1. Musep Lemchan / Skit : One Act Play
DÁWN
CHIANG
TEH
Changtute
1. Pa
2. Fapa
3. Fapa hianpa pahnih
4. Fapa hiannu
Ziaktu
Ellis H.Pachuau
17062002 1100PMAV
( Modified on 27102008)
2. ________________Dawn chiangteh__________________
(Thawhanni zan a ni a, tlangvál pakhat hi Kristian |halai
Pawl Inkhâwma inkhâwm tûrin a insiam a; Bible leh Hla
Bu a la a, dawhkanah a dah leh a)
Fapa : E taka, zanin inkhâwmah Faith Promise hlan tûr a
nih tak kha maw le. Ip an lâk khâwm laiin ka pe ve
mang si lo va. Pawisa ka la nei em aw...(A Wallet
a phawrh a, a en nauh nauh a) E... ka nei daih
tawh lo ang a...Cheng...Sawmli leh pahnih chu ka
nei ngei maia’h. Cigarettes lei nán a lo berah Cheng
Sawmhnih a ngai ang a, inkhâwm banah nula ka
rim duh awm si a, a hánga han kal ngawt lah chu a
ni chiah si lo va... Kuhva hring fun khat Cheng
Nga...ka hiani khân chocolate a ngaina si a, Cheng
Sawm leh panga vêl...E...Faith Promise tûr a daih
tawh lo. Ka pa hi lo haw hlauh se la aw...
(Kawngkhar a ri a, a pa a lo lut a)
Fapa : (Phawk deuhin) Y...e....s ka pa a rawn haw e( A
hmel a danglam hui a).
Pa : Mama, i va’n hawi phâwk nasa hehu ve a?
Fapa : Pa, i rawn haw chu a tihzia khawp mai. Pawisa mi
lo pe teh.
Pa : Pawisa, pawisa tih reng mai. Hnate hi thawk ve la,
pawisa chu i nei thei ve mai ang chu. In dîl reng
ringawtte chu a...
Fapa : Ninawm, pawisa dil ve hlek leh phun vak zêl ringawt
mai. Ka dîl tawh lo tawp mai tûr che a ni aw.
Pa : Khanglanga che a! Pate thlazar hnuaiah in hawi
champ ve hle ringawt mai a, a dikin a dik lo lutuk
êm mai! Thawktu ber ang ziazangin kuhva ka ei
sen e i ti a, Cigarettes ngat lo chu i zu duh lo ve
1
3. ________________Dawn chiangteh__________________
khanglang bawk nên. Tun lai nula an ã tawh hlei
nem, hna thawk peih lo inpenparh satliah hi
engahmah an ngai tawh hlei nem.
Fapa : Teh duah a che. Chutiang sawi kual duah a ngai lo.
Pa : Aw... eng nge, tlangval i ni a, nupui i hmu lo mai
ang tih a hlauhawm alãwm.
Fapa : A...chutiang ngaihtuah a ngai leu. Hmeichhe pakhat
nà nâ na zawng ka huphurh lo teih teih, min pe
thuai la a ni mai.
Pa : Eng atán nge i tih rêng rêng a? Mobile ka nei e ek
e ba le in ti a, parents paid in hmang a, in la
khauphar thawven ve em em lehnghal. Inkhâwm
zan a nih hi, inkhâwm lovin Mobile games te i lo
khel leh mai mai ang e. In SMS inthawh hinte hi a
ho lutuk em mai. O.K. intih ringawt pawh khan
pawisa inhmang tih hre ta che u.Top-up i thun
lehpek dawn em ni?
Fapa : A... a ang lo lutuk êm mai! K a inkhâwm dáwn
alãwm. Hei, Bible leh Hla Bu pawh ka inchhawp
ran tawh hi.
Pa : E...a ha hlauh a nih chu. Inkhâwm zan hi chuan
mahni hlimna lam uma kal lo hram hram tûr a ni
reng a ni. Eng atan nge pawisa mi dil rêng rêng a,
inkhâwm tûr i nih si chuan? Biak Inah bazar an
hawng êm ni?
Fapa : Faith Promise tûr (Thluk sang rikuai)
Pa : (Phawk deuhin) Faith Promise tûr a?! Deuh deuh
che chuan. I Faith Promise tûr min dîl a maw?!
Fapa : Aw...aw...aw...min pe mai mai teh.
2
4. ________________Dawn chiangteh__________________
Pa : Pathian hnêna i intiam keiin ka lo pêksak che anga maw?
Fapa : Aw...i pe dáwn hlei nem...Keima’n ka pe dáwn
alãwm. Mawh...., pa, i fel si.
Pa : A nihin a ni lo lutuk. Nu leh pa rinchhana lo intiam
ve ngawt tûr em ni ngai?
Fapa : Mi pawhin an ti ve tho alãwm.
Pa : Mi tih dàn anga tih ve kher tûr a ni hlei nem. Faith
Promise tih pawh hi a awmzia in hre lo nge maw
ni? Kohhranah, K|P-ah mai pawh ni lo Pathian
hmaa thutiam in neih, Pathian rinchhana in
tihhlawhtlin tûr thil a nia lawm. Faith Promise tûrte
chu i tuak ve ang chu. Kan thawhchhuahsaa i lo
pêk ve ngawtin a dik nang le. Top-up in ti, recharge
in ti, Faith Promise in ti bawk em em a!
Fapa : A ho mai mai êm mai.
Pa : Mama, thil hi ti mai mai lo teh. Computer i zir ve te
lah kha Chat bâk i rawn zir chhuak lo nge maw ni?
