Dr. musli vërbani kurban bajrami apo iidi i kurbani (iidul ed-ha)
Ali halawani a-munden-shpendet-t’u-ndihmojne-myslimaneve-per-shpetimin-e-aksa-s
1. A munden shpendët t’u ndihmojnë
myslimanëve për shpëtimin e Aksa-s
Myslimanët besojnë që Kurani është mrekulli e përherë e islamit. I pamundur që të
imitohet dhe pandërprerë i vërtetuar nëpërmes hulumtimeve shkencore.
Nga: Ali Halawani
Duke përshkruar Kuranin fisnik, imam Ebu Hamid el-Gazaliu ka thënë: "Është një oqean
gjithëpërfshirës i cili përmban të gjitha llojet e dekoreve dhe margaritarëve dhe kushdo që
dëshiron t'i gjejë, duhet përpjekur."
Vërtetë Kurani është libër i përsosur në dy gjëra: stil dhe udhëzim, dhe nuk përmban asgjë
pos të vërtetës, edhepse me shekuj është përshkruar nga ana e shkencëtarëve.
Myslimanët besojnë që Kurani është mrekulli e përherë e islamit. I pamundur që të imitohet
dhe pandërprerë i vërtetuar nëpërmes hulumtimeve shkencore.
Ata gjithashtu besojnë që është shpallur nga ana e Allahut të madhërishëm, Pejgamberit Muhammedit s.a.v.s. që njerëzit t'i nxjerrë nga errësira në dritë.
Secili që shikon gjendjen e ummetit islam sot, me siguri do të vërejë sesa ai është i
nënçmuar, nënvlerësuar dhe i shtypur nga ana e armikut. Një grup i madh i njerëzve përpiqet
të gjejë zgjidhje për këtë situatë nënçmuese. Përpjekjet që të gjindet zgjidhje në mënyrë
tjetër, e jo nëpërmes Fjalës së Allahut, është të themi sinqerisht - humbje e kohës dhe
përpjekjes.
Myslimanët duhet të gjejnë ilaçin për dobësinë e tyre në Librin e Allahut dhe të përpiqen të
aplikojnë çdo gjë që gjindet në te.
Për këtë, nëse myslimanët p.sh. dëshirojnë ta lirojnë El-Aksanë nga duart e jevrejëve, duhet
të kthehen te Kurani fisnik, t'i kuptojnë udhëzimet dhe instruksionet dhe të fillojnë menjëherë
implementimin e këtyre urdhërave hyjnore. Si shembull i infinitit të tekstit kuranor mund të
merret kaptina
El - Fil.
Duke lexuar këtë kaptinë, tri kuptime më erdhën në mend. Këto janë të nënvizuara në pikat
vijuese:
1. Lëmshi: E kaluarja dhe e tanishmja
Në librat e tefsirit (komentimit të Kuranit), përmendet që Ebreheja, mbreti i Jemenit, vendosi
ta rrënojë Qaben, pasi që një njeri nga fisi Kurejsh, kinse e nënçmoi kishën që ai, Ebreheja, e
ndërtoi. Në esencë, Ebreheja e ndërtoi atë kishë për të tërhequr arabët që atje ta kryejnë
pelegrinazhin, mu ashtu siç e kryenin pelegrinazhin e Qabes.
2. Sipas shumicës së burimeve të tefsirit, ky transmetim është më i bazuar dhe padyshim më i
sakti.
Sado të jetë diskutabile, munden me qenë edhe shkase tjera të invazimit të Ebrehesë dhe
përpjekjes për të rrënuar Qaben. Ka kuptim që ai, njëri prej pasuesve të ditur të librit të kohës
së vet, e ka ditur mirë kohën e ardhjes së lindjes të Muhammedit s.a.v.s.
Për këtë edhe erdhi në Mekë me qëllim që ta rrënojë Qaben dhe të mbys të gjithë fëmijët e
posalindur, për ta zhdukur fenë islame "në djep". Në pikëpamje me diturinë paraprake të
pasuesve të librit për lindjen e Pejgamberit s.a.v.s., Kurani thotë: "Atyre që ua kemi dhënë
librin, ata e njohin ate (Muhammedin) siç i njohin bijtë e vet, e një grup pre tyre edhe pse e
dinë këtë, janë duke e fshehur të vërtetën." (El - Bekare, 146)
Disa komentues të Kuranit kanë thënë që ky verset në mënyrë precize tregon se ata kanë
ditur shenjat që do të paraqiten në kohën e lindjes së tij. Ky padyshim ka qenë edhe një prej
motiveve të pathëna të Ebrehesë.
Në esencë, vështirë është të besosh se dëshira e Ebrehesë për ta rrënuar Qaben ka qenë,
bazuar në tregimin që dikush nga arabët ka ofenduar shenjtërinë dhe përdhosur kishën e tij.
