2. Upang maiangat ang antas ng kanilang pamumuhay at
matustusan ang pangangailangan ng buong pamilya, may mga
Pilipinong nakikipagsapalaran sa paghahanapbuhay sa ibang bansa.
Hindi nila alintana ang hirap, pagod, at pangungulila dahil ginagawa
nilang ito para sa ikabubuti ng kanilang pamilya.
Sadyang kay dakila ng sakripisyo nilang ito, ngunit kaakibat
nito ay ang iba’t ibang epekto nito sa kanilang ugnayan sa bawat
kasapi ng kanilang pamilya.
3. ISIPIN NATIN
Ang migrasyon ay tumutukoy sa paglipat ng isang tao sa isang
lugar upang humanap ng mga kalakal. Ito ay pagiging dayuhan ng
mga tao sa isang bansa. Nag-uugat ito ayon sa mga pangangailangan
ng bawat indibidwal at ng pamilyang kinabibilangan. Sa kabuuan at sa
pamilyang Pilipino, ang migrasyon ay mayroong mabuti at masamang
epekto.
4. Pag-usbong ng Migrasyon
Ang migrasyon sa Pilipinas ay nagsimulang umusbong noong nagsilipat
at nagsidayuhan ang mga mamamayang mula sa baryo patungo sa mga
lungsod. Ang mga mamamayang ito ay binubuo ng mga anak at mga
magulang na lalaki. Ang mga anak ay dumadayo sa lungsod para makapag-
aral sa mas mataas na paaralan at sa mga kolehiyo, at sa kalaunan ay
makapagtrabaho na rin doon, samantalang ang mga magulang na lalaki
naman ay nangingibang-bayan para makahanap ng trabaho na may mayroong
mas mataas na sweldo.
Sa paglipas ng panahon, unti-unting nagbago ang konsepto ng
migrasyon sa kulturang Pilipino. Naging mas malawak ang saklaw ng pagdayo
at paglalakbay ng mga Pilipino sa iba’t ibang lugar at bansa, maging ang kani-
kanilang dahilan sa paglalakbay. Karamihan sa nagingibang-bayan ngayon
upang makipagsapalaran ay mga magulang tulad ng mga kababaihang ina na
hindi likas na naghahanapbuhay sa kultura ng mga Pilipino.
5. Dahilan ng Migrasyon
Ayon sa Overseas Workers Welfare Administration o OWWA noong
1991, ang ilan sa mga dahilan kung bakit nais ng mga Pilipinong magtrabaho
sa ibang bansa ay ang mga sumusunod:
a. Kagustuhang magkaroon ng mas mataas na antas ng pamumuhay
b. Kakulangan ng oportunidad na makapagtrabaho sa sariling bansa
c. Kagustuhang makapagtapos ng pag-aaral ang mga anak
6. Ayon naman sa Soroptimist International noong 1994, ang mga
dahilan ng mga overseas contract workers o OCW sa pangingibang-bansa ay
ang mga sumusunod:
a. Edukasyon ng mga anak
b. Mas mataas na sahod
c. Makabili ng bahay at lupa
d. Pambayad ng mga utang
e. Para sa pangkapital sa negosyo
f. Makabili at makapgpundar ng mga ari-arian
g. Iba pang ekonomikal na pangangailangan
7. Epekto ng Migrasyon sa Pamilyang Pilipino
Mabuting Dulot ng Migrasyon Hindi Mabuting Dulot ng
Migrasyon
- Pagpapagawa ng bagong bahay
- Pagkakaroon ng kalidad ng na
edukasyon ng mga anak
- Mga patunay ng umaasensong
negosyo na naipundar
- Pagbabago sa mga
pagpapahalaga at pamamaraan
sa pamumuhay
- Mabagal na pag-unlad sa
pangkaisipan at panlipunan na
aspekto ng mga anak
8. Mabuting Dulot ng Migrasyon Hindi Mabuting Dulot ng
Migrasyon
- Matugunan ang mga pangunahing
pangangailangan ng pamilya
- Nai-aangat ang kalagayang
pangkabuhayan ng bansa
- Naipapamalas ang kulturang
Pilipino
- Nagagamit at tumitingkad ang mga
talino at kagalingan ng mga
Pilipino sa ibang bansa
- Maaring maging dahilan ng
paghihiwalay ng mag-asawa at
panghihina ng katatagan ng
pamilya
- Pagiging transnasyunal ng pamilya
mula sa pagiging tradisyonal
- Pagkakaroon ng puwang at
kakulangan ng makabuluhang
komunikasyon at atensyon sa anak
9. Pagharap ng Hamon ng Migrasyon
Ang pagmamahalan ng mag-asawa ay isa sa mga pangunahing
pundasyon na nakapagtatag sa samahan at ugnayan ng pamilya. Ang
katatagang ito ang humuhubog sa pagkatao ng bawat kasapi ng pamilya
upang sila ay maging handa sa pagharap ng hamon ng makabagong panahon
tulad ng migrasyon. Ayon kay Marie Aganon makakatulong ang mga
sumusunod upang mapaghandaan ang epekto ng migrasyon.
1. Pag-oorganisa at pagbuo ng mga counseling centers
2. Patuloy na paghubog ng mga pagpapahalaga at birtud sa mga anak
3. Pag-oorganisa at pagbibigay ng mga programang pangkabuhayan
4. Pagbibigay ng mga programang pang-OCWs, tulad ng negosyo at
pagsasakatuparan ng R.A. 8042 o “Migrant Workers and Overseas Filipinos
Act of 1995.
10. Bukod sa mga nabanggit, ang mga sumusunod ay mga karagdagang
hakbang para mapaghandaan ang epekto ng migrasyon.
1. Pagpapanatili at pagpapatatag ng bukas na komunikasyon ng pamilya
2. Regular na pang-ispiritwal na counseling ng mag-asawa
3. Pagpapaunlad at pagpapatatag sa kulturang Pilipino
4. Pagpapanatili ng matatag na pagmamahalan, pagtitiwala at paggalang
sa bawat miyembro ng pamilya
5. Pagpapalawak sa kamalayan ng mga kabataan ukol sa pagiging
mapanagutan sa mga gampaning pampamilya