2. PELASAR FONETIK ENGGAU FONOLOGI
FONOLOGI
• Siti bidang penemu linguistik ti mansik munyi
jaku dalam sesebengkah bansa jaku sereta
fungsyen iya dalam sistem munyi jaku nya.
• Penemu tu mega betungkapka reti munyi
sereta bekaulka munyi jaku enggau mesej ti
dikenataika orang ti mansutka jaku ngagai
peninga ti nerima jaku nya.
3. • Chunto iya lebuh leka jaku ikan disebut
peninga ngalihka munyi leka jaku nya ngagai
lambang munyi /i/, /k/, /a/, /n/.
• Lambang munyi didijir ngena urup.
• Lebuh urup /i/, /k/, /a/, enggau /n/ nya
dipejantilka nyadi leka jaku, fungsyen iya ulih
dipeda sereta dipekaulka enggau reti tauka
mesej ti ulih dikenataika ngagai peninga
4. • Nya ukai semina munyi sengapa tang munyi ti
ulih dikena mereti lalu dipegunaka orang ti
mendingka jaku ke dipansutka nya.
5. PENEMU ANDA JAKU
• Bertil Malmberg (1968) mansik baka ni jaku
mensia diasilka, iya ukai mansik nama isi jaku ti
dipansutka orang.
• Reti nya, iya mansik biuh munyi jaku ti diasilka,
ukai reti ti deka dikenataika orang ti mansutka
jaku nya.
• Malmberg madahka unit ti diguna dalam jaku
mensia nya munyi enggau raban munyi ti ulih
dipebidaka pending mensia enggau geragayak ati
ti enda kakang.
6. • Pending ti ninga deka napis munyi ti tebalan
didinga lalu udah nya diproses iya.
• Untak ngelala sereta ngalihka reti munyi ti
didinga nya tadi lalu mida enggau meretika
munyi ti diasilka rengka tubuh kitai ti ngasilka
munyi jaku nya.
7. • Reti nya, definisyen ti dipejuraika Malmberg:
“Fonologi tu mih bidang dalam pelajar pasal
jaku mensia ti mansik sistem munyi jaku”
• Malmberg magi bidang fonologi ngagai empat
bengkah bidang ke mit agi ngambika nyamai
8. Fonologi
J.D. O’Conor(1984)
• Bup iya Phonetics, madahka fonologi tu siti
bidang penemu linguistik ti besangkut paut
enggau munyi ti diasilka mensia.
• O’Conor madahka fonologi ti didinga nya
rurun munyi ti suah ditemu dalam raban
bansa ti ngena iya.
• Munyi nya tadi diseriranka enggau tkuh visual
lalu digempung sereta dipeda fungsi iya.
9. • Lebuh leka jaku bup disebut peninga lalu meri
tukuh ngagai munyi ti didinga iya tadi iya nya
/b/, /u/ enggau /p/.
• Tukuh munyi tu dilambang ngena urup lebuh
urup tu dibejantilka nyadi leka jaku bup dia
fungsyen leka jaku nya lalu dipesakumka
enggau mesej ti deka dikenataika.
10. • Nitihka jurai O’conor, untak kitai mensia bisi dua fungsyen:
Fungsyen bekarya
Kitai mensia landik nyimpan penerang ti bebida
entara siku-siku kitai. sekeda ulih nyimpan penerang ti
mayuh lalu sekeda enda ulih.
Fungsyen media komunkasyen.
Begunaka kitai bejuraika pengawa untak kitai mensia
nyaga nya mih organ ti pemadu beguna dalam proses
ngasilka munyi jaku. Untak mih meri jaku perintah dalam
tukuh impuls saraf(nervous system) ba sepemanjai rawang
deria ti besakumka untuk enggau organ ti
betanggungjawab ngasilka munyi jaku, baka lempuangg,
larinks, dilah enggau organ artikulasyen. Bisi tiga bengkah
pansik pasal proses ngasilka munyi iya nya fonetik
artikulasyen, fonetik akustik enggau fonetik auditori.