Internet-te hi i’n sawi ve hìn tak na a, henawm
nula Sangtei bâk i Chat chhuak lo nge maw ni?
Miten hriatna pur chawk nan an hmang a, nang
chuan intawllen nan bâk i hmang si lo va le.
Fapa : I sawi kual duah zêl mai a. |hiante lo thlen hmain
min lo pe thuai thuai teh.
Pa : A va mak tet tet hìn e aw...Kan fapa chu i ni ve
tak si ale(h). Engmah ni mang si lo hian i
inlachangkãng ve hle ringawt a. Mi fâten Degree
leh Certificate ropui tak tak an neih kur deh duah
laiin nang ve zawng Tribal Certificate leh Birth
Certificate bâk i nei thei dáwn lo a nih hi. Chu lah
chu keima laksak che a la ni lehnghal.
3
5. ________________Dawn chiangteh__________________
Fapa : Lungngai mah ta che ka pa, Inneih Certificate-te
pawh kan la la ve ang chu.
Pa : Tun anga i awm reng chuan i nei ngut na maw chu?!
(|hiante pahnih pathum an rawn lut a)
|hianpa : E...kha i inpeih dáwn tawh em?
Fapa : Peih a ni deuh mai.
|hianpa : Deuh mai chauh chu le(h). I uan hi zawng a Satel
Speed lutuk a!
Fapa : Sap thufing pawhin, “Slow and steady wins the
race,” a tih kha...
|hiannu : Hnar hnuaiah phatna a bo lo an tih chu a lo dik
khawp mai a...I ka hi chu i hmang angkai maw le.
Ka uanfum a ni chu ti duh bik hak nang.
Fapa : Hmang angkai dáwn lo’m ni? Ka ká avang hian
ka puar phah nasa a nia ( A nui a) Kha...Sangte i
va’n nalh êm êm ve a. Nangmah aiin i incheina kha
ka duh zâwk mah mah a!
|hiannu : A ni reng ang chu. Ka incheina chu pawnlam
incheina mai ni lovin, thinlunga mihring thuruk, rilru
thuhnuairawlh leh nunnêm silhfen chhe thei lo a ni
tlat alãwm.
Fapa : Aw... kha vang tak khán alãwm.
Pa : Hei, in hianpa hian Faith Promise tûr min lo dîl a!
( A fapa chu lehlam hawiin a lo thle ngang ngang
a) Engtin nge nangni’n in tih ve hin le?
|hianpa : Kei chu...Faith Promise tûr chu ka tuak ve tlauh
tlauh hìn a...|henawmte Gas hi ka contract a...thla
khatah vawi hnih khat chu lak a ngai deuh zêl a, ka
Muia hlawhin ka pe a ni deuh ber mai.
4
6. ________________Dawn chiangteh__________________
|hiannu : Chu...contractor i ni ringawt mai a ni maw (An nui
ham ham a)
|hianpa : Contract hna hi a ni lo’m ni kan inchuh vak vak le.
Pa : (A fapa a en na) Chu chu a ni rêng asin.
|hiannu : Kei chu Sorkar hna ka thawk bawk a, a hranpaa
sum tuakna han neih hi a buaithlâk deuh chin a awm
hìn a, ka hlawh aangin ka dah hrang ve tawp mai
a ni.
Pa : Chu chu a sualna vak a awm hlei nem. ( Pawisa a
phawrh a, a fapa a pe a)
|hiannu : Mi pakhat chuan Faith Promise a pêk dàn min
hrilh a, “Zirlai ka la ni si a, chhûngte thawh
chhuahsa ringa Faith Promise han intiam ve
ngawt mai chu ka duh lo hìn a; mahse...K|P
member ni ve si Faith Promise intiam lo va awm
reng chu ka inthiam ta chiah lo va. Chhûngte
pur buai lo va tih dàn a awm ve tho ang chu
maw tiin ka han intiam ve rawih mai a. Thla
khatah vawi khat tal, eng hna pawh thawk tûrin
ka inbuatsaih a, hna chu zawn chuan a lo awm
ve zêl mai a, thla khata vawi khat chauh pêk te
a lo ni bawk a, ka pe ve thei ta zêl,” tiin min
hrilh a.
|hianpaII : Kei chu... hna thawh ka nei ve lêm lo va, chhûngten
Pocket Money tûr min pêk aang hian ka lo
insiamrem ve mai a. Cigarette man tõ zu hìn khán
ni hnih khat chu |awnte Karlaw ka’n pet kawh va
va a, ka kuhva ei hin ka insum deuh bawk a, chuta
ka sum save chu Faith Promise-ah ka dah hmaks
zêl mai maw le.
7. ________________Dawn chiangteh__________________
Pa : A remchan khawp chu. Cigarette in zûk hian thla
khatah a lo berah cheng zathum báwr vêl in seng
a, Cigarette chuan kuhva hring a lo chawh ve zêl
a, ni khatah fun khat chauh ei pawhin thla khatah
Cheng Za leh Sawmnga báwr vêl sèn a ngai tihna
a ni a. |ûl lêm hlei lo, taksa tána ha lo zâwk
lehnghalah Cheng Zali Zanga bâwr vêl sen a nih si
chuan, ni hnih khat vêl han insum deuh chuan
awlsam tein Faith Promise chu a pêk theih dáwn a
nih chu. Mama, nang pawh i hiante tih ang chuan
ti ve tawh ngei ngei ang che.
Fapa : A tlai tawh a nia...kal ang u...Ka pa chu a awng
laklawh tawh chuan a phûl leh vak zêl a...(An
chhuak a)
A TAWP TA
6