandeetti hinqabneefi
namoota rakkoo keessa jiran (persons in needy) ta’uu qabu.

50.
..itti fufa
5. Kaffaltii Kennaa Dhaamoo Raawwachuu
(SHH kwt.1037).
6. Dhumarrattis,QQDh kaffaltiiwwan armaan
olii 1-5’tti kaffalamuu malan kaffalee erga
raawwatee booda, namoota dhaamoodhaan
kennaa addaa argataniitiif kaffaltii rawwatee
hojiin QQDh kan cufamu ta’a (SHH
kwt.1052).

51.
Gaaffilee xiinxalaa
1. QQDh aangoo qabeenyaa dhaalaa addaan qooduu qaba moo
hinqabu? Qabxii jedhu irratti yaada 2tu jira:-
 Yaa Yaadni garee 1ffaa:- SHH (distinctive estate of heirs,art.
1060(1), baasiwwan bulchiinsaaQQDh kaffaluu qabu kanneen
akka baasii qabeenyaa dhaalaa dhaaltuutti dabarsuu(1016) fi baasii
maqaa naanneessuu kaffalu fi QQDh guyyaa filatamee kaasee
dhaaltonni gahee dhaaltotaa hanga harkaa simatanitti ni bulcha kan
jedhu( kwt.1003) QQDh aangoo qoodiinsa QDh waan qabu
fakkaata jedhu.
 yaada garee 2ffaa:-SHH kwt.1052 waraabbii Amaariffaa, SHH
kwt.1079 akkaataa dhaaltonni qabeenyaa dhaalaa addaan
qooddatan ibsa.DhIMMWF Lakk.galmee 23322
Jildii 7ffaa QQDh aangoo qoodinsa qabeenyaa dhaalaa
murteessuu akka hinqabne ibsa. Isin yaada lamaan keessaa dhama
qabeessa kan jettan ibsaa!

52.
..itti fufe
2. Qoodinsi qabeenya waliinii abbaa manaa fi haadha
manaa murtii mana murtiitiin osoo hin
gaggeeffamin qabeenyaa dhaalaa qulqulleessuun ni
danda’ama hin danda’amu? Ni danda’ama kan jettan
yoo ta’e haadha manummaa fi abbaa
manummaa(hariiroo gaa’ilaa irratti wal-haaluun)
yoo jiraate hoo?

53.
Sirna QQDh fi qabatama jiru
 Tumaalee SHH kwt.971,972,973,974 yoo ilaalle,hojiin
QQDh inni guddaan mirga dhaaltotaa
beeksisuu,yaada karoora qooddii gahee qabeenyaa
dhaalaa beeksisuu fi komii dhaaltonni dhimma
kanarratti dhiyeessan keessummeessuu dha.
 Hojiin QQDh guyyaa armaan oliitti caqafametti kan
eegalu yoo ta’eyyuu yeruma sanatti xumuramuu qaba
jechuu akka hintaane hubatamuu qaba.sababiin isaas
qabeenyaa bulchaa fi idaa, kennaa, baasii sooramaa fi
kkf raawwachuun (SHH, kwt.1003,1014,1025) yeroo
gaafata.

54.
Hanqinni qabatamaan mul’atu
 Sirna seera QQDh hojiirra oolchuu hafuu.
 Hamada qooddii qabeenyaa dhaalaa kallattiin
dhiyeessuu fkf falmii qabiyyee lafa baadiyyaa(moojulii
dhaalaa dhimma 19ffaa MMAGu lakk.galmee 09689 ).
 Manni murtii QQDh nuuf ha muudu jechuudhaan
maqaa tarreessanii dhiyeessuun ni mul’ata.
 gaafuma dhaaltummaa mirkaneeffachuu
baarbaadanitti koree qulqulleessituu dhaalaa
hundeessanii gabaasa qopheessuu, fkf muujilii
keessan keessatti dhimma 11ffaa,MMAMJ lakk.galmee
0968 ilaalaa.

55.
…itti fufa
 Tumaaleen Sirna QQDh hogganan akkaataa seerri
ajajuun hojii irra waan hinjirreef,manni murtii
galmeedhuma tokkorratti al-tokkotti hojii QQDh silaa
hojjachuudhaa qabuu ofitti fudhatee qabeenyaa
dhaalaa akka qulqulleessu,dhaaltummaa akka
mirkaneessuu fi qoodinsa qabeenyaa dhaalaa akka
raawwatu gochuun qabeenya mana murtii
qisaasessuun, abbootii dhimmaas dhamaatii hin
malleef saaxilaa waan jiruuf ;xiyyeeffannaa itti
kennuun hojiirra oolchuun barbaachisaa dha.