11. David Abercrombie(1971)
• Bup iya Elements of General Phonetics.
• Fonologi ngembuan tukuh teknikal lalu dalam
bidang linguistik sesebengkah jaku iya deka
diperati ngena chara analitikal.
• Reti nya kitai ukai semina ninga munyi jaku
tang mega beratika mekanisme rengka tubuh
ti nyempulang jaku ti disebut nya tadi.
12. • Ambika chunto, lebuh bejaku kitai mega enseput.
Nya alai angin ari luar tama lebuh maya kitai
nyintak seput lalu rengka dalam tubuh kitai mega
engkebut.
• Lempuang kitai neranting lebuh kitai nyintak
seput. Reti nya iya gawa nitihka atur mekanisme
dalam sistem tubuh kitai.
• Kebuah rengka tubuh tubuh nya gawa laban
angin enda tak tama sebarang ke dalam tubuh
enti enda disintak ke dalam tubuh ulih rengka ti
udah diatur Petara ngereja pengawan nya.
13. • Palan artikulasyen kitai enda tau enda bisi
engkebut.
• Maya nyintak seput gumpal isiba lempuang
neranting lalu tendu lebuh ngesuhka seput.
• Sekumbang kitai enseput pukul rata lempuang
neranting enggau tendu bisi tiga ratus kali
dalam seminit. Lebuh maya nya mega angin
tama enggau pansut nyerumba kitai enseput.
• Baka nya mega lebuh kitai bejaku, rengka
tubuh tauka tempat artikulasyen endur munyi
nya pansut pan engkebut mega.
14. • Indirawati Zahid & Mardian Shah Omar(2006)
dalam bup iya Fonetik dan Fonologi, ngumbai
fonologi nya siti bidang linguistik ti mansik
pasal munyi jaku ti diasilka mensia.
• Pansik ti dipejalaika deka nemu baka ni munyi
jaku diasilka organ sebut mensia enggau baka
ni munyi jaku nya tau ulih dikelaska.
• Pansik tu mega deka nemu baka ni tiap-tiap
bengkah munyi ti diasilka nya tadi bebida
entara siti munyi enggau siti munyi ke bukai
lalu bakanya mega deka nemu baka ni peninga
tau ngelala ni bagi munyi ti diasilka orang
bukai ke mansutka jaku.
15. • Indirawati seduai Mardian udah mechahka
bidang fonetik ti dipansik seduai iya ngagai tiga
bagi, iyanya fonetik artikulatori, fonetik auditori
enggau fonetik akustik ti deka dipejuraika ba bab
ke nangkanka tu mega.
• Paitoon M Chaiyanara(2006) ngumbai fonologi
nya semua munyi jaku ti dipansutka neresa
rumbang nyawa mensia.
• Fonetik nya siti komponen ba fonologi ti mansik
bagi rengka tubuh tauka organ ti nerima munyi
jaku nya.
• Paitoon semina magi fonologi ngagai sub-bidang
iya nya fonetik fisiologi enggau akustik.
16. • Abdullah Hassan(2006) dalam bup iya
Linguistik Am madahka iya bisi udah ngasilka
pansik pasal munyi jaku mensia mega.
• Definisyen fonologi ke diberi iya nya siti bidang
linguistik ti mansik munyi jaku ti diguna
mensia lebuh sida bejaku.
• Pansik tu dipejalaika awakka kitai ulih ngaga
deskripsyen munyi sesebengkah jaku.
17. • Deskripsyen ke disebut iya madahka biuh
munyi jaku ti didinga tauka titik artikulasyen,
sereta peti sura nyawa nya begetar tauka
enda.
• Udah nya baru iya ngaga klasifikasyen munyi
pelasar ba rurun ti sebaka nitihka munyi.
18. • Kedua-dua munyi konsonan enggau vokal tu
mega dibagi ngagai beberapa perepat munyi
dalam kategori nya.