Me orientim të njëjtë, në kohën e sotit është të kuptosh logjikën me të cilën tërë shteti sikur
Afganistani, i okupuar ku janë vrarë me mijëra banorë të tij, vetëm për arsye se njëzet njerëz
nga territori i tij kanë qenë përgjegjës për shkatërrimin e qendrës tregtare Botërore (WTC) në
SHBA.
Kjo gjithashtu nxit kujtimin në arsyetimin të cilin administrata e kaluar amerikane është
shërbyer për të arsyetuar invazionin e saj në Irak në vitin 2003. Kanë thënë që prioriteti i tyre
ka qenë qëllimi i shkatërrimit të "armëve për shkatërrim në masë" të Irakut. Kjo doli si
mashtrim, e pastaj edhe e pranuar nga adminsitrata e SHBA-së. Njeriu natyrisht në këtë rast
ka tendencë të besojë se ekziston motivi i fshehur, i pathënë për këtë. Pas gënjeshtrave për
kinse armët e përmendura për shkatërrim në masë, ekziston shkaku i vërtetë i kësaj ofensive
fatale. Motivi ishte shkatërrimi i potencialeve të myslimanëve të cilat do të mund, sipas
pohimit të perëndimorëve - të bëhem të fuqishëm mbi tjerët.
2. Tufa e zogjve
Kuptimi i dytë që zakonisht bie në mend gjatë leximit të kësaj kaptine, është që Allahu i
madhërishëm thjeshtë dërgoi tufa zogjësh që ta shkatërrojnë armatën e Ebrehesë dhe
mbrojnë Qaben. Kjo ngjarje ndodh në vitin e lindjes së Pejgamberit s.a.v.s.
Në këtë kohë, idhujtarët kurejshit jetonin në Mekë në afërsi të Qabes. Allahu ka mundur t'i
angazhojë me urdhërin e Tij ta mbrojnë faltoren e Shenjtë. Sidoqoftë, Allahu nuk ka dashur që
fisi Kurejsh të ketë rol në ruajtjen e tempullit të Tij të Shenjtë, për shkak të mosbesimit dhe
idhujtarisë së tyre.
Gjithashtu, me ardhjen e Muhammedit s.a.v.s. si pejgamber dhe revelatën hyjnore ndaj tij,
obligimi i ruajtjes së faltores së Shenjtë me ushtarë që nuk ishin të racës njerëzore, ra mbi
3. Pejgamberin s.a.v.s. dhe ummetin e tij deri në ditën e Gjykimit.
Fakti që sikur myslimanët të posedonin potencial të mjaftueshëm shpirtëror dhe material, do
të shin në gjendje me ndihmën e Allahut ta mbrojnë shenjtërinë e tyre nga agresori, por nëse
nuk e kanë atë potencial, atëherë nuk munden.
Shumë dijetarë kanë vërejtur se xhamia El-Aksa tani edhe gjithmonë ka qenë indikator i
gjendjes së myslimanëve.
Kur është në dorë të myslimanëve, kjo jep indicione pozitive për fuqinë dhe dinjitetin e tyre
dhe e kundërta.
Për këtë nëse myslimanët vendosin që të ulen pa lëvizur fare, duke pritur që Allahu i
madhërishëm të dërgojë tufa zogjësh për ta liruar xhaminë El-Aksa, në asnjë mënyrë nuk do
të shpërblehen për pushimin e tyre.
3. Të japësh çdo gjë nga vetja
Përderisa myslimanët besojnë në mënyrë të përsosur tek Allahu i madhërishëm, posedojnë
fuqinë shpirtërore dhe materiale, dhe nëse nuk lëvizin asnjë gur në drejtim të ruajtjes së
shenjtërisë, asnjëherë nuk do të jenë në gjendje ta kthejnë Mesxhidul-Aksanë në duart e tyre.
Ky mësim është nxjerrur nga sjellja e tufave të zogjve të përmendur në kaptinën El - Fil. Secili
zog ka bartur nga tre gurëz: dy në kthetra e një në sqep. Në këtë mënyrë, zogjtë e kryen
mundin maksimal për ta mbrojtur Qaben. Sikur të mundnin do të bartnin edhe gurëzin e
katërt për ta plotësuar urdhërin e Allahut, këtë me gëzim do ta bënin. Duke bërë të
pamundurën, tufa e zogjve nuk mund të kritikohen se nuk kanë bërë mjaftueshëm, nëse nuk
do të kryenin detyrën, sepse suksesi varet vetëm nga Allahu.
Kritika bie në ata që nuk japin çdo gjë nga vetja, por prapëseprapë presin sukses. Tani, bëhet
një pyetje e thjeshtë: A thua të gjithë ne japim dhe përdorim tërë mundin tonë i cili kërkohet
prej nesh për t'i kthyer ummetit tonë lavdin, ndërsa fesë sonë madhështinë?
Përgjigjja ynë në këtë pyetje gjithsesi do të ishte: Retorika praktike boshe.
Përktheu dhe përshtati: Prim.dr.med.sc. Ali F. Iljazi