• Kedua-dua munyi konsonan enggau vokal tu
endang ngundan mayuh bengkah munyi
19. • Abdullah (ibid), ngelanjarka pansik iya ngagai
transkripsyen munyi jaku ti didinga iya.
• Iya ngaga lambang dikena iya nanda tiap-tiap
bengkah munyi jaku ti didinga.
• Lambang ti dikena nanda munyi nya mih ti
dikumbai lambang fonetik. Nya alai, ditu kitai
meda fonologi nya siti bidang penemu ti
mansik sistem tauka struktur munyi jaku.
20. • Lebuh kitai mansik fonologi sesebengkah jaku
mensia, kitai patut ngelala ni bagi fonem ti bisi
dalam sesebengkah jaku.
• Fonem nya unit jaku ti bisi dalam jaku nya, lalu iya
ngemudahka deskripsyen sistem munyi tauka
fonologi.
• Mensia ulih ngasilka mayuh munyi tauka fon tang
semina beberapa iti fon aja ti nyengala distingif
tauka nyelai ari pangan diri, tang taja baka nya iya
endang agi ngayanka tusun ti meruan dikena
nirika leka jaku.
21. Fonetik
• Bisi beberapa bengkah:
Fonetik rama
Fonetik deskriptif
Fonetik sejarah
Fonetik normatif
22. Fonetik Rama
• Mansik sebarang munyi jaku ti diasilka mensia
sereta fungsyen mekanisme jaku ti pansut ari
mulut mensia.
• Di pansik baka ni munyi jaku diasilka mensia
lalu dibagi organ artikulasyen ti bekereja lebuh
ngasilka munyi jaku nya.
23. Fonetik Deskriptif
• Mansik leman dalam sesebengkah jaku tauka
dialek jaku.
• Dipansik baka dialek tau nyadi dalam
sesebengkah bansa jaku ti sama reti.
• Chunto baka ni tau bisi jaku Iban Balau,
Saribas enggau sekeda dialek Iban ti bukai.
• Pansik tu ulih dikena nyerenih bakani kitai
bebidaka munyi entara dialek enggau jaku
Iban standard
24. Fonetik Sejarah
• Fonetik beberubah dalam sesebengkah jaku.
• Mansik baka ni jaku tau berubah datai ke
sehari tu lalu nama pekara ti ngasuh iya
berubah.
• Dipansik ba menalan tu enti deka nemu
sejarah pasal ubah sesebengkah bansa jaku
kitai mensia.
25. Fonetik Normatif
• Ngemeranka pengawa beratika set raup tauka
atur ngena jalai jaku ti nentuka jaku ti disebut
nya betul.
• Malmberg belabaka mensia endang udah bisi
norma tauka standard atur bejaku ti betul.
26. • Sekeda mensia ba siti unit daya idup tauka
sesebengkah grup sosial ngena jaku ti sebaka
ba genturung pendiau sida.
• Chunto iya orang di genturung pendiau Lebur-
Remun bejaku ngena dialek Remun, Kanowit-
Kapit beaku ngena dialek Batang Rajang lalu
orang Betong-Saratok bejaku ngena dialek
Saribas
27. Bida Fonetik Enggau Fonologi
Fonetik Fonologi
Menganalisis fonemik dikena nentuka
nama fonem dalam jaku sereta
ngelumuka semua fonem tu awakka
mudah agi alai ngemeranka aktiviti
belajarka sesebengkah jaku nya
Ulih nyaup tiap-tiap iku orang ti deka
belajarka sesebengkah bansa jaku
meda pemesai rampa jaku kitai mensia
Chunto, lebuh mansik supramental
kitai ke bendar nya belajarka baka ni
nekanka jaku (stress), senggal(rhythm)
enggau entak sebut(intonasyen)
Lebuh belajarka sesebengkah jaku
raban bansa mensia kitai ulih meratika
segmen enggau suprasegmental
munyi jaku tauka penggal jaku
Orang deka nemu baka ni munyi jaku
tau dipejantilka ngambika nyadi munyi
leka jaku ti meruan
Kitai tau belajarka pola enggau kelas
munyi jaku nya